堅韓牛韓燒放題 (已結業)

一直想試堅韓牛好久了，但太多人一直book不到，今天終於Book到了！我們點了一個三國牛肉餐，頭盤有一碟日本和牛、澳洲M9西冷、韓國腩包肉。店員還會很細心的幫我們燒肉。日本和牛入口即溶，油脂香醇不膩。澳洲西冷牛味夠香濃。韓國腩包肉較厚身，比較有口感。另外還有多款肉類和海鮮都是任叫任食，其中我最愛的就是安格斯肉眼和頂級翼板牛排。安格斯的牛尾是出了名的香濃，肉眼扒超級大塊，適宜多人一起分享。翼板牛排脂肪分布平均，肉質嫩滑。全部只需沾一點海鹽吃便足夠惹味。海鮮我們只點了帆立貝和海蝦。帆立貝比較失望，因為體積細小，吃起來不太過癮。海蝦大大隻，燒完後蝦味香濃，蝦頭裏還有很多我最愛吃的蝦膏。蔬菜我們指點了一次，因為燒完比較乾。前菜種類繁多，全部也是任點的，我很喜歡吃韓式前菜所以點了兩回。飲品櫃是自助形式，除了有三款需要收費，其他全部任飲，包括有一款啤酒也是免費。另外還有多款雪糕可供選擇，我吃了焦糖脆餅味，朋友吃了海鹽味，都很美味。最值得一提的是，店內的抽油煙機功能很好，吃完韓燒身上也沒有燒肉味，值得一讚👍🏼👍🏼👍🏼

天氣轉涼❄️ 除咗打邊爐之外都要食下韓燒暖暖個胃😋 而今次就同朋友去咗想食好耐嘅堅韓牛😍 menu入面有勁多選擇😍 仲有超多肉類呢❣️我同朋友都係食肉獸嚟🤤 所以樣樣肉都叫咗啲😋牛肉方面最正嘅一定係肉眼扒，肉汁超豐富，亦會鎖住啲牛味🤤 連埋特製燒汁真係一流😍 其他牛肉種類都好正😍😋 搞到我地都不斷加單🤣豬肉方面樣樣都咁好味🤤 尤其豬頸肉真係一定要試 油脂分佈平均，唔會特別煙韌或者肥膩，好耐冇食過咁好味嘅豬頸肉❣️❣️順帶一提佢哋嘅健康飲品係特製，涼茶入面仲有話梅呢 好特別～～😽一定要encore！

店長非常好人，服務周到，店長還會教我們怎樣燒才美味。食物方面非常美味，尤其是和牛非常juicy，本身沒有任何醃料直接燒，已經相當美味，可想而知食材本身質素好，才可以那麼惹味和有口感。一定會再次光顧！

第一次寫食評就係因為差到我忍不住，食到頂心頂肺同頂胃，希望大家唔好黎中伏。試伏都唔好黎。本身有book位8點半準時到。黎到見到餐廳爆曬枱報到左之後諗住同朋友係側邊坐低等下，無耐越嚟越多人上黎出面等候嘅位置好迫同好嘈。等左一陣發現人越嚟越少但係未到我地唔對路就走去問佢哋，點知話已經叫左我地無人認俾左其他人入去坐左。就快9點咁廢事去其他地方再等所以諗住再等下，點知呢一等就已經9點15分左右。一共等左45分鐘左右。咁不如walk in? 洗Book咩？🤗到點餐嘅時候有部分點左嘅肉一係黎唔齊，一係就無黎。點餐時舉手啲員工扮睇唔到。臨食飽前想食啲菜，點知到埋哂單都未黎。人均$300左右都唔知自己食左啲咩，想食菜姐，有咁難咩？因為我地係最尾一枱入，所以臨走前得返我地個枱。一起身走個陣時啲員工勁大聲係到講「歡迎下次光臨呀」我地出左個門口之後就勁大聲係到笑。重點係我地未入電梯咩都聽到哂。今時今日咁嘅服務態度咁好得唔得㗎 😇如果你唔想食到咁勞氣咁頂胃嘅話我勸大家就唔好黎食啦😉

最近天氣涼咗好自然就會想食燒肉🥰之前已經食過呢間幾次，不過嗰陣晚市所以相對比較多人，即使訂咗位都要等一陣先入到去🤧所以今次就揀咗食午市🤣 雖然冇咁熱鬧但係靜靜地傾吓計都幾好😚入到餐廳環境非常之好，餐廳都會播啲好輕鬆嘅音樂，感覺好似真係去咗韓國旅行咁樣😊而且服務員都好細心同好有耐性，有咩唔明嘅問題問佢都肯即刻解答👍🏻👍🏻除咗韓燒之外呢度仲有唔同嘅韓國小食同埋熟食，一個價錢可以滿足晒咁多個願望真係非常之經濟實惠🤩🤩🤩我哋叫咗個體驗三個牛肉餐😍😍呢個個牛肉餐分別係澳洲和牛西冷，日本A4和牛肉眼蓋同埋韓國腩包肉👍佢地嘅肉味都好濃同埋燒嘅過程好香，而且脂肪比例平均😋👍雖然呢三款冇得任食，不過可以試一次都覺得好足夠😋其他肉類嘅質素都非常之有水準，個人比較鍾意佢嘅五花肉同埋豬頸肉🤣五花肉肥瘦均勻，燒到變金黃色之後非常香口🤤🤤豬頸肉肉好大塊好好咬口😋燒牛粒都好正，不過就要啲技巧燒熟啲先好食😯全部食物都係由店員親自送上枱面，我哋燒嘅過程有咩問題佢都會落手幫我哋🙆🏻‍♂️ 服務真係非常之好呀🥰🥰🥰不過如果可以改由QR code落單好似會更好而且環保同方便啲🤔嘢飲方面都好多選擇，大路汽水牌子都有，想健康啲嘅話

