四哥台式雪花冰專門店 (已結業)

最近團購網推出優惠，用18元可以品嚐到價值40元的四哥台式雪花冰。坦白說，以往在團購網甚少光顧食肆優惠，皆因在Openrice最多劣評餐廳排行榜名列前茅的食肆，光顧的人通常就是因為團購而中招的受害者。但這次情況有點特別，原因是之前我已光顧過"四哥"數次，知道甜品質素確實不錯，加上這次又是夏日最愛的雪花冰，於是馬上"落搭"﹗當然買的時候也有點忐忑，怕店子為了將貨就價，食物和服務質素會相應降低。但既買之，則安之，在剛過去的星期六便決定來過大測試。店內的人流比平常多，不少顧客也是手拿優惠券來光顧的。我和妹妹分別點了38元的蜜桃仙子雪花冰和37元的黑白森林(即芝麻雪花冰)。老闆娘和其他店員的服務依舊親切有禮，兼效率奇高，雖然order多了，但不消數分鐘，美味的雪花冰便已擺在眼前。雪花冰的分量並沒有將貨就價，份量依舊適中， (坦白說，有時候份量太多，吃到一半已經冷得面青唇白﹗)心裡已知道這次團購絕對物超所值。可惜只買了4張，但我已盤算著下次再光顧應該嚐試哪種味道的雪花冰。唯一遺憾，是大家只顧食，忘了拍照 ﹗

食完兩轉串燒再食甜品我們生積了專門店即係專門店真係好多款雪花冰配搭好晒俾你揀仲多到唔知點揀好~男朋友叫左紅男綠女 leung名 哈哈caramel sauce+煉奶冰+蜜紅豆&蜜綠豆煉奶冰好重奶味蜜紅豆&蜜綠豆煮得好俾心機 夠爛一粒硬豆豆都搵唔到 like!我就叫左黑馬王子woohoo~~choco sauce+choco冰+香蕉+棉花糖choco冰好濃味不過棉花糖好乾好硬 似俾風吹左幾日咁兩個都係分別$3x 是晚大滿足！

搵吾到糖百府,反而搵到呢間幾好,地方好乾淨每人至少消費$15叫左黃金勇士($40),炸燒賣($15/9粒)同炸饅頭($15/3個)黃金勇士,芒果雪花冰+鮮芒果+火龍果+三色(舉弱)好好味,雪花冰芒果味濃,鮮芒果好甜炸燒賣好熱好趣點泰式辣醬炸饅頭都ok點煉奶

離開小蜜蜂後時間尚早,難得一眾好友聚頭,跑到附近的四哥再多聊一下,其實肚仔也是飽的,反正又有時間嘛。天氣仍有點涼,棉花冰暫不考慮,門前大張易拉架圖文並茂介紹雪嶺雙雄,材料有芋圓耶! 好久未嘗此九份名物,吃!! 以芋圓、地瓜圓、紅豆及北海道牛奶四種材料煮成的雪嶺雙雄,侍應提醒熱食比較好,那就熱吧!兩款台式粉圓能做到軟糯柔軟的效果,可是芋圓並沒芋頭味,相反地瓜圓真有蕃薯香,像樣了!粉圓有淡淡的甜味,不是單單只是一團沒味道粉糰,不過仍是覺得沒在台灣吃過的好,旅行時總是什麼也好吃的。粒粒紅豆其實夠鬆化又不太甜,但已比芋圓有甜味了;北海道牛奶沒想像中有濃奶香,而且只是微暖也不夠熱,溫吞吞的溫度不算得上是熱糖水了。整碗甜品的甜度都來自那紅豆,甜味都是輕輕的,怕甜又想吃甜品的最合用。朋友們的黑糖豆腐花以公雞碗及湯匙作餐具,好古早味的配套!桌面上寫著每位最低消費$15, 我們只叫了四個甜品也沒不滿或另外收費,這方面算得上有商量啦。

四哥....我會聯想起謝賢。入到店內，差不多坐爆，謝賢就見唔到，但就見到林X峰夫婦，來得專門店，都係食番雪花冰穩陣，紅粉佳人，黃色尼舊，名字已忘記，都幾酸下，黑鑽，朱古力，有少少苦，尼三款雪花冰，無特別，無回味，而家再想想，都差不多忘記了樣子。

喺團購網度半價買咗四哥coupon, $15換$30食品，好抵。買了兩張，可一次過用，於是放工之後同阿媽去食糖水。推出了新品，雪嶺雙雄 ($38)，用3.6 牛乳加上紅豆同芋圓。加多個黑糖桂花珍珠糖水 ($22)，潤晒！雪嶺雙雄，熱呼呼，牛乳味十足，同紅豆撈勻就好似紅豆湯咁，不會太甜。紅豆煮得很淋，很綿；芋圓在香港較少食到，很彈牙煙韌；不過芋圓香味不足，但始終喺香港要食到正宗又好吃又香嘅台式芋圓是很難的。所以其實四哥嘅芋圓我都好滿意架喇。黑糖桂花糖水係至愛，食過幾次，印象良好。今次配珍珠，好味，珍珠好煙韌，好甜甜地，好好味。食完之後感覺好潤！

黑馬王子好濃chocolate flavour ge 雪花冰加埋 chocolate sauce 同 marshmallow & banana slices 好好味個味好match^^唔算話係好好味好特別, 但係真係唔差, lee頭最好食係佢^^waitress姐姐好好服務態度, lee個要讚^^因為好多時糖水店多人gor陣d waiter/waitress 會好炆-__-

