影片
港鐵旺角站 B3 出口, 步行約4分鐘
繼續閱讀
營業時間
星期一至日
11:30 - 23:30
以上資料只供參考, 請與餐廳確認詳情
食家推介
喺旺角行街，近近地太子有間可以食一入去真係好大浸臭味，正野嗌咗一碗粉同埋炸蛋聞落去就好臭，食就冇乜味炸蛋就唔多啱我食，覺得比較油碗粉就味道正正常常嘅 辣度都好夠，但就比較多味精，食完之後好口渴
繼續閱讀
疫情嘅時候，麻甩女子二人組嘅Kristy 就訂個好多頂級螺絲粉返嚟俾Vienn食，自己煮乾撈湯上食到嘴都咀都刁晒～ 上次喺深水埗食過一間超級難食攪到驚驚地，但肥肥話之前去食個外賣呢一間都唔錯，今日就堂食睇下「臭」唔「臭」得起～未入鋪已經聞到陣陣～～～～「臭」味🐚嗦螺螄螺螄湯粉 ¥48配料香辣酸筍、炸花生、炸枝竹、炸鍋肉、爆炒田螺、木耳絲、可以揀油麥菜或者通菜；可以揀大中小辣，我哋叫咗中辣，食得辣嘅朋友仔👍🏽 另外仲叫咗🐚辣滷虎皮豬手 ¥12、辣滷虎皮鴨掌¥12、招牌炸蛋¥10、豆腐串¥8、豆卜¥8🐚對於第1次食炸蛋嘅Vienn！完全明白炸蛋係食螺螄嘅精髓！吸收晒d精華～ 正👍🏽👍🏽其他配料可以唔洗叫！🐚叫咗樽裝可樂嚟爽下～Overall嚟講覺得味道中規中矩，食過嚟講唔算最好食但又好過梨子7咁😝米線ok（煙靭嘅），係湯唔夠熱辣辣失色咗，價錢嚟講算偏貴（$104）～建議除咗炸蛋外，其他topping 建議唔洗加！如果未食過螺螄粉又驚🤢「臭」🤮襯人可以嚟試吓，起碼有班「臭味相投」嘅朋友仔，對初食嚟講 嗦螺螄 起碼唔係「伏」🤭如果大家中意俾個like支持下🤟🏽 𝗖𝗶𝗮𝗼🐚嗦螺螄 (太子)🐚太子西洋菜南街200號地舖
繼續閱讀
今日諗住試新嘢去咗呢一間螺絲粉專門店本身朝頭早都冇乜點食嘢，咁去到12點直接坐低完全唔使等位。滿心歡喜，叫咗個螺絲粉入邊有田螺酸筍木耳等配料嘅米線🍜食咗幾啖個肚都未有反應，但係有種感覺唔係好食得落，最終都食淨左小半碗🫠（平視我係乜嘢都會食晒，好少食剩嘅）嗰啲田螺都有用牙籤撩出嚟食，食完俾錢離開個舖頭就開始有啲唔舒服…..🥹諗住心理作用啦，行多兩步發覺有啲唔對路想自然排出！🫣我心諗死啦賴嘢啦，邊度有廁所！⚠️（以下內容慎入）⚠️入到去廁所入邊，完😩 一定係嗰碗嘢污糟全部螺絲粉，屙返晒出嚟🫠
繼續閱讀
唔臭唔酸唔辣，個湯連鹹味都冇，個粉一夾就斷，個湯就係清水加辣椒油，仲不停話係正宗螺絲粉，Supermarket買$30包返屋企煮仲好食過佢，唯一好嘅就係服務態度好有禮貌。
繼續閱讀
💁♀️💁♂️ 24/3/2023(Fri), Dinner🍽為食妙妙同A先生呢日放工後去咗旺角睇裝修用既瓷磚同燈飾🔦，到咗晚飯時間就去咗太子呢間專食螺螄粉既餐廳，呢款菜式聽就聽得多，但我地兩個都係第一次食既—螺螄粉🥘。一入到餐廳就聞到陣陣酸豆角既味道，味道帶酸酸臭臭咁🤣🤣，如果唔鍾意既話都會覺得幾難接受。而今晚我地order咗：🔆 嗦螺螄螺螄🐚湯粉（中辣）加爆炒田螺🐚（$58）湯既螺螄粉本身有香辣酸笋、炸花生🥜、炸支竹、酸豆角、木耳絲、炸鍋肉、爆炒田螺🐚做配料，再加上通菜，我地另外再加多份爆炒田螺🐚做餸。整碗粉份量唔細，💁♀️為食妙妙一個人都食唔晒成碗。湯底飲落都重豬骨既味道，中辣食落都幾辣，酸酸辣辣咁食落都幾好食，建議唔係太食得辣既可以揀小辣。柳州米粉食落比平時食既米線爽身，感覺似係米線同瀨粉既混合體。爆炒田螺🐚個汁好香口，螺肉細細粒，尚算鮮甜，田螺🐚食落味道比起一般海水螺🐚清，沒有海水既鹹味。配料既炸支竹都唔好錯過，吸咗湯汁之後入味好食。🔆 嗦螺螄爆炒田螺撈螺螄粉（中辣）加招牌炸蛋（$63）撈螺螄粉配料同湯既都差不多，只不過係變咗乾撈既形式，另外再加一碗湯。撈螺螄粉既味道更加濃郁，而炸花生🥜、炸支竹等既配料因為無浸過湯，所以入口更加香脆。但辣度嚟講又相對低返少少，同樣係中辣既程度，食落係撈螺螄粉既辣度及唔上湯螺螄粉咁辣。招牌炸蛋食落鬆化，浸入湯頭吸湯力一流👍🏻，索晒湯汁之後味道十分豐富好食。🔆 百香果茶（$21）大大杯既百香果茶入口都有百香果既味道，清一清口腔既螺螄粉味道都唔錯。🔆 汽水（$10）🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：❤❤❤❤(4/5)❤🙆♀️(為食妙妙)整體食評：❤❤❤❤(4/5)👉🏻 價錢唔貴，螺螄粉味道獨特，又有大量配料，可以一試A先生車友指數 🚗🛣️ 交通容易指數：🚗🚗🚗🚗🚗(5/5)🅿️ 泊車容易指數：🚗🚗🚗🚗(4/5) 👉🏻 泊車可考慮始創中心或者附近錶位👉🏻 太子呢一帶，公共交通絕對係十分方便🔆🔆🔆🔆🔆🔆🔆🔆🔆🔆🔆🔆🔆
繼續閱讀