嚐館 (已結業)

記得之前經過黃大仙南館看到有一間新開的西餐廳，裝修似cafe , 而且食物多元化有西式，中式，甚至星加坡喇沙麵都有😁餐廳叫「Cityfresh Bistro」忌廉磨菇湯，很濃稠，有口感。酸種麵包有驚喜，味道濃郁，外脆內軟😊澳洲皇帝蝦喇沙湯麵，湯底濃郁，口感稠滑，味道香辣惹味，配料十足，有6隻蝦、魚片、魚蛋，豆卜和半隻蛋👍🏻紐西蘭牛扒配意粉，黑椒汁夠濃味，2塊牛扒夠足料，都只係$73連一杯熱飲👻彩虹雜果賓治，賣相幾靚，底部雜果不少😊

夜晚冇得堂食，唯有外賣自取返屋企食外賣自取滿$58就有9折咁啱我想食韓國菜，朋友想食西式野，見到呢間餐廳餐單咁多元化，就吸引咗我哋黎食海鮮辣豆腐湯配飯 $88入面有青口、魷魚、蝦、豆腐、泡菜、蜆肉辣豆腐湯嘅海鮮滋味濃厚，辣辣地嘅口感好開胃，加埋海鮮口感更加豐富，冬天食起黎暖胃又滿足，豆腐夠嫩滑，海鮮亦新鮮爽口蟹肉煙三文忌廉汁意大利飯 $98煙三文魚、蟹肉、野菌意大利飯軟硬適中，忌廉汁令成個意大利飯好creamy，雖然睇落份量唔係好多，但食晒成個都好飽，煙三文魚亦帶有鹹味同煙燻嘅香味，令成個飯更加有層次+$38仲有湯同沙律忌廉蘑菇湯，湯頭濃郁

又到年尾，係時候還神嘅日子，一早還完神，個肚就好餓，入到黎商場見到呢間餐廳，門面好靚，好高級似係一啲賣精緻蛋糕嘅舖頭，估唔到有早餐食一入到舖頭，裝修好靚好高級，好似俾啲靚女打卡嘅舖頭，入面有大量卡位，顏色嘅色調都係一啲糖果色雖然裝修咁靚，但係早餐嘅價錢都係同平時茶餐廳差唔多，一啲都唔貴我叫左個五香肉丁公仔麵，朋友叫左個羅宋湯通粉，兩個湯底都熱辣辣，超抵讚，平時出去食野，最怕啲湯底唔凍唔熱，羅宋湯好夠蕃茄味，通粉質地亦係我鍾意食既質地冇坑紋既煎蛋就正常水平，但係個多士真係有溫度同埋外脆內軟👍🏻👍🏻不得不提，餐廳嘅店員服務態度好好，相信我好快又會再幫襯😋

黃大仙Cityfresh Bistro, 餐廳樓底高，設計簡約舒適，白色為主， 粉紅粉綠的設計 ， 座位多 坐得舒服，黃昏時間黎到，正好吃晚餐。餐廳選擇頗豐富, 各款以式飯類意大利飯意粉, 又有韓國 泡菜飯, 亦都有星加坡喇沙, 各種款式應有盡有。-意大利 黑松露 芝士 忌廉汁 野生 雜菌飯雜菌飯上枱時都是 香濃的 松露味 及野菌，餡料簡單意大利飯啖啖都是 黑松露 的芳香。索了黑松露煮成的 意大利飯 更香口。 加埋野生雜菌粒粒 令原本已夠濃惹的飯底，更添層次。-烤肥牛辣泡炒菜煎蛋飯顏色與賣相讓人垂涎三尺， 泡菜飯，即叫即炒，份量勁多， 流心煎蛋，泡菜帶點辣辣的，加埋肥牛的香味，吸引😍😍😍

今日去到黃大仙行街，呢道商場裝修過，非常大間，行到累就搵個地方食下野休息下。比我地搵到呢間餐廳，好快就坐底左。首先我地叫左兩個二人餐，有頭盤，主菜，甜品。頭盤方面有芝麻醬雜菜沙律，餐湯，工匠麵包。沙律非常新鮮，餐湯係忌廉湯，好香濃，味道非常好。麵包有牛油係面，食落非常有口感。主食方面就叫左黑松露芝土雜菌飯，呢個黑松露味道好出眾，啲米就粒粒金香，我個人十分喜愛，真係世界級享受。第二個餐係煎焗法國春雞配野菌意粉，份量十足，成隻燒春雞，配咪意粉非常彈牙，撈埋忌廉汁食非常好味。再叫多個豬頸肉喇炒，呢個湯底唔算好辣，辣度適中，豬頸肉都好多，肥瘦適中。友人非常喜愛。套餐有送野飲，我就選左熱朱古力，呢道重有拉花，好靚，睇見都想立即飲落口，味道好香濃，好滑溜。另一杯係熱奶茶，好滑，味道都好好，友人十分喜愛。跟餐重有甜品送，今日係蘋果批，唔會好甜，味道岩岩好，感覺好健康。

