四季芬芳

營業中

休息中

屹立於中環「蛇王芬」相信無人不識，獲香港米芝蓮必比登推介，連BBC、CNN、NHK等海外傳媒也報道過，現今已傳至第四代。最近發現係沙田新城市廣場第三期嘅「四季芬芳」係佢哋其下副線，今日就同家姐去食個晚飯。餐廳裝修以中式帶點懷舊風，坐落舒服！今日涼涼哋，正所謂秋風起三蛇肥，食番碗蛇羹先，除咗蛇羹仲有好多款補身燉湯選擇！蛇王芬特色蛇羹套餐139 套餐有花膠太史蛇羹+蛇王芬臘味生炒糯米飯花膠太史蛇羹十分足料，有蛇絲、花膠絲、筍絲、雞肉絲、瘦肉絲、冬菇絲等，還附上薄脆、白菊、生菜絲，入口清甜有層次夠味，必食之選生炒糯米飯粒粒晶瑩分明，色澤均勻，香口軟糯，加上香噴噴臘腸、潤腸同花生，食每啖都好滿足，超正原味小籠包$29 小籠包每粒都有插住一支裝住醋嘅迷你管，好有玩味！小籠包皮薄餡肉Juicy有湯汁，再加吱入嘅醋，非常好味，超蟹粉蝦仁$129 分量十足嘅金黃蟹粉鋪滿係新鮮爽口蝦仁上，兩者鮮上疊鮮，係視覺味覺的享受，非常好味😋蟲草花安格斯牛柳粒$99 牛柳肉質細嫩多汁，蟲草花炸到卜卜脆，再加上蜜糖甜甜地，好創新做法，真係食到停唔到口

香港食蛇羹的地方好多，但好食嘅蛇羹唔易搵。聽朋友介紹四季芬芳的蛇羹幾好食，又好足料，基本上每一根都可以食到絲絲既蛇肉🐍就特地來食。花膠太史蛇羹用料確實足，有蛇肉，花膠，冬菇，木耳等，入口膠質好足，味道好香，美顏又補身。酸菜魚適合不太食得辣又想感受酸爽的人，魚肉好滑而且冇小刺，酸菜酸爽，泡椒味足，湯汁濃白，食到越尾泡椒味越足。麻醬咕嚕雞擺盤好有特色，中間是麻醬，咕嚕雞表面灑了菊花。咕嚕肉多用豬肉，雞肉冇點試過，果然咕嚕雞味道唔錯，雞肉表面炸了下裹了甜酸醬好開胃，裡面的肉質好嫩，雞味都足。點了麻醬之後的雞肉又是另一番滋味，一份咕嚕雞兩食👍蝦球海味蔥油撈面，蔥油極香，面的口感好勁道，唔會軟㜛㜛。蝦球肉質彈牙唔會腥，這個撈面品質好唔錯黑松露小籠包皮好薄，肉餡料足，湯汁都有，黑松露的味唔是好覺。最抵讚的是甜品椰汁黑金龜苓膏。龜苓膏清苦的味道恰好被椰汁中和，使椰汁香味更加突出，連食三件都唔覺膩。

