嘉豪酒家

營業中

休息中

一家人諗住冬至食飯，開開心心，點知比佢哋激鬼氣。一個羊腩煲竟然可以嚟兩次都有頭髮吊住，然後套餐又話要一早訂定先可以減$300，但係事前完全冇人講過有套餐可以訂定先。服務態度勁差好似爭佢錢，一家人食飯俾佢搞到一肚氣，大家千祈唔好去食！所有嚟嘅嘢食都係凍嘅，全部都好似已經擺咗一個鐘，5分鐘上晒所有餸菜，簡直離晒譜。如果唔係，因為要就老人家根本就唔會嚟食呢間嘢，永久Blacklist，價錢雖然係平，但衛生極度惡劣。

難得有朋友過黎牛頭角，一大班人唔知食咩好就去左樓下間嘉豪酒家食飯，平價屋村酒樓，貪佢地方夠大，人多都可以即時有位唔使等。食物黎黎去去都係果堆酒樓餸菜，基本既燒味、孖寶同埋海鮮都有得嗌，仲有唔同既套餐選擇，又或者可以按自己喜好單點。另外仲有啲優惠加餐，價錢都抵食。難得黎到酒樓緊係唔少得燒乳豬同埋芝士龍蝦伊面啦味道既話就不過不失啦。但係我地一行八個人，有燒味有海鮮，埋單都係大約千五六蚊左右，可以話相當抵食

今次行過一間平易近人的食堂，心諗試吓！撩起一份經典肥牛，真係驚為天人，正點到停不了口！炸魚皮鬆脆得黎入口即化，香氣撲鼻。再來的墨魚滑，呀！真係一絕，質地鮮嫩彈牙，每一啖都有墨魚嘅鮮甜，真係幾夠晒分！不過，就有少少掃興，魚皮餃今次差啲嘢，蓉蓉嘅口感，好似整過頭咁，咬落無咁過癮。秀珍菇同水餃則係鹹中帶甜，滋味獨特但我個人就鍾意少少清淡啲。沒有條條例例嘅食評，但係就喺呢度，味道和氛圍都一樣充滿驚喜🎉！唔記得嘅係，這裡閂門閂得早晚啲，所以要食盡興啲就早啲過來啦～總體來講，係一次滿意嘅食堂遊，值得下次再戰！🍜🥢

嘉豪酒家已經扎根喺牛頭角多年，都keep住可以喺度服務市民咁耐，真係性價比高，同埋未試過食完佢啲嘢之後肚痛或者腸胃炎。尤其是係晚市套餐，去飲嘅菜式，茶餐廳嘅價錢，飲下午茶又多特價，不過我最buy嘅就係佢樓底好高，就算好多人都好都唔會嘈到耳仔嗡嗡聲，自己大聲又唔怕嘈到人，係一家大細去飲茶嘅好選擇👍👍今次想介紹嘅就係佢其中一個點心：鮮果沙律炸雲吞，下午茶時段特價$30 ，有三大件　炸到脆波波嘅鮮蝦雲吞，上面一啲都唔孤寒咁俾咗三大堆鮮果沙律，仲有少少蟹籽係上面，大人細路都好鍾意食🥰🥰

年卅晚聚餐,一個不愉快的經歷:一家人六大三小童,最大只有六歲半,點了菜約共二千多元,並由酒樓方打印了上菜紙供傳菜員參考以避免傳錯菜,飯局中,開心笑談中,女部長傳來一小窩不很熱的,粟米羹,她隨即分派成六七限`小碗,各人眼見羹已不太熱,紛紛進食,我查閱上菜紙根本無此項記錄,當晚菜單亦無此項單獨供應,正在疑惑間,女部長過來說送錯了,但並無提及食客需付代價,我只回應笑答她作出賠償,一笑置之。離席簽咭埋單2582後,子女問我,我答道比我計算菜價中多了百多元,但有一碗白飯及兩枝啤酒不知收費多少。我離場後,他們跟進所點菜單認為不合理,於是要求細分已訂菜色價格列出收費;嚇然發現該窩女部長錯交的粟米羹收費竟是138元,子女當場跟她理論要求取消該項或折扣收費,但女部長竟稱帳款已付,並且說付款人不介意,不須外人干預為名,堅持不退讓,只作象徵式送幾個生果作償,最後當然是不歡而散。本人就事件的分析如下; 1) 酒家的管理部門已打印上菜單,上菜員工派錯了,是誰的責任?不同食客把錯交食物撥弄之下再轉移是否衛生?  2) 多人聚會場合,食客不一定參與點菜,所以不會清楚點了甚麼?食客只關注好不好吃,對嗎?   3) 