前兩日（31/12/2021）除夕夜，接近八點，好多食店都要等位，這食店，近期新開，店內面積大，居然唔駛等位。餐牌有好多選擇，多以西式為主，還有新加坡叻沙及韓流風味。點咗三個晚餐黑松露芝士雜菌飯，口感唔錯，味道OK。忌廉汁雜菌雞肉意粉，夠汁，配料多，雞肉就有小小嚡口。以上兩個餐既前菜係芝麻醬雜菜沙律，工匠麵包及餐湯，麵包好食，餐湯都唔錯。甜品係蘋果批，唔太甜。辣泡菜豚肉煎蛋飯，好夠味，泡菜爽口，豚肉好多肥肉。

今日去開黃大仙做野知道南館有好多野食放工決定約埋老公係南館hea陣先返家我地都係懶人一族一上電梯見到有間裝修得幾新淨既餐廳睇下餐牌就入座了我地點左Set Dinner前菜有沙律 餐包 餐湯不得不讚餐湯係周打蜆湯打得好幼滑香濃 好正！西餐我必點係黑松露野菌燴飯加入芝士 好邪惡如果再加多啲黑松露就會更加香更好食整體唔錯另一個set點左焗春雞加上白汁意粉份量有半隻雞皮脆肉汁仍在整體不過不失另外點多左個泰式豬頸肉喇沙似沙嗲醬多啲整體料都算豐富！夠哂飽飲品方面熱奶茶 朱古力都唔洗加錢朱古力仲拉埋花 不過唔記得左影相😅

哩間野新開，入去試下個menu 主打西餐，意粉、飯都起碼$100，連餐飲出餐極慢，我個肉醬意粉等左20 分鐘先出肉醬好乾，又少，大X樂質素比佢好，睇唔出點解值$108呢度係cheap 野扮上菜，完全唔值呢個價👎🏻👎🏻

平時好少踏足黃大仙，今次工作路過這地，原來好多嘢商場走走逛逛，仲有唔少餐廳！今次朋友同我都想食西餐，所以揀咗cityfresh bistro!超濃郁南瓜濃湯 配工匠麵包 仲有芝麻醬集材沙律 作為頭盤，簡直無得輸！香蒜蕃茄龍蝦汁燴雜菌海鮮意大利粉冇諗過蕃茄同龍蝦汁可以一齊放，而味道唔會搶到對方！海鮮材料好多，有青口又有八爪魚，新鮮！黑松露忌廉汁燴帶子意大利飯帶子大大隻，非常之吸引，而吃煎到剛剛好，吃下還是很嫩滑。 再配上黑松露，香氣撲鼻，跟彈牙的意大利飯配搭得宜，絕對係黑松露迷既至愛。

西餐俾人嘅印象多數係貴價唔飽。但依家位於黃大仙南館嘅西餐小廚不但價錢親民，而且選擇多，除咗西餐之外仲有好多其他款式嘅菜式選擇！西式套餐：煙三文魚忌廉白汁燴飯配餐湯同沙律忌廉白汁都幾creamy，同埋煙三文魚嘅份量都幾多👍🏻雜菜沙律配上芝麻醬，沙律菜都有幾款而且頗為新鮮。當晚嘅西餐湯係南瓜湯。南瓜湯味道creamy，濃郁。除咗西餐愛佢仲有韓式套餐選擇，我哋試咗佢哋嘅韓式海鮮豆腐煲：湯底係韓式泡菜湯底，有少少辣，好適合寒冷嘅冬天食用。豆腐煲除咗豆腐之外仲有好多海鮮配料例如蝦同青口等，味道幾好。兩款嘢菜式仲跟埋餐飲，價錢不過係100左右平過出邊嘅西餐好多CP值極高！👍🏻

🔸辣茄醬會雞肉意粉($65)🔸意粉🍝🍝質感煙煙韌韌，仲有少少辣🌶🌶好惹味，雞肉就好嫩滑，唔錯🤤🤤🔸法式多士($35)🔸呢個多士雖然個樣係普普通通，但入面有好多花生醬🥜🥜即使減緊肥㗎我，都要忍唔住食多幾舊🤤🤤🔸法式家布朗朱古力($48)🔸假期梗係要放縱忽下啦，食埋今餐先減肥啦好濃濃嘅朱古力，但又唔會好甜，食晒成舊都唔會好膩，正呀🤤🤤🔸熱情瑪格麗塔(+$18)🔸賣相一流，而且色彩繽紛，影相📸️厄like👍🏻👍🏻🔸雜果賓治(+$18)🔸見到餐牌有雜果賓治，好驚喜，中學時期嘅回憶翻晒黎，不過係用7喜黎配搭，好邪惡🤤🤤

