喜泰味

營業中

休息中

以貨櫃為主題的一個商場，很適宜拍攝愛好者來一來，到此一遊。 我們需要醫肚，想搵個地方食晚餐，就在學校附近逛逛，就意外地逛進了以貨櫃為主題的商場，感覺很有趣，想影多幾張相片。。。位於長沙灣的貨櫃商場，整個商場，被一個又一個貨櫃箱包圍著，好似身在泰國一樣。 很有旅行的感覺，輕鬆又愉快。很多人為醫肚而食，其實店內裝飾也有店主的心思；也讓食店有賓至如歸的感覺。是晚有點夜，行了整個商場，沒有太多選擇，於是決定進店內醫肚。椰香青咖喱牛腩煲 ：椰香濃郁，咖哩不辣，牛腩軟滑，配飯很好吃。馬拉盞炒椰菜苗 ：椰菜苗新鮮爽口，椰菜苗是少數蔬菜蘊含大量有益抗氧化營養素；同時含豐富、維他命C、維他命K，具有幫助鐵質吸收、鞏固骨骼生長的食療功效…… 食多點都不怕。一入座就有蝦片食下，很脆卜卜。龍眼冰 ： 滋潤明目。芒果沙冰 : 新鮮芒果芒沙冰，芒果味濃，又解渴。飲完很爽，又舒服，唔再熱。影相拍照也很有其中一個的落腳點。。。影相拍照也很有其中一個的落腳點。。。影相拍照也很有其中一個的落腳點。。。疫情關係，困在公司，屋企太耐了，出來逛逛，輕鬆下。 自肥不緊要，最緊要食完做多點運動就可以了。

印像中麗閣邨係一個美食荒漠，要食好少少就要行遠啲先有嘢食，但原來近年已經大翻新，麗閣商場已係變成型格商場，亦開咗好多餐廳。而喜泰味就係位於商場入口，地鐡站一出就到，非常方便。一坐底，就會送上一盤蝦片，係正宗泰式蝦片，口感超脆而蝦味濃郁，正！金不換辣椒膏炒蜆（$108）微辣惹味，金不換非常香，炒蜆份量好多，而且好大隻同乾淨，值得推介。辣肉碎生菜包（$98）生菜同肉碎份量比例岩岩好，唔會食到尾嘅時候太多肉/ 菜，生菜好新鮮，肉碎都幾辣，朋友仔唔太食得辣只食左少少就停手，但整體好食又有層次。馬拉盞炒通菜（$78）通菜好大碟，最鍾意菜葉嘅比例特別多，又好夠鑊氣，必食惹味之選。手打炸蝦餅（$78）蝦味好濃，新鮮炸到熱辣辣脆卜卜，口感彈牙啖啖肉，好好食。泰式蝦醬炒飯（$88）賣相好靚仔，最鐘意有蛋絲同肉鬆加埋落炒飯，蝦醬味好夠濃，而且加左少量咸魚，加強左咸香嘅層次，口感唔錯。芒果沙冰（$35）菠蘿沙冰（$35）消暑之選嘅沙冰，令你彷如置身曼谷，大大杯又好味，新鮮生果打出嚟嘅沙冰真係令人愛不惜手。