由於食晚飯ge地方唔方便坐咁耐，於是七點鐘就走去食糖水。都應該好少人會七點去食糖水囉！一行三人，坐中央的四人台。由於晚飯唔夠飽，於是一人一碗糖水再加多個鹽酥雞扒share。要了黑糖桂花蘆薈糖水 (hot), $22。熱辣辣，呈深啡色，桂花都變jor啡色，蘆薈沉底。蘆薈切成四方小粒，份量適中。黑糖味道好濃，桂花味都好出，唔會被黑糖蓋過。味道不會太甜，好滋潤！鹽酥雞扒都係好正！新鮮炸起，熱到飛起！雞皮都炸至脆身，但肉就好嫩滑，好juicy，唔會乾。味道也調得一流，不會太咸，剛好！

係間黎食左dinner,朋友話4哥好食咁就緊係緊試下啦叫左芒果綿花冰,士多啤梨剉冰,黑糖桂花...(唔係好記得個名)芒果綿花冰--奶味過重,不過d配料都幾好食(mango,火龍果)士多啤梨剉冰--真係出符意料之外咁好食...佢刨得好幼細出面有士多啤梨汁,入面有花奶,真係好好食...老板話佢地係跟日式整ge黑糖桂花...(唔係好記得個名)---都好食,好重桂花味,好足料..有珍珠,雲耳...之後要黎多round...叫左黑糖豆花,黑糖紅豆剉冰,芒果寒天全部都好好食.店入面播ge台灣歌好多都識,好正同埋老板好nice下次都會再去

同朋友食完飯, 大家都想再偈多一陣, 所以走去搵甜品食吓, 行行吓見到呢間好似好多人, 就入左去試吓啦.我地兩人都未食過雪花冰, 見佢又話好出名, 所以我地叫左一個share試吓.最後我地叫左巨峰提子雪花冰, 還配有蘆薈, 愛玉, 菠蘿味蒟蒻. 黎到賣相都幾靚, 第一啖食雪花冰, 好濃郁的巨峰提子味呀, 好好好味!!! 其他配料都好好食, 尤其菠蘿味蒟蒻, 好濃菠蘿味, 又係好好食!!! ^^環境都唔錯, 好乾淨又坐得舒服, 老闆又好有耐性話比我地知有咩食.

花園街，有好多小食店，呢間係賣臺式雪花冰的，仲有臺式鹽酥雞排等小食，黃色的店面讓人很有食欲，店面細細，一共四五張枱。黑鑽武士，就是摩卡雪花冰，裡面加珍珠和寒天；味道純正，唔甜，很喜歡。珍果雪花冰，裡面加了爆爆蛋（一咬就爆出果汁）；味道酸酸甜甜，喜歡。鹽酥雞排，好嫩！！！非常好吃。炸魚豆腐燒賣，呢個一般啦。

之前吃糖百府 吃了幾次, 店開得多了. 質素下建了... 吃了像風一般!昨天跟友人飯局後的甜品店選了四哥.莫卡棉花冰. (叫什麼白鑽武士) 加棉花糖,,,好食. 口感非常好.(可惜電腦壞了沒能上載相片.)不是太甜, 味道ok適中吧. (對我來說是有點不夠甜!)正.值得再去多幾次.

一向都鍾意食冰, 試過好多間, 覺得呢間最好!! 好過開到成行成巿既糖伯x試過咖啡味同埋巨峰提子味,佢地既冰雪得好凍, 就算慢慢食, 食到最尾都冇乜點溶味道多選擇, 食落去既時候feel到d冰慢慢溶, 而巨峰提子味既質感好特別, 溶緊果陣有d似啫喱而呢間冰店亦都有少有既剉冰! 大大碗!! 推介紅豆綀奶剉冰!!而且亦都夠凍, 溶得好慢因為d冰刨得好碎, 入口好似食緊雪粉咁, 值得一試!由於所在位置比較少人行過, 所以唔駛等位, 但係因為咁亦都冇乜人知道有呢間冰店希望各位食家支持下一間咁好既冰店順帶一提, 佢地星期四會送小食, 話慶祝開業一週年食過2次都係雞翼, 雖然同d冰有d唔襯, 但欣賞佢地既誠意

我係第一次食綿花冰ga ,之前聽人講綿花冰入口即溶 ,好似食空氣咁 … 今日終於都食到啦 ~~ 聽講呢間好出名 ,所以就試下呢間先。我食個款係牛奶味綿花冰 ,旁邊有紅豆加一粒粒唔同色既椰粒(好似係) ,味道比我想像中好 ,原來都有口感﹑有咬感 ,有d似雪糕 ,牛奶味都幾濃 ,不過我都鍾意食牛奶味 ,承惠$30 ,又唔算好貴wo ,好啱依家天氣食 !! 因為我同另一個fd 都未去過呢間野 ,不過花園街有時都會行下 ,但唔知原來個邊都係屬於花園街 ,竟然係無乜可能既地方 ,搵左都幾耐下 ,下次我一定會再去 。

下午五時出了太子地鐵站，想起附近好像開了一間新糖水店，主打雪花冰，便去試試。甫坐下，看見隔離檯四人一人一碟雪花冰，很大碟，但因為我在午飯時吃得很飽，所以便看看餐牌上有沒有其他甜品。它的雪花冰大概三十到四十多元一客，賣相好像比別的糖水舖漂亮。他們也有以黑糖做成的甜品系列，我本欲試試黑糖豆腐花，但可惜已賣光了。於是，我便叫了黑糖番薯糖水（＄１５）。我個人比較喜歡大大件的番薯，但是糖水來到後一看，只見碗內有十多粒小小的蕃薯粒，番薯味道很淡。糖水是深褐色的，可能是黑糖的緣故吧，我擔心味道會很甜，但幸好喝一口後感到很重薑味，反而沒有甚麼黑糖味。下次試試雪花冰,好像幾大碟，而且隔離檯讚不絕口。