堅韓牛韓燒放題 (已結業)

男朋友是食肉獸， 而我飲食較為清淡。諗住黎這間韓牛任食放題陪坐， 點知可以食嘅選擇也有很多。熟食的都有很多，炒一口牛柳粒，炸雞，香蔥海鮮煎餅，紫菜飯卷，炒年糕等等。叫了個泡菜豆腐豬肉湯，好味濃郁，再嘗試個牛肉炒粉絲， 這個很好味 粉絲彈牙有芝麻味，再叫了個韓式紫菜飯卷， 飯香味足又健康。海鮮類的也有很多選擇，如海蝦、青口、多春魚、龍利柳等等。海蝦很大隻， 多春魚的春也甜。菜類嘅有翠玉瓜，茄子、雞髀菇、冬菇、金菇、菠蘿、三色椒等。 烤菠蘿非常鮮甜， 第一次嘗試， 十分不錯.服務員還很體貼地更換鐵盤。調較吸煙管的高度。食物不錯， 選擇也多，任食來說非常劃算。

放假搵好嘢食， 好耐冇去過韓國， 掛住韓國嘅美食， 就嚟到呢間位於旺角的韓式放題餐廳。 下午時間人流比較少， 位置很闊落。叫了個下午茶飲食套餐， 首先送上來的是A4 和牛肉眼蓋，M9 和牛肉眼和澳洲和牛西冷。肉質鮮美。 油脂足， 配上泡菜很有一番風味。果然一開始嘅肉都係靚肉都係好好味。 另外餐單入面有很多肉類也可以任食，安格斯肉眼扒金菇牛肉卷肉質鮮嫩，可以一試。另外仲有豬腩片、豬扒、雞肉、雞中翼、芝士卷、廚師腸、芝士腸、蟹柳等等。愛肉食人士黎這里掋晒。另外選擇也很多， 菜類嘅有豆芽、泡菜、蘿蔔粒，洋蔥片、菠菜、白菜仔等等。即得一提是泡菜很入味。

旺角彌敦道726號係其中一座美食集中地, 早排係果座食飯, 見到其中一間餐廳叫"堅韓牛", 令人印象深刻, 預計呢年都冇得出國旅行, 唯有留港食餐韓牛燒烤過口癮啦!入座起計90分鐘任飲任食, click order紙落單, 飲品同雪糕自助形式取,爐頭方面原來已改用額外烤爐, 附有溫度調教, 爐面間紋設計不會完全將肉整個平面咁痴底,係空隙間較易剷起痴底嘅食物。入座先送上餐廳預設嘅三款牛, 分別係澳州M9和牛西冷、日本A4和牛肉眼蓋、韓國腩包肉 相比下, 日本A4和牛肉眼蓋 牛脂較多, 但食落反而唔會成口油, 雖不是烤至全熟, 但肉質還是偏乾, 食落冇咁漏。點左唔少牛, 最討我地歡心竟然係金菇肥牛卷, 細細束, 一啖一件, 質地相對冇咁鞋芝士腸脆皮爆芝, 雞翼切成單骨方便食海鮮都係任食, 蝦好爽, 但欠鮮甜; 魷魚翼唔錯, 爽口有魷魚香菠蘿 清甜多汁熟食就只點了芝士雞翼, 雞翼脹卜卜, 表面金黃, 雖然芝士味唔太出, 但內裡肉汁juicy, 搶返唔少分數。最後有任食雪糕做甜品, 滿足!! 

