堅信號上海生煎皇 (淘大商場2期)

營業中

休息中

之前成日想試都冇機會，今日同朋友喺九龍灣行完街就去咗食。星期四晚8:30冇人排隊，直接可以入。職員十分有禮貌，提醒我地scan QR code 自助落單，又提供口罩套。我地order 左4粒一直最想試既生煎包，底部十分香脆，面頭有蔥花同芝麻，一啖咬落去有湯汁噴出來，暖暖地又未至於燙口，我一個人食左3粒😂😂另外仲order 左個雞排菜飯，雞排大大塊，不過不失。 仲有就係五彩麻醬撈麵，可以揀走某邊樣配料同多醬，呢樣野幾細心。👍🏼整體都唔錯，有機會會再食。

🍭九龍灣食咩好？🔸之前喺旺角返工經常都會食呢間堅信號上海生煎皇，不過好耐都冇食了，而家係淘大開咗分店，當然要再嚟食下啦🤗🔺招牌生煎包個底煎到好脆，個皮都幾薄👍🏻好多汁，食個時記得小心d😂我就稍嫌個肉味重咗dd 🔺雞絲粉皮呢個粉皮超薄超爽口，雞絲好滑，配埋麻醬，超好味😋🔺麻辣雞腳雞腳好爽口，個麻辣汁好香辣，正👍🏻🔺小籠包呢個小籠包一般，皮唔夠薄同埋肉味太重，個人覺得唔掂👎🏻🔺麻辣猪耳呢個猪耳又係好正，好爽口，個汁辣得非常有後勁🥵💫整體食物唔錯，小食有驚喜，反而兩樣招牌菜失色咗少少，必食雞絲粉皮😋👍🏻員工都幾有禮貌😝想簡簡單單食下上海野，呢間都算可以😆

大學時期已經成日去生煎皇，嗰時得旺角一間分店，坐得好迫但係已經知係好嘢嚟，因為性價比好高幾年之後嘅今日原來已經咁多分店豬扒菜飯必叫，豬扒有少少蜜汁味，咬落唔會好韌，不過同樣問題，就係菜飯都冇乜菜既😅😅唔講真係都唔知係菜飯雞絲拌麵，呢個係夏天必點，以為係麻醬，其實係少少甜味嘅冷麵汁，雞絲足料，多啲蔬菜就好喇跟餐嘅小籠包，湯汁夠多唔會乾爭爭，肉餡鮮甜孜然雞翼不過不失，有少少香料味，唔太鹹都ok。試咗幾間分店，水準差唔多，會繼續食

：「以『生煎皇』為名，口氣頗大，但名不虛傳。」《製》堅信號上海生煎皇（九龍灣店）《品》【秘製 #豬排 #擔擔麵（多花生醬、多蔥）】$62🔸湯雖偏稀，欠醇厚口感；但花生麻醬味明顯，偏甜可口。🔸未到極濃，但多醬始終搭救濃度，且口感微沙似沙爹。🔸肉碎、花生碎、蔥花頗多，使得口感香氣豐富不單調。🔸一絲微辛，但絕不算辣，增味添香。▫️麵質普普，偏軟；許是湯不夠稠，麵不算掛湯；▫️若欲一口得麵與湯，需用湯勺盛之。♦️豬排乍看有微微焦變，雖不脆，但色澤靚麗；♦️香而軟腍，醃得入味！♦️密度高而不柴，稍似叉燒，口感佳。♦️疑以蜜汁燒過，甜味掛帥，頗有驚喜。♦️雖油脂較多，但整體上佳。🔎#老饕鑑鹹_上下品—————————————————————————【#生煎包】▫️賣相極佳，表面飽脹圓滑，麵皮薄而具麵粉香。▫️綴以滿滿蔥花芝麻，非流於賣相，香氣飄逸，津河暗湧！🔸底層呈螺旋形，煎得金黃，脆如厚切薯片；🔸雖比「誠記」薄，但脆度相若！♦️肉餡飽滿，瘦肉居多，不膩，適合老饕。♦️熱辣新鮮，湯汁夠熱，多而鮮甜，整隻入口有爆發之效！皮薄：5/5；汁多：4/5底脆：4/5；底厚：3/5肉量：4/5；肉香：4/5；肥瘦：4:6麻香：4/