價錢黎講真係算平抗通帳👍🏻，$178已包埋加一茶價。食物質素尚可👍🏻，個雞煲既份量都算多，雞都多肉既，味道都夠濃，都多選擇，有肥牛，豬腩片同羊肉卷，唔係俾埋啲發黑既殭屍肉🤣🤣🤣🤣🤣飲品有百士可樂，韓國檸檬茶同蘆薈汁，Ice blue beer, 甜品有牛奶公司雪糕杯，但係得兩種味，得朱古力同香芋。唯一彈既係食食下疑似有隻細小強飛過，影唔切，大大減低食慾，而且自選醬料沒有蓋，冇啲唔夠衛生。

🫖天氣又熱又焗，想坐低涼下冷氣，又唔怕俾人催賣單，最好既選擇就係飲茶1️⃣古法馬拉糕 越黎越少酒樓有尼款點心，個人認為尼款比依家既千層馬拉糕好食，多一種懷舊感既味道，馬拉糕超級鬆軟，亦唔會好甜2️⃣紅油抄手每粒都包滿肉餡，配左甜豉油，微微既辣，可以再辣返少少3️⃣🦐碧綠鮮蝦腸 每一節腸粉都有一隻蝦，蝦肉都大隻同爽口，腸粉皮唔會太厚，食落滑身4️⃣🦑咖哩蒸土魷 其中一樣飲茶鐘意食既野，比起魷魚蒸粉絲，我會更鐘意咖哩蒸土魷，咖哩味濃唔會太辣，魷魚爽口，底下仲有麵筋，索哂啲咖哩汁5️⃣虎皮尖椒尖椒釀滿哂鯪魚肉，超足料🤤魚肉彈牙，唔會有腥味，配埋日式燒汁，甜甜地又幾夾

原本揀了一隻活生生的長腳蟹，蒸完出嚟外表好靚，點知入口啲肉是霉的，唔怪得個經理係要我揀帶黑嗰隻，我唔聽揀咗另外一隻，個女副經理即拎入廚房，十五分鐘後我到魚缸望望，帶黑嗰隻唔見咗，其實整缸得三隻長腳蟹，我揀咗一隻，所以我好肯定有人換回帶黑嗰隻比我地，所以啲肉是霉的，奉勸其他食客小心。

寫返之前食評，之前冬至過黎食飯，叫咗個8人餐，喜出望外。碟碟啲料都非常多，8人餐12人食都食得好飽。龍蝦伊麵龍蝦肉質非常新鮮，彈牙，隻雞味道較鹹，但係皮非常脆，肉質嫩，碗花膠魚翅就較多蜆湯，其他餸就一般般，整體性價比非常高

