囍八方 (差館上街)

營業中

休息中

今日去食左個下午茶餐!!!!秋風起，飲個無味精湯，即刻暖粒粒返哂。個湯超正，我覺得湯餃好好味。煎餃就正常，overall 都係一間值得一試既餐廳。下次再試其他啦😋餃子

上環自家制餃子🥟上環有好多好食既小店，今次嚟到位於差館上街食餃子。一入餐廳，已經見到廚房既店員系度包緊餃子，餐廳播住耳熟能詳既廣東歌，環境亦令人會坐得幾舒服。🥗 麻辣雲耳青瓜、鹵水蛋叫左一個常餐，跟餐會有前菜小食同飲品。雖然個名叫麻辣雲耳，但食落就一啲都唔辣，而且作為冷盤都開胃，不過青瓜同雲耳就切得太細粒，食完唔太夠喉。🥟 五福臨門五福系指五款餃子，包括芹菜餃、西洋菜餃、韭菜餃、鮮蝦雲吞、鮮蝦菠菜餃，共10件，岩哂啲每款餃子都想試下既人食。餃子皮又薄又滑，餡料調味得宜，濃淡有致。最鐘意既系鮮蝦菠菜餃，兩款餡料夾得嚟又唔會搶左對方既味道。🍵 囍八方冷泡茶用電解還原水衝泡，飲落都覺得健康啲。

⭐ 煎粟米香菇鮮豬肉餃 （6隻）$47⭐味道：7/10👧🏿👦🏻:煎餃嘅皮比湯餃厚，煎得好香口，外皮微脆，少少油膩但可接受。餡料唔算好多，香菇味濃，粟米每隻餃都得2-3粒左右，唔算好多，但口感唔錯🤙🏼⭐ 骨膠鮮魚湯松茸餃（6隻） $110⭐味道：8/10👧🏿👦🏻: 店舖聲稱自己冇落味精，我哋飲咗好多都冇口渴，味道好清甜，感覺真材實料，但我哋就覺得個湯好似淡味咗啲，唔算突出。餃子外皮好簿好滑，松茸味好濃連埋啲湯底飲會有種健康嘅感覺🤣不過餃子偏細隻，貴咗啲，食過一次就夠🤣⭐鮮蝦紅油抄手 （8隻） $45⭐味道：7/10👧🏿👦🏻: 紅油抄手係我哋嘅最愛，呢間嘅抄手同餃子外皮好簿好滑，入面包嘅蝦新鮮，不過偏細隻。調味用啲蒜蓉新鮮香味，辣味反而冇咁出。

Hei Baat Fong became my favourite dumpling place in Sheung Wan after visiting it for the first time. The dumplings were so fresh with huge, meaty shrimps! The skin was reasonably thin. The best part is definitely the collagen fish soup! It’s so flavoured yet not overly salty. I drank every single drop of it and enjoyed the whole bowl through and through!Definitely coming back to try out other dumplings, and probably with noodles too next time.

透過 Openrice 外賣自取 9 個餐, 去到門口見得兩個侍應, 見佢哋忙緊安排座位比堂食, 咁我哋等一陣啦。後尾我 show 我電話畫面比佢睇我係 Openrice 落 order 嗰個, 佢繼續唔理我到後來我同事直接走入去話攞外賣，佢先話 “等咗你哋好耐，阻住晒我擺嘢”，嗰下個心都有少少 hard feeling大熱天時拎住啲外賣, 返到 office 發現漏單, 咪即刻打電話返去餐廳同佢講, 打第三次有人聽, 同佢講漏單, 對方死都話已經出齊, 後尾又突然轉呔話補返比我哋, 叫我哋 5 分鐘後嚟攞, 咁咪唯有係咁再去到嘅時間, 我同事同佢講係漏單嗰個。竟然傳嚟一把聲音講 “*聲稱*漏單嗰個”。What???什麼 ”聲稱“??? 事實真係漏咗單, 我呃你哋做乜啫? 有心呃就唔會呃最平嗰兩碗呀??真係好嬲, 我哋平時都成日食呢間餐廳, 點樣可以咁講嘢㗎!!