生煎包熱辣辣好多湯汁，好好味😋；回鍋肉粗炒，味道偏鹹，回鍋肉好老，咬唔爛，格硬吞都困難，可能我牙力唔夠，牙齒唔夠利；秘制豬扒菜飯，豬扒有別於我在任何餐廳食過嘅豬扒，超軟林，無咩口感；竹蔗茅根汁清爽可口，唔會太甜；口水雞翼一般般。

淘大依間堅信號都開咗一排今日終於有機會試下我地晚餐時間去到套餐贈送小食同茉香綠茶我揀咗上海醬蘿蔔 咸甜適中咬落爽脆 好開胃呀另外仲可以揀麻辣豬耳正餐 選擇都幾多 叫咗個四川擔擔麵 餐牌寫住係辣嘅不過黎到我覺得一啲都唔辣喎甜味偏重（我最愛）肉藻打到好蓉 而麵嘅口感好軟身煙韌整體口感就係好香濃軟滑令我一啖接一啖咁食曬😋另外朋友叫咗豬扒湯麵豬扒嘅賣相都好吸引肉質睇落鮮嫩多汁 下次有機會要再試埋佢除咗套餐之外依度嘅餐牌仲有好多小食例如招牌嘅小籠包同生煎包而早餐既栥飯都好吸引呢整體黎講 依家餐廳無論味道同價錢都好合理食物選擇亦多 我係會再次幫襯嘅！

嚟到之後，睇一睇Menu，發覺佢個套餐好抵食！大約$60度，就已經有一個主食、一個小食同埋一杯飲品。於是我哋叫咗個外婆紅燒肉菜飯，小食揀咗麻辣無骨鳳爪，而飲品就要咗杯豆漿！咁多嘢食加埋先62蚊，真係起抵食😚外婆紅燒肉肉質鬆軟，燜到好林，一啲都唔會韌。個麻辣無骨鳳爪味道好好，唔算好麻，本身見到麻辣都有少少怕，但原來只係少少啦，唔係好食得辣嘅人都接受到！最正係啲鳳爪已經去咗骨，可以好放心咁食，鳳爪食落個口感好好，少少脆，成日好怕冷盤會食到有腥味，但呢個一啲都無，好值得一試！嚟到呢度，梗係要試佢個生煎包啦！我哋叫咗4個包，一嚟到非常香，個底煎到脆，一咬落去，爆多肉汁，多到熱親個嘴，真係不得了！建議大家等一下先食，因為實在是太新鮮啦！個皮好薄，肉餡又好新鮮！一下子就清咗兩個，於是我哋忍唔住叫多兩個食！下次可以再encore😝😝

知道淘大商場都開咗生煎包，終於揾到時間去試下😋我哋幾個人好貪心，要咗午餐、生煎包、小籠包仲有一啲小食！黃魚濃湯拉麵🍜上菜嗰陣，已經見到好靚，係一條完整嘅黃花魚起咗兩條魚柳嘅肉出嚟，加埋啲配菜，五顏六色好靚。一試更加不得了，無骨啖啖肉之餘，啲魚肉仲好滑，配埋啲汁真係好好食！個魚湯仲好鮮甜，真係冇講錯係濃湯！灌湯小籠包嚟到上海菜館，點可以唔試吓小籠包呢，小籠包鄙薄餡靚，啲肉又好新鮮肉汁清甜，值得一試👍🏻堅信號生煎包嚟到呢度，梗係要試吓佢嘅招牌生煎包，睇到枱面有個生煎包教學，真係好搞笑，但係多得呢個教學先唔會辣親個口！因為生煎包真係爆曬汁，入面啲汁超級熱辣辣，一唔小心真係會辣親🤣🤣我哋細細啖咬開已經爆曬汁流晒出嚟，加埋個除博博嘅包皮，真係一試難忘！堅信號秘製豬扒菜飯個豬扒甜甜地，肉質鬆軟，食落有少少似叉燒嘅感覺。上海菜一直都非常之濃味，但係呢個豬扒啱啱好，個人覺得好符合香港人口味！雞絲粉皮份量都幾多，雞絲配買青瓜仲有粉皮簡直係最佳配搭！用咗日式麻醬，食落好香！

