坤記牛腩 (已結業)

作為一個愛吃腩河既人，周不時都會搵腩河食，愛它不外乎平，靚，正，親民價錢已經食到，難怪百吃不厭。最近由媽媽口中得知，她工作附近有一家牛腩店看似不錯，於是就去拜會一下。餐廳其實同傳統既"腩店"差不多，主打牛腩，坑腩，崩沙腩，一般牛腩都有。唔食牛，都有墨丸河等其他食物選擇。上湯牛腩 $120$120只吃牛腩，質素當然有番咁上下。分明的紋理，均勻的脂肪比例，入口已經吃得出和一般牛腩是有分別。看似細碗的上湯牛腩其實份量都幾多，因為全碗只有牛腩，而且啖啖肉，肉感亦強，真係淨係食牛腩都飽。上湯坑腩河 $63雖然價錢比一般牛腩河略高，但畢竟坑腩不是牛腩。坑腩肉位都好多，而入口口感更實在，好爽口。坑腩河用左自家制既上湯，出面都食唔到既湯底，亦十分配合牛腩與河粉。酥炸魚皮 $26炸魚皮份糧都算幾多，大都係完整魚皮，好少魚皮碎。本身會有個清湯"沾"魚皮，短時間浸一浸依然十分香脆。而我試過"沾"腩河既河湯，出嚟既效果都好唔錯。平時只吃腩河既我，過去都是幫襯"華姐"，今日又見識多一間。

今天到九龍城探朋友，之後在附近晚餐。可是每次到訪，都是食泰菜，今晚希望改變口味，試試其他菜系，最好是不用等位的餐廳啦！朋友帶我們到這家牛腩店。表面看來，跟一般牛腩店無異，只是地板，餐枱餐椅比較光潔，枱與枱之間相距較闊，不算擠迫。就座後，職員表示：今晚牛筋賣曬，但有肥牛，牛腩同埋牛坑腩！　既然這是牛腩專門店，就點了几款牛腩粉麵。上湯肥牛伊麵　　　 牆壁上有這款食物照片，所以朋友點了這款。本以為是火鍋所用的肥牛，即是紅白相間／雪花霜降的肥牛，來真是一整塊牛肉。牛肉浸在湯內，慢慢浸熟，還有部份是粉紅色呢！朋友給了一片牛肉，真的很嫩滑。有牛味之餘，卻帶點酸味，是鮮牛肉的鮮／酸味呢！以前母親大人會在街市買新鮮牛肉來做餸，依然記得是新鮮牛肉特有的酸味。是鮮味也好！是胺基酸的酸味也好！味蕾的記憶是不會錯的！上湯牛腩粗麵    另一位朋友選的牛腩粗麵。上湯牛腩撈伊麵    本身喜歡伊麵。剛好看到廚房內有一餅餅的伊麵，所以點了牛腩撈伊。　伊麵表面有皺紋，入口煙韌，要多咀嚼几次，還帶有蛋味。這種口感及味道，是經過油炸的伊麵呀！伊麵底下還有醬汁，要撈勻慢慢享用。　　　註：曾遇過某餐廳以普通麵扮伊麵，所謂的伊

其實呢間牛腩麵幾個月前新開張嘅時候食過一次，都覺得OK。諗住又去食下啦，但冇諗過早幾日去食差咗好多。星期日嘅夜晚七點幾八點到，竟然得三個客講返食物兩次都係牛腩幼麵，$48一啲都唔平，啲湯好鹹好多味精，食完要狂飲水都仲覺得口渴。肉唔算多，好多肥膏，總之一啲都唔抵食唯一正面的是店舖都算乾淨，總之唔食冇損失

上湯坑腩河 ($63)坑腩係牛肋骨之間嘅肉，纖維比較粗，不過牛味係咁多個部位最重嘅，食落去好重牛肉味，而且牛腩多，好滿足食肉獸。-上湯牛腩麵($48)基本既上湯牛腩都相當出色，比牛坑腩多啲肥膏，食落油香好重！而且咬落去口感更軟綿，好岩司令口味😜！-咖喱牛筋腩飯($54)咖喱反而好有驚喜😱，唔似一般港式咖喱得隻色，佢地既咖喱食落好重香料味，唔算好辣不過好惹味，牛筋煮得好淋😋，成嘴骨膠原，份量超大碟男仔食都好夠。-

