坤記煲仔小菜 (已搬遷) 新店位置

I ordered, and after waiting for 40 minutes, i realised they forgot the order. Besides the food is not so good, it is just normal. Also the pork meat is so fatty and not professionally cooked.

天氣轉涼，晚餐自自然然選擇了令人感到暖笠笠的菜餚。啤酒小菜:椒鹽鮮魷因為未齊人，所以先點份鮮魷作為開場小食。辛苦工作了一整天，放工來一口冰凍啤酒，配上香脆可口的魷魚，確實令人輕鬆不小。今晚主角:豬骨煲$228大大件豬骨，滿佈豐富的骨膠原，另加入白蘿蔔、 腐竹、粟米、香芹，湯底濃郁香甜。份量足夠4-5人享用另加芫荽$45此店火鍋配料收費略貴。白鱔鴛鴦腸煲仔飯$130自問非常喜歡吃白鱔，可惜今次的白鱔不夠肥美及爽口。

西區覓食第一站，先食個煲仔飯！本來想去和益大廈果間坤記，可惜冇訂位要等...而且天氣好熱，唔想食到汗流夾背，於是改去呢間德輔道西坤記。天氣咁熱都唔想食太多，2個人食一個煲仔飯加一碟菜就算。椒絲腐乳炒通菜（$62）餐牌裡搵唔到唔代表冇，炒菜幾有鑊氣，落左薑絲感覺冇咁重。滑雞排骨飯（$90）等左大約20分鐘，熱辣辣煲仔飯送到面前了。坦白說，質素好似比和益大廈店差少少，呢個煲仔飯偏濕，所以食到尾都唔係有好多飯焦。排骨調味幾重手，相比之下滑雞好食啲。至於性價比，一個雙拼煲仔飯索價$90好似唔多值。

又黎食煲仔飯，坤記煲仔飯真的非常好好食，我暫時覺得未有一間可以好食過佢我同超級好友決定早d黎食晚飯，我地下午6點就開始食，因為我知道如果唔早食，要排好耐隊先可以坐低，每日都超級多人等位，冇分季節!一坐低即刻叫左個排骨煲仔飯加臘腸而且我鐘意黎依間分店，原因是有我的最愛凍檸茶這裡唔止煲仔飯好食，d小炒也非常yummy😋😋豉椒炒蜆超有鑊氣，不得了👍🏻啫啫芥蘭煲，芥蘭好爽口，索索聲！總括全部都好好食，不過要食快d，因為太多人等位，如果想傾下計就冇可能!

放咗工去捉精靈, 去捉之前, 當然係醫飽自己先啦~~~本來想去老鋪, 入到去, 話無訂位, 無位....朋友話過去另一邊那間, 一樣的, 佢上次試過都係唔駛訂的...禁就去啦, 返正山長水遠過到來~~~入到去, 無咩位, 坐咗係門口的位置, 雖然俾人出出入入頂住, 但都算啦, 有位已經好叻了~~~呢度禁出名煲仔飯, 當然整返個煲仔飯啦, 我叫了個滑雞煲仔飯, 朋友叫了個油鴨田雞煲仔飯, 最後加了個粉絲雜菜煲。粉絲雜菜煲好快手, 真係超快就到, 好熱, 清得來又無咩味精, 有點湯, 好味。有咩雜菜? 我唔食的無咩, 我食的都算齊啦。我唔食有味菜的~滑雞煲仔飯好滑, 真係好滑, 就算雞胸都好夠滑, 飯焦好香, 唔算多, 剛剛好。由其是我這種唔好飯焦的人來說, 非常好。當然加埋湯食飯焦就更好味啦。油鴨田雞煲仔飯好少係出面食油鴨, 因為怕太咸。呢度剛剛好, 唔會太咸, 又有鴨味, 油鴨的油份都剛剛好, 唔會太油, 油鴨皮仲有點甘香的感覺。田雞方面見到好大隻脾, 一煲有四隻,啫係兩隻田雞啦。一煲講緊係$95的價錢, 用禁重料, 算係禁啦。係出面食煲仔飯都只不過係四十幾至六十幾蚊, 呢度到賣到八十

星期四晚在西營盤7:15 已經完成工作, 見當晚北風乍起就決定和同事2 人吃坤記煲仔飯, 先往西營盤店, 7:30 到達但見門外已有約10人排隊所以決定轉往德輔道西的店. 德輔道西店也爆滿, 但因店比較大, 所以我們2人等了10分鐘左右已經有位. 同枱食飯各自修行, 同枱共坐了4組合共8人, 前後左右枱大家背對背迫一迫蠻親熱.2 人點了薑蔥魚雲煲, 沙爹牛肉炒芥蘭和2個白鱔排骨煲仔食 + 潤腸2 個小菜在10分鐘內已上枱,  同枱各組搭枱的也都各自點了小菜也是飛快的上枱. 先試薑蔥魚雲煲, 味啖魚雲也不夠熱, 魚雲想是預先一早炸好, 有order 時所有材料落鑊爆香調味放入煲仔就承客. 如果夠熱味啖了點也是沒問題, 但魚雲不夠熱就帶魚腥嘛! 失敗再試另一味無咩難度小菜沙爹牛肉炒芥蘭, 全完中伏祗可說我未曾食過全無味道的沙爹牛肉炒芥蘭囉牛肉係全完無味, 需然一吃就知是新鮮牛肉, 但鮮牛也需落少少豉油.糖吊吊味嘛 ! 芥蘭全無鑊氣亦都好奇怪的完全無咸味, 沙爹獻汁不知為何亦祗見其色食不知其味 ?  也見同枱的小菜大多數食浄了一半, 莫非其他小菜水準都係水準有限 ? 煲仔飯足足等了一個鐘才到

