嘉麟樓

營業中

休息中

嘉麟樓之美味晚餐頭盤五香和牛面頰：微辣開胃小食 果木煙燻匈牙利鬈毛豬叉燒：半肥瘦的叉燒，又香又濃的豬肉味！蒜香法國田雞腿（共8件）：外脆內軟，非常好之口感！適中的蒜香味道不會蓋過田雞的味道，推介食品之一！陳皮香菇煎牛肉餅：香濃的陳皮味，不錯主食北京片皮鴨：仔細的刀工片到又薄又脆的皮，配以軟綿綿包皮，食落去唔會有油膩感，加埋配菜更能帶出鴨的味道！蟹肉黃燜龍蝦🦞豆腐：蟹肉黃濃味可口但不會蓋過龍蝦肉的爽甜。豆腐加埋啲汁一齊食真係美味到食完一啖再一啖😋😋😋 推介👍🏻羊肚菌爆鮮腐竹：味道偏濃，可以多一點蔬菜會更好😄梅菜芋頭扣肉煲（冬季限定）：芋頭周扣肉都燜到入口即化，份量足夠8位一人一份，唔怕會膽固醇超標😊片皮鴨二食之涼瓜燜鴨件：涼瓜偏淋，有返啲口感會更好，鴨件味道適中砂鍋嘉麟樓極品炒飯：足料炒飯，飯粒乾身得來好有味！

📍嘉麟樓尖沙咀梳士巴利道22號香港半島酒店1樓一踏進餐館已被高雅嘅木製裝修吸引，古典味十足，適逢就快聖誕節，都有一棵聖誕樹點綴一下。再由欣勤嘅侍應帶到座位，感覺好有空間感，好舒服。餐桌擺設吸引例如筷子托是一隻帆船。而茶壺都有塊葉子裝飾標示什麼茶葉，很有心思。燒賣大隻，爽口，蝦新鮮🤤魚湯鮮竹卷，味道剛好，肉質爽口，湯味清甜。鮑魚雞扎，有魚肚，冬菇，鮑魚，好豐富😋叉燒包饀多，略為甜一點，但都惹味的。蘿蔔糕略為遜色一點，糕身有點削不夠結實。🟠總括來說，無論服務，環境都給客人很舒服嘅感覺，食物質素又有水準，係一個與家人朋友聚首嘅地坊，絕對值得一試。

環境推薦：🌟🌟🌟🌟🌟食物推薦：🌟🌟🌟🌟抵食指數：🤑🤑🤑人均消費：💰💰💰整體推薦：❣️❣️❣️❣️———————————————❣️穿越舊上海 - 嘉麟樓🍴❣️久仰大名，位於半島酒店既米芝連餐廳，裝修富有舊上海氣氛，播放住懷舊金曲，周圍擺設以木做為主。內裡複式設計，由下層望上去見到上層好似有貴賓房。因為臨近聖誕節嘅緣故，周圍都放置左聖誕裝飾，但係都唔會顯得突兀。門口接待的女店員身穿旗袍，一入門有種穿越去60年代舊上海嘅感覺，店內裝修雅致而有氣派。整體環境舒適典雅，燈光昏暗有情調。今次我地試左dinner set，唔使左揀右揀，可以周圍欣賞下佢嘅建築同埋裝修。Dinner set 有3個價錢，我地揀左最經濟個個 $748 / person。店員好快就上茶和小食琥珀合桃，好有效率。🧠 琥珀核桃好鍾意呢個小食，合桃加上蜜糖烤焗而成，外層加上芝麻，香脆可口，唔小心就會將成碟清光光，岩晒鍾意甜食嘅你。配上剛點嘅龍井茶，消滯解膩。🐥 蜜味叉燒 拼 川辣口水雞叉燒用左匈牙利鬈毛豬，肥瘦比例恰當，肉脂分布平均，有少少脆燶邊，充滿肉香，以厚切形式上枱突顯其口感軟嫩。醬汁甜而不膩，叉燒入味而富蜜香。口水雞肉嫩滑，川辣汁

