坤記麵家

營業中

休息中

剛到未食已經一肚氣，我同老公落街食午餐，諗起油塘中心有檔麵檔，好耐冇去試過，一心想去試下，點知一入到鋪，見到鋪面有冷氣位置可放櫈坐兩位，咁就問下個肥婆老闆娘坐唔坐得，哇～點知佢唔知咩事，語氣極差話唔得，佢仲話唔呀，唔得呀，唔做呀，語氣超差劣趕客，我又冇得罪佢，只係問一句，我都唔知發生咩事，佢打開門口做生意，點解有位唔比客人坐，一定要趕客出門口坐冇冷氣位置，而家天氣咁熱，仲要強制客人坐冇冷氣位置，呢d服務態度唔係正常做生意囉，仲未講佢食物質素好唔好，真心比佢咁對待完已一肚氣飽哂了，其實唔想做可以結業唔做，唔好搵客人出氣，冇人欠左佢間麵檔的，最後溫馨提示大家：要有心理準備去到要焗桑拿咁食粉麵同受條肥婆氣先好去幫襯呀。

牛雜幼麵（$34）凍檸茶（+$7）湯底唔過咸，清清哋；幼麵彈牙，鹼水味唔重；牛雜有5片草肚、2舊肺、2舊腸、1片膀。味道中規中矩，不過不失。麵店入面冇位坐嘅，啲位擺哂喺商場入面。

油塘的潮州粉麵, 這家應該是最好的了, 相比起銀龍和樂園的罐頭味道, 這裏無論是牛腩和牛雜都更有心機, 特別是牛雜的清理和滷水的入味, 是用心小店才能有的水準. 它的腸類更是值得表揚, 牛腸的脂層滑溜, 鵝腸的爽彈直身, 最重要是沒有任何污跡在內, 當然脂味羶香不是任何人受得了, 但這就是食內臟的靈魂, 反正這裏的味道也不太濃烈就是.淨札肉也有驚喜, 內裡是完整的胡椒粒, 更有口感之餘也有醒神的辛辣, 當然不是川式那種油膩得要死的風格. 魚骨湯底味道清淡, 但上面舖滿炸豬油粒, 其香脆羶香令我想起油渣麵, 食材不名貴, 但要炸好豬油粒, 而令其不會有油膱味並不容易, 這隱藏的誠意, 我收下了.Kwan Kee is a hidden gem for the traditional beef organs and beef brisket noodles in Yau Tong. The beef organs are full of aroma from brine and doesn’t have any bad or foul taste. They are clean and w

昨晚放工想和朋友簡單食餐飯，在OpenRice search 到這間粉麵，見到有5個哈哈笑無喊，只有一篇食評表示環境污糟，心諗自己的接受程度都高，諗住都可以一試，點知一試就中大伏。見到有食評話牛腩OK，叫左個牛腩墨丸撈粗，拎起筷子準備食的時候，有隻老鼠係我左腳高速經過，嚇到我即時彈起。同侍應姐姐講，佢都好好比我換左張枱，果刻覺得都唔完全關間野事，始終成間商場環境都一般，有老鼠都唔係完全佢的責任，換左張空曠D的枱，起碼再有老鼠都走得切，Settle down左就諗住繼續食。第一啖牛腩，硬落去係臭的，唔識形容果種味道，懷疑緊係咪處理得唔好的騷味，再試多啖，真係臭的、噏的，形容唔到，感覺係唔新鮮的味道，個口當時已充斥住果浸味，第一下反胃，飲左啖自攜的津路後，決定放棄牛腩。食啖麵先！粗麵份量很多，蠔油撈，算是正常，但夾集著少許腩汁，所以仍有少許臭味，但仍可接受。同碟的墨魚丸算是正常。另外碟中有許多豬紅，侍應姐姐話無菜，所以以豬紅代替，潮式打冷做法，味道正常。朋友叫了魚蛋雲吞河，係真大伏！一送上枱望到灰色的雲吞，已深感不妙，咬左一啖，不知道什麼的豬肉？夾著著蝦蓉？咬左一啖就放棄了！再試魚蛋！呢個