第一之搭堅尼地城線，到西營盤站下車初嘗好評不少的老店坤記。總店霸氣的說：「沒有訂位的，就連隊不用排」（註：他們的人龍一點也不短囉！），一路在附近隨便行，不久發現了他們的分店，可以取票等位，當然等啦！二人用餐，很幸運不久便有二人位置，不用在外等一句鐘！飯店裡座位頗迫且狹窄，嘈嘈吵吵的很有香港地道味道。坐下下單即點煲仔飯，店員說要等一個鐘，專程來到當然等啦！ 結果，差不多一小時後，我的白鱔排骨飯到了！ 飯粒飽滿精瑩，豉汁白鱔很嫩滑，排骨是新鮮腩排，味道不錯！美中不足的是我們漏加臘腸在煲仔飯中，欠缺了臘腸的香氣。不過，我覺得他們的煲仔飯不及九龍那邊，油麻地的四季煲仔飯。等飯期間， 另點了蝦乾魚湯浸娃娃菜及栗子雞煲。栗子雞煲是值得推介的；栗子很香很糯很好吃，雞肉嫩滑同爆的獨子蒜亦烤得香囗，以往一粒起兩粒止的我，把全部十數粒都吃掉！但以九龍人專程過海去吃，以他們的恆常等候時間有點不值吧！後記： 餐後，聽說總店才是用炭爐煮煲仔飯的，且看有沒有機會再去試試總店吧！

上個星期去完AIA，就諗住去西環嘅《坤記》食煲仔飯。去到舊舖嗰邊，見到人龍有成30人，就去左轉個彎嘅新舖，新舖門口都排咗十個八個食客，等咗大概十零分鐘就可以入去坐。一坐低就梗係叫番個煲仔飯食下啦，不過樓面呀姐話食煲仔飯要起碼等一個鐘「唔L係掛？？ 」， 各人都o曬嘴。畀阿姐大一大，當堂唔敢食煲仔飯，改咗食煲仔菜。果然等咗五分鐘就已經有第一道菜上枱。 亞姐果然冇呃我。【豆豉鯪魚油麥菜】非常出色，豆豉鯪魚嘅鹹香配上新鮮嘅油麥菜， 豆豉鯪魚壓碎後可以炒得更加均勻，而且碟菜唔會死鹹， 帶一點甜味，蒜子亦都非常入味 ，令我哋喺不消五分鐘內清晒第一碟餸。【涼瓜田雞煲】， 呢個煲仔菜亦都唔錯，涼瓜甘得黎唔苦。可能年紀有番咁上下，對涼瓜嘅接受力越嚟越高。用豉椒嚟炒涼瓜非常之惹味。至於田雞，由於本人好怕青蛙，所以就冇緣一試。不過聽其他朋友講田雞唔算太滑，只屬一般貨色。仲有【鹹魚豆腐雞粒煲】, 味道方面不過不失, 若嫌，唔夠鹹魚味，豆腐嫩滑，雞粒冇雪味，用嚟送飯 都可以送到半碗。臨走時見到隔離枱有幸等到煲仔飯嘅朋友，竟然只係食咗幾口，對於我哋連試嘅機會都冇嘅朋友， 實在係揼心口。 這些機會不屬於我。7

啫啫雞煲，一拎上枱咋咋聲勁香，發現有好多塊豬膶喺入面，而且塊塊都好靚好新鮮，啲冬菇幾入味，而嫩滑嘅雞攞嚟送飯就啱哂啦。咸魚炒芥蘭，嘩，佢啲鹹魚竟然有炸過喎，第一次食油炸過嘅鹹魚，加埋個芥蘭真係好食好多喎。

今天廚房應出咗啲事，叫個煲仔飯等咗成粒鐘，連老闆樓面都唔多睇得過眼。$75臘味飯已經係煲仔飯類中最平，窩蛋牛肉飯$85，白鱔排骨$95，排骨售罄，無通知下變成淨白鱔飯。臘味飯賣相好靚，臘腸臘肉切厚件放得整齊美觀。臘味軟硬度同味道均佳，沒有過鹹過硬。飯焦也出色，一點也沒有黐底燒燶，能一片脆卜卜入口。窩蛋蛋黃全熟，牛是用肉片。白鱔肥厚而新鮮，份量很足。質素比廟街高很多。