今日帶咗男朋友去咗一間我一直都好想去嘅米之蓮餐廳😍裝修以古典風格的柚木地板，配襯東方地氈同彩色玻璃，非常之有特色😍感覺自身如舊上海一樣🔸餐前小食-琥珀合桃呢個合桃食到停唔口，炒得非常香口同脆口，甜到啱啱好🔷花膠竹笙灌湯餃呢個係必食之一，差唔多見到每一枱都會有一盅🤤個湯底好鮮甜😍餃裡入面都注滿左湯🤤餃入邊材料好豐富😍🤤有啲冬菇粒，火腿粒😜而且仲有一大舊花膠同竹笙係湯底度😉真係正◽️蟹肉小籠包皮薄餡靚😉湯汁够多，肉饀係係蟹肉，鮮味十足◼️桂花燒乳鴿燒到皮脆肉嫩，而非常juicy 🤩乳鴿外皮有陣桂花香☺️個醬都係用桂花整成😘🔻天府明蝦球𧎚球爽口彈牙，非常有蝦味，個醬汁辣辣地入常入味🎉

今日一行五個人到充滿古典氣息的半島酒店中菜部-嘉麟樓享用美味的點心午餐。服務員安排坐位給我們安頓後便上一客琥珀合桃那合桃很是鬆脆美味，不會太過甜而奪去合桃的原本味道跟著便開始美食之旅⋯⋯第一樣是咸水角，味道豐滿但係皮就淋了一點。跟著是很好吃的芋角🥰它是外脆內軟而且是滿滿的芋頭香味，真的Very Good 呀再來是鮑魚撻。真係份量及品質十足，面頭還有金箔，那撻皮是西式帶牛油🧈香味。再來是很矜貴的紅蝦小籠飽，可惜上菜後發覺不太熱，所以找服務員跟進。其後部長立刻通知廚房再做一客，還親身拿回新一客熱噴噴的紅蝦小籠飽。這就是五星級的酒店服務👍👍再上就係叉燒主角，分別是叉燒飽，半肥瘦叉燒全份及叉燒酥。飽是正常好的。叉燒酥就失色了😔而那份叉燒就拿99分，肉質是很好的，只係味道輕了些。其後的和牛餐飽反而味道過濃郁了，而飽身也是較西式口味。最後是焗蟹蓋，它不是西式焗法，不帶洋蔥及忌廉的濃味，反而是中式全統一絲絲滿滿的蟹肉。好吃得不得了呀😗👋🏻這麼豐富的午餐令我們吃不落甜品了😁

疫情下決定同一試嘉麟樓手勢，相對易book d 。整體都唔錯，不過我估散叫會再好食啲既！合桃小食 食唔停口，不過覺得裝既兜可以好睇啲頭盤係燒味拼盤 記得整既紅、青椒好似係凍食？不過都好味叉燒都好有水準，但一試就好想order成碟食 至於個麻醬粉皮就比較一般…….花膠魚蓉羹其實比想像中大碗，料都算豐富但味道係淡啲男仔飲完都應該飽肚~ 松菇橡拔蚌 炒得好好食砵酒窩巴和牛面頰個牛好冧，不過個酒味食落唔多覺~ 但窩巴都係一般。相對象拔蚌正啲！飄香荷葉飯 - 講真好期待，諗住每啖飯都有滿滿的荷葉香~ 但係無🤣入面有一粒鮑魚 會希望入味啲最後甜品係柑桔雙皮奶 比想像好食 又暖暖哋2個人set 人均850加1~ 呢個價錢我諗都係散叫開心啲姐！

米芝蓮一星中餐廳🌟 餐廳位於半島酒店，裝修古典優雅，今次同屋企人黎飲茶試嘅點心全部都色香味俱全👍🏻 點心種類都幾多😍 /燕窩龍蝦湯龍蝦金魚餃 (每件) $118/佢將龍蝦餃整到金魚咁嘅樣🦞 賣相相當可愛😍唔捨得食落口🙈 金魚係蛋白同埋龍蝦湯入面游水🤣一咬開金魚入面係啖啖龍蝦肉😋/原隻鮑魚撻 (每件) $92/始終都係冇得同天龍軒比🙈不過一分錢一分貨啦🙈黎個鮑魚tart 味道都唔錯，面頭仲有金箔點綴😍/蜜味叉燒酥 (三件) $90/酥皮冇我想像中咁鬆化，但係食落好香口👌🏻/鮑魚雞粒芋角 (三件) $90/芋角外皮鬆脆，芋頭蓉香滑，加埋啖啖鮑魚雞粒非常足料👍🏻/紅米脆皮和牛腸粉 $140/腸粉口感豐富，外皮軟滑有d咬口，裏面就鬆脆，可能因為新鮮整仲熱辣辣，所以唔會好似平時凍左嘅炸兩咁好硬🤣🙈/花膠竹笙灌湯餃 (每位) $178/灌湯餃好足料，但係個人覺得鹹左少少🤔同埋可能因為食曬之前d嘢已經飽，黎個灌湯餃唔覺得特別值得試🙈/乾清棗皇糕 $90/紅棗糕質地煙韌😍唔會太甜，好食👍🏻事關上次去食係慶祝母親大人生日，除左甜品之外仲有壽包食🥳 賣相真係好靚，連塊葉都整得好精緻🤣 壽包非常軟熟，入面係