在油塘這真美食沙漠, 吃一碗正常味道的牛腩/雜河, 同樣相當困難. 直至到某一日拿衣服到洗衣店乾洗, 在其附近發現到這家麵店, 才算一解我相思之苦. 座位不多, 再加上疫情關係, 還是外賣算了. 它原址在藍田德田邨, 有時探望住在那裏的親人也去它醫肚, 難怪味道有一種熟悉的感覺.雜腩河的牛雜沒有異味, 也沒有雪味, 牛肚夠爽, 牛腸夠滑, 只是肝和膀有點Overcooked, 比較鞋口. 牛腩雖不是特別部位, 但筋肉間的脂肪令其口感更嫩, 肉香夠, 件頭也切得夠大和工整, 不是雜碎. 湯頭加上滷水汁, 鮮鹹而不死鹹. 河粉層次分明, 既不會黏成一堆, 也不會糊化, 作為屋村的雜腩河已算高質. 唯一可改善的, 是其辣椒油不要現成, 可試試自己炒製, 畢竟這是其中一項最能代表到麵家的小物.這裡同樣令我有驚喜的, 是其沙嗲鵝腸, 六十多元的單價, 份量比不少潮州菜食肆慷慨得多. 沙嗲醬花生味和鹹香味重, 辣度柔和, 鵝腸吸汁充足, 口感爽彈, 畢竟其底味一般, 靠的就是外來的味道, 這裡處理乾淨, 沒有異味, 但同樣沙嗲汁質感頗稀, 所以雖然吸汁充足, 但整體味道還是偏淡, 如果師傅收汁時間

坤記麵家牛腩🐂一向唔錯，今日order左牛腩撈粗😋😋因為有時牛腩🐂會肥😅，所以落order時同職員講要瘦腩。牛腩好惹味喔，肉質嫩滑，夠淋，唔會韌，仲附有爽口生菜添😄牛腩撈粗😁粗麵彈牙，撈蠔油食，好惹味呀😋牛腩撈粗會送一碗紫菜湯，但我就覺得淡左d，味道麻麻喇。

晚上行過路過想食啲簡單嘅，見到個招牌簡單清爽，唔係花呢花綠嗰啲，估計老闆都係老實人，呢啲人處理嘅麵檔，一般都係實而不華，啱我口味。環境充滿80年代巷仔風味，同門面風格統一。我呢啲基層出身嘅人，有返到舊時嗰度嘅感覺。重點係食物，嚟啦。見到居然有豬紅食，老闆剛好經過，搭嘴強調話我哋啲豬紅無跟韭菜。我心諗，你咁大膽唔跟潮流，一定好有實力，就叫一碗，加多碗浄雲吞。豬紅嚟到一大碗，嚇死我。酒樓食嗰啲，剩係得面嗰浸係豬紅，下面全部係菜，佢今次全部都係豬紅呀。味道沒有想像中咁好，但係都贏過好多街市豆腐檔嘅貨。碗淨雲吞有七大粒，唔知係唔係因為老闆見我咁鍾意食豬紅，好識貨，送多十粒咋豬油炸俾我。呢啲炸豬油太邪惡，但係真係好好味，俾我食晒 🤪晚上行過路過想食啲簡單嘅，見到個招牌簡單清爽，唔係花呢花綠嗰啲，估計老闆都係老實人，呢啲人處理嘅麵檔，一般都係實而不華，啱我口味。碗淨雲吞有七大粒，唔知係唔係因為老闆見我咁鍾意食豬紅，好識貨，送多七、八粒咋豬油炸俾我。呢啲炸豬油太邪惡，但係真係好好味，俾我食晒 🤪

十幾年冇去過油塘，今日攞架車去整，要兩三個鐘先攞得返架車，就周圍行下。驚見到個招牌非常 sharp 醒，走過去睇下，見到有魚麵，叫咗個牛腩魚麵加腩汁，再跟杯熱央。牛腩唔係潮流最興嘅清湯腩，亦都唔係柱侯炆牛腩，而係類似豉油汁的牛腩，牛腩就一般，沒有驚喜，也沒有驚嚇。反而見到個魚麵，看似好硬，立即心情一沉。心諗，叫咗好唔好都要食吓。點知食落有驚喜，魚麵好Q彈，有咬口，彈牙，亦有魚味；同市面上一般較淋身的魚麵绝對不同，真係各有各好。杯熱鴛鴦多奶，顏色比較深，文就冇乜茶味，但係飲落都ok，茶味及咖啡味都幾平衡。大約十一點半開餐，最初得我同另一台客，但係越食越多客嚟，附近街坊，做工程嘅都有，似乎都幾受街坊歡迎。

