嚐館 (已結業)

唔經唔覺小編已經做左兩年的黃大仙街坊，要講黃大仙的美食唔算特別多，但以街坊及一眾黃大仙信眾來講，南館同北館兩邊每日都唔少食客，算係美食區域百花齊放。最近南館開左呢間門面光鮮的新餐廳，以西餐Cityfresh Bistro的店名為招徠，裝修簡約，兩邊卡位舒適，店主在裝修同檯面座位上叱了唔少心思。打開menu 有點驚喜，唔單止係一間西餐廳咁簡單。中、日、韓、西、星馬、茶記的他集合，店內甚至有麵包架及甜品西餅凍櫃，話佢係一間多元化中西式餐廳絕對無錯。雜錦海鮮叻沙湯麵 $78推介:⭐️⭐️⭐️⭐️頭一次來到就先試試其他食評有唔少讚賞的叻沙湯麵。上檯材料豐富，性價算係對得起呢個價錢，尤其最欣賞兩執入哂味的魷魚片，咬口唔錯，其他還有澳洲皇帝蝦。青口、豆腐、豆卜、魚蛋磚及熟蛋，飽肚感滿滿的，麵底是配叻沙的正常油麵，食落有點似車仔麵底，若果日後有另沙滲滲選擇就會更加理想。彩虹雜果賓治 +$15推介:⭐️⭐️⭐️⭐️⭐️反而杯飲品更吸引小編打卡，色相令人有點治癒感，杯底有幾款雜果食下，倒入七喜解渴寫意。作為街坊，是一個人來晚餐都十分適合的好地方，下次會帶埋家人再來試試西餐Dinner Set 或者是有選擇唔少的早餐。👅美

今個假期去咗主題公園玩完之後坐巴士返到黃大仙站依飽個肚再轉車，無意中喺南館發現呢間新開嘅西餐廳，裝修都好整潔光猛。好快等咗一陣就可以入坐叫咗兩個晚巿套餐包飲品及湯再加沙律。分別叫咗一杯熱咖啡同一杯凍咖啡，咖啡味都好濃👍是日餐湯係蘑菇粟米湯配黑糖多士😋沙律菜好新鮮又健康👍主菜叫咗香煎北海道帶子燴澳洲蟹肉意大利飯及香蒜龍蝦蕃茄汁燴雜菌海鮮意大利粉😋意大利飯煮得好軟綿吸左蟹肉醬汁真係好好味有大大隻帶子。蒜香汁沾滿左成個意大利粉酸酸地嘅蕃茄味十分開胃，有大蝦再加青口再加其他海鮮食得十分飽肚。

去開附近見到呢間新開既餐廳🍴又係試新嘢既時候內在寬敞舒適新裝修 座位舒適鋪前有麵包西餅可以外賣早餐可以多個選擇餐品種類都算多今次㨂左澳洲皇帝蝦叻沙湯麵🍜材料豐富 份量十足一上菜就香氣撲鼻令人食指大動湯底偏辣 蝦肉彈牙🦐麵有咬口跟餐可選咖啡或茶特飲+$18選左個芒果乳酸梳打味道都唔錯另外，有個set餐都幾抵食有芝麻醬雜菜沙律🥗工匠麵包🥯餐湯同餐飲我就揀左個香蒜鮮茄醬燴德國豬肉腸意粉🍝好香蒜味 茄汁味唔算太濃加埋德國腸又係穩陣配搭免加一 上菜速度都算快想舒服咁食一餐都係一個選擇

今日去黃大仙行商場，在南館開了間新餐廳，咁啱到下午茶時間，我同friend就入店嘗新。新餐廳空間大，裝修簡約，卡座好多，坐著好舒服。好久冇吃沙爹牛肉麵，我加5元轉辛辣麵，然後雙拼午餐肉。辛辣麵好辣，麵煙煙韌韌，好好食。沙爹牛肉啲沙爹味好濃郁，分量還不少。下午茶餐還可以加3元有杯凍飲，凍奶茶不錯，奶茶味濃，又大杯。朋友嗌左燒汁肥牛炒烏冬，燒汁烏冬夠晒味，烏冬QQ滑滑，分量夠多，肥牛薄薄一片，牛肉味重，配上蛋，性價比都高。唔知分量大，還嗌左公司三文治，隻能打包返屋企食。🤣🤣