小時候曾經在九龍城區生活一段時間，長大後不時會再訪九龍城區，緬懷昔日時光。這天又到九龍城區走走，經過候王道聞到陣陣食物香氣，饞嘴的我當然立即尋找這香氣來源，最後發現香氣從「坤記牛腩」傳出。 愛牛的我立馬上前準備到「坤記牛腩」用餐，當到達門口原來有數名客人在輪候，在候位期間我從牆壁上的剪報發現，原來「坤記牛腩」是間相當馳名的牛腩專門店，單是牛腩已分成不同部位出售，吃得刁鑽。來到「坤記牛腩」當然要點淨食上湯爽牛腩，價錢雖然較貴需$140元，但物有所值。爽腩層次分明，牛質幼細，肥膏部分為少，口感鮮嫩不粗糙，咬下口更帶有淡淡牛油香味，再配上軟度適中的牛筋，口感非常豐富，絕非平日所食的普通牛腩可比。只吃一碗牛腩當然滿足不了愛吃的我，所以我們加點了數樣食物。這份是牛坑腩筋撈伊麵，這可算是隱藏菜單，因為在餐牌上沒有顯示出來，大多只有老顧客知道有這個配搭。如果大家也想點一份牛坑腩筋撈伊麵，記得需要額外加錢喔。說回食物質素，坑腩口感與爽腩各具特色，坑腩口感厚實，肉量為多，牛筋軟稔非常入味。為了延續這頓牛腩盛會，我再點了一份手打淨牛丸。牛丸一碗有七粒，每粒爽口彈牙，既有牛肉味，咬下去更流出淡淡牛的油份。來

九龍城美食數之不盡、包羅萬有，想吃甚麼就有甚麼，但要有質素的，就寥寥可數。講到牛腩，非坤記莫屬我在九龍城工作的三年間，不知光臨坤記多少百次，無一次失望而歸，這晚我誓必要好朋友也品嚐這人間美食門面簡單不造作的坤記，總是給人一種沉實有內涵的感覺，而事實確也如此牆壁上貼著餐廳於雜誌的採訪，秘製上湯及鮮宰騙牯牛為坤記招牌，是食客必試之選首先我們點了一支樽裝可樂，感受一下坤記歷史的味道，懷念一下舊時我們放學必會買來減減壓的玻璃樽汽水看到餐牌，我急不及待為朋友即點了一個上湯爽牛腩，不要以為細細碗就小看它，坤記既重質也重量，爽腩不香香味十足，每塊牛腩肥瘦合宜，入口更是爽口，牛肉味道濃得過份，配上坤記特製上湯必令你回味無窮，簡直是牛腩之王來到粉麵一樣出色的坤記，必然不能忽略它的牛筋米粉和幼麵米粉不會吸湯發漲，配上上湯不但爽口，更特出了湯和牛筋的鮮味幼麵爽口彈牙，鹼水味不濃，跟牛筋同時入口，回味無窮吃了高品質牛腩、牛筋和粉麵，是否覺得有點太膩但又不捨得牛香？這個腩汁油菜是必點的麵後點心，菜心不但又爽又甜，烹飪時間剛剛好，更因腩汁關係令他更香更甜坤記表面雖是簡單，餐牌各項的價錢大眾化，但牛的品質卻是出色，

黎到坤記，望落雖然好新，但係裝修都係左傳統嘅茶餐廳嘅裝潢，但感覺就好乾淨🤗。上湯坑腩河 ($63)-招牌嘅上湯坑腩，湯頭用左牛骨餚製，牛味濃得黎有層次，仲帶有肉嘅鮮味。坑腩係牛肋骨之間嘅肉，纖維比較粗，不過牛味係咁多個部位最重嘅。喱度嘅坑腩煮得夠腍滑，咬落油份唔算好多，牛腩好新鮮，好濃郁甘香嘅牛肉鮮甜味，配埋河粉，吸哂上湯同坑腩嘅精華。整體唔錯，只係價錢有少許貴，性價比唔算好高，但係都值得一試嘅。-