今次應朋友要求，去佢牛頭角下村公屋再睇睇風水.哩個朋友相識十多年，自從佢搬咗嚟牛頭角之後，嘉豪就成為我地嘅飯堂！唔係因為嘉豪特別好食，特別平特別正，其實只係偷佢就腳冷氣夠，環境好過牛頭角街巿大排檔，見到D米奇係街巿大排檔走嚟走去走上天花，無哂胃口！睇完風水之後，再落嘉豪一路打邊爐，一路講解化解方法.睇一睇 openrice 記錄，原來已經兩年無幫襯，酒樓仍然叫嘉豪未變！今次豪少少，朋友點咗象抜蚌！象抜蚌用嚟打邊爐就無問題，極爽口，但如果做刺身就差D，因為我就咁夾起一塊放入口，鮮甜味不足，而且顏色有D奇特，第一次食灰色象抜蚌....其他火鍋配料"大致上"都無問題，炸魚皮夠脆，牛肉滑同平時酒樓食點心嘅牛肉球味道相同，懷疑係同一材料，反而無蝦滑墨魚滑有D失色！鵝腸有膏，可惜我唔太中意有膏，慶幸鵝腸彈牙爽脆.服務有不足，雞子入紙兩次，都係無嚟，火鍋醬油無蔥又唔添加，不過..... 都係意料之中，三個人收五百幾，百令蚊一位任砌，無咩要求啦！第二日，朋友問我有無肚痛，我話無，魚片佢一個人食哂，可能佢淥得唔夠熟啦！

話說嘉豪酒家啲馬友鹹魚飯超級正，所以落嚟試吓，順便試吓其他，話梅豬手少見，點知中伏！ 馬友鹹魚飯14.8正到不得了，要比滿分💯至於話梅豬手就反差得異常，皮有毛、咬口非常‘un‘非常失望$20.8 / 3件

肺炎疫情下還兼夾有限聚令，周日忽然之間想飲茶，很多茶樓都暫停營業，只有到牛頭角街坊形式的酒樓，嘉豪飮茶，雖然有限聚令，但酒樓仍然一貫搭枱作風，感覺並不衞生，但只要不超過4個人，沒違反限聚令。枱布很邋遢，有不少茶和食物污糟，前面應該食了幾枱客了，但沒有換枱布，衛生的確麻麻，舊式酒店招呼當然欠奉，個個黑口黑面嬲爆爆，唔知乜事？不會準備結業吧？匆匆吃了三個點心，咖喱魷魚、咸水角、鮮竹卷，埋單$98元，不算便宜，可幸茶是不錯的。

現在是疫情期間，少了部份酒樓餐廳開業，不過見到牛頭角這間嘉豪酒家仍有開業，於是到來食午餐。餐廳裝修很優雅，水晶吊燈很亮麗。山竹牛肉球山竹牛肉球有3粒，雖然味道較淡，但都很腍滑。脆皮燒鴨飯燒鴨並無脆皮，燒鴨有少少部位燒得深色了點，及燒鴨都有部份較肥，最重要是燒鴨的味道較咸，有少少失望。

比以前失準以前諗起中式火鍋一定係呢間，價錢平，食物質素亦不錯。隔左一排無去，點菜紙比之前嘅少左啲。無左最愛鵝腸。肥牛質素尚可接受。雞件麻麻，好似人地斬頭斬尾淨返個d。蟹柳好粉，大陸質素以前啲丸都幾好食，而家感覺係平價入貨附近有其他價錢差唔多嘅仼食火鍋，下次未必會再食。

原本我冇諗過黎呢間酒樓晚飯，而是黎打邊爐既，不過由於嫲嫲想食小菜，所以我就一早嚟到搵位坐店員二話不說就比左一壺熱水同埋花生，由於我成日都冇食過嘢，我都冇仔細睇過茶位和花生的價錢，就將枱上面既花生差啲食晒等親友們黎到之後，我先開始睇餐牌，發現茶位唔平之餘，仲要加收小食費同埋加一服務費，菜牌既選擇比較少，令我感到略為失望，然後我就求其嗌左啲我相對比較中意食嘅菜式，味道總算係唔錯嘅，至少唔會令我覺得中左伏各種菜式味道都唔會太差，尤其係炸子雞拼鮑魚同埋乳鴿都可以一試，價錢比較合理同埋相對比較抵食而其他菜式黎講椒鹽鮮魷總算做得唔錯，但腐竹嘅口感同埋味道就令我感到略為失望服務算係唔差，因為收左加一，咁樣都搞唔掂嘅話，我應該唔會再嚟食飯啦