喇沙大少 (已結業)

因為返工食lunch 原故, 去到無位就一定要走, 無時間等位, 上個星期五去到剛剛無晒位,所以今個星期五行快一點去到，真係最後一張枱，慢一步都無了，本來應該要試喇沙，但見到餐牌有個印尼沙嗲雞串抄飯幾吸引，就叫了試下，抄飯味道非常濃郁，好似是用蝦膏抄，但味道很好味，蝦片很脆，雞串亦很香口，不過感覺整體香料太重，幸好有幾條青瓜新鮮感清新，減低熱氣，配飲品加提拉米蘇小蛋糕小甜品，好味~

四月十六日 (星期三)這晚相信是近年最不開心最傷心的一夜養了四個多月的盾臂龜BB經過連番救治，最後也離我倆而去傷心的，但牠總算脫離痛苦，在此希望牠能在天堂過得快快樂樂，RIP沒有什麼心情，但總要吃飯的，來到本已計劃好的星馬菜店喇沙大少 Mr.Laksa早前曾上開飯網看看這餐廳資料，位置應該本來是家法國餐廳電梯門一打開，真是原來那舊鋪，裝修也沒多大變化晚飯時間，餐廳已是大半滿~來到這裡，當然要點喇沙選了用料最豐富的特色叻沙，一碗賣七十多元，價錢可接受配料有大蝦蜆肉,蟹柳魚蛋，也有豆卜雞絲和雞蛋等大蝦兩隻，一大一小，入口挺彈牙的，但其他的配料則不算太新鮮亦是第一次吃到用蜆肉來煮的喇沙，是想取代螄蚶嗎?以粗麵及米粉來作麵底，吸盡帶濃厚椰香的湯底，效果不俗心血來潮也點了個秘製肉骨茶，侍者說晚市沒有白飯送的真奇怪，這安排不是應該倒轉嗎? 這商場好明顯晚市是比午市靜得多哩沒所謂，反正我倆這晚也沒多大胃口打開煲蓋，陣陣藥材味隨即湧出，味道濃郁排骨是煲得軟腍入味，盡吸湯底精華，值得推介2014.04.16 - 「咖啡」，一路好走!

我們兩人去，一入去就比安排搭6人枱，明明仲有兩張2人枱，我地見我地坐既係風口位，就問可唔可以調，但佢寧願關一個冷氣都唔想比我地轉位。都算啦，之後點左兩個餐，一個魚蛋湯麵，一個喇沙，先講喇沙，一食落口，就覺得有d洗碗水既檸檬味，特別係粒魚蛋同牙菜，一食就覺，我問朋友，佢話會唔會係d香葉味，咁我試下d湯，d湯係冇果d味，係我重重懷疑之下都食左一半，另外果碗都有魚蛋，但就冇果陣味，碗喇沙味道一般般，土司工x都濃過佢。。之後黎埋個甜品，都係有果陣洗潔精既味，我即時問經理個甜品係咩，佢話係tiramisu .冇檸檬味既，果一該我就知我食左好多洗潔精落去。佢地既服務就只同我講，d甜品係攞返黎，唔係佢公司，冇可能有檸檬味，不停咁話唔會唔會，但真係有囉。我知出得街食就一定唔乾淨得去邊，但都冇理由咁勁既味囉。。整之差。。唔會再食，而且一d都唔值依個價錢！

因公司就在mega box 對面，之前lunch time已經好想同同事去試下，無奈經常好多人等位，冇乜機會食到（因冇時間等），但今日完成手上工作都差唔多下午1:30點，所以一個人去試試睇下有沒有位，大約1:40分到，嘻嘻😄，完全唔冼等位，一坐低我點左肉骨茶飯餐，同馬來手拉茶加$4，因小弟唔知咩係拉茶$4咪試囉，以下是個人經歷肉骨茶飯餐，由點餐到落枱唔洗3分鐘仲快個杯拉茶😲，唔理啦，食左先講，湯唔太濃，藥材味小小啦，配飯🍚食超正，湯料有東菇，豆卜，枝竹，🐖排骨，大约每種3件，份量足夠我自己，不過沒有chili soy，油條跟既，排骨都幾大條，小小茶色好入味，正個人好滿意。熱馬來手拉茶🍵，我問左個樓面員工，佢話，手拉茶既分別在於用多種特別茶葉混合出來，加上要用人手將熱茶，奶同練奶，由上到下拉來拉去，拉到茶同空氣結合產生香滑泡沫。我自己就覺得真係幾滑既，加上跟餐$4依個價，重要有外個師父👳即場拉真係超平。食完之後重有一件正方形芒果蛋糕🍰送蛋糕細細件都可以（因為送既）下次定必再來