呢間餐廳獲著名食家蔡瀾招牌題字🖋裝潢以海藍配大紅為主調，天花畫上彩繪牡丹同小靈蛇，帶中式優雅🐍經典粵菜中加入Fusion元素重新演繹🌺💗黑松露小籠包 ($39/ 2件)小籠包一咬湯汁滿瀉，肉餡充斥濃烈黑松露香，唧上黑醋更突顯鮮美，不過外皮略厚🥟💗灌烏雞湯百花丸 ($69/ 2粒)將烏雞湯雪成啫喱狀，釀入蝦丸內炸香，蝦丸爽彈帶鮮蝦粒，雞湯同蝦肉嘅鮮味相輔相成，可以再唧入黑醋提鮮🦐💗蛇王芬潤腸鹹水角 ($39/ 2件)鹹水角皮加入竹炭粉搓成，食落香脆煙韌，以自家製鮮鴨潤腸代替豬肉餡，味道更齒頰留香🥠💗金香脆米叉燒 ($89)選用半肥瘦梅頭肉，搽上香甜叉燒醬燒香，肉質爽滑細膩，入口油脂豐潤，底下放有脆米增加口感🐷💗招牌蟹粉蟹膏撈麵 ($139)招牌撈麵鋪上澎湃嘅生拆大閘蟹蟹粉，再加入日本元素- 飛魚籽同原個甲羅燒，每一啖掛滿甘香濃郁嘅蟹膏同蟹肉🦀再拌入温泉蛋，蛋黃香十足🥚💗蛇王芬生炒糯米飯 ($49/ 碗)生炒糯米飯口感軟硬適中，黏糯油亮🍚加入自家製切肉臘腸同鮮鴨潤腸，味道香濃甘香，最後灑上蔥花同花生增添香味🥜💗竹蔗茅根馬蹄薏米水($26 /凍)竹蔗茅根馬蹄薏米水飲落舒爽清甜，有清熱止渴功效

今日去食lunch，入到去服務員態度已經好惡劣，之後用電子落單，明明落咗三樣野。但係等左半個鐘之後，都無野食，吹左一次，十分鐘後，嚟左一樣野，等多5分鐘再嚟多一樣，之後食晒兩樣嘢之後，見第三樣仲未嚟，再吹佢一次。服務員行咗個圈返嚟同我講，唔好意思，原來嗰樣冇落單，但係，電子落單記錄都有三樣，唔知佢邊個星球返嚟話睇唔到仲有樣，無落單都算，態度惡劣先係重點，全部個樣西到爆炸。總括而言，呢間嘢就係垃圾！

蛇王芬呢個老字號都好出名啦！但係一直冇試過，原來佢地仲拎左米芝蓮，冇理由唔黎朝聖下🐍蛇王芬特色套餐$139 （花膠太史蛇羹、蛇王芬臘味生炒糯米飯）就黎又到冬天，緊係要食番碗蛇羹。一場黎點都要試佢地個招牌菜。揀左套餐，包左蛇羹同糯米飯，兩樣都係暖身暖胃嘅野食，咁就成個冬天都暖笠笠😚蛇羹非常足料，味道鮮美，質地較杰，配有蛋散同蔥絲，色香味俱全👍🏻👍🏻推介糯米飯粒粒分明，份量較細，約為一碗白飯size，口感軟糯🐍花雕醉雞🐓$89花雕酒味濃，醃到啲雞好重酒香味，醉雞完全冇骨，可以啖啖肉咁食，肉質有少少似海南雞，嫩滑🐍原味小籠包🥟$29除左小菜仲有點心可以揀，都係比較有特色嘅食物，走一啲特色路線。啲醋好似打針咁俾你自己打入小籠包🤣食果陣唔會流晒出黎🐍咸柑桔生煎包🍊 $39生煎包好啱叫黎打卡🤣外型好似兩隻桔仔，但係絕對冇咸柑桔味，都幾大個，口感油左少少🐍蛇王芬潤腸鹹水角$39鹹水角外型全黑，幾特別😯炸得幾酥脆，而且入面軟綿綿，夾埋潤腸食咸咸香香🐍子姜麵醬魚腩煲🍲 $109魚腩份量好多，魚肉厚肉而且煎得香脆，但食果陣要小心，都比較多骨。麵醬濃郁而不膩🐍鴨屎香水檸檬茶🍋 $28睇到個名已經好好奇個味🤓