之前喺上環見到呢間中式小店都無為意佢叫乜名，原來佢係「囍八方」。咁佢咪即係由深水埗開到去上環😳，兩區格調好唔同喎！上環店賣嘅食物款式比深水埗店還要多，但價錢就稍為貴少少啦。除咗餃子外🥟，呢度仲有賣飯餐、撈麵、車仔麵同各式小食等。煎粟米香菇鮮豬肉餃($47/6隻)，餃皮偏厚，輕煎所以個底唔算好脆。豬肉餡相當多，當中混入咗粟米粒🌽同冬菇🍄，以增加口感同豐富口味，而且佢亦算幾多汁。湯素餃($48/6隻)，湯餃同煎餃嘅口感有所不同，湯餃就可以品嚐到餃皮嘅滑。素餃嘅餡料其實都有粟米同菇，但就當然無肉，感覺健康💚。另外，素湯味道幾特別，清清哋，可以濕下口。農家粟子炆鴨飯($56)，飯餐會奉送一碗美顏骨膠紫菜鮮魚湯，湯品煮至奶白色，幾好飲，又唔腥。粟子炆鴨幾大碟🦆，不過要噒骨…，但味道都OK，唔會太鹹。白飯一碗，如果唔夠可以添加一次🍚。囍八方冷泡茶($26)，冷泡茶用樽仔裝住🍵，茶味清香，估計應該係綠茶底。小店喺餐牌度強調住係用電解還原水沖製，好搞笑😂。枱面上放有調味料香醋同辣菜甫，後者辣度好厲害🌶，但亦好脆口，令人又愛又恨。總括嚟講，餃子店喺香港多的是🇭🇰，但囍八方係幾有自家特色嘅，裝修亦比較有心

Happy Friday! 星期五收工之後行左上山晚餐，又試試新野先，今次係餃子，地點係位於上環差館上街既囍八方。其實我真係幾鍾意食餃子，以前收工收得夜，都鍾意簡簡單單快快脆脆淥一包即食餃子加d菜就一餐。今日係我第一次出街特登食餃子。喺呢度有間紅噹噹嘅餐館都幾得意。入面有幾張枱，座位唔多，不過勁光猛。餐牌有湯餃，煎餃，雲吞，丸，小食，可加$12加麵底落湯菜品，麵底包括米線，米粉，河粉，生麵，上海幼麵，上海粗麵，淮山麵，出前一丁。餐牌亦都有套餐。第一次黎，咩都試下先，叫左一個撈麵，煎餃同湯餃試下水準先。沙爹肥牛撈麵 $48肥牛都有好幾塊，唔算韌。個沙爹汁少少辣，幾好味。麵係生麵，雖然腍左少少，都仲有咬口。伴碟仲有半條生菜。跟紫菜骨膠鮮魚湯跟沙爹肥牛撈麵有紫菜骨膠鮮魚湯，係奶白色架，飲得出係魚湯。加左少少紫菜同蔥花調味，健康好飲唔覺有味精。招牌煎西洋菜鮮豬肉餃 6隻 $39招牌煎西洋菜鮮豬肉餃新鮮煎起，皮超脆同辣口，入面都算足料。自己倒枱上嘅上海米醋調味，個人略嫌米醋味道較淡。骨膠鮮魚湯芹菜鮮豬肉餃 8隻 $49湯餃真係不得了，皮簿饀靚，入面超多芹菜粒，啖啖都係脆口，唔洗點醬都好味。個骨膠

星期五無帶飯，放lunch打算自己一個去覓食，行過荷李活道見到一條樓梯嘅盡頭一間幾有feel嘅餐廳，又唔使等位喎，所以就入左去。可惜食物比起佢嘅外表爭好遠好遠🙈我事前無做功課睇下人地d食評，原來佢地餃子係出名嘅，但係我叫左蘿蔔炆牛腩飯😂結果係⋯⋯牛腩鞋烚烚，牛筋韌。蘿蔔係完全無同牛腩炆過，白雪雪嘅，最過分係勁多渣，我咬左一啖就完全無食過，同食蔗係無分別。連碗白飯都可以出問題，係生米。碗所謂美顏骨膠魚湯係好似水咁淡，完全飲唔到魚味，莫講話d膠，唔知膠左去邊😆不過佢話無味精都應該係嘅。我知我知，去一間食餃子嘅餐廳叫飯食係我蠢左，但係都無理由會差到咁樣下嘛🙈

