喇沙大少 (已結業)

第一次寫食評，只因真的憤怒了。我叫了套餐A，餐牌上明明寫著蝦湯麵，居然一隻蝦，甚至是蝦米都沒有，只有3粒魚蛋，一些菜及一碗超油的湯麵。侍應的解釋居然是哪是蝦味湯麵而不是蝦湯麵。哪碗麵價值50元，仲未計加一。請看楚附上的照片，該食肆明顯誤導食客。本人汲取教訓後，絕不會再光顧。

今晚我們去咗九龍灣Mega Box嘅「喇沙大少」食晚飯！我們叫咗黑胡椒大蝦、馬來海鮮喇沙、鹽燒魚、秘製燒春鷄、咸檸七、芒果糯米飯同馬來脆雪山！黑胡椒大蝦炒得非常香口同入味，大蝦非常新鮮彈牙！係本人嘅必食推介！馬來海鮮喇沙嘅湯底非常濃郁，有濃濃嘅椰汁香味，海鮮非常足料，米粉同油麵夾埋一齊食，口感好特別，麵質亦好彈牙！秘製燒春鷄用咗秘製嘅醬汁嚟燒，提升咗鷄肉嘅香味，肉質亦好嫩滑！芒果糯米飯嘅糯米非常煙韌，椰汁亦好香甜！馬來脆雪山嘅賣相非常吸引，薄餅相當香脆，餅身入面搽咗煉奶、花生同椰絲，味道非常香甜！

第一次寫食評，就要寫負評...首先講下嘢食，叫咗個海南雞飯，雜菜喇沙同埋細肉骨茶（無相，完全無意欲拍）肉骨茶，偏甜、中藥味淡；喇沙，麵腍、湯味淡，份量還好；最後海南雞，重點想食，但真係一上枱已經覺得中伏，雞胸加送雞翼，雞胸唔緊要，不過望落又乾又鞋，食落味道無特別，得個鞋字；飯夠味，不過又係乾爭爭；湯同菜同醬...算啦。呢個飯賣$72加一，尖沙咀新港中心food court只賣$50但好味過佢多多聲囉。嘢食一般，服務都好有問題。我唔知間舖收幾點，我諗我大概9點4左右入到去，無耐就last order，問完我地有無嘢加就俾單我地，我明白大家都想早收工，但啱啱先上齊嘢仲食緊就俾單，駛唔駛咁急？到埋單，簽完單，佢地放低張咭同單就走咗去，一句多謝都無。唔係話幫襯你就要講多謝，只係嘢食唔掂，又無服務（上菜時無諗過幫你移一移入少少啲野，可以就咁放低係枱邊就走咗去），仲要收加一，俾得好唔据啫。最後我完全食唔落，坐多陣走咗，大概十點，未關門。呢餐雖然唔貴，但有時覺得香港人都幾慘，俾二百蚊食餐飯仲要同自己講算啦...又唔貴。

這裏的肉骨茶一直想試, 今日有機會食, 肉骨茶加一碗飯加一杯飲品, 肉骨茶用煲仔裝住的, 都好多, 好多件排骨, 但唔夠熱, 個湯入面好多杞子, 但味道係唔辣, 唔重藥材味, 唔知點解會有甜品, 甜品重過其它味道的. 排骨都有五六件, 都好多, 都夠淋入味的.同事的海鮮喇沙佢話個湯底唔算好濃, 不過都好足料的, 蝦好大隻的. 另一個同事食海南雞飯, 賣相都好似好靚, 不過佢話D飯好硬, 雞都唔太入味的, 一般啦. 睇嚟呢度係港式的多過新加坡.

今日選擇左食我鐘意食既馬拉菜有六個人食可以叫多幾多餸～～馬拉菜我最鐘意食肉骨茶～呢間肉骨茶味道吾錯 不過略嫌甜同吾多中藥味道 海南雞夠大碟 雞肉又滑 點黑匙油仲好食巴東咖哩牛肉 甜左少少同吾夠辣 不過點薄餅好好食通菜吾夠馬拉盞 味道淡喇唦湯底夠蝦味 整體吾錯Lasi lakma 馬來西亞朋友教我叫辣死你阿媽覺得香港化左 主要吾夠辣最後甜品黎過芒果糯米飯作結尾～滿足呢間係值得推介既！

自從搬左去九龍灣就成日係mega box搵食，講真食過咁多次都好少出事，今次係叮沙大少就真係好麻麻啦！星期五晚唔使等位，侍應先黎兩杯怪味水，唔係檸檬味，堅係一陣怪味嘅水！飲左半啖真係要吐返出黎！特飲做緊$35兩杯，望見全場都會叫特飲，唔知係咪大家都覺得D水好難味..... 不過正因為咁我地無再試飲品，都唔知係咪用怪水沖出黎，落左IKEA求其買左兩支水上黎!唔太餓只叫左兩樣，第一係海南雞飯，雞係無味嘅，仲有D雪藏味，油飯亦做得唔夠香，唯一可取係海南雞飯嘅醬汁唔錯第二樣係印尼炒飯，做得幾辣但配料真係極少，得塊蝦餅、雞串同煎蛋，成舊水真係唔多抵！依間餐廳侍應唔理人既，你話普通茶餐廳價錢就話對服務無要求姐！總括黎講真係唔好味又唔抵食，唔會再去!