餐廳位於新城市廣場入面，附近都有好多間同類型嘅餐廳，本來以為都係一間普通嘅中菜店，但係估唔到原來呢度主打係蛇羹，同埋糯米飯。 可惜我唔係好敢食蛇，所以都係食佢呢度第二樣推介，糯米飯同埋潤腸。 餐廳新開張，做緊九折優惠，咁啱同服務費對減咗，所以食落都幾抵。 我哋叫咗總共六樣嘢，埋單都係500蚊，但係食到我哋都好飽🤤🤤🤤 我最會推介嘅係呢度嘅潤腸魚蓉煎蛋角，雖然睇相好似平平無奇，但係食落其實入面每一啖蛋都同魚蓉合埋一齊，而佢啲潤腸都幾大塊，送飯一流❤️❤️ 其次呢度嘅蟹粉豆腐都好味，每一嚿豆腐都有蟹粉汁包住，食下食下唔覺意就食曬成兜🙈🙈 最後唔少得嘅梗係糯米飯，雖然個樣係一人份量但係始終糥米飯太飽，所以叫一碗兩個嚟食啱啱好。 原來餐廳同蛇王芬有合作，唔怪得知裏面好多嘢蛇王芬都有，傳統同埋新式融合埋一齊，值得試一試

沙田友出動啦！呢間餐廳經朋友介紹話有點心又有小菜食，今晚約埋朋友一齊黎試吓啦！一間餐廳唔單止要好食，仲要有良好服務態度，甘先係無得頂！正正呢間店就可以meet到曬呢啲要求啦！全晚印象最深刻又最想讚揚既係一位中年男侍應（應該係經理？感覺資歷較深）既服務態度，令我賓至如歸！話說我朋友遲左個幾鐘，佢見我企左甘耐主動問我要唔要坐低等，坐低之後我又等左一個鐘朋友先黎，但期間無任何人催過我落單，呢位侍應叔叔仲叫我唔使急，等齊再叫都得，完全唔會感受到有異樣眼光！食物方面都分別叫左小菜同點心，餐牌有好多款選擇，我地揀左好幾樣都係佢地既招牌菜！重點推介呢兩走款必試！雙重黯然銷魂煲仔拌麵本身係想叫飯底，因為煲仔梗係要配飯先係perfect match啦！結果自己手快㩒錯左面底，無辦法啦唯有試下！呢個面都幾彈牙，應該有用蔥油撈過，所以每一條面都充滿香味！而面頭既叉燒有兩款，兩款口感都有少少分別，但同樣地做到入口即化好邪惡！不過我覺得配飯，啲飯粒吸收埋啲油份咁應該仲正！椰奶炸龜苓膏呢個甜品好特別，佢口感似食緊糍粑，一樣都係外脆內煙靭。不過呢款口味上會更豐富，有少少龜苓膏既回甘味，配埋椰奶既香甜味，呢個配搭令你

蔡瀾推薦: 香港最好餐廳之一 四季芬芳by蛇王芬話明蛇王芬餐廳當然主要食蛇羹， 但係今日冇食蛇羹，主力食佢地啲小菜。首先講下餐廳環境， 餐廳嘅位置唔算多， 我哋今日兩位六點半去到已經有九成滿座，入餐廳一坐低侍應會攞壺茶畀你， 每枱都一式一樣， 全部都係伯爵茶， 所以第一啖已經飲到非常之香濃嘅茶香味， 非常好飲。 餐廳座位雖然不是很寬敞，但是環境很舒適及乾淨。 餐廳裝修很特別，大大個霓虹招牌，寫住四季芬芳，離遠都會望到。三色小籠包三色小籠包分別係原味，黑松露味，同麻辣味。小籠包size好大粒， 做到皮薄內有肉湯， 但是夾的時候真的小心些， 有一個小籠包畀我夾穿咗， 雖然冇曬肉湯，但係肉餡非常juicy， 推介黑松露味， 黑松露味非常之濃郁，食嘅時候隔離都聞到黑松露味道 ，反而麻辣味， 麻和辣味都不算突出 。而值得一讚 ，每個小籠包上都會有一小支醋， 畀你唧入小籠包入面，醋嘅份量亦剛好，食到醋味之餘又食到小籠包肉饀嘅鮮味。糯米飯糯米飯是蛇王芬招牌菜之一，糯米飯色澤非常均勻，內有花生，臘腸，潤腸，蛋花，顆粒分明，軟硬適中，冬天亦是食糯米飯最適合的時候招牌雙色蟹膏撈麵非常之多既蟹粉， 另外仲有