琴日去左麗閣商場影相，成個商場都好有特色 ，係用貨櫃做裝修既。影完相之後 又去左食泰式餐廳進食，呢間餐廳位於麗閣商場既門口，係長沙灣地鐵站近a出口，都幾搶眼架。一坐低未點野食，店員已經送上左蝦片小食，唔使餓住嗌嘢食。我同朋友叫左二人套餐，套餐包左兩杯野飲，兩個飯，一個菜同埋一個主食。套餐都幾大份，而價錢只係$188，我地再加左個香烤薄餅 $38，都幾抵食。🌟椰香青咖哩牛腩煲個汁有好重既椰香味，份量又大煲。味道有小小辣，有醒神既感覺。材料有茄子，瓜，牛腩，牛腩炆到好適中，個汁配飯真係一流🌟泰式炒通菜 佢有三款菜同三款炒式可以簡，我地就簡左泰式炒既通菜，味道炒得好入味，好似以前係泰國食既一樣，有少少辣味，好爽口，仲好有鑊氣添。食完肉最好就係炒返個菜中和下。🌟香烤薄餅可以用黎點落咖哩牛腩煲汁到調味，又或者就咁當小食咁食，皮薄香脆，配埋啲咖啡汁一齊食又入味又飽肚🍹凍朱古力🍹凍檸蜜最後仲送左兩份甜品，食埋個甜品感覺好圓滿，清新輕盈。影返張大合照，好抵食。

喜愛食泰國菜的同事常常上網搵好嘢食，今日佢發現長沙灣麗閣商場有間喜泰味， 網上評價都唔錯，於是就叫我放工一齊過嚟試吓！餐廳以「貨櫃」造型，主打泰國菜。入座後先送上小食，泰式蝦片卜卜脆，好香口。見到餐牌有二人套餐都好抵食，我哋就order 咗一份。馬拉盞炒通菜，上枱已香氣四溢，炒得有鑊氣，通菜吸收了馬拉盞的味道，爽口又惹味！泰式海南雞半隻，，雞已經去骨，雞肉滑嫩，點些醬汁，啖啖肉辣辣地，好味！套餐配兩碗白飯，不過本人比較喜歡海南雞配雞油飯比惹味！奉送飲品兩杯，凍咖啡凍華田香濃解渴。套餐有優惠，加$38有四串串燒，我哋揀咗雞肉和豬肉各兩串，食物即叫即燒，炭燒味香濃，自製沙嗲醬汁超好味，除咗味道濃郁外，還有小小的花生粒增加口感，串燒啖啖肉十分滿足！最後有椰青大菜糕做甜品，清甜美味。

估唔到長沙灣都有間咁好食嘅泰國餐廳！同女朋友嗌左個兩人套餐（$188）+兩個小食（$38x2）+椰青（$38）都已經好飽！我地叫左馬拉盞炒通菜+青咖喱雞+串燒（2雞2牛）+薄餅！由於已經加左薄餅，所以白飯我地淨係要左一碗渣！先黎一個小食：蝦餅！好有蝦味～而且好脆口！絕對係開胃小菜先講個通菜，炒得非常香口，好有穫氣，而且仲落左啲蝦乾粒～仲有微辣嘅感覺～重點係個青咖喱雞！個汁非常creamy!!唔會落太多水覺得好稀，無溝啖晒個味！而啲雞亦都好有嫩滑！無鞋恰恰嘅感覺！啲配料亦都好充足！至於個小食，串燒燒得非常入味！個人比較中意雞！燒得最香！再配埋佢個醬汁真係perfect池！因為有粒粒花生係入面架！而個薄餅，都好酥脆！再點埋個青咖喱汁真係一流！我同女朋友都食到好飽！！所以嗌一個白飯真係岩岩好！飲品方面，嗌左泰式奶茶（少冰少甜）！茶膽好突出～而且甜品岩岩好！飲落去好香滑～女朋友嘅椰青都好好飲！好鮮甜！椰肉都好厚身！作為甜品真係一流！總括然而，呢間位於長沙灣嘅泰國餐廳真係幾地道幾正宗！價錢亦都合理，記住要加一～有機會再黎一定會encore!!

