坤記牛腩 (已結業)

與朋友在九龍城區想快快食一餐，路過這間以牛腩為主的麵店就決定幫襯，因為最欣賞這類做得咁「專門」的食店，就好像日本的拉麵店般好專注。除了主打的牛腩，還有牛筋和牛肉，總之，最啱牛魔王如我！湯底有上湯和咖喱兩種選擇，我點了上湯牛筋腩河：牛筋好入味，有咬口得來又不是韌，牛腩很有牛味，正！湯很好味很濃，真的重牛味，原來是牛骨上湯，我大口大口地喝到接近清底！朋友點了上湯牛筋腩撈麵，還很豪的加了$4轉食伊麵，伊麵彈牙，無油，附上的也是牛骨上湯，從顏色已可知道是牛的濃湯！我於星期六的下午1:30幫襯，雖然不是爆滿，但客人是川流不息的，而也許因為大部份駕車的顧客怕被抄牌，全部都是食完就走，不會hea食而霸佔座位。

今日同柑太行完九龍塘，但行到肚餓就發覺四圍都無好野食，於是就殺落九龍城，係滿街林立的食肆中，我們選了坤記牛腩做晚餐落腳處，九龍城食肆一向數一數二多，但做牛腩既店舖就只有佢一間做到好出名，店內貼滿不同雜誌報章介紹，食客亦多得如貨輪轉。我地坐好後，柑太好想食爽腩，而爽腩只可以淨食，於是我地就叫左一份淨爽腩，再加一個咖哩牛筋腩撈麵，發覺佢地有自己手包餃子，就點左一份淨水餃。淨北京水餃($42)每隻都大大隻，而外皮幾厚，但並不代表內涵，相反係內涵太豐厚，唔用厚厚既餃子皮包住的話，一定會漏晒出黎浪費左。皮厚但煙韌，內裡有香濃韮菜味，而食落啖啖肉，非常好味。淨爽腩($160)絕對係招牌菜，湯汁係濃濃的牛骨味，飲落非常有層次，可以慢慢細味出當中的骨和肉的不同味道，慢慢到最後感受到鹵水的香味，亦因為加入了鹵水，湯底會較其他湯深色。佢地既爽腩絕對無呃秤，好多出面食肆都係用絕對帶筋帶肥糕牛腩扮爽腩，但真正爽腩，牛腩肉中間是夾了一層薄薄的筋膜，而肉之間可以咬到因為脂肪而流出來的肉汁，呢道出品絕對無花無假。又煙韌多汁彈牙的爽腩煮得實在非常出色。咖哩牛筋腩撈粗麵($68)一上碟發覺大大堆的咖哩汁滿佈粗麵及牛筋腩

今日做嘢經過九龍城，因為好忙冇食午飯， 三點幾好肚餓，走咗入去面店食嘢。環境靜靜地，地方又清潔。佢唔係舊式雲吞麵舖，冇爐頭喺鋪面，所以冷氣特別充足。 叫咗一碟牛筋腩撈粗麵，大大碟好多餸。粗麵彈牙，沒有鹼水味。牛筋腩更加好食，牛腩又香又淋，牛筋軟綿綿又入味，冇肥膏。用咗腩汁撈麵更加好味，送上一碗充滿牛腩味嘅例湯，完全配合到我嘅需要。仲叫埋碟菜心，諗住少少哋食條菜，點知食落又係好似好多。飲埋樽懷舊可樂，飽曬。雖然價錢睇落有啲貴，但係現在一餐可以當兩餐食，應該值得。佢仲有啲牛坑腩同爽腩未能食到，下次可以約朋友來再試。

