四爺車仔麵專門店 (已結業)

Lunch time 成日見到四爺好多人排隊，雖然想試但唔想排嘛，呢日老公放工要落灣仔整嘢，順手等埋我放工就可以試18:15去到係唔洗等位🤣，但睇緊要咩燉湯嘅時候被告知燉湯大部份已賣哂，得返木瓜（🤢）唔知咩同埋北海道牛乳杏汁燉花膠扒，好嘢唔洗揀😆，我被養顏咋唔關我事㗎 ..🤵🏻: 瑞士雞翼/手工的菜餃/柱侯牛筋腩/芝士腸/粗麵/牛骨湯/沙嗲汁👰🏻：瑞士雞翼/皇牌豬腩仔/手工白菜餃/蘿蔔/ 銀針粉/牛骨湯/麻辣汁啲有汁嘅餸佢default 係分開上，但可以揀放埋一碗，🤵🏻聲稱要放埋一碗先係車仔麵，但之後食食下睇住隻雞翼越浸越淺色就後悔🤦🏻‍♀️想點我鍾意嘅銀針粉係限量供應（點菜紙係咁寫😂），蘿蔔好甜又無渣，邪惡豬腩仔炆到好淋呀，白菜餃係大白菜，都ok好味老公搶咗我其中一件豬腩仔之後話滷水汁好好味，就再追加小食，滷水大腸豆腐，大腸炆到好淋，豆腐又入哂味，正我以為牛乳燉花膠扒會係甜，但原來佢冇落糖，但咁樣我仲鍾意喎🤤杏汁味比較弱，基本上係奶味😝。圖中花膠有3件，分落圖中小碗每人有2碗，花膠未至於黏口，但都👌🏻 ..雖然呢餐車仔麵都食咗$3xx, 但真係幾好食，揾日再食過

星期一夜晚，無心插柳經過，見到個芫荽湯底招牌大大個，小弟非常好芫荽就衝左入去一試。首先座位好闊落，同其他車仔麵店完全唔同。叫咗波菜麵芫荽湯底，配滷水豆腐，咖喱魷魚同菜。價錢唔算平，都要六十幾。面一到，試咗個湯底，係我食過咁多間入面相對最好最濃，好過嗰間隔離嘅X嫂，可惜芫荽份量唔夠多，咖喱魷魚果醬出乎意料地好濃，滷水豆腐滷水都好出色。店員好細心兩碟配料分開碟上，最後我連湯都飲晒。雖然車仔麵係家常菜式，但不論係湯底及配菜上都用足心機。值得一題依度有酸蘿蔔任食唔嬲。希望間小店長做長有，值得支持👍🏻👍🏻👍🏻

話說有同事食嘢比較奄尖，要去啲比較貴同門面靚嘅地方先會食，感覺上乾淨衛生啲喎🤷‍♀️， 所以我哋就去咗四爺食貴價車仔麵！佢係先揀湯底，再揀麵底，然後揀想食嘅餸，餸就分咗三大價錢，最少三餸起，會送熱飲一杯或者加錢轉凍飲或特飲。咁啱我揀咗兩個餸都係咖哩，係咖哩牛柏葉同咖哩魷魚，同埋紫菜，我諗佢有汁嘅餸都係分開上，可能呢個就係佢貴嘅地方！ 佢嘅咖哩汁似日式咁有啲甜，其他食物就冇乜特別，真係好似出面嘅車仔麵！

上同朋友推介食完之後，就打算帶男朋友黎試。一直車仔麵都係我大愛，雖然呢間比正常車仔麵貴，不過佢既地方有普通餐廳既享受，夜晚可以坐下吹下水都唔會俾人趕。價錢同揀左啲咩如下。呢度最最最好係因為有得走麵要淨菜！一黎低碳水化合物，二黎出街有時好難食得夠菜。豬腩仔係皇牌，亦覺得真係不錯！不過唔鍾意肥肉既千其唔好叫！鹵豆腐份量多，都幾唔錯。反而雞翼就無乜特別，不過不失。男朋友叫既！我試左佢既牛筋腩同豬大腸。牛筋腩好食！豬大腸個麻辣都做得幾好。

我有個朋友係好鍾意食車仔麵，幾乎我地每次約親出嚟個節目就係食車仔麵，今日又比我地發掘到一間又養生又足料嘅車仔麵店，食車仔麵會養生大家可能會覺得奇怪，但依到嘅老火湯真係滋潤又健康。淨係燉湯都好多款想試下。我叫咗花膠燉雞腳湯，入口清甜 無味精味，花膠大大件 雞腳又入味，飲落好有骨膠原 仲要好足料添飲完覺得好補呀。朋友揀咗薯粉 雞翼 魚蛋 牛腩。雞翼同牛腩好入味 啲肉又軟嫩魚蛋都好入味好彈牙 而且好有魚肉香。我嘅車仔麵就揀咗河粉 豬腩仔 豬大腸同牛肚，湯底揀咗皮蛋芫荽湯，芫荽味好重同好香 飲落順口 唔會太鹹，我飲咗一半都唔覺口渴，最緊要同河粉超夾。牛肚好食喎夠咬口又夠爽，最緊要係好濃味。豬腩仔好好食 我覺得必嗌佢入味之餘 肉質好軟嫩，肥瘦均勻 啲肥肉好正 入口好似即融咁，好推介豬腩仔！豬大腸好有咬口同醬汁好夾，大腸好乾淨食落唔會有太大豬臭味。

