回憶客棧

營業中

休息中

平時都唔會打食評，但係今日嚟咗一間比較特別嘅餐廳，所以就想打下食評。今日揸車同老公去咗長沙灣行街，跟住就喺OpenRice搵吓有咩好嘢食，發現咗呢間串燒花甲店，6:00嚟到嘅時候已經有人喺門口等緊，我哋等咗半個鐘，呢間餐廳可以留低電話號碼，之後有位就打俾我哋，不過我同老公都行到攰，所以就係門口坐咗一陣等位，店主見我哋等咗一陣，仲問我地口唔口渴，請咗我哋飲兩包檸檬茶😍🧃終於入咗去，有得叫嘢食，入面都好靚，裝修比較有心思，而且臨近聖誕節，放咗好多好靚嘅裝飾，店主同我哋講，由於串燒係即叫即燒，所以會等得比較耐少少，如果想快啲，花甲份就會快少少，因為我哋唔趕時間，都係想傾吓計食下野，所以就冇咩所謂。餐單係分左兩張，有花甲粉同埋串燒，我哋就叫咗特色花甲粉，再加花蟹花甲粉，而串燒，就叫咗一定要食嘅燒茄子，雞翼，墨魚丸，燒賣，生蠔，雞泡魚。特別要一提嘅係燒茄子同墨魚丸都超好食，隻生蠔就超大隻，有我手板咁大，仲有一份好特別嘅雞泡魚，老公仲買多咗一份返屋企食，佢話送啤酒一流，而且喺其他地方好似冇見過，個口感好特別，呢間舖頭都有啤酒賣，但係由於老公要揸車，所以就冇嗌到。另外花甲粉都有驚喜，估唔到細細碗嘅花

之前見人地食花甲花蟹粉好想試, 點知今次去到冇晒花蟹 好sad😭招牌花甲粉 ($48)花甲鮮魷粉 ($54)雖然兩款都揀左BB辣, 但兩碗辣度係唔同. 可能廚師落辣都係好隨心😂成個粉好香 都幾多花甲 味道不錯 個湯會想係咁繼續飲😳 整體不過不失不過鮮魷好細粒而且份量少得可憐…🥺另外仲可以加配其他配料, 我地就加左娃娃菜($6)同墨丸2粒($8)娃娃菜得3,4條 好Sad 貴左少少..串燒方面叫左:燒田螺 ($48) 牛油香草味重, 好食😍安格斯牛肉粒($28)牛肉粒重牛味而且肉質軟腍, 值得一試👍🏻👍🏻羊架 ($30)有羊羶味 燒得幾香口😋牛油金菇 ($18)金菇好香牛油味, 帶少少甜甜地. 不過份量偏少.

第一次過嚟長沙灣依邊，發現依間又平又好味嘅串燒🤩👍，全部嘢都好好味，食物又嚟得快,下次嚟依頭再食。🥰原條燒茄子🍆每次食串燒必點燒茄子，依度茄子燒得好淋，又夠蒜味，唔錯燒蠔🦪🦪啲蠔都幾大隻，依個價錢嚟講，好抵食啊(⊙o⊙)燒一口牛🐮個牛肉幾有質素架，唔會好en,仲幾多汁添花甲粉絲煲🥘見係招牌，試下啦，我地粉絲加底，多到一個點啊，另外加咗娃娃菜，份量十足！仲有好多其他配料可以選擇架，好似打邊爐咁，哈哈。叫埋小辣，好滋味。

今次黎到長沙灣既回愔客棧食佢個串燒，同海鮮湯米線，雖然位置就比較偏遠，但原來都爆曬場，最後仲要等左成粒鐘先入得，可想言之有幾旺場，唔少人都特登揸車過黎食，都可以話係長沙灣隱世美食。雖然舖頭細細，但睇得出裝修都幾有心思，貼左個日本街道既場牆紙，好有氣氛，而且一路食一路仲可以聽住流行曲，加上牆上都唔少相，好有去左旅行青年旅社既感覺。食物方面，呢度就主打串燒，即叫既燒，所以都唔好期望會即刻有，但呢d等待都係值得既，因為呢度燒既火喉同調味，都做得幾唔錯，d肉醃得幾入味咁去燒，食落好有風味，唔知佢係咪用炭火燒，有種炭香味。另外就食左個海鮮湯底＋花蟹既透明米粉，湯底好夠味，而且有得擇辣度，有少少辣咁食好惹味。整體黎講，都算幾唔錯。