陪朋友黎新城市拎電腦，諗起秋風起，最啱食返碗蛇羹😋✨🐍蛇王芬特色蛇羹套餐 $139🐍花膠太史蛇羹十分足料，每一啖都食到好多材料，木耳絲、🐍蛇絲、冬菇、花膠等😋 可以隨自己喜好加入薄脆等配料，但我自己就鐘意原汁原味！🍚生炒臘味糯米飯糯米煙煙韌韌，一啲都唔硬，十分軟糯。配合臘腸和🥜花生，十分香口✨✨🦀招牌蟹粉蟹膏撈麵 $139滿滿嘅蟹膏放滿成個蟹蓋😳配上橙黃色嘅蟹粉和🍳半熟蛋，🦀蟹味超濃，大滿足🤩呢個份量好足，建議兩個人share~🍜古法肉骨茶湯麵 $79湯底帶少許藥材味，但更多嘅係胡椒味😳令到個湯帶少少辣，亦更加香口！材料除咗兩大條🐷豬肋骨外（肉質適中，不嚡），仲有豬肚、豆卜、腐皮等，十分豐富原味小龍包 $29/2件外皮帶微微煙韌，另外會有一小枝醋可以加落去，十分特別～個人覺得如果有啲薑絲就更加好啦🤩🍋爆爽檸茶（凍） $26好refreshing,酸度甜度set到啱啱好，亦十分解渴🍼年代奶茶（凍） $26奶味較突出，甜度亦已經落咗，不會過甜環境：4.1/5餐廳以老香港為主題，都幾有特色～服務：4/5Qr code 落單，上菜迅速🏃‍♂️食物：4/5好少地方仲有🐍蛇羹、生炒臘味糯米飯食🥹🥹🥹

呢幾日終於都凍凍地啦，天氣凍最適合食蛇羹啦。朋友帶路話沙田都有蛇羹食，滿懷期待甘過來，見到門面裝修都好靚，舒服乾淨的感覺。宜家鋪頭推薦食蛇羹搭配臘味糯米飯，好似幾抵下。蛇羹同糯米飯一上來份量睇落好似得一碗，但係其實2個人食係完全足夠。蛇羹好鮮味，糯米飯都可以，入面係比較足料既。呢個花雕醉雞，好香花雕味，只雞又比較嫩滑。和牛酥真係第一次食，個酥入口鬆軟，和牛又好香，外暖內熱，好適合冬天食。魚腩煲係鋪頭推薦菜，酸甜口味，魚腩又夠多，食得出魚係幾新鮮既，可能有少少骨，要小心滴食，但係囉來送飯一流，又開胃。賽螃蟹春卷好食到我五停口，入面滴餡五係果種普通春卷餡，好似有蝦，又食到蟹味甘，真係賽螃蟹呢個椰奶炸龜苓膏，我比滿分，下次來食必點啊。一般龜苓膏會好苦，但呢個五係苦，又五算特別甜，外面脆但係入面煙韌，口感豐富，非常值得推薦。