放工個刻都已經做到無咩心機，完全唔想去諗食咩諗食咩係人生每人面對既大難題，既然今日唔想諗，就將依個重任比左男朋友，佢就介紹左去一間佢覺得牛腩好好食既餐廳-坤記牛腩！唔想晚餐食咁多，去食坤記食牛腩河！成個餐牌都係同牛牛相關既飯麵粉既組合，同男朋友擔心唔夠飽，兩個人叫左三碗野食！我自己叫左碗崩沙腩河粉，叫完唔洗5分鐘就送到！師博真係好快手咪睇個碗細細地，但河粉份量、牛腩都好足料！食左第一啖就已經出事，個湯底好香、好醇、好好味！牛腩炆到好入味好林，完全唔會咬到牙痛但又好有咬口，好正上面個碗係食之前，下面食碗係食完後！睇到張相都感受到碗野幾好食呀，好味到要飲曬所有湯！另外叫左個咖喱牛腩撈麵同男朋友share...但食完碗河後，我已經飽到食唔到喇只係試左舊牛腩！咖喱同牛腩真係世上絕配，牛腩完全被咖喱覆蓋，咖喱汁完全入曬個牛腩到。我終於明白點解男朋友之前食過一次後，對坤記諗諗不忘！好正，一定會要番去食！

今日收工突然間想食牛腩麵 朋友就車左我去九龍城坤記試吓 小店格局好似一般茶餐廳 不過就比較乾淨衛生 晚飯時間雖然唔使等位不過都接近滿座 一位伙計招乎不過都無問題 咖喱牛筋面咖哩湯原來間呢係依間鋪頭既其中一個特色，將咖喱汁加入湯底，有咖喱香味但係又唔會太辣，而且經過一段時間嘅熬製咖喱味都滲入牛筋入面，牛筋夠曬林，份量都幾多上湯牛筋腩撈河不用雪藏牛肉而選用新鮮牛肉👍湯底由大量牛頸牛骨煮成非常濃既牛味，不過味道偏重，而且河粉比較“碎” 要用羹幫手 下次都係選擇麵 因為較適合乾撈 湯底方面因爲落咗滷水，所以顏色比較深，味道十分濃郁餐廳提供玻璃樽汽水 依家唔係好多地方有得飲到 別有一番風味 價錢合理

除左雲吞，牛腩基本上係廣東麵食既主角，牛腩麵可以話係成行成市，但做得好帶係唔易!今日同朋友去九龍城試坤記牛腩!聽聞水準一流餐廳店面全部都係牛腩既介紹，睇相已經非吸引店內人頭湧湧，好多人都俾牛腩吸引，前來一試除左清湯腩，就係咖哩腩，麵方面反而無傳統既生麵，係粗幼麵，米粉同伊麵。因為想試咖哩牛腩，但又想試原味，所以叫左一碗牛骨湯!!湯既牛肉味勁濃，入口好似放左一堆牛肉落口感。係門口睇過報紙報導佢用牛骨牛頸去熬，所以真係非一般既濃!!而且呢個牛骨湯仲有少少滷水汁既feel。等左無耐咖哩筋腩麵就上枱!我比較鍾意幼麵，因為掛湯力極強!而咖哩既汁又濃又香筋腩既份量都比普通麵店既多，牛筋係香腍既質地，膠質亦好夠而牛腩夠香腍入味，加上咖哩既微辣，非常惹味而麵質雖然唔係生麵係幼麵，但佢都有生麵既爽脆感，十分神奇!未試過咁有彈性既幼麵湯真係無得頂，咖哩味夠哂香濃，而且唔係一般咖哩魚旦既平咖哩

牛腩口感及味道非常普通, 伊麵底一般. 非外界及明星效應所推介好食. 嗰度人流不是旺場. 落單職員, 感覺好似吾休做. 跟中環九記及大利清湯腩比下去.是但求其去其他茶餐廳或麵檔食好過. 腩汁油菜刀是一般, 與外邊食開茶記麵檔沒有分別. 但收$23/碟, 價錢就貴得很.整體來說, 我覺得真的不外如是. 或者試食一次無妨, 第二次就免了. 因為味道、價錢、坐落地點、侍應態度真的無法令我吸引再次光臨惠顧..................

