四哥台式雪花冰專門店 (已結業)

之前同女友去食, 食了2款雪花冰（芝麻和芒果味）以及一杯冬瓜水：雪花冰：　比其他雪花冰店的更有層次感，可能製作時間夠快，到入口時還可以看到一薄薄片的雪花冰，其他雪花冰店的只是一層層的（已經融埋一起），所以有很大差異。味道：芝麻味出色但味到可以再濃一些，芒果味很濃。配料：款式不夠多‧一款雪花冰只有２‧３款配料唔夠啦！份量：一個女仔食ok啦！但本人係男仔就．．．服務：就一個字．．好，而且對客人好細心冬瓜水：可能當日３０幾度，而且由旺角行去太子，所以一飲下去有一種清涼感覺，因為唔太甜，很適中

第一次食台式雪花冰~~不過不是唐伯府不是唐仁街是四哥~我們一行7人..店中人頭湧湧~心想:唉~~有排等==點知等左10分鐘度就入得店中很光猛..藍色配白色的標誌很鮮明~店員很有禮貌而且笑容滿臉我們點了6個花冰,,整體都不錯最令我驚喜是紅粉佳人,,STRAWBERRY味道最清香惠顧剛好$199..得到了要惠顧滿$200的VIP Card,,哈哈今天很滿足!!一定會再黎同仲會推介比朋友

第一篇食評 之前睇左好多人食呢D雪花冰，經過個ＦＤ介紹，去左呢間！朋友話草莓麻麻，太甜，所以揀左牛奶味配芒果漿再加焦糖布丁（加３蚊）我就覺得佢份量太少，同朋友兩個食好快就食晒布丁同ｏ者ｏ利無麥分別，仲可以啦坐位都唔錯，可以再黎牛奶味配芒果漿加焦糖布丁＞＄３１

差唔多行晒成條花園街先搵到阿四哥~一黎個SERVER就話因為台灣地震有幾款黎唔到貨~~包括左我想食既巨峰.....於是就叫左黑芝麻冰底~~好似好特別GUM~未試過~~朋友叫左個百花果冰底~佢係OPEN KITCHEN~所以可以見到佢點整~係一個圓形既大冰~~再夾係個機度~一開機~隻碟轉呀轉呀~一塊塊既雪花冰就出黎了~ 黑芝麻既味道幾特別~再加埋珍珠同火龍果~~朋友既百花果都好香~~但份量唔夠糖百府多~~但值得一試~~

我大大話話食了幾十次,,只得1-2隻味未食過!!!最正係芒果味banana味太淡passion fruit 的落太多汁, 太sweetstrawberry, 初初食覺得味好假, 但食落都ok提子味都ok 清新coffee 好重味黑芝麻好濃, 都好正chocolate 有dd 苦, 但都好正宇冶金時都ok, 但苦了dd佢d 消脂茶一我覺得似乳酸的味!!服務太過好, 係好得濟, 有個男服務員係咁介紹, 係咁講, 太太煩!!! 怕了他!有時服務over左, 會令人覺得好煩ga!!講番地方啦. 方便同埋都好干淨..(有d掛住食, 不記得影相, 不好意思)

之前見到有newspaper 介紹所以去食的~~~~叫左個黑芝麻味雪花冰..第1次食雪花冰..覺得食落好似食緊ice cream 咁..食落都有d黑芝麻味..口感唔錯~同埋唔會好快就溶~~~overall 都唔錯有機會會再去食的~~~

set唔係太岩,散叫點左牛奶冰同朱古力冰~$28,包一種醬,可令加水果/配料...份量唔多唔少,冰底味道香濃!如果$28包多一個配料會抵食d~最好係10點都唔洗等好耐位,點計都好過糖百府

這個夏天，一定是台灣的天下。珍珠奶茶，麵線，雪花冰大行其道，是晚去巴士站途中就遇到一間食雪花冰的，為食的我又怎會放過？點了士多啤梨雪花冰，這裡的價格好像比一般的店子貴一點，份量又少一點。這個士多啤梨雪花冰的配料很簡單，只有士多啤梨醬和士多啤梨。冰是綿綿的又透心涼，味道有淡淡的士多啤梨味，夏天吃就剛剛好。士多啤梨應該有浸糖水的，因為掩蓋了原本的酸味。這間小店勝在服務很好，讓人吃得開心。

琴日去左食糖百府,今日就黎試下依間四哥台式雪花冰以為係同一樣野會差唔多味但四哥既雪花冰係好食d架今次叫左一個宇治金時($28),同埋一個自選既牛奶冰($35,加左密瓜同荔枝)2個冰既口感比糖百府既更棉,更好食,但濃度都差不多服務都唔錯,一入到去就有人介紹有咩好野食唯一唔好既就係有最低消費,冇得幾個人食一兜

超好食...d冰真係好凍,放左一陣都冇變水,糖百府個d一拎出黎個底已經變水,仲有d冰超有味,mango味好似食緊mango雪糕,唔會入口得冰味...但d雞排就麻麻地,如果有汁一齊食就冇咁dry...