豬仔今日約左朋友來到九龍灣行街經過這間 堅信號上海生煎皇由於很久沒有吃過上海菜的關係和朋友都覺得很想食於是便在這裡食晚餐生煎皇特惠晚餐低至六折有小籠包兩個、主菜和飲品還可以用優惠價格追加小吃小籠包想不到這裏的小籠包也不錯外皮薄薄包住肉 滿滿湯汁 點上薑醋 正生煎包這裏最有名的生煎包 當然要點來試試生煎包熱辣辣 鎖住肉汁外皮吃下去脆脆的一咬落去 先喝掉湯汁 味道很鮮上海粗炒這盆粗炒的份量十分足滿滿一大盤絕對吃得飽配上肉絲、冬菇和菜 不錯不錯川味口水雞翼菜飯川味口水雞的味道麻麻辣辣最特別是加了瓜子 吃下去很香口雞翼對半切開 方便吃用 而且更入味麻辣蓮藕同樣也是加了瓜子的麻辣汁配上爽口的蓮藕 味道很搭豆漿麻麻辣辣配豆漿就最岩啦 解渴又好飲

今日來到淘大的堅信號生煎包皇。這裏的晚市套餐非常抵食，每個套餐會送兩隻小籠包，另加一款小食再加十元而已。今天我們點了兩個套餐，分別是外婆紅燒肉菜飯和京蔥牛肉湯麵，另加了三款小食，麻辣豬耳，麻辣萵筍和必點的生煎包。這裏的生煎包肉汁香濃，鮮嫩多汁非常出色。小籠包亦在水準之上，湯汁豐盈。小食方面，辣度足夠，萵筍亦有清甜，可以一試。主食上我們較喜歡紅燒肉菜飯，紅燒肉肥而不膩和菜飯非常匹配。再配上清甜的豆漿，為今天豐盛的晚餐作美妙的完結。

朋友食過間上海餐館，服務態度親切，效率快速，最適合香港地節奏急速生活步伐。向我推介。剛巧，今日有點時間，便同朋友嚟試吓。點知有驚喜囉。午餐有套餐可叫，價錢公道，包主餐，小食，同飲品。以為呢個價錢，僅係細細碟啦，點知，嚟餐時，致發現，又唔細喎，其實，叫兩個套餐，3個女生應該都夠食。呢個要俾個讚!👍要我介紹的話，我一定要介紹招牌菜，一口爆汁生煎包。我本來無特別冀望，點知嚟到細細粒，唔會好大個，又唔厚皮，而且入面充滿肉汁，好Juicy呀！配合脆脆煎底，一個字"正"。真心講"正"。仲有，價錢算平，又可以叫兩個，咁就可以留番個肚，食其他野啦！但我提醒不要太熱食，免辣親個口呀！雞絲粉皮，我覺得都唔錯，我最怕太厚粉皮，但佢d粉皮薄，又卷曲，包更多醬汁，食落更美味。菜飯，都唔錯，我唔知各位有無留意，現在好多連鎖店d飯都唔好食，可能錢問題，都是細細粒碎米飯。對於注重食飯嘅人嚟講，呢個係會唔會返去間餐廳食野關鍵。呢個菜飯粒粒米飽滿，有口感，算唔錯。另外有個肴肉都好味。肉顏色粉紅，好搶眼。食落好味。做得唔好，會有好肥膩感覺。但呢個無，我覺得以呢個價錢嚟講，性價比算高，可試。醉雞翼都唔錯，連套餐點，感覺超筍。

好耐都冇出街食過飯，今日好想試吓呢間改咗名嘅堅信號生煎皇，因為以前都食過都算係fans嚟㗎！我喺呢個勁鍾意食辣嘅人見到舖頭出咗一系列麻辣食品我勁開心！我即刻要食呢個麻辣酸菜魚！雖然佢唔係話好大碗因為講明係一人份量，但係我覺得其實都算有少少驚喜。其實佢配料好豐富啦，首先有主角魚啦有好多酸菜啦亦有芽菜，仲有豆腐同埋有我最鍾意食煙煙韌韌嘅紅薯粉，我覺得不斷食不斷掘入去就有不同驚喜。其實一人食都幾夠同埋我覺得越食越有驚喜幾滿足，而主角魚呢我覺得應該係用舖頭另一個套餐糖醋黃魚嘅黃魚，黃魚食落去呢肉味比較重同埋肉身比較粗糙，不過冇咁配合酸菜魚，如果轉鯇魚或者其他魚唔知會唔會好啲呢？哈哈之後繼續展開一系列麻辣之旅：我叫咗蒜泥白肉呢個又係我一直好鍾意食嘅菜式小食，一片片厚薄適中嘅蒜泥白肉配上香濃蒜蓉加酸汁非常惹味令人食指大動一想再食！仲有麻辣萵筍同牛柏葉。萵筍唔係好多餐廳有得食，同埋價錢都偏貴。我覺得呢度性價比算係唔錯，萵筍好爽配上少少麻辣更加覺得可以令萵筍嘅平凡變得不平凡，而牛柏葉呢都好耐冇食出邊都貴，佢個牛柏葉我覺得做得幾好，好爽身同埋好多湯汁加埋麻辣係非常之配合滿足我呢個麻辣腔！咁呢仲有京蔥牛肉