秋風乍起，一早一晚已添涼意，羊腩煲，煲仔飯開始上市。這一夜，正是個享受煲仔飯的時候。 雖然這次幫襯的，不是有名的「坤記煲仔小菜」正店，只是分店，一煲熱騰騰，香噴噴的「白鱔煲仔飯」（$95）仍然吸引。厚身多肉，肉質結實的白鱔雖然還未夠肥，配以熱力四射的白飯和味道帶甜的豉油，已足以令人食指大動。即使吃到最後，脆卜卜的飯焦仍能讓人不禁把它吃個清光。「羅漢齋煲」（$72）水準較為遜色，南乳齋味道雖仍可，但稍欠濃稠，而且整煲齋菜除了兩三片荷蘭豆帶來少許青綠之外，其他材料盡是茄子、冬菇、腐竹、木耳、粉絲等物，雖然夠索汁，但就未能盡如人意。不過，在這秋風乍起之時，一煲久違了的香噴熱辣惹味「白鱔煲仔飯」仍能把「羅漢齋煲」的不足掩蓋，讓自己給這晚餐一張笑臉的。

一直想試下坤記嗰個煲仔飯，不過之前次次經親都大排長龍，今日早早地六點鬆少少去到，仲未見到拉龍喎，今次係機會喇小志強。椒鹽九肚魚，爆就爆得夠曬香喇，亦都比起外面食到嘅脆身，不過就冇乜味。西蘭花炒蝦仁，蝦仁夠曬大隻又夠爽，啲腰果真係好食過出面，難得炒完都仲有咁脆。八珍豆腐煲，入面嘅豬雜比起出面多啲，亦都做得好食啲，好耐冇食過豬肚喇，正。白鱔滑雞飯，個飯實在太吸引，加上都期待左好幾年，所以相機今次無得食先，白鱔味道唔錯，不過就唔係咁新鮮囉，雞黎講就真係夠曬雞味又夠嫩滑，打邊爐最緊要係個爐，煲仔飯最緊要嘅豉油，坤記當然冇甩拖啦，個豉油好好味啊。

份工成日周圍走，都好～可以試多好多地區既美食今日黎到西環，一上黎search見到呢間野咁高分，無唔試既理由啦～本身係去左係巷仔個間分店，但實在太多人，店員就叫我試下去另一間鋪望下啦，好彩呢邊少人好多姐！天氣雖然開始熱，但我就唔理時分，熱辣辣整番個煲仔飯先白鱔滑雞煲仔飯（$90）白鱔大大舊，仲要俾腩位，少d骨都食得爽d，雞無咩雪藏味，肉質亦彈牙，好有可能係用上鮮雞！ 飯底有令人期待既飯焦，正！我諗冬天食更加有風味喔～ 冬天再黎過！

想食煲仔飯又唔想過海去廟街，港島西環都有得食! 之前聽就聽過不少朋友推介坤記，不過就未食過...openrice有兩間一樣名，我諗應該係有兩間分店，因為係即興，無book檯。去到其中一間一間，個夥計話無book 檯，要等到九點半 (個時係七點三...)。於是，到另一間睇下，開頭夥計都話要等到八點半先有位，我同男友走之際，甘arm有兩個位，等緊個d都係多人既，真幸運!睇完個menu，我地叫左個白鱔田雞煲仔飯同埋芥蘭炒臘味...見好多檯都有叫羊腩煲或者豬骨煲，不過見份量都幾多，適合多人餐聚食! 份量幾多，臘味 (潤腸，臘腸，臘肉) 有好多，芥蘭炒得剛剛好，唔會太硬!等左半個鐘，個煲仔飯終於黎到啦...好肚餓! 有4舊白鱔，好肥美又彈牙無泥味，田雞3舊都係俾，煲仔底有香香脆脆既飯焦，再加支可樂，無得頂!食好野有時係要等...(見得一個夥計整煲仔飯，檯檯都等好耐)

今個星期氣溫驟降，凍冰冰的天氣最適合食煲仔飯幸好早兩日有致電預約，因為一去到已經有不少人在門外等候。 我們點了蠔餅（$72),上湯菠菜($60)及一個白膳煲仔飯（$90）等了一會兒，兩碟小菜就送上蠔餅炸得好鬆脆，佢連同芫茜一齊炸但整個味道就像食紫菜一樣，不錯食上湯菠菜味道鮮甜！最後等了差不多四十五分鐘，白膳煲仔飯終於上枱啦！我們急急落醬油而忘記拍照但這煲煲仔飯沒有令我們失望白膳肥美多肉，大約有六七舊白膳，白飯配著醬油和豉汁，兩碗飯冇問題最後清埋脆卜卜的飯焦！其實坤記舊店同新店都有試過，個人覺得新店水凖也很好，去不到舊店不防去新店吧