City Fresh Bistro黃大仙終於有打卡cafe，餐廳裝修、枱櫈都用上馬卡龍色，非常夢幻👸🏽餐廳仲有牛角包🥐同件裝蛋糕賣🌀蘑菇西蘭花忌廉湯忌廉味突出，食到少少蘑菇蓉，飲落creamy幼滑又帶忌廉香味，高質 👍🏽🌀工匠麵包比起普通餐包，酸種麵包更有特色，煙煙韌韌，簡單配上牛油已經好好味🌀煙三文魚忌廉白汁燴飯煙三文魚配搭洋蔥同雜菌，顏色豐富，賣相吸引，燴飯煮法類似risotto，不過就唔似risotto咁重忌廉同芝士味🌀泰式豬頸肉叻沙湯麵喇沙湯底比平時食開嘅較輕身，配料真心多，有芽菜、豆卜、雞蛋、仲有豆腐添，喇沙湯底微辣，鍾意食得light啲嘅朋友應該會鍾意

行完黃大仙商場來到這間新餐廳吃下午茶，門面是新開張的環境很舒服食物質素也不錯，叫了兩份下午茶餐，熱辣辣龍蝦汁煙三文魚意粉，龍蝦汁非常香濃，濃濃的奶香確實讓人不可阻擋，三文魚肉也是碎上，方便入口，西多士配瑞士汁雞翼，西多士分量很大件，每隻雞翼都很入味, 很香, 很滑, 吃下去就有那股感動的感覺! 橙芝士蛋糕，軟軟的蛋糕中夾着香濃的芝士味，很快就食完。美味的下午茶餐，飲埋咖啡和朱古力奶，店舖還有各樣的麵包和蛋糕售賣。吃飽充滿力量。

#一站式麵包餅店餐廳一個月冇去黃大仙中心 本來諗住食快餐再買麵包做早餐 點知發覺開咗間新餐廳 門口賣埋麵包同多款切件西餅 當然要入去試吓 食完順便買埋包點 一舉兩得-🍜澳洲皇帝蝦喇沙湯麵 $73🥤低糖綠茶 凍飲加$3材料豐富 皇帝大蝦有三隻 肉地爽囗 湯底蝦鮮鹹香俱備 椰香反而唔重 油麵份量足 每箸麵小辣而醒胃 飲低糖綠茶 解渴減辣剛剛好-🍝蒜香茄汁欖油野生雜菌燴扁麵 $98☕️即磨咖啡西式晚市套餐 包沙律餐湯 雜菌充滿菇香 扁麵煮得過頭 麵條太淋失去口感 意粉醬汁組合有啲複雜 蕃茄色澤同酸味唔突出 食唔到橄欖油嘅油潤 建議將蕃茄汁/橄欖油/蒜片 減去其中一樣 反而杯即磨咖啡 夠香夠滑又夠熱-📍Cityfresh Bistro黃大仙竹園道136號黃大仙中心南館地下高層UG41號舖

午飯時間經過新開的餐廳所以與家人入來試試點了一碗叻沙湯麵，上枱時令我震驚因為來的是一碗四餸車仔面，煎雞、豆腐、豆卜、半隻蛋，稀淡沙嗲湯底配油麵吃著每一口都是初中午飯時間的回憶想不到今天沒預期下可以再嚐黃大仙區的車仔麵店買少見少，想回味的話來這餐廳大概不會失望，不過餸的選擇就較少而且不可自由配搭，價錢方面就....回憶是無價的，所以不用太介意而家人還點了一個焗飯，炒飯底，飯濕，味淡，易入口，適合注重健康飲食人士