#hkfoodmap長沙灣.Follow @hk.foodmap for more food 🍽.必食嘅招牌花甲粉 不過我就比較貪心 想試埋花蟹🦀所以叫左花甲花蟹粉 加左娃娃菜同粉絲加底～花蟹入面都有唔少膏 花甲夠鮮☺️湯底好清甜 帶小小蒜味超香 粉絲都入曬味！除左招牌菜 佢地仲有串燒𝚖𝚎𝚗𝚞🍢佢地嘅海鮮都幾新鮮👍🏻象拔蚌夠彈牙 燒得啱啱好仲好𝚓𝚞𝚒𝚌𝚢！扇貝入味新鮮～翠肉瓜爽口清甜 雞腎入味有咬口牛油金菇我自己好中意 牛油香好重🤪雞翼燒得啱啱好 面頭微焦脆口 淡淡蜜糖味🍯原條茄子都係每枱必叫之一🍆上面嘅蒜同孜然粉好香 茄子鮮甜入味 一條條卷起食超滿足！不過我自己就覺得醬汁整體偏濃味怕咸嘅朋友可以撇走小小面頭嘅蒜同醬汁 一樣好味👍🏻𝙿.𝚂 餐廳位置雖然小偏僻 但都幾多人黎食～店面唔大 所以都要預番時間等位呀☺️

對呢間小店好有興趣，花甲粉好似好吸引，好想試一試係咪咁好味😋 回憶客棧地點唔太方便，店入面環境比預期好，都好企理今日試左花甲粉加娃娃菜，有d失望，花甲係好新鮮，可惜在個湯，雖然夠熱但味道比較普通，香料也不夠，無咩驚喜，希望可以再做好d

上次發現呢間小店燒烤 但剛好經過呢間店冇開 所以今日同男朋友再次過黎終於有開😆😆😆感覺像家庭小店的一家燒烤店裡面的設計及裝飾感覺有點大陸味🍆烤茄子$2️⃣8️⃣無烤全熟同佢地講佢地都有即刻換比我地但其實我地只係想佢幫忙烤多一陣👍🏻招牌花甲粉$4️⃣8️⃣花甲好好味呀湯好鮮甜呢間呢係可以飲酒嘅燒烤店，仲有asahi 🐟燒秋刀魚$2️⃣5️⃣都很不錯👍🏻串燒雞腎$14👍🏻安格斯牛肉粒$28👍🏻串燒雞皮$10👍🏻翠玉瓜$10🦪燒生蠔 $6️⃣0️⃣/半打🐥大大塊雞扒$2️⃣8️⃣

這晚來到長沙灣明愛醫院探病後到附近搵食，友人提議到這間串燒店食個晚餐，小店內有大約八張檯，地方唔算好大，6點來到已有兩檯食客食梗花甲粉，由於店員說串燒需要7點供應，二人就先叫兩個花甲粉暖肚等待。花甲粉共有5款選擇，粉的意思其實是粉絲，可選芫荽/蔥的份量及辣度，因為兩人都愛食粉絲所以都一齊加底+$7招牌花甲粉$48用上少許清酒、金菇和薑做湯底，煮滾花甲和粉絲再用錫紙包裹，打開錫紙一股鮮氣湧出，揀左小辣會見到湯面有少許辣油，加添一點惹味感，花甲大隻鮮甜，爽滑粉絲吸收其鮮味，有份平時蒸海鮮配粉絲的精華味道感。招牌花蟹粉$62 + 生菜$6原隻花蟹落湯，個人感覺蟹肉湯比花甲更鮮甜，花蟹蟹身軟殼，咬兩口慢慢拆肉，粉絲味道更鮮甜香濃，下次再來why not both, 整個花蟹花甲粉可能更出色。食到咁上下，就嘆即叫即燒嘅串燒，燒茄子$28 必點！茄子巨型，肉嫩茄子佈滿蒜蓉肉碎，燒的火喉剛好讓茄子外皮脆口又不過火。燒生蠔$60半打，燒扇貝$35一隻新鮮正常size 生蠔，與扇貝一齊出爐香噴噴蒜香帶陣海水鮮味。燒棉花糖$10 小小一個甜品過下癮。王老吉$10​ 可樂$8用餐後出門口驚見十數人在等待，讓