今日午膳時間同同事去左試呢間四爺車仔麵專門店，我地12:40左右去到，唔洗等位，應該算好彩，因為平日行過都見有啲人係到排隊。.餐廳食物選擇都算多，雖然係車仔麵專門店，但都有得食客飯同車仔大碗飯。而車仔麵有分平價版同貴價版，兩者分別係貴價版嘅湯底係有藥材成分嘅燉湯，套餐價錢由$89起。.今次第一次試，所以我地揀左平價版套餐，先揀湯同麵底($27)，然後揀最少3個餸(每個餸價錢介乎$10-$15, 蔬菜$6/$10)；套餐仲包左一杯熱飲。湯底選擇有豬骨湯、麻辣湯、芫茜皮蛋湯同牛骨湯，仲有得揀撈麵底。我試左牛骨湯加腩汁，感覺同平時普通腩汁個味無分別。同事就試左芫茜皮蛋湯，佢話真係幾重芫茜味，啱哂鍾意芫茜嘅人.麵底除左平時有嘅麵底之外，仲有我至愛銀針粉，即叫好食好食！.車仔餸選擇都幾多，我地試左牛筋腩、咖哩魷魚、瑞士雞翼、韮菜餃、魚腐、滷豆腐同蘿蔔，味道大致上都幾好，特別推薦牛筋腩同雞翼。我好欣賞佢地會幫你自動將濃味嘅餸分上，咁就唔會將啲味撈埋哂，十分貼心因為味道都算唔錯，等我下次試埋個個燉湯底先

朋友介紹既所以幾期待！見到佢既湯，麵同餸既選擇都幾多，而且幾吸引。麵仲可以轉做淨菜。適逢今日唔做運動，就癈事食咁多飯同麵，試下淨通菜。價錢都唔平，樣樣都係錢。我既選擇如下。佢環境就比一般車仔麵店靚，絕對係餐廳既級數。午餐時間既人龍都唔短，甚至我俾錢都要等。佢仲有燉湯賣，不過價錢由六十八到一二八。小妹就真係無打算試了。佢某啲餸係會分開上，幾得意。湯清清地，唔錯。仲真係有啲皮蛋。麵底轉通菜而菜量真係幾多！豬腩仔好邪惡，不過好正，亦唔係好多車仔麵店有呢個選擇。韮菜豬紅都幾入味！唯一係餃子皮太腍，有啲失色。朋友叫既，係皮蛋湯菠菜麵加柱侯牛筋腩加瑞士鹵豆腐同通菜。小妹試左少少，略嫌菠菜麵太腍。其他餸都好味！

第一次食依間既車仔麵，叫左芫茜皮蛋湯底，瑞士雞翼，糖心蛋，柱候牛肚米粉，加碟腐乳通菜，熱檸水。食物未到已見張單$90，心諗都幾貴。如果好好食都無問題既，但係糖心蛋唔夠糖心，熟左少少，無個種流出黎既質感，雞翼個味幾好但硬身左少許，牛肚好食夠入味同腍身，最讚賞係個芫茜湯，好好飲，有幾粒皮蛋，佢唔係清湯，湯底有些奶白色，好有芫茜味。同時最鍾意佢把d餸係分開碟，逐碟放，唔駛一次過擺落湯底度。食過之後都覺得價錢略貴.....

發現在灣仔開了一家很養生的車仔麵店，很適合上班族吃，而且店面大，環境舒適又乾淨。每日都有不同燉湯，女士就不怕沒有湯水喝。卓上有醃蘿蔔，好吃，可以解辣。鮑魚花膠燉火瞳($128)鮑魚厚身有嚼勁，花膠大大塊，還有雞腳一起燉，十分足料又滋補，湯份量夠4碗，兩人分剛好！四爺秘制芫荽皮蛋湯($27)配菠菜麵，3餸起，皇牌豬腩仔、柱候牛肚、柱候牛筋腩(各$15)，餸跟麵分開上，柱候牛肚，口感爽滑，味道濃郁。五花腩很出色，肥肉適中，滷得很入味，入口即化。芫荽皮蛋湯底濃郁，有不少皮蛋，可以下火，菠菜麵口感很不錯，有真菠菜味，份量比一般坊間車仔麵多。四爺鮮磨豆漿 (跟餐+$5)豆味香濃，不會太甜。金牌麻辣湯($27) 小辣配油麵，湯底偏麻，麻中帶辣，又很香，麻香在口中，不會只有辣。咖哩牛筋腩($15)有牛筋，炆得軟嫩，咖喱味不會太重。瑞士雞翼 ($13)的瑞士醬汁不太甜不太鹹，美味可口。古法滷水豬大腸($15)很嫩，煮得很入味。凍檸茶 (跟餐+$8)