同老友又喺星期6放假時間出嚟揾食食返餐好嘅，今日嚟度黃大仙中心南館嘅City fresh bistro, 原來呢間係新開，環境裝修都好雅緻，座位都坐得好舒適好，我就叫左個安格斯西冷牛扒配黑松露汁，賣相不錯，5成熟，牛味濃厚，肉汁鎖哂喺裏面，切出嚟每塊都有少少脂肪撘配個黑松露汁，yummy, 另外佢個餐湯都好好飲而老友就試咗個好唔同嘅嘢，豬扒喇沙，估唔到呢度都有得食，佢就話個湯底有好香嘅蝦湯味，係略嫌個豬扒有d薄，整體黎講唔錯總結：新鋪新裝修，環境舒服，据扒真係一流

見新開張，即管試吓。店員服務差、態度差、價格又偏貴。杯熱咖啡放低無耐已變涼、難欽飲！等咗十幾分鐘嘅意大利飯，只係微暖，食咗幾啖已經凍曬，難食。肉醬意粉等咗25分鐘都未到！眼見其他遲入座嘅食客已經有嘢食！再等多15分鐘終於有得食，再發現隔離枱早過我好多入座點餐進食，仲差碟炒烏冬未到！最好笑係我叫侍應比兩杯水，佢答我啲杯未洗得切，所以俾唔到我！但我真係笑唔出！好少寫食評嘅我，真係忍唔住，綜合評分：極度差劣！恐怕好多人好快失業！希望店主、管理層、員工都檢討改善吓，不過我唔會再幫襯。

尋日同媽咪一齊去了黃大仙行阿布泰，見到隔離新開的餐廳已經開了張啦，裝修勁靚，好似外國食嘢的西餐廳咁，所以就去食啦。佢的menu有三種set，一種係行政套餐，已經有6個選擇，另一個西式套餐都有好多選擇，仲有一款係新加坡叻沙，行政套餐係有餐湯、沙律同工匠麵包加主食同飲品，都幾豐富，所以我哋揀咗行政套餐的蕃茄醬德國腸意粉，再揀左一個燒雞扒叻沙，飲品方面，我哋揀左熱意大利即磨咖啡同芒果酸乳梳打。餐廳環境都好舒服，員工又nice，安排舒服的位比客人，態度都唔錯，坐得舒舒服服咁傾一陣，就有野飲比我哋了，芒果梳打都幾正，幾大杯，仲會另上埋餘下的半罐梳打水，所以變左超多飲品。即磨咖啡好香，而且好滑，仲有拉花，質素好高。之後係餐湯，是日餐湯係雜菌忌廉湯，用雜菌打散再加忌廉打成，食得到好濃的雜菌，好足料，加上有搭送芝麻醬配沙律，可以比食客營養豐富啲，的確唔錯，工匠麵包有烘過，變得香脆，內裡已塗好牛油，唔需要客人自己再整，方便好多。蕃茄醬德國腸意粉份量都不算少，亦有mixed埋雜菌，所以更加健康，而且有別於一般蕃茄醬意粉，唔係只係酸味，而係甜甜地，帶少少微酸，令到會一啖都好好食。燒雞扒叻沙就係配油麵底，餐廳

同FD喺黃大仙行街，睇到哩間餐廳裝修得幾INS，成間餐廳喺我好中意啲綠色，晚市價錢都算平，咁試試啦。晚市唔算多人，安排坐咗卡位，好闊落。晚市都有套餐提供，仲有十幾款提供，平平地百幾HKD已經包埋飲品，半價就可以叫埋特飲。今日揀咗雜錦海鮮喇沙，香蒜鮮茄醬燴德國豬肉腸意粉，嘢飲揀咗黃金海岸同凍咖啡。黃金海岸幾特別，睇落似芒果奶昔，飲落好重芒果同香草味，奶味都幾濃，但唔會過甜，喺出面沒飲過更特別啲味道，好好飲。雜錦海鮮喇沙品種都幾豐富，有青口，大蝦，蛋，豆腐，豆卜同芽菜。青口同蝦大大一隻，食落都好彈牙，冇雪味，OK。豆腐同豆卜都幾多件，索嗮喇沙湯，正。面喺普通粗面，煮得啱啱好，好驚啲面好淋食落口感麻麻地。香蒜鮮茄醬燴德國豬肉腸意粉會包埋芝麻醬雜菜沙律，餐湯同工匠麵包。今日餐廳喺粟米湯，飲落會食到一啖啖粟米，口感都幾特別。沙律幾大一份，品種好豐富好新鮮，搭配埋啲芝麻醬一齊食，好健康。麵包已經加咗黃油，好似黃油有調味過，但是食唔出冇味道。意粉份量唔算特別大，女仔食啱啱好，搭配咗豬肉腸同菌菇，撈埋啲番茄醬汁一齊食，好match。最後埋單唔夠200HKD，同FD吹水吹咗個半鐘，坐得幾舒服，哩間餐廳都