幾經辛苦終於嚟到happy Friday，同朋友相約嚟呢間近期人氣頗旺嘅串燒店，一嚐佢勁出名嘅花甲粉，嚟到時門外已經有唔少人等緊，見店內座位唔算多，決定轉外賣拎走。串燒種類唔少，即叫即整，價錢亦相宜，難怪人氣咁旺。燒茄子雖然唔係我最愛嘅香辣口味，但重蒜配上青蔥同醬油，味道非常香口，茄子亦燒得夠軟腍，好有驚喜。牛油金針菇份量雖然唔算好大，但蒜蓉俾得好大方，香口惹味，令人食唔停口。串燒質素非常好，燒得非常均勻，唔會太燶之餘仲保留肉汁。金菇肥牛燒得啱啱好，金菇夠熟之餘肥牛亦唔會太乾太柴。雞翼外皮燒得香脆，內裡仲保持到肉汁，而且調味亦唔錯。雞扒果然大大件，店家細心剪開幾件，方便進食，雞皮燒得夠香而且唔會太燶，唔錯。最後嚟到主角花甲粉，湯底鮮甜濃郁，花甲新鮮而且份量亦唔少，娃娃菜同金菇亦吸收哂湯底嘅鮮甜味。惹味湯底配上粉絲更加係一流，而且粉絲份量亦唔少，兩個人分享剛剛好。雖然等待時間略長，但慢工出細貨，食物質素絕對冇令人失望，難怪大排長龍依然咁多粉絲！

呢間位於長沙灣嘅串燒小店，雖然比較偏僻但平日夜晚都要等位，食完之後都真係覺得值得黎！店舖入面都幾有特色！野食方面，選擇唔算特別多，但基本上主流嘅嘢都有齊晒。見大部份人黎到都一定叫花甲，都唔執輸叫左個招牌花甲粉（$48）再加配左個娃娃菜（$6）。入面本身有花甲、粉絲同金菇。個湯底同花甲都好鮮甜！花甲食落好嫩口又無腥味，同埋啲配料一樣索晒啲湯好正。燒茄子($28)，條茄子燒到好林，重點係夠哂多蒜蓉一齊燒，食落又香又惹味。另外仲叫咗司華力腸($18)、雞腎($14)、豬頸肉($14)、牛柳粒($28)、雞皮($10)同雞軟骨($13)。其實全部都燒得幾靚唔會燒得太耐燒到乾哂。特別推介雞皮，好脆口再加上調味做得好平均，啖啖滋味。另外牛柳粒都好嫩滑多汁，都係encore之選。鍾意食串燒真係要試吓依間，平又好食！

呢間係一間有特色既小店，有一d 特色既相掛係牆。店舖唔大，大約可以容納廿幾人。招牌花甲粉見到招牌，所以叫左來試下，佢既粉係指粉絲，我另外都加左好幾樣配菜。花甲都算幾大隻，隻隻都有肉先，唔會似出街叫炒蜆，殼多過肉。湯底帶有辣味，可自行選擇辣既程度，配上粉絲好夾，因為粉絲吸晒d 味，每一啖都好滿足。墨丸同牛丸都唔係hea 野，雖然唔算彈牙，但好有味，但得加配。招牌花蟹粉同花甲粉相似，但就用花蟹而非花甲。佢係用成隻花蟹，誠意十足。如果會剪開d 肉，特別係蟹鉗就更好，始終食蟹有d 麻煩。