🔥AL Day Set D. The pursuit of Happiness ($68) 常餐D. 五福臨門五款新鮮手工湯餃，除了每款食材獨特鮮香十足，滿滿餡料包裹再軟滑的餃皮內，再喝一口清醇溫暖的骨膠魚湯，很有家的感覺，幸福感滿滿😍。另外配搭冷泡茶，茶味清純回甘。-🔥Shrimp Wonton ($52) 鮮蝦雲吞撈超多蝦籽撈麵最港式的配搭但驚喜地惹味。無論蝦籽撈麵還是鮮蝦雲吞都非常出色，撈麵爽滑、雲吞彈牙。-🔥Fried Watercress and Pork Dumplings ($39)招牌煎西洋菜鮮豬肉餃西洋菜餡清香鮮美，煎餃除了比水餃香脆，還多一份嚼勁。-位於上環的囍八方充滿中式情壞，雖然地方不大，但餃子新鮮製作，質量滿分，除了本地客人也吸引了不少外國人。-📍囍八方 Hei Baat Fong上環差館上街3號&3A地下

中上環真係好多小店好食，近排都同老公周圍去行下，行下小店行下摩羅街，行吓行吓行到腳軟，入咗呢一間小店食餃，水餃雲吞煎餃乜都有，叫咗少少野，今晚仲要食晚飯🤣常餐A🍜自家製豬軟骨鮮蝦菠菜餃米線豬軟骨軟身夠入味，鮮蝦菠菜餃鍾意佢蝦大大隻，菠菜，感覺好健康，配埋骨膠魚湯底，香濃鮮甜🥒小食：麻辣雲耳青瓜+滷水蛋🍹飲品：囍八方冷泡茶用小樽仔裝住嘅冷泡茶看似冇乜特別，但其實係用咗電解水泡出嚟架🦐鮮蝦雲吞麵超多蝦籽麵真係超多蝦籽🤩鮮蝦雲吞蝦夠鮮甜，麵夠彈牙👍🏻仲配有骨膠魚湯，正！🥟招牌煎西洋菜鮮豬肉餃外皮煎到好香脆，餡料十足成隻餃子非常飽滿，配上自家製辣菜脯非常惹味😙

我一向都鍾意食餃子，喺上環慢慢行下行下見到有一間望落裝修好懷舊嘅餐廳，一睇有餃子食就入咗去。餐廳門面用紅色框框圍住，一眼就見到。骨膠鮮魚湯西洋菜鮮豬肉餃 (42/ 8pcs)呢個餃子真係超級好食，呢度嘅餃子係餐廳每日新鮮自家包嘅，睇相可以見到非常之飽滿，咬落去好新鮮，西洋菜同豬肉嘅比例啱啱好，非常推薦。湯底都唔錯，不過餃子搶咗焦點，因為餃子實在太好味。煎粟米香菇鮮豬肉餃 ($36/6pcs)食完湯餃就食呢一個邪惡嘅煎餃，食到非常之香嘅粒粒粟米同香菇，呢個組合冇得彈。自家製豬軟骨撈麵 ($49)呢個豬軟骨撈麵係一個餐，跟埋一碗骨膠紫菜鮮魚湯，豬軟骨大大舊有成三舊，仲有啲蝦子麵係非常之爽口彈牙。湯係同上面嘅湯餃同一個湯再加啲紫菜。好好品嚐呢碗湯，真係好鮮甜，同埋呢度標榜無添加任何味精，果然飲晒都唔會覺得口渴。餐廳嘅自家製菜莆好惹味，用佢黎撈麵或者點餃子都唔錯。囍八方冷泡茶 ($26)呢個樽仔非常之可愛，枝茶凍冰冰非常清涼，原來仲係用電解還原水去泡嫁。

娑婆世界 The Sahā World🎈囍八方(上環)/We are living in the Sahā World in which people must endure suffering and testing./佛祖話 我哋每個人都生活系娑婆世界亦即係有「十惡」 充滿缺憾既世界 或者佢係啱嘅但每件事物都有正反兩面 話唔定你會發現「十善」呢☺️煎芹菜鮮豬肉餃 (6pcs) ($42)芹菜餃子外皮煎得香脆 呈金黃色 咬落有芹菜嘅脆同爽 清清地 點上佢地自家製無添加防腐劑既菜莆 混合上海米醋酸而帶點微辣 好開胃 仲可以食好多隻添骨膠鮮魚湯西洋菜鮮豬肉餃 (8pcs) ($45)有靚湯飲當然飲左湯先啦😌湯底呈米白色 因為無落到味精自家熬制 飲落鮮甜 絕對唔會口渴 最後比我哋清空哂😂入面既西洋菜餃 餃子皮好薄 薄到好似雲吞皮咁食落去餡料份量好多 脹卜卜好滿足🥰鮮蝦雲吞撈超多蝦籽撈麵 （配紫菜骨膠鮮魚湯) ($52)鮮蝦雲吞大粒足料 面頭仲灑滿蝦籽店主教我哋將撈麵加上菜莆同上海米醋一齊食 不過撈麵本身比較乾身 要加幾羹鮮魚湯一齊撈就差唔多🙈囍八方冷泡茶($26)冷泡菜用電解還原水冷泡 沖