再訪嘉麟樓，這次廚房送了兩道前菜及兩道甜品給我們，而且終於能試吃得到 片皮雞 了！涼拌海蜇頭 🌕🌕🌗🌑🌑 免費海蜇頭爽口彈牙，涼拌汁調味有層次，不過黑醋下得太重手，浪費了海蜇頭。齋燒鵝 🌕🌕🌕🌕🌑 免費我們一直不喜歡吃這種不倫不類，「齋口不齋心」的菜色，而這味齋燒鵝也一樣。不過嘉麟樓把皮做得非常酥脆，又不會油膩，餡料足之餘，也處理得很好。相信喜歡齋的人會喜歡。片皮雞 🌕🌕🌕🌕🌕 1080hkd雞燒得非常好👍🏻皮薄脆而肉嫩，用來包裹餡料的麪皮亦十分美味，薄而不膩。只是把剩下的肉做成肉鬆有點浪費了。二食的生菜非常新鮮。菠蘿咕嚕鬈毛豬肉 🌕🌕🌕🌕🌑 408hkd皮依然非常酥脆，肉厚、鬆軟而嫩。菠蘿新鮮，完全不酸。醬汁調味較淡及皮較厚。下次讓廚房做濃味些，再評。匈牙利鬈毛豬叉燒 🌕🌕🌕🌕🌕 438hkd上星期試過的鬈毛豬叉燒，這次終於有脆燶邊！更完美了！蒜蓉炒美國菠菜 🌕🌕🌕🌕🌕 280hkd跟上星期吃到的一模一樣！完美！甜品楊枝甘露 🌑🌑🌑🌑🌑 免費味道非常淡。馳名芒果凍布甸 🌕🌕🌕🌕🌑 免費的確比上次的好，表面沒有泡沫，內裏的泡沫比上次少。這次的士多啤梨🍓也不會太酸了。飲品可樂 🌕🌕🌕🌕🌕

一踏入餐廳職員非常有禮貌，整頓飯都感受到有禮的對待，服務態度值得讚。專業介紹茶類，亦有定時定侯主動更換熱水沖茶，美中不足其中一道菜上菜比較慢，但經跟進後很快已送到。♡ 匈牙利鬈毛豬叉燒 $438用上匈牙利鬈毛豬Mangalica製作，肉質明顯細嫩，而且脂肪比例分佈均勻，不會太瘦太肥，口感岩岩好。最令深刻食到淡淡的煙熏味，表面上的麥芽糖唔會好甜，恰到好處，完完全全發揮到叉燒的甘香味！個人鐘意香口，如果可以多少少燶邊就好了。♡ 花雕蛋白蒸蟹鉗 $378花雕同蛋白比例完美，酒味唔會蓋過蛋白的味道，同時享受緊雙重味蕾。主角蟹鉗亦不用多說，熟度岩岩好，一啖食晒成隻蟹鉗，兩個字－滿足！♡ 皇帝蟹肉酸辣羹 $280見到有嘉麟推介就叫左來試，味道好味，配料都好豐富，但份量比較細，不太推薦，食多個甜品相對划算。♡ 天府明蝦球 $450味道一般沒有太大的suprise，蝦球粒粒都好大隻，但相比哩個價錢都略為昂貴。♡ 馳名香芒凍布甸 $88必叫甜品！布甸不會好像坊間好重魚膠粉一舊舊好似啫喱，易入口細滑creamy而且芒果好甜，本身布甸都好重芒果味，真係好好味！