成餐飯最好味係個湯，係蘑菇忌廉湯黎，每一啖都有蘑菇粒，忌廉又唔會傑撻撻，入口岩岩好。飲品冷熱都係大大杯。主菜無特別，印象唔深，豬鞍太瘦，切開已經見到一絲絲肉纖維...

黃大仙新店岀沒⚠️ 叫Cityfresh Bistro，店舖環境入到去買一種好舒服嘅感覺，空間感十足，餐廳枱櫈牆身配色望落都幾舒服~ 不過餐牌上面種類唔多 ~ 主要都係喇沙湯麵同意粉/Risotto 。❣️#魚蛋魚片喇沙湯麵 $63上枱好大碗，夾起時麵底都好多，湯底都幾有喇沙味😊 不過啲麵就好淡 無乜味，魚蛋亦一般 唔算好彈牙 ~ 裏面亦有豆腐 芽菜等 都係較淡口 似白烚😂😅 ❣#香蒜龍蝦蕃茄汁會雜菌海鮮意大利粉 $128上面有一大隻青口，唔算好新鮮。呢個價錢，我會有少少期望，但海鮮份量較少 亦較細粒。意大利麵有蕃茄汁味~ 唔算好濃郁，可接受😊❣#熱朱古力朱古力粉充足~ 味道幾濃郁 ~ 仲有簡單拉花😊 平民店黎講，呢杯合格😙🔺🔺🔺🔺🔺🔺🔺🔺🔺🔺🔺🔺🔺🐷味 道 : 🟡🟡🟡️⚪️️⚪🏠環 境 : 🟢🟢🟢🟢⚪💰抵 食 : 🔴🔴🔴️⚪️️️️⚪‼️性價比 : 🟣🟣🟣⚪️️️️️️️️⚪❣️整體評分 👉🏻 6/10-📍Cityfresh Bistro (黃大仙)黃大仙竹園道136號黃大仙中心南館地下高層UG41號舖🔺🔺🔺🔺🔺🔺🔺🔺🔺🔺🔺🔺🔺

黃大仙中心南館 新開西餐CityFresh Bistro新開冇耐，一於試下佢地門口有麵包同蛋糕賣～入面啲位都幾舒服😌好闊落燒焗澳洲bone in 帶骨豬扒配法國白桃燒汁 $148又大又厚嘅豬扒唔易整，呢個都算唔錯，保留到內汁，但中間有啲位都係偏乾，都明嘅，真係唔易整燒焗法式燒春雞配忌廉白菌汁$98 雞皮搽咗蜜糖再燒，保留到雞嘅肉汁，就算雞胸都唔乾，幾好食😋配菜有西蘭花同焗薯仔，焗薯好味呀👍🏻香蒜龍蝦蕃茄汁繪雜菌海鮮意大利粉 $128蕃茄汁嘅味比較重，海鮮嘅量唔多～意粉偏腍，味道一般，可以做得更好以上三個餐都跟 芝麻醬雜菜沙律、是日餐湯（粟米湯）同 Artisan 酸種工匠麵包粟米湯超濃郁，食到好足料，好似日式粟米湯！麵包好脆，都唔錯澳洲皇帝蝦喇沙 $72味道比較辣，係油麵底，給足料，有四隻大蝦，一堆豆腐豆卜，可惜椰香唔夠，可以做得更好跟餐嘅飲品叫咗 熱啡、朱古力同柚子蜜，正常水準整體來講，都唔錯嘅，新張期內仲免收加一