呢間生煎包其實聽過好多次，今日終於約到朋友去食晚餐，原來而家有好特惠嘅晚市套餐，而且仲有好多麻辣系列嘅小食我揀咗個厚切豬扒菜飯，每個餐都會送兩個小籠包。豬扒菜飯嘅份量好足夠一個人食，豬扒啖啖肉，調味適宜，再加上菜飯可以平衡食似嘅感覺，值得一試而小籠包真係好多汁，皮薄餡靚，熱騰騰食一流只要加$10仲可以有一個小食，揀咗麻辣豬耳，鍾意食辣嘅朋友一定要試，豬耳好爽脆，配上麻辣味好夾再加咗幾蚊揀咗酸辣湯，裏邊有一點木耳、冬菇等嘅材料，感覺比較厚身，酸味較重另外叫咗兩個小食，一個係鎮江肴肉，肉質比較散，凍食較特別仲有孜然雞翼，香料味夠，幾好食。鮑汁菜心味道正常朋友就試左杯桂圓紅棗茶，茶味清清地幾好飲，比較養生，甜度適中餐廳環境坐得幾舒服，夠闊落，而且職員嘅招呼好好，上菜嘅速度超級快，價錢就絕對超值，就算有明星效應都冇定價太貴，抵讚！

喺淘大花園閒逛後，行入二期商場嘅“堅信號生煎皇”食晚飯，店內簡潔明亮，牆上一大幅卡通公仔構圖與卡位之隔板係同一款，好有心思，顔色鮮艷，令人感覺開心。 兩個人點咗一個特惠晚餐及上海粗炒。晚餐贈送兩個灌湯小籠包，係即叫即蒸，端上來熱辣辣，趁熱品嚐發覺皮薄餡靚，好多汁爆出來，美味非常 。主角當然係糖醋黃魚，每件魚塊都炸得啱啱好，香脆鮮味，甜酸汁味道適中，惹味開胃，令人食慾大增，配埋菜飯 一流。加十蚊仲叫咗個紅油拌水餃，有三隻，辣辣地好味道。上海粗炒炒得有鑊氣，醬汁甜甜地，令各種材料及麵都吸收晒啲精華，令人再三回味。歎埋一杯夠滑溜，又有豆香嘅豆漿，真係完美嘅配搭喇！

一直都是堅信號的粉絲，難得牛年到，想不到店家竟然有牛年好運菜🤭，一於點點富貴瑤柱水餃👍🏼富貴瑤柱水餃見到有絲絲瑤柱絲，配上肉碎和其他有咬口的蔬菜粒，吃上來有口感！而水餃也配上生菜🥬健康！生煎包這裡最出名的是生煎包，是老闆專誠到國內所學的，果然皮薄餡靚，肉餡量多，咬下時也有不少肉汁。建議用匙羹會比較好，方便盛載。雞絲粉皮雞絲粉皮淋滿芝麻醬，很惹味😋加上青瓜絲，絲絲脆口👍🏼上海菜肉水餃湯麵水餃湯麵的份量也不少，而且還要配搭生菜，個人最欣賞是店家的豆瓣醬，也很不錯。生煎包生煎皇果然不錯，包面有黑白芝麻和蔥粒點綴，一咬開時，有肉汁，而且肉肉的調味也不錯❤️桂圓紅棗水女士當然要飲一些紅棗水來補補身吧！這裏的桂圓紅棗水甜度夠，而且還有粒粒桂圓，值得一點。