嘉麟樓聽得多都知道月餅好出名，就好似係名牌咁樣，終於有機會來一試。嘉麟樓係半島酒店入面嘅一間米之蓮中菜館。今日帶埋屋企人嚟飲茶，果然真係好有驚喜。釀蟹蓋直係啖啖蟹肉，真材實料炸芋角真係震驚咗我，望落去好似好熱氣炸得好鬆脆咁，但係食落去軟綿綿，芋頭非常之粉😗😗睇個樣就知夠哂 wow factor喇🤣🤣呢個一口鮑魚酥好睇又好食，鮑魚有小小溏心效果😍估唔到同酥皮撻咁match♥️ 餐廳整體都好好食，服務更加唔需要講啦又一次米芝蓮的體驗

早前因疫情關係，長期爆滿的嘉麟樓，終於在友人協助下成功訂得到座位，就來試試這間米芝連一星餐廳🍴，為甚麼可以客似雲來吧！💕餐廳雖然在酒店之中，卻做了複式設計，上層想必是貴賓房間吧？在門口接待的女店員都身穿旗袍，店內裝修雅致而有氣派。💕甫坐下，侍應問我們要喝甚麼茶，我選擇了個人最喜歡的普洱：只是普洱，餐牌中已有六款選擇，我們選擇了一壺（即一位）308hkd的二零零六年倚邦青普洱，以及一杯無檸檬🍋、帶冰底普通可樂。隨後侍應送上餐前小食：蜂蜜核桃仁，以及餐廳自調的豆瓣醬（比一般餐廳偏甜），我們就開始點餐。💕😋梅酒小番茄法國金桔龍蝦凍*2 🌕🌕🌕🌕🌕 238hkd@已去皮的小番茄鮮甜多汁，完全沒有一點酸澀，對不大喜歡番茄的我們來說非常友好。上面的金桔，乃至我們平日不喜歡的梅酒都非常鮮甜，一樣不帶一絲酸澀。梅酒凍的味道甚至有點像我喜歡的話梅。「龍蝦」指的是小龍蝦，已拆肉的小龍蝦肉多而且爽口彈牙，從杯底可見小龍蝦殼。😋惹味低溫慢煮美國穀飼牛肋肉 🌕🌕🌕🌕🌑 488hkd光看中文名字不知道有四川辣椒及花椒，幸好有侍應善意提醒，侍應說不會太辣，我們就放心繼續點。一看外貌，就知道是貨真價實的低溫慢煮牛肉，

繼上次港島區與尖沙咀區的過氣星星與及現在星星中菜廳後，今次在訪半島酒店的嘉麟樓，又入門口已知道大堂裏邊裝修格局全以舊上海格調，雖然沒有窗邊，但眼睛完全給這個懷舊裝修與及氣氛所吸引着，感覺自身如舊上海般。。。帶同老人家來感受着氣氛與環境是我這一次首要的主要因素，首先揀來幾件點心繼而挑選小菜～【文章最後有簡短的少少影片分享】先來是（XO醬蘿蔔糕）HK$140.這一個比較不屬於自己欣賞的口感，且口感較粉, 感覺好像是（拉油）一樣不是煎出來，全餐中個人較為評分低的一度～⭐️⭐️繼續來的蝦餃HK$98和燒賣4件HK$128由於我們四人入座點三的職員亦都很貼心地提醒我是否要加多一件燒賣，故此上價錢跟餐牌輕微調高了一點實屬正常（燒賣）我覺好吃，爽身有肉汁和肉味，比拼天X軒我更為欣賞此一家~⭐️⭐️⭐️⭐️（蝦餃）屬於正正常常皮薄，蝦同筍的比例剛好，體積沒有過大亦不會偏細～（鮑魚雞扎）HK$100.自己就沒有試是席間的細佬隨心開口點，送來方知內有鮑魚，他的幸福感隨着笑容而生～（鬈毛豬叉燒半份）HK$219.這一個提前說明是全餐中最為必推的一個，肉質油脂感不會過多這一份屬於略為偏瘦但絕對無阻他的口感，鬆化有肉汁，上