喺上環食餃子，大家一定會諗到永樂~~不過小妹食過幾次，覺得佢無論咩餃都係個個味😅 今次介紹呢間好食好多😉呢度嘅餃子款式都唔少，鮮豬肉餃有配韭菜、西洋菜、芹菜嘅選擇，另外仲有粟米香菇鮮豬肉餃、鮮蝦菠菜餃同松茸餃。湯餃嘅話，小妹最愛🥟西洋菜鮮豬肉餃同🦐鮮蝦菠菜餃。有一排小妹不停買生餃返屋企食，連唔好餃子嘅小妹媽都話唔錯。湯餃外皮做得夠薄，薄到可以透到入面嘅餡料，就算食曬成碗都唔會因為食好多粉糰而飽飽濟濟。小妹推介大家配🐟骨膠鮮魚湯底（店員亦大推），奶白色嘅魚湯濃郁，同餃子味道好夾。如果怕食餃子唔夠飽，仲可以揀餃子配麵，仲有比較少見嘅淮山麵。麵條幼幼，唔會淮山滑潺潺嘅口感，而且仲係低卡食品，感覺好似冇咁heavy😂另外仲有煎餃，用半煎炸嘅方法煮，所以煎得好脆口。煎餃小妹大推🍄松茸餃，松茸嘅味道好香，煎熟後松茸汁會鎖住係餃子入面，一咬就會必曬出黎（要小心到辣哦~），好食🤗！粟米香菇鮮豬肉餃都唔錯，不過如果加埋芝士會更好食。

囍八方 地址: 上環差館上街3-3A號地舖電話: 25900800=====================想起媽媽包的餃子，總會包好一大盤放冷藏格，小時放滾水煮十幾分鐘就食得，仲會自己幫媽媽包，但手勢唔好煮完皮就爆開掛住餃子滋味，就去食份來解一下思念之心情紫菜湯湯底係用魚煲架，難得飲落無腥味，滾到變白，值得一試湯餃係怕肥架女友點，我亦都夾了隻食，皮薄入口好滑，大量菠菜同足量鮮蝦餡，同個湯襯埋美味，女朋友飲到湯一滴不剩Satay肥牛撈面男人架首選，面爽身西走多餘水份又無煮過腍，肥牛手切口感係唔同架特別有嚼勁，加埋個汁仲有幾分茶就satay 牛feel 。煎餃豬肉餡，瘦肉比重佔多，口感一流同有張吸油紙索多餘架油，食落唔會一口油，點店家提供架辣醬或醋食冷泡茶味濃郁，微澀得來有茶迴甘，好過飲甜死人架珍奶啦。

最近的天氣越來越熱，就算早上出門，有時也會滿身大汗。所以一到晚上，就鍾意食啲清爽，又容易入口的食物。 「囍八方餃子麵館」位於上環差館上街，西營盤地鐵站行過去，大約5分鐘就到。餐廳環境乾淨，主打餃子、麵食。 店員姐姐介紹，所有餃子都係即日做，湯底亦以魚淆湯，非常鮮甜。隨你歡囍（三餸一麵）$52+囍八方冷泡茶$26 湯底……美顏骨膠鮮魚湯面底……健康淮麵三餸……鮮蝦菠菜餃，粟米香菇豬肉餃，豬軟骨 湯底清晰，入口有淡淡魚湯鮮甜，餃子皮薄，餃饀飽滿，豬軟骨炆得入味，肉質軟化，軟骨部分軟滑。 淮山麵係麵食之中最健康的選擇，入口麵質爽滑彈口，非常好食。 囍八方冷泡茶以電解還原水沖泡，茶味濃而清爽，非常解渴。