在Mega BOX 看完了兩個多小時的電影, 一出戲院便見到此餐廳, 見門外貼著 " 我最喜愛的餐廳便入了去吃晚飯 . 兩人點了肉骨茶,雜菜喇沙, 印度手爪餅 . 可能已是LAST ORDER關係,  肉骨茶的 湯不是可立即放入口的熱度, 肉內則是不太熱了. 可能已一早收火了. 這真是一大敗筆. 不過, 材料倒是豐富的, 藥味不輕.肉也不少. 冬菰也滑, 吃街湯時, 發現湯很鹹 . 雜菜喇沙是傳統的米粉加油麵的吃法, 味不是太濃, 還可以拿來酌印度手爪餅. 總的來說, 是不過不失的餐廳, 在戲院外也不愁沒生意. 

喇沙海鮮面係呢度既招牌菜，lunch set禮拜日都有，包埋野飲同甜品，喇沙湯底同新加坡唔一樣，係偏甜既，好有椰汁香味，唔辣，適合怕辣既人食，海鮮好豐富好多料，有兩大隻蝦兩條蟹柳幾隻蜆魚蛋豆腐pok蛋同芽菜，蝦蟹柳豆腐pok芽菜都好好味好入喇沙味，但係蜆就有d腥，魚蛋有d淡，面底係油麵加粉絲兩撈，幾特別，好有口感。甜品係一舊creme包住海綿蛋糕，幾特別

小編今日經過megabox，突然心血來潮想入去覓食，一上便上到12樓，發現進駐了一間新的喇沙食肆，嘴巴一癢就跑了進去。店舖裝修新正，環境非常乾淨，很適合情侶在此聚餐，別有一番浪漫。好了，進入正題吧!這間店名為喇沙大少，主打當然是喇沙啦，本人立刻叫了一碗雞絲叻沙和一杯馬拉奶茶。 食物來前我心想小編吃辣的程度非常低，恐怕吃喇沙時會辣到嘴巴變腫。 驚喜的是這碗喇沙並不辣，甜中帶有奶香味，入面有很多雞絲，豆卜，大蝦等材料， 大蝦的大實非一般的大，而是有牡丹蝦這般大小，賣相非常吸引。最特別是店舖以米粉及油面混合而成，口感比平時吃面更特別，非常值得一試。 小編怕一個喇沙並不能滿足我的胃，所以再叫了一個印度薄餅，可惜這薄餅卻有點使我失望，面粉放太多令薄餅口感很黏，而且沒有味道，不香又不甜，是當中的缺失之處。 但總體而言，其食物亦不錯，喇沙果然是店內的主打，值得推介。

今日去試下，叫左印度炒麵、海鮮喇沙、咖哩雞飯還有雞牛豬串燒各一串。海鮮喇沙湯底不夠濃郁，麵質也不好吃。咖哩雞飯的咖哩也是普普通通，雞是用雞胸肉，又孩又大陣雪味，不好吃。印度炒麵不用擔心，其實不辣，同時也是味道很普通，麵質不適合用來炒，炒得很碎，配料極少，不好吃。

去親MEGABOX令人最嬲的就係泊車喇，明明有好多位，但保安會唔比入，但入到亦唔代表乜，因為要泊到上15、16樓先會有位，真係超煩，希望佢地會改善一下啦！估唔到都8點幾啦，都仲要等位喎！等左一陣就有位喇！好肚餓，快快叫野食喇！想食D濕濕地野，就叫肉骨茶啦！肉骨茶~~~個湯好淡，冇藥材味，配料好多，有冬菇，豆卜，每煲都有4件排骨，LEE個係有飯配架，要食飯就要另叫了小食杏片蝦餅~~~好味！杏仁喺面，好脆好香，蝦餅好彈牙又好味，重點係一D都唔油手抓餅~~~脆脆地，少少鬆餅感覺，味道剛好，唔油GOOD招牌喇沙~~~餸料豐富，有兩隻大蝦、蛋蛋、魚蛋、豆卜，個米粉米線底，唔錯，湯底淡左少少，濃番少少會更好雜菜喇沙~~~同樣都係湯底偏淡，都有幾款菜菜，可以的海南雞~~~肉質滑滑，起左骨食得方便，但味道又係偏淡炒妃苗~~~菜菜好好味食飽了就揸車BACK HOME LU

