囍點 (已結業)

昨晚说过黄金虾炸到肉都乾晒好似食虾乾，蟹肉汤羹煮食难湖好似麦皮，炸子鸡揸得肉都乾晒冇晒质感，大班两味魚柳及红烧头骨都系过晒火浪费左条石斑，其他菜式真不敢恭维。唯一过得去就系螺肉炖汤。

神秘餐係呢間餐廳一直既賣點，可以唔使諗食咩，有驚喜之餘，味道仲好好... 但今日下晝同同事一行5人黎食，大家好熱烈話要神秘餐，餐廳員工就話：「唔使再叫神秘餐啦，寫晒係餐牌，自己揀ABC餐。」當下非常失望，以前既期待同驚喜無晒，而且咩自由度都無，set死晒ABC，咁呢間餐廳仲有賣點咩？好不容易揀左個5人餐，邊飲湯邊等，等左30分鐘先上第一碟送，邊食邊催，因為大家下晝仲要返工，當時見到隔離檯都一樣無野食，心諗起碼我地有個送食住先都好呀。但到1點10，佢只上左4碟，d送明顯細碟左，我唔明一碟油菜點值$85，而家仲要無埋白飯任添，而碗飯係細左既，唔夠我d大胃同事食囉。我地等唔到第5碟送同埋糖水，話取消一個送走，唔食糖水賣單走。一肚氣事件就發生了，餐廳員工堅持收足5人錢，因為餐牌寫明每人最低消費$85，但我地明明無食到第5碟送，就咁爭持左一陣，我地無時間同佢係度晒，決定每人夾多$20俾佢，同永遠同呢間餐廳講bye bye, black list!

明明第一次同一班同事來食晏都感覺良好，因為人多仲有神秘餐由餐廳安排，小菜吸引又好味。所以今次特別帶一位朋友來試，誰知。。。餐廳位於工業大廈內，室內空間大，容納相當多枱櫈。我倆被安排到一張位於死角的二人枱。店員話人數太少不做神秘餐，我倆便看餐牌點餐。餐湯係羅宋湯，味精感極重，嘗試飲下去但飲到一半已要放棄。麵醬茄子黑豚肉炆米粉，菜名甚是吸引，上菜後給嚇壞了!是否茄子很貴?黑豚肉的肉去了哪裡?食落味道奇怪，除了又鹹又怪外，很難用其他形容詞表達。。。鮑魚香菇雞粒蒸籠仔飯，菜名極之有實力，賣相尚可，但一入口，二人兩目交投，粗口從心裡透過兩雙大眼睛表露無遺。香菇在哪，雞粒何處?些微鮑魚汁的味道也沒有，天啊，這會否過份了點?! 最正常是這個冰冷的豆腐花。。。驚看餐牌，價已漲，食物質素變得不能接受，今次面已盡丟。唯有向友人致歉，希望下次帶他食到一間好味的餐廳補數。

很久沒有上囍點晚飯，於是兩個禮拜前開始吹雞，集合咗一班竟然係大部分茹素嘅朋友，訂枱時就試一試問吓食素多選擇嗎？回覆是「冇問題」😍 索性就話食齋啦😝😝。到步時我們沒有看到菜單囍點 - 喜出望外#原個椰青燉雙耳 ～ 很清甜的湯，雪耳又有豐富的骨膠原#六福臨門 前菜（將六款不同嘅前菜切埋一齊，包括欖菜菇，咖喱豆乾，芥末云耳，黃金苦瓜，陳醋矮瓜，豆腐皮蛋）本人係十分之喜歡食前菜嘅，合晒我心意#玉乳花香 - 芋容盒子係我嘅最愛#原個南瓜燉蛋白 - 一人一盅日本小南瓜，大滿足#藍田種白玉 - 小棠菜髮菜冬瓜（我對小棠菜沒有好感，因為試過係啲西餐廳度食咗變壞嘅，呢個好清甜，驅走咗我過往不愉快的感覺）#七彩粉絲#薑米蛋炒飯 - 強哥出咗嚟樓面，我肯定係肥師傅煮嘅，好好味呀😍😍#薑汁蕃薯涼粉#煎堆碌碌 #金銀滿屋最後飽到依家都唔敢睡 😜😜

由地舖搬到樓上舖一直有黎食，但今晚非常失望食物份量小、蝦炸到過火、鹹到不能接受、服務態度又唔好。相信我短期內都唔會再黎。上一次是四個月前已經唔好食，事格咁耐更美喔.....