中午價錢雖然不便宜，不過時間限制少，而且較少人，更加舒服！第二次來食，今次轉了一款新的烤爐，抽油煙機直接吸走油煙，完全沒有整陣味的煩惱。店員好有禮貌，可能是之前的劣評有作出改善，又在燒到一半幫忙更換爐盤，加分！試了體驗三國牛肉餐，有日本A4和牛肉眼蓋、澳洲M9和牛西冷和日本A4和牛西冷，每人每款兩片。全放題就太破費了，少食多滋味！每款各有千秋，最愛日本A4和牛西冷，油花分布剛好，牛肉味道一燒就香味撲鼻！喜歡吃牛所以試了韓式美國安格斯一口牛粒、美國安格斯肉眼扒、1++韓牛丸和頂級雪花牛小排，這些全部是任點，但是質素亦不錯，雪花牛小排扒味道濃郁，最喜歡牛不是太煙靭，又不是入口即溶，咀嚼兩啖便吞到；一口牛粒有黑椒調味；牛丸很多汁；肉眼扒大塊到要用剪刀剪開！一些基本的前菜當然不少得，菠菜和大豆芽用了黑白芝麻，需要一些菜中和肉類的油膩。而燒菠蘿真是值得推介，燒得焦香又甜！另外茄子和冬菇翠玉瓜等亦是不可缺少。飲品櫃有很多汽水選擇，不過我推薦冷泡烏龍茶和玄米茶，夠解渴又消滯。甜品是了一個乳酪味的雪糕，是香港製造的大力支持！

蕭生開的高質素韓燒店，難得放假就和老竇試一試！中午時間不算多人，約一半滿座，地方不大，但每枱之間亦有足夠空位，而且除了飲品和雪糕要出去攞，其他食物都是送到枱的。有三款套餐選擇，選了中價位的【體驗三國牛肉餐】，有頂級美國安格斯牛肉放題，又可以試到三款特別的牛。【日本A4和牛肉眼蓋】最令我深刻的，油脂不重但是入口軟熟，而且很濃郁的牛肉味道，燒一燒已經很香。【澳洲M9和牛西冷】牛肉味最重，而且不煙靭。【韓國腩包肉】這個就要撈飯吃，極濃郁的油脂香味，入口就溶了。除了牛肉還是了【雞肉】和【豬頸肉】。豬頸肉是韓式辣醬醃製過的，燒完很入味，而雞肉亦幾鮮嫩，可以沾一沾醬油吃。還試了幾款熟食【韓式薄餅】最正，不油膩又夾著蔥油和泡菜。【美國安格斯肉眼扒】薄薄一片但超大塊，燒一燒都很香牛肉味道。飲品就試了【冷泡梅子茶】， 鹹鹹的雖然解渴不過我就喜歡普通的茶。甜品的雪糕是香港製造，少少一杯兩款味都試勻。

想食韓燒，都係搵放題方便啲。今日就選左旺角呢間堅韓牛，除咗一般放題任叫之外，佢仲包括左一客三款靚牛。三款靚牛：日本A4 和牛肉眼蓋和牛西冷，油脂分布好靚，一路燒時香味撲鼻，入口嫩滑。澳洲M9是另一口感，重牛味。講返任食，佢都包括雪花牛小排，翼板牛排，安格斯肉眼扒，金菇牛肉卷等等。當中比較推介 - 安格斯肉眼扒，口感嫩滑有牛味，大大件得黎味道一點不輸蝕。金菇牛肉卷，是我個人比較喜歡薄牛加金菇一起吃🤣海鮮叫左好多款：海蝦，魷魚翼，藍青口，帶子等等。魷魚翼彈牙入味，海蝦大隻而且鮮甜。另外叫咗韓式小食泡菜白菜仔，叫做有少少菜款。還有邪惡嘅芝士雞翼，一口咬下去滿口芝士，熟食就是方便。另外叫咗菠蘿，甜椒，燒起來需時比較長一點。最後當然是任飲及任食雪糕，飲品有一整個雪櫃任你選，包括啤酒。不得不提佢嘅抽油煙機，吸力強勁，平時食韓牛時全程油煙，燒肉味，這里感覺好好多。另外店員會細心的幫忙換鐵版，燒起來還真的很大分別，尤其是不停燒燒燒食食食🤣

這是我第一次來這店, 需然地方不算大, 但勝在環境簡潔舒適, 人不算多,可能因為疫情,而食客也少了很正常, 預早訂枱,很快便坐下. 去到當然大量食牛啦,YUMMY ! 海鮮也是不錯的選擇, 另外員工的服務態度很好,特別要讚賞執枱專員,又勤力有禮,! 