第一次入去吃，人流比較少，座位寬闊舒適，但價錢頗貴，原因一個湯底都需要$27港幣，大多數菜式每款$15元，雖然味道標準，但價錢不能給予這菜式，比起其他車仔麵店，這價錢己很豐富了，不用到這裡吃！

車仔麵店一向給人一種平價頽食嘅感覺，但尼間位於灣仔修頓球場附近嘅四爺車仔麵店無論環境食物都比人一種高級嘅感覺，仲有名貴燉湯飲，今晚特意同朋友前來試試😊😊😊環境闊落整潔，全卡座非常舒適👍🏻👍🏻👍🏻點餐紙非常清晰，先揀湯底，湯底有幾款選擇，然後揀麵，再揀餸，餸有多款選擇，最少選擇三款餸，最後揀埋飲品就完成😬😬😬朋友揀左金牌豬骨湯底（加腩汁）配烏冬，湯底好清，豬骨味好重，烏冬夠彈牙有口感，正😋😋😋特級韓國午餐肉，兩大塊好厚身，囗感比較實，肉味好香濃👍🏻皇牌豬腩仔，咪睇佢好似好瘦咁，食落又稔又入味，推介👍🏻👍🏻㗎喱魚蛋彈牙入味，不錯的😋我點左牛骨湯底菠菜麵，湯底好淸甜，菠菜麵淺綠色好靚好吸引，麵質好爽滑，非常特別👍🏻👍🏻👍🏻瑞士汁冬菇同雞翼都好稔好入味，甜甜的，味道不錯，㗎喱牛筋腩，分量不少，辣味剛好，夠香，好味道😋😋😋綠悠悠嘅菠菜麵😍😍😍我地仲叫左盅燉湯share😬😬😬蟲草花花膠百合燉雞腳湯，大大盅，分量足夠兩個人飲👍🏻👍🏻👍🏻好足料，有三塊厚厚嘅花膠，味道好濃，好滋潤，正😋😋😋非常豐富嘅一餐，大家有機會一定要試試😊😊😊

去食個貴價車仔麵，點解比其他貴咁多？健康而且各樣餸都好用心煮👍🏻👍🏻推介牛肚，陳皮魚蛋 係一碟另上個醬汁太好味了！！撈麵一流湯底方面推介牛骨湯，清得黎都幾入味配米粉非常好味👍🏻👍🏻要補一補飲下燉湯蟲草花膠雞腳湯花膠爽口，都有四至五隻雞腳有三隻 絕不馬虎

車仔麵店的燉湯絕不簡單，暗藏高手。要特別推介這裡的燉湯，很想喝湯，所以就叫了個蟲草花花膠百合燉雞腳。這個128塊，可不算便宜。但我要強調它是物超所值。那足料的花膠，還有蟲草花，湯喝得出來是料的味道，不是調味料弄出來的。我知道燉一個湯絕不容易，要時間，要心機，要足料，細緻到豬肉都不可少，太多也不行，會吸水吸乾，時間水份材料要好好掌握。見到料，真係覺得貴點也值得。這大花膠真係不得了啖啖清甜，沒有油，很清新，喝下出好舒服，我連湯料都全部吃光了。喝完湯。港式車仔麵，真的永遠吃不厭。可能就是因為配搭永遠不一樣，由麵，配料到醬汁，喜歡怎麼配就怎麼配，無限的選擇。這一家環境還很好，坐得好舒服，麵跟配料的選擇超多。 叫了沙嗲醬波雞翼豬手竹筀波菜麵。先講一下，沙嗲汁超香的，配麵一流。瑞士汁雞翼，好入味的雞翼，一定是浸了很久才會這麼有味。豬手，煮到很軟，入口即化的感覺，絕對有心思。最後一餸是竹筀，竹筀這個食材，就是會把湯的精華都吸進去，咬一口就等於是整個湯的精華。真係要再強調那神級燉湯。 

已經第二次食呢間舖。本身係覺得店舖地下坐得舒適，食物都唔錯，雖然價錢唔平，但係喺灣仔食車仔麵有咁嘅寬敞空間係OK嘅。但係今日被安排坐喺樓上閣樓。嚴格來講係閣樓，並唔係一個正常樓層。上到去環境昏暗，同埋有好多蚊滋仔飛來飛去，冷氣機又壞咗一部，感覺已經唔好。食完之後朋友落嗰條又濕又跣嘅樓梯，就真係跣低咗。之後冇員工跟進問題，亦都冇問朋友有冇事。希望改善樓上嘅狀況，甚至乎唔好因為要賺錢而用盡每一個空間。

This is my first visit to this 四爺 street car noodles specialist restaurant, after reading the menu, I’ve found they also have rice dishes as well as great choices of Chinese soup. They have practical design and services is great. I decided to try the curry beef brisket with rice, it came with a coriander with thousand years old egg soup. Very coriander flavouring. But the curry is not spicy enough. The menu has a very wide selection, many items to choose from and need sometimes to understand ho