平時食開既聯發，隔離開左間坤記牛腩，同事話想試下，所以同佢入左去食。呢度既裝修好簡單，兩邊既牆都貼左餐牌，仲有啲上左雜誌既報道。餐牌都簡潔易明，主要食牛腩，可以配河粉，米粉同埋粗幼麵，或者揀撈麵。仲有咖哩可以揀添。除左牆有餐牌之外，每張枱都設有餐牌架，所以大家唔洗爭住睇餐牌張枱望落都幾乾淨既，仲有啲醬料，筷子，匙羹同牙籤係枱事不宜遲啦，食飯得一個鐘炸，我揀左上湯牛肋腩米粉（＄48）湯底幾清甜，牛腩唔un，牛筋爽米粉就冇咩驚喜。牛腩牛筋既量都好多天氣咁熱，叫左支可樂飲同事揀左碗上湯牛筋米粉，佢果碗啲牛筋都係幾爽，軟硬適中我地另外叫左啲手作水餃。以下呢碗係白菜豬肉水餃（＄48）一碗有五大粒皮睇落好似好厚，但食落又唔厚粉喎！咬開之後，見到入面既料幾足，仲好Juicy仲有揀左北京水餃（＄42）其實個餡係韮菜黎，呢個韮菜餃較豬肉水餃為香口。呢個皮相對較豬肉餃薄呢個既汁較更正，同水餃個味道更夾快靚正既一餐

外賣個牛腩飯，索價不菲。牛腩得嗰細細碗，碎濕濕，牛筋都有4舊左右，但鹹到飛起，食完仲一路好口渴，分明落左好多味精喺入面。唔明點解啲人咁鍾意去，又貴又唔好食，九龍城有好多野好食過佢

今日去開九龍城，不過早幾日又食左泰菜，決定食返個中式牛腩面。呢度地方都幾乾淨，無一種麵鋪油腍腍既感覺。湯底有兩款揀，一係上湯，一係咖哩。一於試哂兩款第一個主menu無既。係上湯坑腩河，坑腩比較薄身，牛味重亦唔嚡口。個湯底無得輸，差唔多成碗飲哂食麵緊係要加返碟菜，今日得菜心一款，可以揀蠔油or腩汁。菜心新鮮無渣，good既！好！到咖哩啦！其實都驚驚地既，怕佢係茶餐廳果d咖哩，得個色，咩味都無果d不過見佢係招牌既，應該無咩伏既。叫左個咖哩牛筋腩撈粗原來佢都會連埋個牛湯，正既！咖哩好味既，好香夠辣味，筋腩比例適中(好多麵鋪偷雞七成筋三成腩....)普通腩緊係無坑腩咁正啦！不過質素合格有餘啦！可再encore

香港周圍都有得食牛腩麵，但好食的真係唔多，其中我食得最多的一定係坤記，因為近屋企，去鋪頭食或者用APP叫外賣都得，仲記得對上一次食就係同朋友係屋企打牌打到唔願落街食飯，跟住就用APP叫外賣送去屋企一路打牌一路食，哈哈~星期日又黎到坤記，今日真係超好彩，眾所周知九龍城係極級難搵到個錶位，但今日竟然我地一去到就係坤記門口有架車走，實在係太好彩了坤記係好傳統港式麵店的隔局，但比起一般的較為光猛，同埋乾淨得多，好多麵店都係成地紙巾牙籤的，身為香港人的你一定明白想揀食物記得望住個牆啦，整間餐廳的牆都貼滿餐牌，除左牛，仲有餃子同手打丸淨白菜冬菇水餃 ($42)食過呢間餐廳咁多次，第一次食水餃，水餃係店鋪自家製，一碗5粒，每粒都饟到漲卜卜好大粒，一口咬開清楚睇到入面的新鮮材料，兩個人SHARE食當係前菜唔錯咖哩牛筋腩撈伊麵 ($72)每次都一定會忍唔住叫咖哩牛筋腩撈伊麵，牛筋腩俾得好多，牛腩用上靚部位，無肥肉但食落好淋，咖哩香得來唔辣，相信唔食得辣的人都可以食到，伊麵有咬口，湯亦係每次都好期待，好難得香港有麵店跟撈麵個湯係無味精的，飲落似牛肉清湯，每次我都會成碗飲晒上湯牛筋腩撈伊麵 ($72)平時我