昨晚幫親，都坐無虚設，全部都訂左位。先來一煲年藉豬骨湯，用煲上，但不比湯渣，奇怪？ 小食：芥末雲耳、黑醋茄子，好好味😋. 跟住係波蘿咕咾黑豚肉，味度幾好，但黑豚肉係肉絲，同埋有D un ( 已炸左一段時間）我令願食傳統的一舊舊有骨嗰種，香口D。另外一碟，係鮮茄奶油炸蝦球，蝦又係一早炸定，un 左，無蝦味，加鳥冬加二十元，無特別，但收$148。 另外一客焗花甲，用蒸籠放入一隻好淺嘅鉄碟，放左幾隻花甲（過左火、好多沙）、加入豆腐卜、雲耳、黑胡椒，就是咁多多，收$128，認真唔抵食😔。有彈都有讚，佢嘅老板炒飯好好食，好乾身、有咸蛋皇好甘香, 另外個薑米芥蘭，好香香爽；最後食埋佢一碗三粒嘅薑汁湯丸😋😋😋（退左馬拉糕，因面頭濕濕地）

囍點在鰂魚涌工廠大廈內，上網 search 才知道地址。到達時，因時間還算早，故不是太多人。如無訂位，建議晚上七點前到，因過後已見人龍。 晚餐套餐只有一人餐選擇，因想試多D野，故我們散叫。 先黎老火湯，湯非常濃郁，亦無味精。但飲湯唔包湯渣感覺怪怪的，另外湯亦偏喊。 石鍋三杯龍崗雞，上菜時熱騰騰的，而且非常香，雞肉非常嫩滑及入味，必食之選。 清清地炒碟薑汁芥蘭，落單時已要求少油但亦偏多，不過芥蘭嫩及新鮮，一讚。 見好多人叫，亦試下。薑汁真的是非常薑，少量入口已全身暖，但可惜湯圓皮太厚而且$20只得三粒稍貴。

是日星期五，同同事們一齊出黎「囍點」食飯。「囍點」位於鰂魚涌同太古兩個站之間，交通非常方便。呢到每一個「午市精選套餐」都係68蚊，有飯/麵，湯，同埋糖水。餐廳以無味精同健康做賣點，多款家常小炒同老火湯，最適合上班一族同無飯夫婦。今日我叫左既係「鮑魚雞粒蒸籠仔飯」，落左單好快就有靚湯飲啦。是日靚湯係蓮藕栗子紅蘿蔔煲西施骨，飲落味道好好，無咩味精，似係屋企飲到果D。鮑魚雞粒蒸籠仔飯:賣相非常吸引既籠仔飯，充滿住鮑魚同雞粒既香味，亦都吸收好多醬油既味道，味道一流。甜品係豆腐花，豆味好濃，又香又滑，唔洗加糖食都得，味道天然唔錯。

因為出開去太古幫個客對數，食晏時間同個客食呢間囍點。環境不過不失，之前都聽個客講呢度既湯唔錯，因為無加任何味精。是日星期五靚湯蓮藕栗子紅蘿蔔煲西施骨飲落味道好豐富，飲完唔會話好口渴 是日揀咗XO醬墨魚炒麵好可惜墨魚唔多，而且好似主角同個配角分開炒，得炒麵有XO醬辣味；可能XO醬關係會比較油少少。飯後附送摯愛豆腐花 好香濃豆味，如果健康朋友可以唔加糖食！味道天然唔錯

由於母親節大日子，想揀0的特別0既菜式，攪攪新意思。見到openrice評語都ok，於是乎選擇了囍點。因為未試過，所以訂位前先上去望望環境如何。雖然係工廠大廈，但門口及內裡格局都好得體，大約10張4-6人枱左右，座位都寬敞，枱與枱之間留有很多活動空間，感覺上還不錯，於是馬上訂枱。誰知係惡夢0既開始 ....  環境：我一上到去以為自己去左街市，明明之前見到得10張枱，現場卻係密密麻麻，張張椅都貼住人地張椅，仲迫過茶記同大排檔，周圍環境嘈到爆，咩叫聽唔到，好彩預早諗定食乜0者!! 否則完全諗唔到野 ~食物：訂位當天已經問左佢地拎菜單，佢地話可以叫小菜，每樣小菜原本已經算酒樓0既$$，而家仲要加$20-$30@款，我忍你，母親節你要賺$$，我明白!! 0的小菜陸續上枱先精彩，0的份量細到2-3人份量，收我成$120碟，唔該比0的良心啦!! 茶記份量都隨時多過你呀!! 1. 石鍋3杯雞：得碗飯甘上下大，味道尚可，但係得4粒雞，其他都係蔥 ~2. 瑞士汁炒牛河：仲細過茶記外賣午餐，0的粉炒到斷晒散晒，要用匙更黎"畢"，好油 ~3. 例湯：100蚊煲得淨水，完全無涵料，都唔知係咪濃湯寶開水 ~

