坐忘 (已搬遷) 新店位置

豬軟骨七小時煮野菜咖哩飯 $69豬軟骨煮得好軟腍，軟骨都已經變成啫喱狀，入口即溶，不過略嫌調味偏鹹；野菜有翠肉瓜、蘿蔔、薯仔、西芹、西蘭花、椰菜花同肉豆，冇調味，只係靠個咖哩汁，而個汁就係普通日式咖哩味，唔會辛口。個飯夾雜咗少少黃色，初時以為係雞蛋，食落應該係南瓜蓉同粟米，甜甜地，幾有心思，但飯嘅質感就麻麻，唔係珍珠米彈牙嘅口感，亦唔係粒粒分明，有少少一舊舊痴實哂咁。生薑燒汁牛肋白芝麻湯烏冬 $69湯底似帶有淡淡芝麻香氣嘅豬骨湯；牛肋肉完全唔韌唔柴，好腍，有牛味，但冇任何調味，生薑只係當配菜咁放上面，略嫌牛肋肉太清淡。烏冬配以大量洋蔥同椰菜，每食一啖都會夾到菜，感覺好健康🤣 烏冬粗幼度適中，滑溜，少少彈牙，唔算好煙韌。〰️〰️〰️〰️〰餐廳性價比高，$69蚊而且冇加一，招牌嘅豬軟骨係好食嘅，值得一試😋 而且飯同烏冬都有好多蔬菜做配菜，營養好均衡，食落唔會太有罪惡感。餐廳英文名係CAMPER’S，所以餐廳放咗啲camping嘅用品；小店座位唔多，枱與枱之間都冇大多空間，基本上隔離枱講咩都一清二楚😅 我哋係星期六14:15左右到，前面有3個party等緊，但好好彩等咗5分鐘左右就順利入座，順帶一提

Intro: 有一日假日就黎到天后搵食，搵到一間賣日式野菜咖喱飯賣到出哂名，價錢只係$65-80內，係港島真係好難得！店內裝修都幾有格調，店舖面積細會比較迫少少，餐單選擇真係多不勝數，而聽講必試嘅係慢煮豬軟骨飯～___________________🍽 豬軟骨七小時煮野菜咖喱飯💰 69（加$5 配細杯燈汁）⭐️ 8.5/10✍🏻 豬軟骨肉炆得好冧，入口即溶嘅感覺✍🏻 肥肉、瘦肉同軟骨嘅比例適中，食落去真係淡淡肉✍🏻 野菜好多種類，有西芹、蘿蔔、豆角、翠肉瓜等等，味道唔會太青✍🏻 有驚喜係飯裡面有南瓜粒，飯粒粒分明✍🏻咖喱好香濃而唔辣，好夾豬軟骨___________________🏠 坐忘📍 鰂魚涌濱海街13號中興大廈地下⭐️ 8.5/10___________________

終於食到bookmark左好耐嘅豬軟骨咖喱飯！ 平日lunch time黎到天后分店，唔洗等好耐就入到。餐廳由日本人開設，標榜無味精、無味精、多菜少油~ 除左招牌咖喱飯，亦有湯烏冬、丼飯、沙律供選擇，連素食人士都岩食！🐷 豬軟骨野菜咖喱飯 $66豬軟骨經七小時慢煮，肉質超軟腍超入味，毫不乾柴。軟骨位入口即化，係滿滿嘅骨膠原呀！日式咖喱甜甜地帶些微辛香，撈飯一流！旁邊仲有好多野菜，野菜唔會煮到腍晒，保留左爽脆嘅口感。連飯都擺左唔少心思，加左南瓜、番薯、粟米一齊煮！🐮泡菜牛肋白芝麻湯烏冬 $66湯底極之濃味，落左好多泡菜，微微地好開胃惹味，加埋煙韌嘅烏冬一齊食，口感幾豐富~ 牛肋骨肉質軟腍，但牛味就唔太重。個人都係鍾意配咖喱飯多啲🥚醬汁溏心蛋 +$6兩碟都加左溏心蛋，生熟度剛好，好入味~

上年到訪過兩次，一直對他們的豬軟骨念念不忘。前幾天下定決心，帶着媽咪越洋過海來到天后的分店，希望她品嘗到當日感動到我的味道☻重遊舊地，小店依然地多人幫襯，店外有條小人龍。乖乖地等了十五分鐘終於可以入坐(⁎⁍̴̛ᴗ⁍̴̛⁎) (其實版主平日極少排隊，除非非吃不可，否則見龍即走)😋餐點1: 15種炒野菜咖哩飯媽咪日盼夜盼終於食到，因為我經已試過一次所以對我來說驚喜不大。媽咪的評語: 「飯有啲唔夠熱，汁有啲唔夠多」但整體而言都算不錯，蔬菜先行炒過所以帶點焦燶感，配上咖哩更有香口的感覺(o^^o)🥰餐點 2:豬軟骨雜菜咖哩烏冬花了5分鐘去糾結是否應該加$10轉烏冬，結果還是決定撒手搏一搏。弱弱一說，其實加錢不是矛盾位，我是怕多付了錢，換來的卻是那種廉價的烏冬，失望的感覺可真難受呀結果，烏冬不負眾望地挺好吃( ̀⌄ ́) 但是豬軟骨好像有點太多肉了，我還是喜歡較多軟骨，會吃得人滿口骨膠原的那種。但味道和上次一樣的好吃，厚厚的肉很入味但沒有過咸(聽人講鰂魚涌嗰間好食啲，搵次去試吓真唔真先）