又到咗入秋進補嘅時間啦，食材就梗要揀時令當造嘅最為手合適，正所謂「秋風起、三蛇肥」，係時間嚟食個蛇宴補一補😆「四季芬芳」係有過百年歷史嘅蛇王芬所開嘅副線，餐廳設計有別於一般傳統食蛇嘅店舖，店內裝潢以sharp 醒嘅紅色同湖水藍色相撞，既保持中國傳統色彩又不失時尚摩登設計👍🏻而且位置大型商場內，方便又舒適👍🏻👍🏻「四季芬芳」除咗必食嘅蛇羹糯米飯等，仲有唔少創意料理、點心甜品等值得一試😋😋餐牌咁多選擇花多眼亂，最後我哋嗌左成台嘢食，食到飽到要捧住個肚😆🤣蛇王芬特色套餐 $139特色套餐包咗花膠太史蛇羹同蛇王芬臘味生炒糯米飯，淨係蛇羹就要$99，哩個set 真係性價比極高🤩千祈唔好睇佢細細碗，但份量絕不欺場，蛇肉絲🐍份量足，連同雞肉、木耳、冬菇等全部切成絲再煮成羹，真材實料，食完真係成個人都㷫烚烚🙊🙊生炒糯米飯粒粒分明、煙煙韌韌十分有口感，混合臘味粒同花生粒炒成，臘味獨有嘅油香撲鼻，教人食唔停口雙重黯然銷魂煲仔丼 $79賣相已經相當吸引，黯然銷魂飯就係叉燒蛋飯，「四季芬芳」嘅自製厚切叉燒以蜜汁同燒汁慢煮製成，另外仲有兩件入口即溶嘅五花腩，雙重口感double 味覺享受，中間仲有隻溫泉蛋撈埋炒

百年老店蛇王芬 ～ 年輕副線~四季芬芳📍沙田沙田正街2-8號新城市廣場三期3樓363A號舖 （港鐵沙田站 A3出口）食蛇羹～必定諗起百年老字號～蛇王芬～今次來到沙田食🤭佢地旗下嘅品牌～四季芬芳～秋風起•三蛇肥🐍～蛇羹糯米飯套餐$139。花膠太史蛇羹好足料～有花膠、冬菇絲、木耳絲、雞肉同埋主角～蛇肉～食落好有口感配埋薄脆同檸檬葉～有獨特香味整體好似碗仔翅，食完更暖胃暖身🔥😋好岩秋冬食🫶🏻♥️好味又補身既食療。蛇王芬臘味生炒糯米飯🍚唔好睇佢細細碗🤭又係勁足料～有臘肉粒、臘腸粒、冬菇絲、花生🥜配埋糯米飯一同炒香～糯米飯完完全全吸收哂臘味既油香。雙重黯然銷魂煲仔丼$79用兩款唔同嘅烹飪方法～選用左肥瘦均勻五花腩去製成-1款係用上燒汁去燒～製成五花腩叉燒-1款係用上醬油慢煮～非常入味～口感淋軟由於用上五花腩～食落有油花～非常惹味配上鰹魚絲+蔥花加一隻流心蛋撈飯🍚食～一流👍🏻川味紅油抄手/4粒 $49啖啖肉～除左豬肉外～食落仲有蝦🦐肉～賽螃蟹春捲/4條 $39 用上黑蒜入味～配埋蛋白一同食～好香～外脆內軟原味小籠包 /2件 $29 直情係玩味小籠包～有枝試管裝住香醋比你吱入肉餡到😆幾得意飛雪小白兔

秋風起，係時後食蛇補下身。風大雨大也不怕，八號風球冇有怕，呢個就係我今日嘅寫照。好難得漸有的秋意來到，食蛇羹，食糯米飯就最好不過。最近聽朋友講"四季芬芳"多咗好多點心食，當然“花膠太史蛇羹"和"生炒臘味糯米飯"亦必不可少。蛇王芬特色套餐呢個組合係139蚊，好抵食，淨係睇個面，好多花膠絲，而入邊蛇肉亦清晰可見，唔止1，2條，而係 差唔多7，8條，好開心，以前就算幾大碗多好，都搵唔到咁多蛇肉。糯米飯亦軟糯有口感，還有D臘味，食埋蛇羹糯米飯，成身軟笠笠。“原味小籠包"特別之處係有隻針喺個包面，原來係醋來㗎，鍾意幾多”唧”幾多，非常之方便，而且皮薄多肉多汁👍"蛇王芬潤腸鹹水角"和"香脆蘿蔔絲酥餅"造型及顏色都靚，自家製潤腸亦非常好味；"牛油花甲菠菜"少少牛油味，花甲，菠菜仲有紫菜，非常健康，"招牌蟹膏蟹粉撈麵"較濃味，蟹膏滿滿裝滿成個蟹殼，有甲羅燒之風味，仲有唔少蟹粉，滿足感爆晒表。

