嚐喜大不同特式餐廳小廚 (已結業)

去完銀行，係時候e肚啦!今日去嘅係大不同…涼瓜牛肉飯,個人喜歡涼瓜爽口，牛肉滑淋，飯熱辣辣。再来一杯凍檸茶,成件事完美我唔識去講今日去大不同有如何大不同，但至少會令人再想去之茶記!

煲仔飯，是廣東菜內其中一種傳統美食。看似簡單，在沙煲內放入白米及餸菜「一煲熟」，上桌時淋上醬油多焗一會便成，但其實功夫技巧易學難精。今晚一行１０人，當然把握機會，既要嚐盡不同的煲仔飯，亦要吃遍預訂的手功菜。等人齊時先來２個小吃，估不到有驚喜：　說的不是香辣鴨舌而是沙薑雞腳，用上新鮮雞腳，煮得剛好筋腱已淋卻不會變爛吃飯前的湯品是胡椒豬肚雞，這是個老菜，大大一盤，在你面前剪開豬肚，裡面是正隻鮮雞，湯內還放了紅棗，飲下實是暖胃大蝦鍋巴，蝦肉頗彈牙，鍋巴很快淋掉，可能是醬汁淋在其上之故，需盡快吃掉。冰鎮咕嚕肉，個人覺得不算出色，無疑冰粒可令醮了麥芽糖的排骨變得更脆口，但除此之外其他蔬果味道毫不起眼，李公館做得更出色。小棠菜煎餅，沒有油膩感，配上泰式甜酸醬，叫人吃完一件又想再吃一件。煲仔飯整體熟中上，炭燒功夫到家，有飯焦之餘又不會過燶，個人推介係豉椒排骨及腊腸滑雞還有一點值得注意，這裡桌子擠得密密的，所以坐得不算太舒服～～

早半天預定了雞，7：15拿居然遲了半小時才有這個服務態度有點惡劣對 居然要80字才可以通過但是真沒有什麼好說 連招呼我坐下也沒有 要我自己拿椅子家裡煮好飯了就等他非常不建議訂外賣 等候途中也聽到一兩個食客預訂了的食物臨時取消了

LUNCH黎到大不同食間野好多圓枱既咁我地坐咗其中一張圓枱好彩我地都算幾多人一齊去食成七個人既所以都一齊坐晒一枱既咁有同事先去拎位先所以我地去到唔駛等我諗同事都係唔駛等位直接有得入去坐既我就叫咗個雞扒餐肉蛋黑椒汁佢有個湯跟但係唔好飲既但雞扒飯都幾好味同埋只係賣42蚊都OK既可以接收黑椒汁都幾惹味同埋佢比較係多汁既雞扒大細適中唔會食唔飽仲有餐蛋跟都豐富既一餐同埋唔駛等位上菜速度都快所以都唔錯既一間茶餐廳

等位個老細話十分鐘又十分鐘，冇位就講啦，一係俾個時間。一d都唔專業，等成個鐘終於坐低可以食啦，叫3個餸，一個鐘頭先出得一個餸。見老闆係甘接外賣，外賣就係甘出，堂食既食客係甘呆等，完全管理有問題！一d都唔理顧客感受，店內有好多公公婆婆，佢地又唔敢催單，呆坐一個鐘都未有得食，見到都慘。如果大家想慢慢地甘等下食餐飯，呢度一定滿足到你，一餐普通小菜飯至少食3/4個鐘！

如題，今天好凍，一早想起食煲仔飯，睇OpenRice個介紹,由九龍區特登嚟到北角嚐喜大不同，六點打電話來問老闆，他說不用定位七點鐘是轉台時間你來吧，來到站在路邊吹風，六點半等到現在7:49，看着老闆有枱都不叫客入去坐，因為有另外一些客定外賣，但不是枱早啲讓客人可以早一點有枱出來嗎？老闆只會叫你等吓啦就有枱，也不讓你留電話，但訂枱的他會打電話說給客人知有枱，這是什麼服務態度！我都現在都未知他的食物水準如何，但我知道他的服務態度是超差的

終於「等等等」到真正「茶餐廳」格局，「大酒樓」收費，份量「精緻」既「大不同」：「冰」鎮咕嚕肉：冰多到見唔到d肉煲「仔」飯：夠「細」祇供1人用果然「一次難忘」，不用回頭！👍🏻

收工後本來只係想簡簡單單食完飯, 返屋企抖抖, 但係路過呢間特色小廚, 見到佢的炭燒煲仔飯, 忍吾住要入去試吓。先點了沙薑雞腳, 好入味, 夠“林”, 好食。另外點了鍋貼小棠菜, 好香口, 好好食, 其實份量都幾大, 不過食食吓, 2個人就成碟食哂。見食評講芝麻雞好食, 所以要了半隻, 好滑, 皮好脆, 肉好嫩滑同 juicy. 主角終於到了, 店主叫我們等多2分鐘先好打開蓋, 等再焗一焗會更好味! 我地點了白鱔拼肉餅, 鱔 size 細了點但味道ok, 肉餅就 normal, 飯好香, 飯焦很脆! 我見餐牌有很多其他小炒, 下次要試吓先。