麗閣商場翻新後，外牆變咗文青貨櫃比人打卡😆今日專登同男朋友去，重食咗附近嘅泰國餐廳，喜泰味！見到二人套餐$188咁抵，有炒菜、咖喱、白飯同飲品，性價比幾高，我地重加$38有串燒4串(雞)。😋泰式炒梛菜苗🥬即使2個人食飯，都要食得健康，叫蔬菜！呢碟泰式炒梛菜苗炒得好爽口，而且非常惹味。泰式黃咖喱牛腩煲🐮嘩！一上枱見到，都幾大煲下，嚇親我同男朋友。🤣咖喱味香濃，好適合送飯，而且牛腩煮得幾冧，吸收哂咖喱嘅味道！串燒雞4串🐤燒得非常香口，雞肉嫩滑，配埋沙嗲醬食，好香花生味，甜甜咸咸，幾惹味。梛汁沙冰&泰式芒梛西米🍋夏日炎炎，飲泰式清涼飲品好適合消暑！梛汁味清甜，整沙冰非常涼爽。😋而泰式芒梛西米就啖啖芒果同西米，好有口感！

今次就試下泰國菜😆即使平日但入座率都幾高 但都唔洗等位 蝦片小食 都脆身 唔會放到淋哂明爐冬陰公烏頭魚$168條魚都幾大條👍🏼冬陰公湯唔會太濃味 蕃茄味幾重 就係冬陰公湯煮魚既味 都算幾夾 酸酸甜甜幾開胃 魚就中規中矩 如果可以整乾淨啲魚鱗會更好🥺辣椒膏炒蜆 $108蜆都幾大隻 但份量就唔算多 個汁好惹味😋有少少椰奶既香味 唔算太辣鐵板蠔餅 $98蠔餅好似好大碟咁 但原來係因為有好多芽菜墊底🤣不過蠔都有好多既 啖啖都食到有蠔 而且唔腥 蛋都整得好juicy ☺️另外叫左個二人餐 $188 包兩個主菜兩杯飲品同兩個白飯泰式炒椰菜苗 椰菜苗幾嫩 炒得好惹味 有少少辣 但係就略嫌有啲油膩黃咖喱雞煲咖喱雞煲都幾大碟 個汁幾重椰奶味 咖喱味唔算好香 有少少偏鹹 但係餸薄餅都唔錯 雞肉係用雞髀肉 冇骨嘅 肉質都幾嫩滑 牛肉串燒$38 （跟餐價）串燒有4串 要趁熱食 都食到有少少炭燒嘅味道 沙嗲汁好濃味 同串燒好夾😋串燒肉質唔會好鞋👍🏼薄餅$38 （跟餐價）薄餅有兩塊 比較乾身 但係點咖喱食都唔錯

📍喜泰味📮長沙灣東京街12號麗閣商場地下29號舖.一向比較少去長沙灣, 就算去都係去D2 place果邊🤨.上網做下資料收集發現另一邊除左係屋村之外, 原來仲有一個小商場, 一出地鐵站就見到, 入面仲有幾多餐廳添😌特燈過到黎無理由食連鎖店, 最後決定試一間位置幾當眼既泰國菜.晚市餐廳提供A la Carte同二人套餐, 二人套餐一睇已經好岩心水, 價錢又抵, 岩晒我呢啲最怕揀野既人🤭.二人套餐 HKD188馬拉盞炒椰菜苗蔬菜有通菜/芥蘭/椰菜苗選擇, 亦有唔同既口味, 照顧晒食辣同唔食辣既朋友仔😉椰菜苗係得泰菜先有食, 仲洗問梗係揀椰菜苗啦😙馬拉盞炒到好香好惹味, 我地三扒兩撥極速清左半碟泰式黃咖喱雞煲份量好多, 直頭係中式煲仔菜既size😮黃咖哩好濃郁, 帶少少辣, 同滿滿既椰奶中和起黎岩岩好, 雞肉俾咖哩包圍著, 薯仔同洋蔥都炆得好入味, 配飯食一流, 連平時唔食飯既我都偷偷地食左2啖😛牛肉串燒四串 +HKD38以優惠價錢加購, 所以只可以選擇🐥/🐮/🐷其中一款, 而我地主菜食左雞肉, 串燒就揀牛肉師傅時間控制得岩岩好, 咬落去牛肉好juicy唔韌, 點埋沙嗲醬無得輸, 爭啲忍唔著

