坤記牛腩 (已結業)

九龍城有很多美食 不過，好多時都是去食泰國菜 其實牛腩河都不錯的 本來與囡囡諗住去買餸返屋企煮飯仔 點知個儍妺話肚餓，又咁啱見到坤記門口報章雜誌的介紹 ... 這兒是用供應數量不多，每日屠宰供港的新鮮騸牯牛 隻隻騸牯牛都要四歲大，因為咁至肥瘦均勻 怪不得這碗坑腩河的肉質特別軟腍，豐膄軟滑，食落去入口即化一樣 好耐無食伊麵，見到餐牌上有 ... 上湯牛筋腩撈伊麵 ... 即點一碟 我這碟的牛腩無坑腩咁肥咁腍，肉質一咬就鬆開，肉膜相連食起來有少少咬口 仲有充滿骨膠原的牛筋 ... 特別吩咐姐姐幫我加多少少腩汁 伊麵不會煮到太腍，彈牙又有油香，吸了牛腩汁好好味 仲有記住飲埋碗上湯，是用牛骨熬製而成的，牛味濃郁，好鮮甜 ** 以上分享是以我的口味、喜好和情況作出分享和感受，一試 / 合用與否請自行決定

昨日經過九龍城，諗住嘆番碗牛腩面一食…又硬又剩，湯味同洗腳水冇分別!d面有皂水味好似洗完十次手既檸檬茶咁!d侍應好似爭佢錢咁，又崔單又black face又唔好老皮!大家知唔知個伏字點寫?去完坤記牛腩就知啦!伏已中!yeah!ps. 要200字先可以比劣皮，我比多1000000000000000000000000000000 字都解決唔到我心中既憤怒!

雖然九龍城無地鐵到, 但對九龍東既我黎講, 都算方便九龍城實在有好多好野食, 所以忍唔住經常都黎搵食坤記牛腩, 以前已經係門口經過好多次, 今晚終於有機會食下佢既牛腩了一心決定好要食坑腩, 但老細話坑腩賣哂, 佢地仲煮緊, 要等左成粒鐘先有, 食唔到真係覺得有D 可惜不過實在太餓, 得牛筋腩都照叫啦叫左碗牛筋腩 加$2轉伊麵牛腩牛筋份量都幾多, 牛腩睇落偏瘦, 但食落幾軟淋, 而且牛味幾重而牛筋都唔錯, 淋淋地都幾有彈性, 幾有硬口至於湯底係牛骨湯, 帶點陣陣清甜既牛味但湯麵無配白蘿蔔, 感覺少少可惜另外朋友叫左個咖喱牛筋腩飯咖哩汁帶點辣, 非常惹味, 不過咸左D, 用黎撈飯就啱啱好而且個咖哩汁仲愈食愈辣牛腩牛筋份量比湯麵既多, 不過又係缺少左薯仔, 有D遺憾不過整體都唔錯, 牛腩牛筋先係重點另外叫左碟魚皮, 魚皮大大塊, 唔係碎濕濕咁上我諗住浸落個牛筋腩湯到, 但佢好細心另外俾多碗湯用黎浸魚皮食將魚皮浸落個湯到, 魚皮好脆, 浸落湯到會聽 到”JA JA” 聲每人叫左支汽水, $12, 係細支裝, 有少少貴, 如果有鑵裝平d就好

聽講坤記好出名，周潤發成日去，所以就慕名黎試下。下午大約12點半到，店入面唔算好多人，都有空位，伙記用好差嘅語氣叫我地喺出面排隊，排左大約5分鐘就入去。三個人，一碗牛腩米、一碗牛腩河，同一碗坑腩麵，食食下聽到隔離枱嘅牛肉未熟不過都即刻換過碗俾佢。牛腩偏瘦，有少少un，米粉都有少少硬，不過湯底係幾濃幾好味。如果要配粉麵，只可以嗌普通牛腩同坑腩。淨崩沙腩$120，淨爽腩$140，好多人都再嗌一碗淨麵。我覺得太貴喇，有其他更化算嘅選擇。可一不可再～試過一次就算嚕

今午冒名而去了侯王道聲稱出名的牛腩專家，試了牛腩麵，嘩！嚇得我吖，非常難吃，鬆散冇味，好似豬肉湯渣，仲要$50幾蚊碗。再點過了淨墨魚丸，係新鮮，可惜用料平，有陣陣腥味，亦溝了過多粉，$38五粒真係搵笨，真係冇下次。 重要提提職員員工態度非常差，仲一入去已經話冇崩沙腩冇爽腩只有牛腩，order 咗食物又成半小時先來，非常唔惦！唯一係地方頗乾淨，牛骨湯㡳尚可，如果淨係想去飲牛骨湯唔食其他野，咁大家去試下。伏伏伏伏伏