我認知中的豬軟骨中，處理得好一點的話，軟骨可以咬幾口就能吞掉；而差一點的店，軟骨怎樣咬也是咬不動的，有時候甚至連肉也很硬，不好吞。這間店的豬軟骨，我朋友介紹的。他的豬軟骨令到我對他的認知需要重新去定義。這邊的豬軟骨不用「咬」的，他們做的豬軟骨是果凍狀的。肉也十分軟，非常之好吃。唯一可以說的是他的咖哩汁是偏向日式的，如果偏印度的話會更好吃。我還沒有嚐試過其他的菜式，但如果約一些素食人士吃飯的話，這家也不錯，這家店有一個叫''十五種野菜飯''，真的十分適合素食人士。

第二次食呢間餐廳， 印象中個份量都係大大份， 飯， 菜，肉都好足料。 所以， 今次就試下佢地既烏冬， 門口有期間限定既餐牌， 但係始終對佢個豬軟骨念念不忘， 所以叫個豬軟骨七小時煮白芝麻湯烏冬。一上枱個豬肉骨已經見到煮到啲軟骨都變啫喱狀😍就算係烏冬都有跟少量椰菜， 個白芝麻湯就真係無咩特別， 芝麻味唔係好濃。 隻半熟蛋好好食，唔會好流心但一咬落口有少少甜，成個味道好好。烏冬係扁身果種但都有咬口， 食完碗烏冬的確已經飽左， 但慢煮豬軟骨真係好稔好好食。 餐廳平時都好多人排隊， 座位都唔係好多， 所以最好早少少食就唔洗排咁耐😎

️因為身邊好多人推薦，所以book mark咗好耐，今日終於有得試啦！平日大概6:30嚟到即刻入得☺嗌咗豬軟骨七小時煮野菜咖哩飯、忌廉湯烤雞野菌烏冬+溏心蛋，總共$150～等咗大概5-8分鐘已經上菜！好快！✅豬軟骨七小時煮野菜咖哩飯豬軟骨真係煮得好好，入口即溶！好食！但咖哩嘅味同普通咖哩磚差不多，冇太大驚喜✅忌廉湯烤雞野菌烏冬忌廉湯同烏冬都好味，野菌好足料，有好多蘑菇+本菇👍🏻但個烤雞太鞋了！咬得好辛苦，唔夠juicy😣唔推薦

每日要食最少三十種食物，才能達到營養均衡，在這裡食蔬菜咖哩飯，就有十幾種不同顏色的蔬菜，滿足健康要求。今日的蔬菜包括南瓜，紅羅蔔，西芹，蓮藕，薯仔，番茄，椰菜花，翠玉瓜，洋蔥，粟米，西蘭花，豆角，米飯裡有番薯，餐牌寫明十五種蔬菜，好似唔夠哦，係咪要計埋做咖哩的材料，例外黃薑，辣椒等呢？無論如何，想食多些蔬菜，在這裡都得到滿足，前題是不介意這裡非常擠迫，嘈雜，仲有冷漠的服務態度，香港人長壽，因為適應能力強。

慢煮牛肋丼（$88)🥚加醬汁溏心蛋（+$12)奉送啤酒2罐賣相：🐧🐧🐧味道：🐧🐧🐧丼飯用普通膠碗包裝，牛肋、各配菜整齊排列在膠內，份量頗多，絕對飽肚。味道方面，牛肋入口質感一般，不算軟嫩，但又不至於太韌、難以咬開。肉質有一點乾身。調味方面則偏清淡，略嫌無味。溏心蛋蛋心呈半熟狀，調味一般不過不失。配菜種類不多，只有粟米和椰菜，兩者勻頗為新鮮爽甜。外賣等候時間：🐧🐧🐧在平日晚上9點幾下單，約需時40分鐘送達，與預計時間相符。🐧❤️結語：丼飯整體偏清淡，重視健康人士的良選。

正評居然一面倒 ， 我當然要試下啦 。。。。但我相信只要是持平的人或者曾經幫襯過呢間鋪頭嘅， 冇可能會有咁一面倒的結果或食評。 當日趕時間就參考其他人嘅食評意見， 見到咁多人都讚好， 諗住性價比一定很高。 坦白講食物一般， 呢個價錢有呢個出品只算係尚可， 另外除非你係小矮人否則環境真是非常狹窄，侍應態度惡劣， 服務嘆為觀止。 我相信只要曾經出過街食飯嘅人都會有同我一樣嘅意見，今次我真係信錯這兒的食評。一個字劣！ 永遠唔會返轉頭。

