喇沙專門店 (已結業)

其實都是前一排食的, 但現在見到它的食評都要補讚它的美味.認識此店是透過雜誌介紹, 說老闆在新加坡學過煮喇沙才在香港開店.  所以知道自己會去新加坡前, 便先在此店試一次先, 才可以去到新加坡確定此店的水準同新加坡地道的味道有咩分別.我食的是牛舌喇沙, 因為食材不平同埋不是度度有得食, 所以想食.  新加坡是沒有牛舌喇沙, 但老闆創呢個牛舌喇沙都有成3塊 同埋煮得幾好食, 牛舌又香又淋, 啱晒我呢隻食肉獸喇沙最緊要湯底, 千萬不能hea, 求求其其咁無黎味道.  而呢間既喇沙湯底係好好味, 好濃, 好香椰汁味, 有少少微辣, 同我之後係新加坡食既湯底係差不多咁滯, 真係好驚喜, 因為可以係香港食到一碗新加坡味道既喇沙.  雖然$45係西九龍美食廣場算高少少的消費, 但是佢都好大碗下, 同埋如果驚唔夠, 落柯打時可叫老闆加多少少麵.  但因為我實在太愛過湯底, 所以飲晒, 食完之後飽晒.  希望老闆繼續努力, 喇沙專門店呢個名真係浪不虛名呀!!!

報章好像偶有介紹西九龍此喇沙店，來西九龍美食廣場，其實真正美食越來越少。以往在這兒吃東西，還會嫌頭頂的過山車嘈吵，現在它停止運行，卻覺得有點空虛。現在連美食廣場小小喇沙店也用電動震動器，提醒顧客可以端餐。牛舌喇沙，顏色多好看，湯底似乎煲了一段時間，火喉十足，與「土司工坊」流於表面的喇沙差別甚大。即使有辣油，也不是浮在面頭，而是溶入湯中的。本人下單時要少辣，店主點頭應好；取餐時更再說如還覺太辣，可端回來加雞湯，此種服務態度，值得推崇！三大片牛舌，看來非常厚實，原來極之軟林，超乎想像的軟林，咬著一邊，另一邊便有意撕開😵😵軟林而香，雖沒有雞扒、豬扒煎得那麼甘香，但味道也非常香濃，再浸入些微喇沙湯。麵條當然是少，大多時候，喇沙麵的麵條也是較少，類似油麵的麵條，當然不會弄得太al dente，但也不緊要，最重要上湯能力夠。送紙包飲料乙包，可能加錢有可樂。

看到報紙有推薦西九 foodcourt 開左間喇沙小店，所以就黎試下。Lunch黎排隊超級多人，店長根本應付唔到咁多客人，等左50分鐘左右先有得食，附近有上班族等左成個lunch等唔切唔食走左雖然唔算大碗，但以呢個價錢黎講性價比十足，喇沙幾香甜又開胃，有多款餸揀，值得一試。

幾個月前聽過間舖啲喇沙吾錯 不過一直冇機會去食 今日終於有機會去食 叫咗碗雞扒喇沙 湯冇想像中咁濃 啖啖地 麵就有啲煙韌 塊雞扒大大嚿好嫩入口即溶 老闆娘好好人 可以免費加底👍🏻👍🏻

豬小姐今次唔係玩即興 而係有心同特登出尼搵尼間最近大獲好評嘅「喇沙專門店」品嚐下店舖係西九龍廣場8樓嘅food court 環境就唔洗多講啦 星期五嘅晚上尼 人都唔少喎 迫爆全場！豬小姐拿拿聲衝去落order啦 見到老闆好忙咁係鐵板上燒緊食物 仲見到燒緊好多塊牛脷呀 邊燒邊發出滋滋聲原本想試大蝦喇沙麵嘅我即時轉軚食牛脷喇沙麵聽講老闆曾經去新加坡偷師學廚 務求整出地道又美味嘅喇沙 唔知今次豬小姐是否可以食到正宗風味新加坡喇沙麵呢係尼度竟然會有電子取餐器咁先進 認真估佢唔到！等左十五分鐘終於有得食啦橙黃色湯底加上週邊的紅辣油 未食就咁望上去已令人胃口大開湯底香濃而不膩 帶微辣 喇沙醬味和椰味適中 不會搶彼此嘅風頭配料豐富 有豆卜 魚蛋 雞蛋等等 豆卜係豬小姐嘅飛忽 皆因豆卜索哂湯底精華 入哂味！麵底用左上海幼麵 上海幼麵嘅特色係煮得耐都唔會容易變糊變腍 影響麵質 而且索湯能力一流牛脷經香煎後變得香口 肉味濃郁富有肉汁 厚切的牛脷口感軟腍 好易咬以尼個價錢有麵有飲品認真超值！既地道又公道！而且水準亦相當不俗 係香港普遍食喇沙嘅價錢都偏貴 今次用良心價食到滿意喇沙 I'll be back！