嚟到長沙灣，喺麗閣商場買完嘢，諗住食dinner，一出商場就見到呢間近地鐵站嘅泰國餐廳，於是入去試下~每張枱都有蝦片作為飯前小食。呢set二人套餐好抵食，有菜有肉有飯，仲有埋嘢飲，都唔洗兩嚿！！！另外，我地都決定加$38配串燒小食~泰式炒通菜，加咗泰式黃豆漿、紅椒、蒜頭等調味料，咸香惹味，好岩送飯食！椰香青咖哩雞差唔多係我每次食泰國菜必點嘅餸，事關青咖啡加左奶白嘅椰子汁，真係特別香甜滋味，又可以食到滑溜溜嘅雞肉同平日少食到嘅泰式茄子，點可以唔點呢道餸呢？串燒4串可以揀雙拼，於是就揀一豬一牛~熱辣辣送上嚟，肉質結實，炭香十足，配上醬汁，味道濃郁！！雖然送飲品，但都加$8嗌咗特飲珍多冰同青檸梳打，食泰國嘢就係要飲泰國飲品！

必試二人套餐同朋友喺附近買完野，又想食泰菜，喺麗閣商場見到喜泰味生意都唔錯，就決定一試，環境都算闊落舒服，侍應姐姐人好nice。我地一左落去，侍應就送左份免費嘅蝦片，唔知係咪因為肚餓，覺得好好味，香脆酥化，一上枱已經俾我地清曬。二人套餐 - 馬拉盞炒通菜，同埋泰式海南雞(半份)我地見二人套餐好似幾抵，於是就揀左份馬拉盞炒通菜，同埋泰式海南雞(半份)，菜式雖然簡單，但又幾好味喎。馬拉盞炒通菜都幾有鑊氣，食落好惹味，鹹香濃郁，送飯一流，適當嘅香辣味更加喺點睛之筆。泰式海南雞意外地唔錯，雞皮爽滑，雞肉都算滑嫩，唔會柴，食得出有雞香味，配埋辣椒醬更加滋味，令人胃口大開，而且二人套餐黎講都足分量，食得好飽。菠蘿沙冰加左11蚊飲呢杯沙冰，菠蘿味都好重，果味好香好新鮮，飲落覺得好fresh好解渴。泰式芒椰西米🥭朋友仔就order左一杯泰式芒椰西米，香濃既椰汁配合香甜可口既芒果，再加上粒粒彈牙既西米，每一啖都好有滿足感。椰汁西米糕最後送左份糕點，清甜冰涼，都幾爽口，下次可以order翻份。

依日好想食泰國嘢，同朋友去到依邊發現有新餐廳！終於有人一齊share生蝦！生蝦好新鮮呀，加辣椒同生蒜頭，又辣又爽夠大大隻蝦，啖啖肉，2人食剛剛好！我地仲叫左青咖哩加薄餅，咖哩好味，啱我哋中意重椰味，點好脆嘅薄餅好滋味！之後仲叫左至愛嘅生菜包，大大份又好味，夠辣夠多肉粒同洋蔥小食有好脆口嘅蝦片！飲品都幾多選擇我地飲左杯芒椰奶，唔會太甜，好飲！總結食物份量大，味道不錯，服務都幾好，價錢都平均！下次會再食

今晚放工約咗個朋友係長沙灣食飯，本身中意食泰國菜既我地就簡咗呢間地點又方便，裝修又別緻既喜泰味，長沙灣地鐵站一出站就到啦！一入到嚟就有泰式蝦片食，啱曬啱啱放工覺得肚餓既我地，可以一路食一路等上菜！呢度既晚市有d好抵食既二人套餐，可以隨便選擇一個肉一個菜，跟餐重送埋兩杯嘢飲添！隆重介紹泰式炒通菜，爽口，火候夠配埋白飯， 食到我哋舐舐脷肉呢我地就簡咗半隻海南雞，肉質鮮嫩配埋個專點海南雞特製醬汁，好正！正宗泰式奶茶少冰都唔甜，啱我口味港式奶茶都係我至愛！最後一定唔少得要隆重介紹呢個芒果糯米飯，賣相吸引， 芒果新鮮酸酸甜甜， 上面配一球椰子口味嘅雪糕，配埋煙煙韌韌嘅糯米飯，口感味道都一流！