第一次黎嘉麟樓，呢餐主要係食海鮮，先上茶和合桃前菜，好脆，偏甜。我地叫了個燒腩仔，好薄，層豬皮，同平時食開燒肉分別好大呀，個d皮好厚好多肥膏，呢個燒腩仔肥瘦恰到好處，正過平時好多（我好少食燒腩仔，因為平時個d好肥。）呢個餐有冷盤，起埋龍蝦肉，加上番茄剝埋皮，加清酒醃，好特別個味道，同埋jelly 物體，仲用乾冰效果出曬煙，杯下有一個小龍蝦（不能吃的）裝飾，呢就就唔似中菜，岩打卡之後有釀蟹蓋，超多蟹肉，食完好飽！個餐碟用蟹的模樣上菜，十分配合主題！雪魚滑，荷葉使其味香；海膽炒飯，粒粒分明，點辣椒醬好香，唔太重味（台上個碟）。芒果布甸用真杯裝，居然不是膠杯，但好重芒果、雞蛋，個杯都好深，好飽呀！最後有紫蘇糕（豆沙餡，樣好靚，似玫瑰花）另一個係紫薯糕，係慶祝周年紀念的！半島服務真係好好👍我嫌茶太濃，佢地即刻倒去第二個樽，等佢味道淡些，真係好貼心服務，周圍茶具好古典，好多食客慶祝生日，佢地營業到10點，但客人可坐到12點，一直服務，難怪米芝蓮一星，仲會主動幫我去古典的樓梯扶手影相📸️埋單$2900左右，真心飽，多謝🙏

媽咪生日，和她去半島酒店的米芝蓮中餐館 -- 嘉麟樓慶生。一到步，餐館的古色古香裝潢十分典雅，背景播放著上海老調歌曲，別有一番風味。桌與桌之間空間感足夠，不會擠擁，四周環境也不會太嘈雜，十分舒適。員工們十分主動，動作專業，反應快，也會主動地親切介紹不同的食物，令客人有賓至於歸的感覺，讚！果木煙燻匈牙利鬈毛豬叉燒，肥瘦度適中，美味！陳醋花椒紅海蜇頭，酸酸甜甜，很開胃！茶皇煙燻脆皮雞（半隻），茶皇煙燻味很濃，皮很脆，很香口！蒜片燒汁斑腩，十分野味，蒜片脆卜卜，整碟都很好味！南乳粗齋煲，很足料，味道一流！砂鍋嘉麟樓極品炒飯，好夠鑊氣，讚！蛋白杏仁露，很香很滑，又暖胃！雪燕雪蓮子焦糖冰粉，外觀搶眼，打卡一流！乾清棗皇糕，好香好濃，十分有誠意！馳名香芒凍布甸，估唔到連一個芒果布甸都咁好食，好香芒果味，好滑口，夏天食一流！推介！美點雙輝，作為飯後甜點，外觀精緻，有誠意！媽咪今餐生日飯食得好高興，笑住捧住個肚走，值～！4個人合共 $3113～

久仰大名，終於的起心肝提早預約，結果我哋就book咗喺閒日去飲個晏晝茶！ 我哋12點鐘去到，當時都係得兩三枱客，環境靜到蚊飛過都聽到，搞到我都唔好意思要好靜靜咁講嘢 ~\(≧▽≦)/~ 一坐低，為食嘅我見到佢哋嘅餐前小食 ~ 脆合桃，真係好食到停唔到口 ٩(˃̶͈̀௰˂̶͈́)و 我由頭食到尾！ 佢個芋角($60兩粒)非常好味，外層炸得好鬆脆，裏面雖然係暖暖哋，但係食得出好新鮮。 其中我要稱讚一下佢哋做得好貼心嘅，係佢哋可以嗌兩個點心上，雖然餐牌上面佢哋係寫住三件嘅價錢，但佢見我哋兩個人，於是乎主動問我哋有冇需要叫兩件，抵讚！ 我哋仲嗌咗兩件蝦餃($49兩粒)，同埋一個灌湯餃($178)。 其實佢哋兩個點心都好有水準，蝦餃啲蝦好新鮮好爽，個皮做得啱啱好，唔會話太厚。個灌湯餃啲料好足，啲湯好鮮甜，不過佢就唔係用最正宗嘅做法上枱。 我朋友咁鍾意食腸粉，點會放過試佢哋蝦腸嘅機會。佢嘅腸粉皮做得好好，好薄好新鮮，睇得出佢哋好有心，裏面嘅蝦同個蝦餃一樣，好新鮮爽口($140)。 不過，我最最欣賞嘅就係佢哋個叉燒包($60兩個)，食出叉燒包裏面嘅叉燒有啲炭燒味，而我個朋友就話呢一隻叉燒包，就係佢哋細個時