嘩！今日好鬼熱同三點式Ktty去食冰先十一點幾嚟到，好彩唔駛等位店員馬上送上餐牌，我都未嚟得切打開睇，但店員就立即介紹佢最新雪花冰(巨峰提子味)、繼而再講今日推介，但係我咩嘢都冇興趣，因為我係專程嚟食黑白芝麻雪花冰但不能不讚個店員嘅超親切友善嘅推介黑白芝麻雪花冰$30+養樂多魔豆$3其實綿綿冰我一向都係鍾情薑味，但芝麻味我期待咗好耐囉終於有得食喇四哥話芝麻味係佢全港獨家，不過我都未起其他店食到，芝麻味非常香濃，甜度適中，好食唯一係份量同價錢相比略少但養樂多(益力多魔豆)份量又唔算少啊四哥話佢D冰係冇咁快溶，原因係佢嘅冰雪得凍D(維持-27℃)，不過我食落又唔多覺冇咁快溶但我欣賞佢嘅專注去做好一樣嘢因為甜品除咗冰，都冇嘜得揀，都仲有飲品同D小食(雞扒、雞翼)所以單係雪花冰佢都有13、4款，有D出面都未見過，至於配料選擇都係13、4款，都唔算少柳橙可爾必思$12，其實係橙味嘅益力多，不過橙味同益力多味都好淡

睇完報紙一直好想黎食冰!! 重拾台灣士林既美食去到叫左一個芒果一個焦糖咖啡冰~佢芒果冰比台軒既好10倍~個咖啡冰好濃~ 有DD苦~ 不過 加埋D 好彈牙既綿花糖~~ 都OK!!雖然 比起我記得既綿綿冰有出入~ 不過我見佢個到~好似咩都台灣入口~~有Ｄ咩都唔知係咩~哈哈見佢一舊舊圓柱體咁既冰~ 真係幾攪笑可以一試~~

去完麵留香食晚餐，再到花街逛一逛，之後再黎食雪花冰。叫了1個share 食。以往喺其他店食，如果一人一個實在太多。不過呢間野，試完就知道一定要一個人叫一個，otherwise唔夠食。要了自選冰。朱古力冰底 + strawberry sauce + 乳酸魔豆 + 手工愛玉 + 三色Q果 ($37)。一送上枱，嘩，點解個"雪山"咁矮嘅？份量又奇少！！！中間的朱古力冰完全壘唔起。畢兩畢就無晒lu~朱古力冰唔夠鬆，冰與冰之間壘得較實，無咗嗰陣入口鬆軟即溶的口感。朱古力味濃，不會太甜。不過就食唔到有strawberry sauce 。相反d配料 (乳酸魔豆 + 手工愛玉 + 三色Q果) 嘅份量就幾多。當食完冰之後都仲有好多剩。手工愛玉無什味道，就是無味的jelly 而已。三色Q果幾彈牙，不過唔太特別。都係乳酸魔豆最好食，一咬即爆，爆出甜甜的乳酸。總括黎講，份量真係太少太少。但價錢又同其他店差唔多喎。服務幾好，好樂意介紹食品。

夏天熱辣辣食甜品梗係去食冰啦星期六八點左右黎到可能新開無耐所以無乜人店內座位比黑布街o個間無咁迫多人時都唔會好辛苦一座低店員就介紹隻巨峰味仲話新到餐牌都未有由於極為喜愛巨峰所以唔駛諗就要一個巨峰另外再叫左個宇治金時先講巨峰:味道唔會太甜好濃既巨峰味由於真正巨峰既味本來已經假假地所以呢個冰味我都唔識分真假再講宇治金時:好濃厚既抹茶味又唔會濃到變苦,味道岩岩好配角紅豆 - 唔連冰食既話有d偏甜美中不足既係雖然兩個冰底都好夠凍,但係唔知點解冰既質地有d濕濕地有d痴埋一舊咁

最近天氣十分炎熱，和朋友在太子晚飯後，一起到這裏享用雪花冰，大概晚上九時多了吧，門外有很多人等候哩。當跟朋友一起就座的時候，侍者很有禮貌的跟我們道歉，說巨峰提子和芒果冰底已售磬。跟朋友選擇了一個牛奶冰底和一個花生冰底，味道十分濃郁，配上合時的水果，真的涼透心。我們因為吃了飯才去吃冰，所以對我們而言剛剛好。期望下一次能夠吃到巨峰提子和芒果就非常滿足了！我會再來的！