放工，要食好嘢降皮質醇。呢碗(好似)係近排網絡上大熱嘅food court神級喇沙，上枱賣相比餐牌上只供參考嘅相片更靚，擺碗睇得出有心機，湯底椰香濃郁但唔會杰撻撻，椰漿味又唔會蓋過上湯嘅鮮味，湯面嘅咖哩油亦剛剛好唔覺肥膩。兩隻海蝦有中蝦斤両，蝦鬚完整冇斷冇甩，蝦肉鮮甜爽脆，好正！其他配料如芽菜、魚片、豆卜非常足料，味道唔錯。麵底係上海幼麵，索湯一流，但口感有少少立立哋，如果有得揀米線會仲好，下次有機會同大廚反映吓！如果鍾意食辣，可以叫阿姐加辣汁，但我呢次冇加。當晚咁啱見阿姐放宵夜，見佢自己整咗碗什錦喇沙湯飯，覺得絕對可以上埋menu囉！至於環境，冇乜嘢好講，幾嘈，因為係西九入面嘅街坊式food court，地方還算乾淨整潔。

深水埗 平民區西九龍廣場 印象中好多人 而且賣嘅野好平亦普通至於美食廣場 感覺環境唔夠光猛又迫夾但係咁複雜嘅地方 總有一間舖係與眾不同可見店內(廚房)乾淨整潔 開揚配料都用盒 一盒盒整齊放好最起碼令顧客未食先安心但可能多單..我地等兩碗麵足足等左25分鐘隔離枱遲過我地落單, 佢都等左20分鐘終於有得食...豬扒喇沙 ($45,包飲品)蝦湯底 椰奶同湯底味道撞得岩岩好麵質同平時食唔同, 既唔係米線又唔係油麵係油麵身上海幼麵質感豬扒好夠份量, 肉質好淋好易咬係有少少偏油豆卜有成五六七粒, 吸晒啲湯牛舌喇沙($45,包飲品)牛舌肉質超淋又鬆軟, 大大塊有五大片雖然等得耐左啲, 但係用心製作嘅

本來諗住同朋友去同區食越南野，當懷疑緊係咪伏之際去到門口竟然見到關左鋪俾小儀係店內拍飲食節目.....心諗：有無咁橋呀即刻轉去西九龍食喇沙先(都係早排先睇過網上介紹)有分價錢, ＄42~45左右，包紙盒裝檸檬茶/竹蔗水除左收銀姐姐, 好似只有老細下廚 (聽聞過係一腳踢)等20分鐘, 終於有得拎喇沙湯底濃, 食得出幾足料, 有微微椰汁同辣油, 味道唔錯如圖所見, 配菜有半隻蛋同豆卜等等主角--豬排好大塊(唯獨可能係個碗太窄, D麵打晒蛇餅, 夾起麵既時候D汁好易彈到周圍係)

見到d圖好似幾吸引就決定食呢間！叫左個雞扒喇沙，即叫即整非常好！(雖然等既時間比較長)佢一碗喇沙仲配一盒飲品，都真係幾抵食！一見到碗野，哇，隻色好似好正！佢隻色好喇沙feel，雖然以為係得個樣似，但一飲啖湯就比佢吸引左！佢有好濃既椰香味，唔會太辣，好平衡！另外佢有好多豆卜，塊雞扒又幾大塊，仲要即煎，所以脆得黎d肉岩岩好，d肉汁仲係到！

成日覺得西九美食廣場入面卧虎藏龍，有好多又平又抵又好食既美食網上睇到介紹而得知呢間喇沙專門店，42-45蚊包埋野飲，其實真係好抵。講返重點，喇沙湯底真係無得輸，濃香椰汁味襯托下帶有絲絲辣味，而且飲得出陣陣蝦乾味，真係好鮮甜。老實講係香港食得喇沙都係唔辣既，我又未去過馬拉，未食過正宗既喇沙，所以佢正唔正宗我真係唔知，但真係好好味而且豬排大大塊，食得出有醃過，而且配菜有半邊烚蛋，沾上湯汁黎食，夾到無朋友。略嫌麵底太淋，但都無影響我食慾，我飲哂佢成個湯底，飲完都唔會口渴，証明無味精。同行朋友就試冬陰公湯底，我飲左佢一啖湯汁，比平時泰國菜既冬陰公多左陣香味，比較特別，而且冬陰公既配菜有蔬菜，感覺好健康。不過話明係喇沙專門店，你話我先主為主又好，點都好，我都係會話呢度既喇沙湯底比較出色附上試食照兩張：

Prawn Laksa Set 大蝦喇沙麵餐 約$45抵食，麵質比較偏硬，湯底好味，夠濃又香，$4X 幾蚊會再去試其他首先去到7點，圖文要並茂吾錯 勁多選擇…最後叫一個試下，等大約20分數先有得食…時間可以接受黎到好靚色澤已十分吸引，之後飲湯底濃喇沙味但吾咸，椰香味重吾太辣剛好，麵質類似上海粗麵，可能係怕太淋身吧，只屬一般，大蝦難得都新鮮而配菜勁多，仲有野飲堅抵食

一啲都唔似food court貨色! 好有誠意，落足料。 老闆係新加坡人，好食過出面連鎖店多多聲叫左大蝦喇沙同埋野菌肥牛喇沙，大蝦size夠大，唔係搵蝦毛仔充數，野菌份量多，牛肉唔肥。 有得揀辣度，小辣夠曬味，好好食

今回天氣大变，有陽光，又下雨，當然.最好搵個商場行吓。咁就去咗西九龍中心。行到肚子有点餓就醒起美食廣場。一去到就發現有間專買「喇沙麵」的鋪頭，即時聯想起去(星加坡)食麵的味道，所以我就買一碗！野菌肥牛喇沙麵試吓。點知：唔試唔知，一試就不得了。味道更勝星加坡，想不到香濃的椰汁，虾香味十足，好味到不能用言語可講，今次真是大滿足了，大家不防一試，