九龍城美食林立就係人都知，但原來都有d平民食店。坤記只做牛腩，埋單幾十蚊一位，價錢相宜。但牛腩做得出色都唔易，佢地仲係做到上哂雜誌添！門面用上懷舊的格調，簡單易認。入內裝修如出一徹，懷舊風味甚重。餐單好簡單，除了牛腩、還是牛腩，非常專一。店主用不同牛腩的部位，配合清湯或咖喱，做成不同的粉麵。近排亦破格加入幾款手打丸類，可能是要滿足不同需要吧。但一場黎到，當然試下牛腩湯麵！湯底好清徹，但肉味好濃郁。牛腩筋肉分明，肥瘦剛好。入口有非常濃郁的油脂味同牛肉香，好似食緊一件牛扒甘。估唔到簡單一碗牛腩麵麵可以有据扒的感覺。朋友點左咖喱河粉，賣相亦不錯。咖喱汁杰杰地，做到掛湯效果，真抵讚。加錢的油菜不過不失。價錢或者比普通牛腩粉麵貴，但同質素成正比，對牛腩有要求的朋友一定要bookmark。

今日放工後，同男朋友去又一城睇戲，但又一城消費咁貴，完全唔想喺嗰度食嘢，識食嘅我哋梗係去九龍城醫肚啦！經過侯王道，見到坤記牛腩嘅門面望落唔錯，就決定今晚食牛腩。店面光猛，環境乾淨企理。上湯坑腩筋河($63)貪心嘅我梗係揀雙拼啦，一碗試齊牛筋同牛腩。平時食牛腩我最怕黐牙，但坑腩非常腍，牛味亦濃，令我讚不絕口。牛筋嘅口感比較膠質，黏黏稠稠的，亦不錯。不過河粉索湯汁索得好快，接個電話，轉個頭啲湯就無晒啦！唯有問男朋友借湯，所以揀河粉嘅貼士係要食得快啲呢。上湯牛腩伊麵($50)男朋友揀咗牛腩伊面，佢話食得出牛腩好新鮮，我問佢借左舊牛腩嚟試吓，發現口感冇牛坑腩咁諗，但的確合格有餘。郊外油菜($22)蠔油同腩汁之間，揀咗腩汁，連條菜都入味過人。炸魚皮($26)好彩係脆卜卜的，大半碗都係被男朋友掃晒落肚。Zero可樂 , 忌廉($12支)仲諗住可能再點款甚麼試下，但已經飽到上心口啦，唯有下次再戰。

好友最近搬到九龍城，難得佢老公今晚唔得閒，我可以同好友食晚餐～佢帶左我黎坤記牛腩，仲話發哥黎食過 tim =]menu 一目了然，幾乎樣樣都有牛腩、牛筋。 仲有好多食家食過，報導過～ 經侍應介紹下，我地點左個上湯爽牛腩～ 佢一 d 都唔平，成 $140，around 10 塊！不過真係好好食！！腩肉、筋膜、牛脂，三者融為一體，牛腩香得來鬆軟，好有層次感，不過湯底較咸～ 另外，點左個上湯牛筋米粉～牛筋份量好多，食落非常軟淋，好有彈性，有口咬感～至於湯底比起剛剛既上湯爽牛腩既湯底，呢碗非常清甜，完全唔會過咸 / 過淡！ 另外，朋友就點左個咖哩牛筋腩撈粗麵～牛腩牛筋份量都好多，咖哩汁帶有微辣，但味道非常惹味，撈粗麵就最岩！ 最後點左個油菜，呢度得菜心可以選擇～如果有多d 選擇就最好！

一直也知道九龍城多嘢食, 但對於在港島區工作的我, 相對較為遠, 但由上月開始我轉了新工作地點, 係新蒲崗返工, 九龍城對於我來講近了好多, 日後可以多去覓食, 今次去了坤記牛腩食嘢. 這裡是食牛腩為主, 有上湯或是咖喱口味. 我自己選了上湯坑腩, 除了有米粉, 河粉和麵選擇外, 可以加兩蚊轉伊麵, 我覺得幾抵便轉了. 我愛食瘦, 所以特別要求瘦一點. 上湯坑腩伊麵上枱. 坑腩大約有五至六件. 即使偏瘦, 但坑腩肉質仍然夠腍身, 唔會覺得乾身和硬. 由於是上湯底, 所以相對較淡口, 想濃味一點, 可以選擇咖喱. 伊麵是我鍾意的質感, 較為軟身. 見到有牛骨上湯, 愛飲湯的我特別要了一碗. 個牛骨上湯幾濃郁, 也夠鮮甜, 飲完完全不覺得口乾, 與牛腩是最佳拍檔. 見附近有人點魚蛋, 我也忍不住口, 點了一碗淨牛丸魚蛋. 牛丸和魚蛋就一般, 相對於牛腩, 還是牛腩較為出色.