今日想打電話book位點知打左2個鐘都唔通。咁自己咪親自去此店訂位啦，順便問問點解電話打極都打唔通。一問原來佢地特登唔吸個電話 。Book 左 7 點半我地一家人準時到達。個有禮貌的收銀兼侍應話仲有人未走，所以要我地等多10分鐘。咁我地就一直等，企左半個鐘。有一班人同我一樣訂左檯都在等。我同屋企人因為太肚餓所以決定去隔離個間茶餐廳醫肚。我冇話誰對誰錯--佢地生意好，啲嘢講幾有特色，自然多人，但系如果想去呢度食嘢，可能要親自去book位，同埋要比啲耐性等等。

爸爸熱愛煲仔飯，之前講咗有3間炭爐煲仔飯等住慢慢試，點知一星期內試晒😂！呢間就係其中一間喇！亦係最好食嘅一間。事隔三個月我爸媽已經帶過d朋友黎三四次🤣有d食評話佢漏單又等得耐，我去嗰次又好彩冇發生，可能我地book左食好早，6:30pm不是太多人，啲野仲黎得好快添！環境係有d逼嘅，感覺似d比較舊式嘅食店~ 我地5個人叫左兩個煲仔飯，芝麻雞，我至💗嘅生菜包，粟米羹，一個菜。樣樣都好味喎🤤仲有好多野都想試，要等下次lu!

煲仔飯以炭火烹煮為上乘。最著名的坤記，不在入選之列。僅存用炭火燒烤的，主要有六間:油麻地興記，西環嚐囍，元朗味仟，天后尚囍，北角嚐喜大不同，筲箕灣紹華小厨和祥囍。興記是廟街大量製作的模式，不是細工慢煮，往往是黑飯焦出品（44元1煲，以貨就價），不是優質煲仔飯。其餘六強以黃金飯焦並駕齊驅，論食品質素（餸，飯粒，飯焦，豬油，豉油），水準穩定性，就腳，環境舒適程度和服務，我評選北角嚐喜大不同為正宗，位置亦適中，戲稱為中神通。江湖流傳在北角嚐喜大不同要等1小時才可開飯，其實用炭火，當然要35分鐘或以上。全港只有幾間炭火煲仔飯，大家集中有冷風時去吃，豈會不擠滿人!我準時下午6:00到達落單。舒適地安坐，閱讀。煲飯過程全公開，先用武火煲飯，6:09我的煲仔飯開始上炭爐（文火）。爐子長度有限，客人多時一定要等1小時。1師傅應付約10煲，品質故佳。看見他當飯收水時，用勺壓迫飯面，才加上臘味，以便形成360度黃金飯焦。6:34上檯。師傅早已加上豬油和豉油。飯粒晶瑩剔透，乾脆而不硬。吃起來不肥膩（豬油少）。飯焦如鍋巴般脆卜卜，臘味則一般，並缺少臘肉。以飯質素而言，的確是一絕。紹華小厨是東邪:很多新潮配搭，

聖誕平安夜同老公阿囡去咗食餐簡簡單單嘅聖誕餐。叫咗冰鎮咕嚕肉，個皮好脆、好好食，不過我覺得一上碟就好攞晒出嚟，否則啲冰就會整到佢凍哂。芝麻雞又係推介，連啲雞胸都可以整到咁嫩，真係好少有！脆皮鍋貼小棠菜，油膩左少少，最好放啲紙巾去索走啲油先好食，好大碟，最好有五六個人分來食。等左好耐先至來的白鱔拼肉餅煲仔飯，真係好值得等！唔識形容！其實睇隔離食啲嘢都好似好好食，呢間一定有下次！不過要預多少少時間等候！

已經加班 放9點 930 到店！叫了個北茹滑雞煲 仔飯及凍OT ! 等了30分鐘 問女待應何時到 佢好大聲 回應 係好耐㗎！ 再問咁等多久又好大聲回應！係好耐㗎只好繼續等～ 到10:37終於有得食 可能太餓了！覺得雞滑 飯已經有味道不用加豉油 還好不過態度差 一定不會再去

叫個煲仔飯成個鐘先有得食😪😪😪n next time。一個唔該漏單或落錯單都唔知點好。等成個鐘後先話濁單你叫我走好定點好呀。😭😭😭好衰唔衰開口中。我女友個煲漏左單😡😡😡

好難得係北角食到好味既煲仔飯第一次黎呢間食嘢即叫即煲，等候左30分鐘（開始唔耐煩）好彩，一食有驚喜!乜唔耐煩都無晒咸蛋黃好足，大大一餅! 唔會死咸，夠香，口咸唔硬，夠軟肉餅夠嫩，唔會鞋口，又唔會太厚，有肉香，又唔肥!潤腸，夠香，夠軟，唔會太油!飯，軟硬適中! 以後唔洗去廟街啦，直頭好食過廟街!今次得自己，食呢個就算下次吹雞黎試招牌菜!