睇戲前先要搵食,突然被陣陣香辣味吸引,完來係喇沙大少傳出來嘅,於是走左入去.之前食過同區某店"x室"又細又唔好食.真係有小小驚.叫左兩個下午茶餐:秘製肉骨荼配白飯,馬來海鮮叻沙,涷拉茶,馬來杏仁蝦餅,大少雞翼秘製肉骨荼配白飯$48:好大份,一個人食都可以食唔曬,好在我夠食力.肉骨荼夠熱又夠味,如果可以再重味小小就真係prefect啦!排骨有4大件好淋又夠入味,豆腐乾都有4件,冬菇2粒,用料足不在話下.最後本人連湯都飲清,實在好好味!馬來海鮮叻沙$54:有大蝦2隻,蜆肉4-5粒,蟹柳2條,魚蛋3粒,豆卜4件,雞蛋半隻.湯底濃香辣味足,叻沙係摻摻,麵質彈牙唔厚粉,米粉份量剛剛好,大蝦真係好大隻,新鮮彈牙好好味,蜆肉鮮香好味,蟹柳ok,魚蛋彈牙夠味唔會腥,豆卜吸左個湯好好味.超正!馬來杏仁蝦餅$12:蝦餅味可以,可惜唔夠彈牙,粉重左小小.大少雞翼$15:值得一試,香脆入味,雞肉夠滑,一人得一隻好似唔夠侯.涷拉茶:大大杯,好夠味,香滑茶味一流.最後重要送甜品,豆腐蛋糕:雖然細細件,但香滑軟熟唔太甜,睇到做餅師傅嘅用心.真係一流,下次一定會再去.

初時想快食快走趕睇戲，貪佢有位唔使等，即入，點之中晒計。叫左個雞喇沙，蝦醬炒飯，肉骨茶，3樣野各有特色。😨雞喇沙名乎其實地雞，如幻似真，搵唔到有雞，湯亦搵唔到雞味，到底是有雞定冇雞？好一個雞喇沙。成碗野冇乜味道，最啱感冒個陣食，反正都冇味覺。蝦醬炒飯仲有感覺，因為好……唔識講，食落口同食瓷飯一樣，係一樣，即係飯有飯味，餸有餸味，兩者各為其主，亦河水不犯井水，好難先可以將飯炒食咁。當中最發人心省既係，其實馬來西亞既蝦醬係唔係淡淡地，好似1比99既川貝枇杷膏咁既味！到肉骨茶出場，其實個侍應放低左我都未知，因為佢簡直去到一個金庸武俠小說中，用毒高手最高境界，就係無色無味無嗅！一煲好似津路加杞子加3條金沙骨既肉骨茶就係咁出場。本人對津路有極高評價，絕無任何貶斥之意，不過我真係想不到有其他更貼近的比喻先用佢做例子。食完成餐之後，都係地下老麥再補飛。

Lunchtime 試新野！等位10分鐘，甩單等多半個鐘。朋友個飯，點綴的主菜。食完都唔會飽。而我穩穩陣陣叫咗海南雞飯，雞味雖然一般但夠滑。油飯香而不重油感。（由於等太久，饑餓意識已把個飯吞下，未來得切拍照）總括而言，質素一般，價錢略高。午餐趕時間者，依到並且唔係好選擇。

叫左兩樣野:1) 炒貴刁味道唔錯, 輕辣, 不過太油, 同埋食開清淡既人會覺得咸2) 拼盤可以揀四樣, 點左無骨鳳爪, 咖哩角, 蝦餅同沙爹蝦拼盤用個兩層架送黎, 幾特別!- 無骨鳳爪OK啦, 不過有幾舊仲有少少骨, 唔夠仔細。- 咖哩角有兩舊, 細細舊兩啖食完, 辣度一般- 蝦餅外有一層杏仁薄片增加口感- 沙爹蝦係一整隻咁黎, 有兩隻, 沙爹味唔係好覺, 要用手mok黎食, 如果識得提供濕紙巾沬手就更好啦服務一般, 要叫先會加水 (俾得個細杯就應該醒少少多加注意)。整體覺得很普通，兩個人食完大概六分飽，唔太值得，試過就算，短期內唔會再去。

之前見到mega box開左間新野，於是今晚同朋友一齊去食dinner。首先等位都算快，因為冇人等位，好快入到去，感覺環境好一般，好吵。坐低都未睇完要落單，就已經有個侍應走左過來，好似趕住收工甘，但系當時九點都未到！ 落單叫左四樣野，1.叫左薄餅（凍冰冰），冇味道2.肉骨茶 (細小68）： 冰鮮豬肉，冇咩味道，得三舊肉加幾塊豆腐po3.喇沙米粉（78）：好唔得，冇咩位，淡淡地，系茶餐廳食都好味過距,仲要收78蚊4.馬拉炒通菜（62）：又系好淡味，一個字：差原本覺得野食難吃都算，仲要服務態度勁差!!!!! 未食完就好似趕收工甘叫你埋單，跟住收拾！ 以後都唔會食哩間野！ 第一次覺得咩叫用錢買難受！ 