係鰂魚涌上完課搵地方吃晚飯，朋友介紹我們去囍點開餐，金銀蒜油麥菜太油，荷香雲耳花菇蒸龍崗雞，又淡又無雞味，蓮藕栗子茨實煲豬骨湯味道唔錯可惜無湯渣，鴛鴦腸排骨煲仔飯，鴛鴦腸得幾片加埋都唔夠兩條，排骨太淋淋到好似煲完湯咁(可能用太多梳打粉醃過) 所以完全無排骨味，有飯焦但好鬼多油，薑汁湯丸只有辣味唔夠香！

午餐一大班人出街食飯要搵位真係唔容易,想食小菜就難上加難。這天同事帶我地到囍點,我地預早來到,一行十八人等了十分便有位,好少有~叫了不少小菜,但我最喜歡的是黑椒牛仔骨,很香很夠鑊氣,餐廳格局卻可以食到大排檔的鑊氣。另外黑豚咕嚕肉也很不錯,雖然汁算不上是很出色,但肉質很嫩。三色蛋海鮮滑豆腐頗特別,個人覺得不錯,但亦有同事不能接受皮蛋的味道。除了小菜,亦有午市套餐($60),下次人少少可以試下。 

公司在太古坊，為歡送同事，我選擇了位於船塢里東達中心的「囍點」。去「囍點」可以叫套餐，也可以叫小菜。但為免同事們出現「選擇困難症」，我特別預訂了人頭價 $85 的「神秘餐」。「神秘餐」必須提早預約，訂檯時餐廳會問你有甚麼不能吃（例如我因為敏感，特別聲明不能吃龍蝦和蟹），然後由餐廳方面安排，食客只要到時到候去開飯就可以了。先登場的是「麻婆肉鬆燒豆腐」，不太辣，很香，送白飯一流！用石鍋上相當保溫，即使在檯面放了一段時間還是相當的熱。然後是「蛋黃脆蝦球」，鹹蛋黃包著足料鮮蝦，咬下去兩者融為一體。有些食肆做類似的菜色，或許因為成本所限用的蛋黃相當少，但「囍點」的蛋黃醬很多，各位同事吃完後還有鹹蛋黃醬可以拿來送飯。胡椒脆香骨，有台灣夜市的風味。豬軟骨好咬口，夠牙力可以吃點豬軟骨。野菌雲耳扒菜苗和腰果野菌炒雞球也相當好吃。吃過小菜後，更奉送糖水雪耳木瓜糖水，雪耳膠質豐富，木瓜鮮甜，相當清潤。「囍點」其中一個賣點是食物不用味精，撰寫這篇食評是膳後半小時，未感到口乾、頭暈，我相信他的聲明是真的。要再去，我也會推薦「神秘餐」，直至小菜端上來前也不知道的神秘感相當好；而且價錢合理，例如今天我們 5 人去吃

剛踏進四月，雨仍落過不停，好奄悶！知道囍點新推私房菜，兩公婆就訂位一試！七點零上到去，原來兩位都會間個小屏風，自成一角慢慢嘆！通常掛住食唔記得食咗D乜，好在有菜單。蜜椒煙鴨胸：甜中帶點黑椒香，正！芥末雲耳：吃了一口，很嗆！交俾老婆。黑醋茄子：微酸，醒胃。原盅杏汁燉豬肺湯：對於杏仁味十分抗拒的我，此湯味道剛好，老婆就話濃D仲正！鮑羅萬有：山根釀入所有材料，略嫌螺肉太硬，轉鮑魚就正啦！群龍聚首：黃金煎及沙律汁燴，甘香味濃，無得輸！涼瓜菜甫肉鬆煎封海英䱽：估唔到個汁同條魚咁夾，互相交纏，好複雜！鮮蟹肉南瓜蓉蒸蛋白：每層味覺，口感，都有驚喜！至此，老婆已經飽到投降。翡翠田園：小唐菜加杏鮑菇，正好清一清味蕾。馬拉盞排骨蒸籠仔飯：雖然好飽，但一打開個蒸籠，果陣荷香，馬拉盞香，排骨香，飯香，撲鼻而來，唔食對唔住自己，餘下打包（真惜食）。精美甜品：當然整碗薑汁湯圓驅寒啦，真係好辣！雞蛋迷你馬拉糕：鬆軟彈滑，完美結局。食飽埋單，不經不覺食咗兩粒鐘，下次試埋另一款先。兩公婆趁無落雨帶埋個飯盒散下步。

Located on the 12/F of a commercial building, this restaurant is not a place you just happen to pass by. Yet the restaurant was packed when we arrived at lunch time! Luckily we had a reservation so we didn't have to wait. The place was pretty big with lots of tables so the busyness was a bit surprising to say the least. Supposedly no MSG is used in their food so perhaps that explains their popularity. The decor was a bit old school with dark wood furnitures and the word 囍 plastered around. The s