很久沒吃韓燒了，肚子餓餓的便到這間樓上店吃韓燒放題，餐廳採用了超靚韓牛，我們點了體驗三國牛肉餐。有頂級美國安格斯牛肉放題，每名顧客2片(左至右)日本A4和牛肉眼蓋，澳洲M9和牛西冷，當晚韓國腩包肉售罄，故升級了日本A4和牛西冷，名副其實牛味十足，牛油濃郁快溶係口。店員見議可由味道淺到濃(右左中)去品嘗，而烤爐適宜達150度才開始燒，吸煙力強值得讚賞。其餘供任點的牛肉選擇多且質素高，有頂級雪花牛小排、頂級翼板牛排、美國安格斯肉眼扒、韓式美國安格斯一口牛粒及金菇牛肉卷等等，入口嫩滑無筋。海鮮款有海蝦、帶子、籃青口及魷魚翼等。熟食款也不少，小試泡菜、菠菜、白菜仔及芝士雞翼，味道濃郁入味很韓式。而雪櫃有汽水果汁泡茶任均選擇，就連啤酒也任飲，真的太飽了！但還有雪糕供應，沖繩海鹽、芒果及朱古力味，滿足滿足。服務員很細心專業，經常提示客人最佳烹調方法及是否需要換鐵板，非常愉快的用餐體驗。

早排食咗呢間燒肉放題，伏！我地book咗8:30，準時到但8:50先可以入座！而家晚市收10:00，9:30 last order，總共得70分鐘燒肉，食到勁趕！燒肉鋪但得豉油同鹽，無其他醬，仲要啲豉油勁無味，水咁款⋯想點？！d肉quality勁差！試咗好多款肉，基本都無乜牛味，除咗食到雪藏味真係完全唔知食緊乜⋯ 就算係醃咗嘅肉都好難食，點解可以醃到咁，完全唔明點做到？？？得啲前菜，好似韓式飯卷、炸雞、雞翼呢啲係可以擺得入口，個韓式牛肉炒粉絲咸到飛起😵雪糕牌子係cocoberry，食落都算正常～野飲就大路罐裝飲品汽水～ 呢間野真係CP值超低，quality好差！放題分3個價位嘅餐，頂級美國牛肉 $238/體驗三國牛肉 $328/極尚三國牛肉 $458。我地試咗$328呢款，真係伏到hi，三百幾蚊真係唔會預係呢種質素，百幾蚊都比多佢🙄

放假出旺角行街，本身想食其他餐廳但去到大廈見到堅韓牛嘅banner俾佢吸引咗就同朋友決定轉場食韓牛😍價錢方面有三種選擇我哋揀咗中間價位嘅體驗三國牛肉餐！除咗可以任食頂級美國牛肉餐之外，日本A4和牛肉眼蓋、澳洲M9和牛西冷同韓國腩包肉會按人頭每人2片！和牛同腩包肉充滿油花肉味香濃❤️前菜款式選擇多而且味道唔錯！因為太肚餓嘅緣故我哋叫咗唔少熟食！店員建議將煎餅放上爐上燒熱，入口更香脆可口😋炒年糕唔會太辣，醬汁惹味調味出色！可惜太飽肚，如果唔係真係想叫多一碟！石鍋飯熱辣辣唔需要另外加調味料已經好好味！一口牛有嚼勁真係啖啖肉，唔會好似坊間咁有好多唔食嘅配菜！雪濃湯好有驚喜，同喺韓國飲嘅好相似！即係諗起曾經試過喺韓國連續幾日早餐飲雪濃湯嘅回憶🤣任食嘅肉類無論有無調味全部都唔錯，好多款我哋都有重覆咁叫完又叫，已經數唔清叫咗幾多碟肉😆食燒肉當然唔少得啤酒啦，呢度仲有自家製嘅茶類同好多罐裝飲品仼飲！無論肉類同熟食都唔錯而且店員會主動幫忙換燒烤板值得一讚👍🏻