看了飲食男女介紹；到這間坤記牛腩一試，首先侍應催促落單，明嘅！做生意嘛，點了一牛腩一崩沙腩麵，佢話崩沙腩賣曬！明嘅甘改二碗牛腩，三十秒後大叫有番崩沙腩，甘我問佢改崩沙腩，侍應即黑面串咀話冇得改（其實未落單），我同老細理論最後換了一碗崩沙腩麵。中伏先兆⋯⋯-講味道，牛腩比煲過的湯渣還要韌，真係求其一間好食過佢，崩沙腩亦只是好少少，都非常普通。同枱撘枱亞嬸吃緊牛腩麵，邊搖頭邊説搭錯船，她只吃了一塊牛腩及小許麵即憤怒離場。-價錢58-68一碗已經中價，侍應態度差，食品更差。

與朋友行經九龍城，見到店外排長龍，即管試下。点左碗凈牛崩砂腩、牛坑腩伊麵、咖喱牛筋腩粗麵、凈墨鱼丸同炸魚皮🐟誰知店員說所有腩都買完了，只剩餘普通牛腩，有少許失望，只好叫了一上湯牛腩伊麵，上湯味道清淡，牛腩味道普通，肉質較韌，CP值普通😿凈墨鱼丸，墨魚味不濃個湯淡淡的鲜味，墨鱼丸肉質尚算彈牙，但試無妨。好彩佢都好新鮮炸鱼皮炸得很鬆脆，喜愛香口的朋友不妨一試咖哩牛筋腩粗麵，咖哩香味濃郁，牛筋腩軟骨的部分入口即溶，牛筋腩分量算多，剛好鋪滿了粗麵之上，以整體計，較為出色及價錢合理，相比凈咖哩牛筋腩相宜得多，唯獨味道偏鹹，唯一美中不足是食後有少許口乾的感覺

呢間野一直好出名，所以一直想試。越是約左朋友特登入去九龍城食野。點知原來只係中伏既開始。首先間野要排好耐隊，排左半個鐘後，以為可以食到佢最出名既爽腩啦。點知坐到入去先話爽腩賣哂，於是就諗住叫改住叫坑腩或者崩沙。點知再收到一句都賣哂bo。職員十分無禮貌，而且好似想趕人走咁，不斷走埋黎話快d叫啦，唔係其他野食都冇。最後我叫左個咖喱牛根腩撈麵，呢個咖喱超級咸，味精極重。事後越左2枝水仍然口渴。總結，呢間店根本一文不值。垃圾食肆一間，講好食肯定係打手。

平日總是在晚上才會到九龍城吃飯，這次中午來到，原以為又要吃泰國菜，誰知道給我們遇上另一款美食。坤記牛腩就在侯王道街頭，餐廳外出現了小人龍，而門外更張貼著不同雜誌及報刊的報導，總心看看才知道原來坤記每天屠宰供港的新鮮騸牯牛，所以肉質份外鮮味。 牛骨上湯 – 一般來說平日喝到的上骨，都是用上大量的牛骨或豬骨以文火熬一段長時間，熬的時間越長，味道會越濃越醇，而這個牛骨上湯牛香味道極度濃郁，感覺就是用了大量牛骨熬製，真材實料，不過，湯面的油份就是多了一點點，喝後有點油膩感覺。上湯牛筋米 – 牛筋煮得挺入味，入口時帶有濃濃的牛香味道，而它的口感軟滑，膠質感重，而湯頭亦夠香濃，吃後一點都不會感到膩滯，非常好吃。 上湯牛坑腩麵 – 牛坑腩牛味香濃，肉質纖維豐富，口感鮮嫰，而湯底味道鮮甜，幼麵亦容易掛湯，不過，個人認為牛坑腩脂肪量偏多，份量偏少，碎肉亦較多。 咖喱牛筋腩飯 - 這個牛筋腩飯是小妹的心水推介，牛筋腩份量非常多，牛腩肉質軟淋鮮味，一點都不粗糙，而咖喱醬汁帶有濃醇的香味，就是那種香而不辣的味道，超級惹味。郊外油菜 – 菜心的味道清甜，但就是煮得太淋，不夠清爽。 由於舖面不算很大，食客來餐廳吃

今天晚上, 我和朋友去了一家九龍城出名吃牛腩的小店吃晚餐。這家小店也有在小巴張貼過poster, 我也是因為看到小巴的廣告而對這間餐廳有認識。首先, 我們每人點了一碗麵, 我點的是上湯牛筋腩撈幼麵, 我朋友點了一碗上湯牛筋腩河粉, 大概等了十分鐘, 我的撈麵便呈上來。牛筋腩的分量都算多, 牛腩肉質鮮嫩且淋滑, 不黐牙, 牛筋炆得很夠淋。牛筋還含豐富骨膠原, 很適合我們這些女士食用呢! 另外我聽聞它的咖哩也很出名, 於是我們點了一碗咖哩牛筋腩。裏面的牛腩份量比牛筋多很多, 咖哩不算太辣, 味道很濃郁, 很好吃。另外, 我們也點了一碟郊外油菜。