原來屋邨都有優質泰國菜! 👌😘如果唔係朋友話我知，都唔知麗閣邨早兩年經過大翻身，家陣商舖設計猶如韓風貨櫃屋，最重要係有好嘢食。👍😋朋友住附近，佢話呢度有間超值優質泰國菜，朋友極力推薦，就即管嚟試吓!🔍🧐我哋6時多就到達，舖內已有幾枱食客，好彩仲有座位。👏👏👏店員都好主動歡迎，迅速安排座位，非常友善。👍👍👍室內裝潢都幾優雅，樓底好高，座位舒適。👌👌👌見到二人套餐幾抵食$188，唔理咁多點咗先，諗住唔夠食再加。😋😍店員好快送上蝦片，好好食呀! 🦐🦐🦐蝦片好脆好惹味，好濃蝦味，有少少辣，好正!🤤🤤🤤泰式黄咖喱雞煲，今次真係大煲!個咖喱好足料，雞件同配料青椒、薯仔、紅椒、洋葱都好充足。🥘🐔🫑🌶🥔黄咖喱好惹味，雞件好嫩滑。👍😘本來仲諗住一個白飯就夠，點知兩個白飯都食曬!😆😝馬拉盞炒通菜，通菜好嫩，味道冇得彈。👍👍👍泰色炒通菜雖然係例牌菜，不過煮得好味與否，就要睇廚房工夫，呢個的確好好味!🏅套餐加$38，就有四串串燒。🍢🍢🍢🍢食泰菜冇理由唔食串燒啫! 我哋揀咗串燒牛肉，大大串，肉質好新鮮，有咬口但係完全唔韌。🐮🐮食到呢一步，味道都完全不用懷疑喇!🈵️套餐加$8 可選特飲，想試吓椰汁珍多冰。🍹🍹因為

今天晚上餓了，想說去附近行吓，咁岩見到間泰國料理，好似幾好，就望吓感覺唔錯，就叫一個二人餐，加一份原隻魷魚，泰式甜品拼盤一份，味道還不錯，服務也還行，就這個魷魚也太小了吧🥲🥲

好耐冇食過泰國嘢，想搵間位置方便嘅泰國餐廳解下癮，所以揀咗呢一間放工同朋友聚一聚。入到去裝修幾特別，環境乾淨企理，枱同枱唔會太迫，好啱兩個人嚟傾下偈🤓入到去櫈都未坐暖，侍應就己經送咗碟泰式蝦片過嚟，服務態度一流。放工餓咗咁耐，嗌嘢食前都可以當餐前小食墊住肚先，有胡椒味嘅蝦片啱晒我哋食開辣嘅人😍嗌咗二人套餐($188)，出餐出得好快，唔使5分鐘就嚟到🤩最深刻係椰香青咖喱牛腩煲，浸椰香味嚟遠都聞得到，食落去比出面市面食嘅辣，牛腩煮得好入味，用嚟撈飯一流，個煲份量都幾大，兩個人兩碗飯都撈唔晒，真係好抵食，好想帶走啲汁返屋企食🤤馬拉盞炒通菜呢一度嘅泰式奶茶冇出面嗰啲咁甜，啱晒平時唔鍾意飲咁甜嘅人🤪加38蚊重有串燒食，好滿足😋食完之後侍應送咗個甜品畀我哋，係好爽口嘅椰子肉大菜糕，可以解一解咖喱嘅膩，係好適合嘅飯後甜品👍