自從在報章睇過呢間牛腩店嘅介紹，話發哥都鍾意食，便對此念念不忘，於是趁今晚得閒黎潮聖。還好黎到唔駛等位，更好彩嘅係已經夜晚七點，坑腩、崩砂腩、爽腩全部都仲有，今晚有口福啦！先食碟菜心（$22）比較健康，菜心配腩汁，腩汁腩味唔濃，菜莖放在面，菜葉放在底，份量都夠。咖哩牛筋腩飯（$54）咖哩汁好濃郁，香氣四溢，只係微微辣，牛筋牛腩同樣多，牛筋煮得淋而富膠質，牛腩則較有嚼勁，但牛味濃。淨爽腩（$140）好矜貴，但又真係好好食，筋膜、牛脂、腩肉三者融為一體，入口具層次感，牛腩香得來鬆軟，實在比剛才的咖哩裡牛腩深得我心好多！湯底較深色同較重咸味。牛筋河（$46）牛筋非常多，可惜較有咬口，未夠淋，不是我喜歡的超軟牛筋，未知是否今晚失準，河粉滑溜，牛骨湯底清甜香可以飲晒。今晚據聞只得一個廚房師傅工作，所以出菜有點慢，最近出外食飯，都好多遇到呢個問題，飲食業都難做呢，還好樓面的店員好風趣又nice，令我地都食得開心！

牛腩是朋友的至愛，看見雜誌介紹九龍城的坤記牛腩，說該店以新鮮牛腩加上秘方熬製，獨門之味，當然特別香濃美味，必要一試。

朋友點了上湯坑腩米粉，坑腩相當入味，肉質鬆軟，配上濃厚鮮甜的牛骨湯，啖啖牛香撲鼻，邊吃邊讚。

自己點了牛腩河粉，牛腩雖然偏廋，但口感亦十分軟腍，牛味豐富，河粉幼滑，吸飽香濃的牛骨湯，意想不到的美味。

炸魚皮，又薄又脆，浸了上湯，依然鮮香酥脆。

加了腩汁的菜心，清甜之外，多添了一份肉味的香醇。

這裡的座位空間十足，而且環境十分乾淨，讓你可舒適地慢慢品嚐這獨有的牛滋味，實在值得一讚。

​早前某報提及九龍城坤記牛腩, 昨天要到該區工作終於可以一試, 但真係試一次就夠, 叫左牛筋腩麵, 首先講D麵, 有皂水味唔奇, 但食左兩啖已經開始淋, 開始發, 一陣間就已經變白淋晒發晒, 牛筋無乜特別, 牛腩一般, 個湯真係要講下, 除左勁咸同勁重味精再加老抽調色外, 我真係食唔到係用骨煲出黎, 份量偏細碗, 收$48, 碟菜心先誇張, 夠膽收$22, 最後先發現原來同隔離聯發同一個老細, 聯發早年已中過伏, 如果早知同一個老細就點都唔會幫趁, 食完碗野口渴左全日, 店如其名, 坤記靠坤

昨天晚上, 爸爸告訴我很想吃牛腩, 然後我便跟他說我之前曾經到九龍城的一間牛腩專門店吃牛腩牛筋麵, 我覺得不錯的, 然後爸爸便估到是哪一間, 於是我們兩個便到了這間牛腩店吃晚餐。 這間餐廳沒有用上豪華的裝修, 但我很喜歡這裏的環境, 光線很足。首先, 我們每人點了一碗麵, 我今次試了咖哩牛筋伊麵。其咖哩湯汁濃稠, 浸著大大件的牛筋, 牛筋燉到非常稔滑兼入味, 質感好像在吃肥膏似的, 每一口都有濃郁的咖喱香。麵條都充分吸收到濃厚秘製咖喱, 好有滿足感！ 另外, 我們也點了淨上湯牛腩坑腩, 坑腩亦非常稔滑。