上星期剛好又要到九龍城AEON入貨, 與媽咪行經坤記牛腩, 咁啱大家都有少少餓, 所以就入內吃碗粉了~ 記得上次食坤記已有幾個月了, 店子沒怎樣變, 不過這個時段客人幸好少了些, 所以都坐得舒服, 記得上次客人多都要等了一陣~ 與媽咪看了陣餐牌, 她點了碗上湯坑腩河, 我就要了碗上湯牛筋腩粗, 之後亦要了碗淨墨丸, 油菜和二枝汔水~ 這裡的汔水十三元一枝, 比坊間貴了少少~ 但吃麵冇左可樂又好似失色左少少咁... 上湯牛筋腩粗 - 上菜頗快, 送上時整碗麵熱辣辣, 牛味不住的飄來!!!好香喔!!! 牛筋牛腩這裡真的無敵, 牛筋爽彈無筋, 牛腩咬下去芳香豐潤, 口感一點都不鞋, 湯頭更是精彩, 喝得出是用上大量的牛骨熬出來的湯, 甘美到極, 而且喝後沒有口乾, 不覺有味精在內~ 上湯坑腩河 - 索價近七十元, 但吃後你會覺得值! 坑腩肉質鮮嫩, 雖然滿滿是肉的感覺, 但吃後卻不會覺得漏口, 而且份量都多, 河粉亦幼滑, 牛精迷不要錯過~ 淨墨丸- 依然不叫你失望, 墨丸口感爽彈, 內有大大粒墨魚粒, 增加不少口感, 一碗有7大粒, 以三十五元來說, 抵食~~!

回味細個嘅味道，細細個時屋企人最鍾意帶我食牛腩麵， 今日放工嚟到九龍城，希望可以尋回當時嘅感覺，本身其實對間舖頭都冇咩期望，因為佢個門面太過新， 唔似得細細個嘅舊鋪咁。 不過一場黎到，都應該要試下。鋪頭價錢定位其實唔平不過嚟到都要試下我就叫咗 上湯爽牛腩 ，黎都其實個碗嘅size只係細蓉。 可以想像到個份量係有幾珍貴。 雖然我一直都知爽牛腩， 係珍貴同細份量。 好彩食落味道出色，牛腩又夠淋，但係亦都好爽口。 個湯底一飲落口就知有鹵水汁， 比較深色但係勝在冇味精。一碗牛腩邊夠飽，再加多碗手打墨魚丸粗麵， 墨魚丸真係好爽口彈牙，手打真係唔同啲，至於個粗面冇鹼水味都幾好食。下次再食過，不過就會食平價牛腩。

九龍城有啲乜嘢好食，其實我都唔係太清楚。但係呢個咁舊嘅城區中，梗係搵返一間老字號食店食野啦。最後就黎左呢間專食牛腩嘅食店。黎到之後，諗住食個普通嘅牛腩麵，平平地，點知比店員推介左上湯爽牛腩，同埋自己叫左個牛筋面。牛腩真係好貴，要成$140，點知原來得5舊肉。但係真係好好食，入口即溶。好容易食落口唔洗好用力咁食，味道好正好入味。但係個牛筋面啲牛根真係好鹹。喊到食唔落口。我推介牛腩貴得來有道理。其他就...

之前聽聞澳洲牛奶公司第三代除左喺九龍城開左「澳牛2.0」-聯發茶餐廳外，仲開左間賣牛腩嘅鋪頭喺隔離，我姑且叫佢做「九記2.0」吧。星期六，外面落緊滂沱大雨，可能或多或少影響到生意，鋪頭入面冇乜人。叫左碗「上湯牛筋腩伊麵」（$52）：先飲一啖牛湯，果然夠清甜，又帶點牛骨香；到牛腩部分，佢似柱侯牛腩嘅味道，即係比平時食開嘅清湯牛腩重味，揀伊麵就貪佢可以索湯，雖然索價$52一碗偏貴，但整體而言，味道都唔錯。我覺得可以接受，咁當然未至於媲美九記啦。不過可以繼續努力，一定可以做得更好。