星期六下午，同妹妹二人在天后搵食，記得1年前見過呢間店未開門已經有人排隊，OpenRice 食評又好，想試好耐，咁「好彩」見到店內有很多坐位，所以入去一試。店內標榜日式野菜，但又有肉食選擇，非常啱我同妹妹一個愛食菜，一個食肉獸。叫咗豬軟骨蔬菜咖喱飯，同牛筋蔬菜沙律。對於平均$80一個人，其實唔應該抱過高期望，但可能食評和食物賣相，令我對佢過份期待。先講環境：坐位非常擠壓，我同妹妹身型瘦小勉強可以，健碩男子、女士帶大包包則非常唔建議。店員安排我們入口旁邊的位置，店門不停打開，外面馬路的汽車廢氣直接吸晒，仲要熱氣湧晒入黎，唔明白點解唔裝風閘呢？如果想試呢間但唔想沙塵熱氣撈飯，入坐時記得要注意！否則想換枱的話，會令店內員工非常不客氣「2號話要換枱呀」「咁你想坐邊張吖！」，態度認真需要改善。食物：（sorry, 因為換枱過程頂住條氣，無心情影相，所以相片欠奉）但公道講句，食物賣相有70分的，因為蔬菜顏色豐富，茄子紫洋蔥粗切薯仔翠玉瓜椰菜花紅蘿蔔，每樣1-2件，咖喱飯有1/4份係「灼蔬菜」，好過平時食碟頭飯得2件，相比健康好多。我食嘅沙律有半碟沙律菜，但配搭牛筋肉嘅雜野菜原來係「炸」的，咬落去油

今日食豬軟骨咖哩飯，慢煮豬軟骨煮得夠軟入味，配上多種蔬菜咖哩，營養又健康，飯裡加了番薯和粟米，增加纖維及維他命，是很好的組合。價錢方面又不貴，豬軟骨咖哩飯69元，如果對環境及服務沒有要求，這裡是不錯的選擇。環境是非常擠迫，要夾住手㬹食飯，稍有大動作，就會撞到旁邊的人。冷氣安裝不足，要靠風扇狂吹，時常處於大風的狀況。坐在門口位置就是冰火交集，要適應能力很好才支持得住。服務是非常有限，當然是沒有收加一的。😒

剛好在附近上堂記得呢間餐廳有朋友推薦今晚終於可以一試-行到舖面未夠6點等了一陣，店員出來招呼我們😄入到去，店內裝潢係簡單木系雖然舖頭不大，座位與座位間都比較近但呢種日系小店feel 都幾鍾意-我叫咗豬軟骨七小時煮咖哩飯友人叫蕃茄牛肋野菜咖哩飯呢度日式咖哩食落少少甜豬軟骨好軟好滑，而且好多蔬菜感覺好健康的一餐友人的蕃茄咖哩比我的多咗份酸如果鍾意酸甜味的可以試佢果款-呢度價錢適中，食物好味值得再來～😋

豬軟骨好大舊 而且煮到好淋 咬落去充滿膠質 感覺有滿滿的骨膠原 另外仲有好多蔬菜 加埋咖喱很好下飯 另外叫咗個卡邦尼烏冬但冇影到相 烏冬彈牙 但容易越食越滯 所以我就比較推薦個飯啦 不過整體都很滿意 雖然簡單但很好食

一直食開鰂魚涌嘅坐忘，今日同朋友去開天后，佢又未食過，梗係一於帶佢嚟呢間食下啦！之前一直已經介紹過佢，鍾意重口味既大食既人一定要去！ 一入到去唔使講嘢，梗係要叫返個豬軟骨7小時定食，因為朋友鍾意食烏冬，而又對牛肋條吸引，但係餐牌名冇呢個配搭，所以就嘗試問店員可唔可以將黑芝麻牛肋野菜飯轉為烏冬，店員回覆需要加$11，當然冇問題，照去馬！首先嚟嘅係豬軟骨7小時定食，因為定食嘅關係所以會包含湯同埋沙律另外就梗係個重點啦！ 豬軟骨依然軟滑好好食！配埋飯簡直一流！係會令到食多啲飯！因為個醬汁本身比較重口味，但當然難我唔到！太鹹嘅時候就食返啲沙律菜中和返鹹嘅味道！湯就普普通通，不過不失。另外再嚟嘅就梗係黑芝麻牛肋野菜烏冬，本身個人比較鍾意烏冬煙靭一啲，而佢嘅烏冬就正正啱晒我口味，都係比較煙靭滑！ 黑芝麻都好香，包覆晒喺肋同菜入面！都有好多唔同款式嘅菜，好似翠玉瓜，南瓜，西蘭花，椰菜等等！可以扮晒健康咁樣食多啲菜！有益！牛肋條都幾軟冧！不錯！總括依然都係好好食！值得回頭！價錢都公道！推介俾大家！