本身自己好鍾意食喇沙,無奈香港唔係度度有,就算有都係唔好食既,呢排好想好想食,上網搵,發現好多推介喇沙都係港島區,見到呢間係九龍灣,評語都唔差,今晚同男友一齊去試!!!!一人一碗喇沙,加多份薄餅($25)。雞絲喇沙($64),素喇沙($52),湯底都一樣濃郁,仲好香,感覺一啲都唔馬虎!!麵條又夠咬口,唔會太淋,但又入味!連平時食麵唔飲湯既我都不停飲個喇沙湯!諗起都回味~~~至於個薄餅.......個人不喜歡,有怪味??!不過反正來既目的就是喇沙,下次來可以直接了當一人一碗搞掂!!!!

先旨聲明，家母是新加坡人，所以不地道的東西躲不過她的口。她見到喇沙的麵就很不滿意，說不是他們用粗麵，浸了很久還硬得很。湯也不成，清澈沒下椰汁的。豆卜沒煮過或油爆過。落了星馬不用的蔬菜也算了，但全部是生的沒煮過。結果她沒吃完。說只是家母對家鄉菜特別挑剔嗎(反正在香港她幾乎沒哪家完全滿意)﹖不過這次本人也覺得完全不成。單是那杯薏米水，一看就知道不成了。家母說他們沒用洋薏米而用了中國的生熟薏米。不過就算不講原料，你看到薏米煮不爛，水清而不濁，薏米還薏米、水還水的，就知道不行了。再飲，薏米固然是硬得吃不到，也喝不到薏米味，但我竟然還飲到有糖漿味……薏米水要加糖漿的嗎﹖連薏米水都煲不好，這一刻我想﹕你已經死了。 (不知為何香港很多賣星馬菜的店都會用錯生熟薏米煲薏米水。薏米水應該是怎樣的，你去toast box叫一杯看看就知道，人家是當地餐飲集團來開店的。再不然要便宜一點可以去買一支F&N薏米水，也是當地的牌子。可惜上次我告訴同事可以去惠康買之後，再去惠康竟然發現已經沒得賣﹗)我叫的印尼炒飯，相對保險，就算不夠地道也不會難吃，反正地不地道我也吃不出來。叫沙爹，最主要還是想看那碟沙爹醬。因為泰國食

雖然冇東X既喇沙咁濃，但係都系正宗喇沙！好好味！肉骨茶帶甜，藥材味岩岩好! 羅白糕有D鹹。點餸個姐姐點都亂晒，好彩冇嚟錯！唔好咁快摺阿，加油! 九龍灣都有好味喇沙食!

開業個多月的喇沙大少每次去親食lunch都勁多人排隊今次一行4人終於有幸一試終於知道點解大排長龍入到去驟眼睇差不多一半人都係食喇沙，一睇餐牌4個都唔駛諗即點個D餐喇沙連飲品加多一客炒椰菜苗，喇沙一到第一時間試吓個湯底，香味濃郁，入口creamy, 勁多材料有兩隻大蝦、魚蛋、蟹柳、蜆肉及芽菜 ，最特別係除咗一般油麵之外，入面仲會有米線，嚼口感覺豐富，最後當然連湯都唔放過，清哂！ 另外咸魚炒椰菜苗，菜苗爽口唔在講，咸香味完全滲透入菜度，不過略多咗油；仲有店內有個阿差專責拉茶同做薄餅，今次食lunch只能試到杯奶茶，下次有機會試埋個薄餅，杯奶茶香滑茶味濃，一飲就知同茶記好大分別，不妨一試！是次4人合共三百幾埋單，能夠喺香港食到差唔多100%喇沙好難得，唯美中不足係喇沙用蜆肉而唔係泥蚶，不過可能港人不太接受到泥蚶，所以店主用蜆肉代替，寫到呢度已經又流哂口水！

今日收工約左老公係Megabox等，原本諗住照舊去“白木屋”食lunch，突然间諗起11/F好似开左间新野食喇沙架喎。於事我地就上左去11/F睇下咩環境，睇外觀又ok喎！所以final我地決定試下新野，咪成日咁dry淨係識去食日本野😁入到去waiter雖然多，但無物表情(可能新开，人客多左DD……有待改進！)。我地落單叫左2个推介的“喇沙麵”跟2杯咖啡，另外2个小食“無骨鳳爪“&“雞亦“。点知全部送晒嚟獨欠一碗“喇沙麵”😑……我地追问左幾次个waiter先有DD反應(十x十漏單啦)😤野食總括嚟講ok好味架😊係D服務態度要再好D就very good.