網上好有名氣 係長沙灣食花甲粉絲既回憶客棧 我哋今日終於去咗食🤓 睇嚟佢哋真係好有名氣 星期五7:30去到 最少要等一個鐘先有機會食到 因為店內座位唔多 好彩出邊都有啲椅子俾你坐低等🙈一場黎到當然要試吓佢哋招牌花甲粉 由於除咗粉絲冇其他主食 所以我哋加多底粉絲同埋一份娃娃菜🤤 唔駛等好耐花甲粉絲就送到 花甲新鮮清甜 粉絲份量十足 湯底清晰見到好多薑絲 好暖胃👍🏻燒物方面我地就叫左半打燒生蠔 韭菜 原條燒茄子 牛舌同埋雞軟骨🤤 燒生蠔上面加咗醃製過嘅蒜蓉 好入味好鮮甜😛 燒茄子同樣加左大量醃左既蒜蓉 好腍 味道好香濃一定要試下😜 其他串燒都正常好味既 不過留意番由於即叫即燒 等候時間會比較長架🌟

專程去拜訪一下😋 真係好多好多人⋯🤣如果唔想排隊 可以平日6點半左右入座😀招牌花蟹粉 $62配料:娃娃菜(+$6)、金菇(free)果日好好彩 撞正老闆新鮮買返黎既花蟹🥰花蟹味道好鮮甜 亦都幾大隻😆個粉絲唔會煮過龍 食得津津有味啊🤤招牌花甲粉 $48配料:生菜(+$6)、金菇(free)非常之掋食啊😍 有好多好多既花甲😆不過唔係好夠辣 建議可以嗌中辣或以上🤪串燒-7pm後供應安格斯牛肉粒 $28推薦✅ 牛肉粒好軟熟👏🏻牛舌 $26雞軟骨 $13推薦✅ 甜甜地 應該加左蜜糖😚豬頸肉 $14

長沙灣呢間回憶客棧每晚都好多人排隊，有招牌花蛤粉同花蟹粉，鍾意咩辣度都得，而且仲有串燒，岩哂放工去食串燒啤一啤🤪不過餐廳環境好細，坐得比較迫同窄，所以食完都唔坐太耐.安格斯牛肉粒 $28一串有4粒，外層有辣椒粉，不過調味唔夠，完全唔辣，但食落幾juicy，肉質鮮嫩🤤.雞中翼 $23一串有3隻，睇落燒得唔錯，外皮金黃帶脆口，不過有一隻唔太熟，有點可惜🙁同埋蜜糖既味搶過辣味，味道比較甜，鍾意食甜品既人應該會喜歡.雞軟骨 $13價錢唔貴，不過唔抵食，太細粒，同竹籤好似融為一體咁🙈.上菜時間好耐，雖然知道串燒需要時間製作，但等了接近50分鐘，如果食物質素高都冇所謂，配料寫正常份量蔥，但最後完全走了蔥，還有店員態度都有待改善

最近上網睇到飲食page介紹花粉甲好吸引，放假搵埋友人一齊去試試先。花甲粉有五款，配料可以揀蔥、芫茜嘅份量，辣度都可以揀。左邊係阿薩姆奶茶，飲落好甜。右邊係烏龍茶，無糖飲落清甜又健康。鐵鍋裝住嘅一包錫紙就係花甲粉，一打開就散發一陣蒸氣。花甲大概有八粒，食落爽口無沙夠乾淨，味道好鮮甜。花蟹將成隻切開三件煮，size大概有手掌咁大。蟹肉肉質結實，味道好新鮮清甜。基圍蝦有三隻，蝦肉鮮嫩爽脆。基本配料除咗蔥同芫茜外仲有金菇，煮得腍腍地啱啱好。粉絲吸咗花粉湯底嘅鮮甜味，食落好滋味！