同另一半經過煥然一新的沙田新城市中心第三期 ，無意中發現一間裝潢充滿懷舊和藝術感的粵式餐廳，門外的menu 有秋風起三蛇肥 ，係時候進補，吸引了我們進入，店內牆壁掛上有趣畫像和文采飛揚的文字，當天是閒日 ，差不多坐無虛席,侍應招呼我們坐舒適的三坐位。首選當然是時令招牌菜之一的蛇王芬套餐 ；花膠太史蛇羹雖然比較迷你，但材料豐富，除了有蛇肉、花膠絲、鮑魚絲、木耳絲、筍絲和果皮之外，還配上脆口的薄脆、菊花和生菜絲， 將所有的配料混入蛇羹內，令口感更豐富😋；還有是生炒臘味糯米飯，粒粒晶瑩通透，香口軟糯 ，香噴噴的臘腸和潤腸，皮脆肉香而多汁 ，不覺肥膩， 一口接一口👍。店內另一招牌菜煙燻龍井炸雞, 店員一端上枱 ，濃烈的龍井煙燻味， 香氣四溢，炒香了的脆口龍井茶葉配以肉質嫩滑的雞肉，一點兒不覺肥膩感。蝦球海味蔥油幹撈麵是我最欣賞其中一道菜式；鮮甜肉爽的大蝦和嫩而不韌的鮮魷魚絲；撈埋吸收香濃的葱油麵，入口感覺淡淡滿足！健康又邪惡的蘿蔔絲酥餅，鬆脆香口，配合焗香的麥皮，是很有創意的配搭，值得一試！

十月尾天氣終於開始涼，又係時候食下蛇羹，傳統蛇羹鋪食物選擇都唔多，而呢間除左有蛇羹糯米飯，仲有新式點心，粉麵小菜餐廳裝修有舊蛇鋪風味，而鋪頭應該係中環蛇王芬老鋪既分店？🧐🧐蛇王芬特色套餐花膠太史蛇羹： 蛇羹有唔少蛇肉，花膠，冬菇絲木耳絲，入口香滑，加上薄脆，生菜絲增加口感，配上檸檬葉絲帶出一份清新生炒糯米飯：糯米飯軟硬適中，米飯配上臘腸同潤腸既油香，香脆花生增加口感肉骨茶湯麵湯底有淡淡藥材同胡椒香味，枝竹同豆卜完美咁吸晒滿湯汁豬肚厚肉，排骨就煮得夠火喉蟹粉蝦仁蝦仁爽脆有蝦味，蟹粉滿滿咁蓋過大部份既蝦仁，蟹粉加上蝦仁增加左一種鮮甜既味道 黑蒜賽螃蟹春卷春卷炸得香脆，春卷中有一粒粒黑色餡料，應該就係黑蒜，蒜味比普通既蒜頭黎得溫和 紫薯臘腸卷 外皮做得十分鬆化，同有少許濕潤嘅餡料形成對比 黑松露小籠包 外形討好，而味道上黑松露味較淡，食用時將醋直接加入小籠包內與湯汁混和，同傳統既小籠包有唔同既感覺 苦瓜鴨屎香檸檬茶杯中有幾舊青檸檬，味道上有茶香同檸檬味，又會帶有少少既苦味？定係回甘香？我都唔識分，但係係幾特別，可以一試