今日好想食牛腩🐂，就去咗坤記麵家買外賣，order左兩個牛腩撈粗、淨魚片頭、一包魚皮，同家人慢慢嘆😋😋呢間店嘅牛腩🐂喺呢區出晒名，牛腩好惹味，但如果你唔想食太肥，就要同佢講聲要瘦腩呀😙因為我試過唔出聲，啲牛腩都幾肥㗎😅鍾意佢嘅麵彈牙，牛腩同麵份量超夠，包你夠飽haha😁。加埋蠔油食，真係一流。😆所以我都幾鍾意食。牛腩撈粗配一碗紫菜湯，味道就一般啦。炸魚片頭都好正呀，份量都係足夠，魚片頭大大粒，都好彈牙，有口感，仲有少少生菜🥬添。佢嘅炸魚皮係自家製嘅，脆卜卜，但略嫌有少少硬，希望店主改善吓啦☺️店舖嘅選擇都多，除咗有粉、麵，仲有飯、豬腳、咖喱類等等。下次再幫襯先😃不過坐嘅位置好少，地方狹窄，唔會堂食，會再外賣。

天氣漸入初秋，早晚清涼，然而中午燥熱，沒有太多胃口食飯，想食牛腩來。油塘沒有太多麵檔，或是我所不認識，所知只有街市一檔和坤記。印象中坤記開業也不過兩年，知道有一分店，地點不算十分便利，所以都沒有來過。店內裝修簡單，大多如此。淨食牛腩外賣85元，價錢一般。份量尚可，然而香味稍欠。牛腩不是靚貨，但仍有肥有瘦，算係咁。肥膏位香軟，瘦位稍柴，攝牙啦。滷水膽一般，未夠時間，中藥香料味都有。墊底蘿蔔入味溏心，不錯。跟辣椒油，攞貨貨色，失望。我發現假如會自家出辣椒油的話，出品一般不會太差。整體而言，不過不失，假如要走五至十分鐘的路程，我是不會再去的了。

今日有機會來坤記試試我點了牛腩米一試...因為如果點雙拼來說...都要成差不多成$40/碗(未計飲品)...好似有點貴如果說味道又真係幾好食...佢D汁好香......令到湯夠濃...所以點湯粉食...味道不淡也不是很濃米粉會沾了一點汁入口, 口感好好加上它的牛腩是採用金錢腩, 好入味及夠冧, 有少少痴牙可能是因為好食...所以覺夠份量不夠....食完好像沒有食過一樣...亦不太夠飽肚算係咁 希望之後吃品質不會下降

今日有機會來坤記試試我點了牛肚河一試...因為如果點雙拼來說...都要成差不多成$40/碗(未計飲品)...覺有點貴如果說味道又真係幾好食...佢D汁好香......令到湯夠濃...所以點湯粉食...河粉會沾了一點汁入口, 口感好好加上它的牛肚是採用金錢肚, 好入味及夠冧, 有少少痴牙可能是因為好食...所以覺夠份量不夠....食完好像沒有食過一樣...亦不太夠飽肚今次只是點了一碗粉....沒有叫飲品, 一共$29.... (飽的程度只是兩星)如果要點雙拼, 加埋熱飲 (凍飲再加), 分分鐘埋單都過$45 一碗粉..... (仲要是唔夠飽)加上人手不足,等的時間都較長.....所以如果只是來當食家, 試下味道,值得一試...如果是想好食+飽肚...那就要認真考慮了.....

手打墨魚丸魚麵＠坤記麵家- 湯底清淡，蔥花芹菜、及炸蒜添香，滲出淡淡來自魚麵的鮮味- 魚麵彈牙，味道與口感像麵條版的炸魚片，但更為實淨且沒有油炸的香口- 手打墨魚丸味鮮甘香彈牙，內有墨魚顆粒，彈牙，軟硬度適中，混入少量芹菜但吃不出味道*辣椒油既香且辣，混入炸蒜，惹味

外賣加一才是30元一碗有埋辣醬提供牛腩不是很肥 而且很香口我好喜歡吃味道不淡也不是很濃新開張暫時做得不錯之前吃牛雜米都好足料 希望之後吃品質不會下降晚上都會回想吃下午吃的河粉

早兩日去到叫左碗牛腩河，地方污槽不特止，因為麵舖行入兩步就是商場公廁，所以我都揀座位離開公厕遠少少嘅座位。好嘞，到果碗牛腩河上枱，嘩，果湯底啡色，起晒泡咁，混濁到呢，直頭唔飲得，一陣怪味，呢碗粉真係夾硬食，雪藏牛腩又唔掂，收我32蚊，加支可樂39蚊，以後冇下次