黃大仙南館新開的這間Cityfresh Bistro , 環境乾淨光猛企理。具西式格調的餐廳，除了有西餐外，更有韓式及叻沙供應。餐廳門口有售賣麵包蛋糕。點了4道菜的行政套餐，有餐湯，沙律，麵包，主菜及餐飲，最平的一個餐都不用$100.濃濃的南瓜湯，日式芝麻醬雜菜沙律及Sourdough的麵包，賣相味道都不錯。主菜點了香蒜鮮蕃茄醬汁燴德國豬肉腸意大利粉（$98),份量對女士來說剛好，意粉硬度剛好，酸酸甜甜的蕃茄醬汁很開胃，燴上大量什菌及豬肉腸，整體豐富。另外點了辣泡菜豚肉煎蛋飯($73), 除了隻煎蛋賣相可以改進一下，整個飯撈入泡菜及豬肉，帶點濕潤，微辣幾好味。

放工後，同個妹撐枱腳。係屋企附近試左間新餐廳，餐廳既入口擺賣着各式各樣既麵包和甜品🤤。而里面係供堂食，里面既裝潢採用了薄荷綠既色調，配上高吊既燈泡，令人猶如置身城市中的綠洲， 有一種好清新既感覺，再配搭馬卡龍色既椅子，望落十分簡潔，明亮寬敞 乾淨俐落，而且坐位闊落，坐得好舒服.......兩姊妹坐低談下心，感覺不錯。以為餐廳都係西式為主，點知原來都幾國際化，除左有西式套餐，仲有新加坡叻沙和韓國菜簡。1. 辣泡菜豚肉煎蛋配飯(轉菜底) HK$73配低糖綠茶由於最近試緊低醣飲食，但唔想成日食沙律....所以叫左一個泡菜豚肉轉菜底，仲可以唔洗加錢，除了有泡菜，仲有唔同既蔬菜，有椰菜花，西蘭花，翠玉瓜和椰菜，十分豐富。面有一粒煎蛋，一督個蛋黃仲識流心，望落好治癒....豚肉既份量也不少，而且肥瘦比例剛剛好2. 香蒜鮮茄醬燴德國豬肉腸意粉 HK$98配餐湯、芝麻醬雜菜沙律和工匠麵包配低糖綠茶餐廳主打健康，所以味道以清淡為主，香草和鮮茄醬味突出，豬肉腸切到一片片薄身，與平時食既略有不同，味道偏健康較淡味，一點也不膩，肉質有彈性

頂級肥牛片叻沙湯麵🐮🍜～都幾多餸，有肥牛片、魚蛋、魚片、豆卜、芽菜，油麵底，啲油麵幾索叻沙湯底意式蕃茄汁焗雞扒意粉🐓🍝加配餐湯及沙律🥗～焗得真係好熱，意粉幼身，有啲咬口，蕃茄汁足夠伴哂成碟意粉，雞扒厚身，皮有啲焦香～餐湯係好香忌廉味、好creamy嘅磨菇忌廉湯，附上一片深啡色、軟綿綿嘅切片麵包🍞，上面已經搽咗半溶嘅牛油🧈另外有沙律菜同蕃茄粒🍅芒果乳酸梳打🥭～個底都幾多芒果蓉同漿，味道係柔和嘅，唔會太甜，所以就啱我多啲～梳打係比足一罐你㗎，大約仲有半罐可以refill倒荔枝乳酸梳打～個底一樣都幾多荔枝蓉同漿，比足一罐梳打，味道就強烈啲甜啲，所以就啱我朋友多啲，仲有完整嘅荔枝粒可以食😃兩人埋單人均$100，新餐廳有新驚喜合理👍🏻

Lunch時過到黎見到好多個餐可以揀就入去試下，點知😖😖我點左個意式蕃茄汁焗豬扒飯，黎到見到個焗飯勁深色都唔多吸引心知不妙，果然番茄汁得個酸字，愈食就愈覺得有苦味。豬扒雖然肉質都嫩滑但好薄身，味道就非常普通，食得落口。個焗飯好多汁，汁多到個焗飯好似平時茶記頹飯咁。而朋友就點左個龍蝦汁煙三文魚意粉，呢個仲唔掂，完全無龍蝦汁味，煙三文魚變左三文魚碎，成碟意粉好似三文魚碎撈麵咁，有d過份。佢咁既價錢黎講，好多茶餐廳質素都好過佢好多。