今日中午和朋友往九龍城坤記食lunch, 我們點了淨上湯爽牛腩, 上湯肥牛伊面、咖喱牛筋腩粗面和菜心加腩汁。上湯爽牛腩湯好清甜, 牛腩是切腩, 肥瘦適中, 煮得好腍,入口即熔, 好高質素的上湯牛腩,配上上湯食落去好爽口, 好有嚼勁；上湯肥牛伊面肥牛切得薄薄, 肉質鮮甜, 好香牛肉味, 好美味,伊面好彈牙, 面好爽口, 湯底味道適中；咖喱牛筋腩粗面牛筋好有嚼勁, 好爽口, 牛腩好腍容易入口, 咖喱汁辣度適中, 容易入口, 粗面好滑, 粗面配上咖喱汁, 食落不覺肥膩, 好好食的咖喱牛筋腩粗面；最後我們點了菜心一碟, 菜心好爽脆, 配上牛腩汁食落去口感爽口,美味。餐廳牛腩和肥牛好高水準, 好腍好香好滑, 值得一試。

路經侯王道，今晚條街又凍，見呢間食牛腩麵好似幾乾淨就入去喇！點知有驚喜！！入去見到價錢係貴價野，仲有Ｄ後悔入左尼，不過都坐底左就照食啦。朋友叫左上湯坑腩粗麵，我就上湯牛筋腩河，叫多２個油菜同汽水。上湯坑腩粗麵－擺放好整齊，牛腩有５舊，好厚好大件，而且係好乾淨，唔係出面成個碗都係湯汁。食洛勁淋身，一Ｄ筋都無，而且好濃牛腩香味，係會令你啖啖都好滿足！麵ge份量都唔小野,湯底係好重牛味,令你想飲埋個湯!!上湯牛筋腩河-同樣擺放好整齊, 筋腩各3舊,件件都有份量,所以6舊絕對唔少野! 牛筋嚼落有咬口，炆得好入味, 牛腩就淋身,同樣個湯都係令你不知不覺食哂成碗!油菜-好新鮮加左腩汁,個人覺得好食過加蠔油,可能個腩汁真係太出色,有菜有肉,呢餐真係令人好滿足!

下午到九龍城公幹後，想吃個下午茶，路過侯王道見到呢間坤記牛腩， 好似新開，即管入去試下，牛腩絕對是我杯茶， 但看見餐單價錢牌非一般粉麵店價錢， 略貴60%.....何解？店鋪內有很多報導， 細看下原來此店用的是新鮮牛腩，但不知吃落有何分別，看見牆上貼上推介上湯坑腩河，即叫，但我選擇了伊麵底。等一會兒.....到啦到啦，眼前出現一碗非一般牛腩麵， 遠遠已聞到很濃的牛香酥味，坑腩帶薄根膜，層次分明，嚼落有咬口，炆得夠入味，掂！論粉麵，湯底亦很重要，這店賣不是清湯，重牛味， 細問之下原來是用牛骨加上牛頸肉來熬出湯底，到家！咁重本，難怪散叫牛骨湯要$18碗...，但最後我都叫多碗飲，因為真係好好飲。此店沒有花心機於裝修，而重食材，一間小店有如此水準，驚喜！老板應該是老饕一族。

高質牛河，㗎喱飯-同老公成日流連九龍城，好多野食完唔想再食！但坤記呢度啲牛腩河，㗎喱牛腩飯真係一試難忘。超級勁好食！宜家成日心思思想去食番碗。食左3-4次，仲keep到水平！講下佢既招牌牛河，真係好有水準！啲牛腩真係有牛味，又冇話好多味精同食完功口渴。佢既㗎喱汁仲好惹味！撈飯一流！比起中環9記果啲名過其實真係好好多！有一試難忘既感覺！而且環境衛生，坐得舒服！我見好多人買外賣食！一定會再encore！

店舖不賣雲吞，水餃，魚彈, 主打只賣牛腩, 店主每日會從香港最大供應商取貨, 保証新鮮, 還指定係騸牯牛, 即牛仔大約在1歲左右就會閹割，經過閹割過的牛隻，脂肪會均勻地分布在身體不同部位，令牛肉脂肪有若雪花般細緻的紋理。講多無謂，當然立即叫碗牛腩麵, 上湯色澤香濃，係用牛骨煲煮, 味道略咸,  麵既味道尚可, 而牛腩紋理清徹, 肉色較深, 咬落唔係肥牛既較，反而係平均既脂肪既韌度，加上每咬一口都有肉汁流出, 仿如有過百隻牛牛係口度, 唔怪得店主一定要選用騸牯牛，