本身訂位 諗住食8點半食228蚊果餐 點知佢話母親節加價 「係佢有講 其實可能離開走人」 埋單328加1 360蚊 火鍋又冇 野又唔係多 得牛叫做好食 其他唔係好掂 下次可以唔洗再去 本身野已經唔平 重要節日加價 我妖

餐廳位於旺角太子之間，鄰近地鐵站，地理上十分方便快捷。餐廳主打的是韓燒，我很欣賞餐廳不計成本 無限量的韓牛供應，韓牛任食就是不一樣！另外，這裡的韓牛味道亦很不錯。我欣賞這裡的韓牛主要原因是因為牛肉肉味十足，而且肥瘦均勻，不會太油膩，多吃幾盤亦不會覺得膩！當然餐廳亦有提供其他種類的食物，不過這裏的韓牛才是我的主菜！餐廳還提供多種不同味道的雪糕，同樣可以任食。任食美味的牛肉及可口的雪糕，真的使我覺得非常滿足！

服務態度欠佳，趕收工，甚麼都沒有。小食炸雞難吃，剩一小盤燒焦和跌到枱面所以不能吃的食物，店員依然說：「你們好像食得好辛苦」明明就未食飽，但是店員仍然多次質問我和朋友能否吃完。令人在享受食物的過程中不舒適並不暢快。店員多次要求換韓燒鐵板也不理會，店員就算遞上食物，仍說：「你們要再叫我，這裡太多，我先幫你收走一些」一直令我和朋友們煩擾並質疑我們的胃口。希望貴店能檢討並改善服務態度。Bad Services, all employees cannot respond and questioned me and my friends on our capability to finish the food.

約左朋友星期四730入座，試佢既晚市「體驗三國牛肉餐」，每人$348，店內環境企理新淨，一坐底已經幫我地擺好醬料，但醬料得三樣，選擇吾多，鹽，燒汁，韓式辣醬（需要另外向店員索取）頭盤吾算好快，等10-15 分鐘左右，上到檯有日本A4 和牛肉眼蓋，澳洲A9 和牛西冷及韓國腩包肉，呢三者只限頭盤有，之後寫紙就只有其他野燒及美國牛肉任食其實都吾算好識分d 肉種，但頭盤一上檯，已經有店員過黎講解，仲親自幫我地燒d體驗肉種，頭三款體驗肉，整體都吾錯，其實可以試下極尚令呢三款肉都任食當然寫紙可以有其他熟食或其他野燒。但最後都有個缺點係不足兩小時既入座時間，食物不錯，如果有多d 入座時間，可以同fd 吹多下水，食得無咁趕，同影多幾張相

女友人話想食韓國燒烤 又見到依度有韓牛 梗係要來試一試。 餐廳格局同一般韓式燒烤一樣，但有趣嘅係韓燒完仲可以食埋火鍋。 仲唔一次過滿足晒兩個願望。仲有酒精飲品都有免費任飲。坐低之後餐廳職員好快就遞上Menu，入邊有好多唔同嘅選擇，唔同嘅牛肉啦豬肉雞肉海鮮，仲有熱食。一坐低其實佢都會擺低一韓牛拼盤，但係呢個就冇得追加嘅，牛肉超級高質，好重牛肉味，入口即溶。 任食嘅其實質素都唔錯，選擇有好多，所有肉類都醃得好入味。一開始我哋食咗一啲韓式醃菜，之後就開始食肉類海鮮類，最後食埋雪糕真係好滿足。職員服務都好好久唔久就會問我哋有冇需要換過爐。飲品方面佢除咗有一般嘅罐裝飲品，亦都有一啲一支支嘅茶類飲品，當然仲有酒精飲品。