匯合剛下班的男友後，兩口子往MegaBox去。先去吃晚餐，走到較多食肆的十樓逛一圈，大部份都是「梗有一間晌左近」的食店。那就再上一層嚕，當眼處的西餐廳之菜式沒啥特別，定價也不算便宜，反而被旁邊的《喇沙大少》吸引了，且於門外嗅到陣陣喇沙湯香氣，「好香呀～不如食呢間啦～」。當時剛好有卡座，更位處店內最入的角落，自成一角、無人打擾。嗯…這裡的選擇也蠻多的…男友選的秘製肉骨茶（細 $68），湯色黝黑，目測之下湯料有排骨、豆卜及杞子，賣相不俗。嗅起來也挺誘人，喝起來帶點鹹度與肉類的甜味，但沒啥藥材香。喇沙（$66），有幾款特定的配搭，我選了這個大蝦、魚蛋、豆卜的。大蝦實際是中蝦的身形，不過一碗有兩隻，也算OK。魚蛋則為潮州魚蛋，挺爽口彈牙。米粉和油麵「兩溝」，即是馬來西亞人所言的「摻摻」，才疏學淺的我也略有所聞，卻是首次吃這配搭啊，咀嚼起來柔韌與爽滑交織，感覺挺有趣，「下次如果有得揀『摻摻』，我都會揀呢個配搭～」。湯底雖聲稱以蝦頭和蝦殼等煮製，不過喝起來蝦味及椰奶味輕，顏色偏黃，辣度極微（甚至是不辣）。嗯，個人較愛湯底偏向橙紅、椰奶及辣味較濃郁的喔。鹹魚炒椰菜苗（$72），椰菜苗爽脆，切成粒狀的

今晚要跟一家之煮到Mega Box 拎返啲野，所以順便就在Mega box 食個飯啦！一家之煮愛粉麵，所以就選了喇沙大少~時間尚早的關係，也不用等位，直接入座~~米白色的桌椅，讓人感覺很明亮~ 餐牌的選擇也很多，不過，我們今日的目標是喇沙，所以就點了兩碗喇沙，另點兩碟小食就好了~一家之煮不愛肉，所以點了蔬菜喇沙~用料都頗豐富，有半隻蛋、豆卜、芽菜、椰菜及西蘭花等~ 不過，蔬菜的新鮮程度就欠奉啦... 西蘭花是爛蓉蓉的，一家之煮告訴店員，但店員一句表示也沒有... 食得一家之煮一肚火呀~撇除新鮮程度的問題，喇沙湯底是ok 的，至少椰汁味香濃~ 湯粉是油麵加米粉，很地道的做法，添了一重口感~小妹則點了鮮蝦魚蛋喇沙~ 魚蛋沒有魚味，只是彈牙，就像一個爽口的橡根球一樣。蝦，也沒有蝦味，只有雪味... 同樣是食材質數不佳的問題！唯一可取的，就是很吸湯的豆卜啦~因為一家之煮愛食烤餅，所以點了一份薯仔烤餅~ 這個薯仔烤餅竟然係今日最好食的一道菜?? 烤餅煙韌，中間夾著厚厚的咖哩薯仔，味道香濃，不沾咖哩汁都很好食~也點了一份小食 -- 杏仁蝦餅~炸得金黃色的蝦餅，足足有八大件~ 可惜，厚厚的蝦餅一點內

今日放lunch.又系最頭痛時間，食什么好，去左食喇沙大少，tea time 1430開始，選擇最便宜又份量不是太多，喇沙鱼蛋湯粉鱼蛋都幾彈牙通菜好味，夠爽米粉吾硬吾林湯底夠味因為我覺得味道太淡，未要d辣酱，但食落吾辣，香味重d送上小甜品，細细件幾得意如果六，日去没有下午茶，比較贵，大约貴十幾蚊左右

公司未搬前總覺得 Mega Box好隔涉，等接駁車等餐死，行又嫌遠，家下公司就係佢斜對面，出外食晏就去多了。Mega Box食肆不少，但附近太多寫字樓，故遲少少出發都揾唔到位。前後嚟過喇沙大少三次，又係稍遲一步都未必可以入座既長龍店，在這裡已試了我最想吃既星馬三寶，分別係肉骨茶($62)﹑喇沙($50起)及海南雞飯($68)。當中以肉骨茶最抵食，一般喺外邊吃肉骨茶，定價差不多$50或以上，材料除了一字排骨，都會有豆卜甚至冬菇，不過排骨一般只有兩至三件，對於不吃冬菇也不太愛吃豆卜既我嚟講梗係唔夠餸啦！但這裡既肉骨茶卻超足料，啲骨食極都有，連埋碗飯，食量大既男士一定夠飽。味道方面，肉骨茶既湯有藥材味，但不算重，胡椒味唔覺，所以個人認為這裡既肉骨茶較接近馬拉口味。排骨肥瘦適中，煮得不過腍，有咬感卻不嚡口。其次好吃既係喇沙，這裡有雜菜﹑雞絲及海鮮喇沙三款口味，我就試了雞絲，朋友則分別試了另外兩款，三款材料都足，味道不過不失，湯頭好濃，應以海鮮(主要是蝦頭﹑殼)餚湯吧，帶椰汁味但不過重，不會搶哂所有味，入口順滑不涸喉。最欣賞是這裡提供摻摻，即以油麵同米粉煮，就像喺當地吃的一樣。至於海南雞飯，成個