完全唔值呢個價錢 首先個環境燈光比較暗 其次員工態度冷淡完全唔想應人再者我地叫最貴個價錢但出來食物完全唔似和牛好似同佳寶d牛肉一樣 完全唔成正比 好後悔那天選擇做晚餐 .

極度推薦大家去食，服務態度好，食物質素高。價錢中間位，少糖少鹽係真嘅，食完唔會不停咁攞野飲！無諗過旺角有咁高質嘅韓燒，店員好有耐性咁介紹同講解！(⁎⁍̴̛ᴗ⁍̴̛⁎)係會令我再返去食嘅一間韓燒！

今晚約左朋友放題所以專登留肚刷餐勁🤩餐廳位於旺角彌敦道交通方便, 又想韓燒又想燒肉就岩哂！入座環境比人感覺乾淨, 而且通風系統唔錯食完個身唔會一陣味👍🏻我地點左三國牛肉放題餐，提提大家可以叫店員密換牛油紙保持衞生。韓前基本小菜惹味真係可以翻叫幾轉。首先當然要試下牛肉啦，質素唔錯雪花幾靚仔… 熟食亦無令人失望，比較特別係竟然有岀面少有嘅湯類石頭鍋飯類同粉絲！燒雞翼入味, 安格斯一口牛煙韌，海鮮試左青口同帶子亦算新鮮。而最深刻印象就係飲品櫃, 除左有一般放題暢飲，仲有好多加錢的特別飲品岀面少有，例如手工啤同原味真露，而冷泡茶可以去油膩，養生茶亦照顧到唔喜歡涷飲嘅朋友！總括雖然種類無岀面放題咁多元化, 但亦有其他餐廳無嘅款式，值得一試

放左工約左朋友食韓燒放題，主打牛肉類韓燒，有牛扒、一口牛、牛小排，精選五花腩肉、時令海鮮、蔬菜瓜類、韓式飲品和其他雪糕任點任食。我地order左所有牛肉類，上碟睇到餐廳嘅心思和肉類好高質，燒完之後點少少鹽粒就可以食，牛味好重，肉質幾正，厚度切到幾適中，燒上黎又快熟，燒肉推薦必食（牛小扒、肉眼扒、一口牛）侍應幾好禮貌經常同客人換吸肉紙。熟食、小食，我點左泡菜、芝士雞翼同埋一口牛都好好食，值得推薦。餐廳有3個價錢俾客人選擇，我揀左中間個個價錢。

旺角食市款式多，應有盡有，不能盡錄……隨心想吃什麼都可以在旺角找到餐廳(>^ω^<)今次去了食韓燒放題，餐廳名稱叫做堅韓牛，想吃什麼就點什麼，牛豬雞海鮮蔬菜，樣樣都有！人均消費$328！牛類: 例如: 美國安格斯肉眼扒/ 韓式美國短骨牛扒 / 頂級雪花牛小排 /韓式美國安格斯一口牛粒 / 牛肉片 / 頂級翼板牛扒等口感味道新鮮，燒過後，稍為加少少鹽，已經突出到本身牛的鮮味，有咬口，但肉質不老，加上即煎即食，熱度加香氣，食完齒夾留香(*^o^*)水產/ 田園: 例如: 海蝦 / 帶子 / 藍青口 / 魷魚翼/ 魚塊 / 金菇/ 翠玉瓜/ 菠蘿/ 節瓜 / 茄子/ 粟米/ 雞髀菇/ 三色椒等全部沒有調味，自己喜歡可以加醬汁伴着食，但我就喜歡清淡健康感覺，即燒即食，不添加任何調味料，乾燒香\(//∇//)\前菜/ 熟食: 例如: 泡菜/ 蘿蔔粒/ 菠菜/ 白菜仔/ 韓式雙式炸雞/ 香蔥海鮮煎餅/ 韓式紫菜飯卷/ 芝士雞翼/ 煎泡菜餃子/ 韓式炒年糕等韓風味，調味不算重，部份熟食微酸辣，頗開胃尼飲料自取，有濕紙巾提供抹手！食完又飽又滿足！O(∩_∩)O~

任食放題話說早幾日一收工就同左Katy 去食放題，今次去咗旺角彌敦道726號到食放題，個名叫做堅韓牛。埋單$656 ，平均每個人$328。呢間餐廳嘅款式種類都多元化，有海鮮、有肉類、有前菜、有熟食、有韓式湯、韓式飯、韓式粉絲等等………而且呢間餐廳嘅牛都好新鮮，口感脂肪分布均勻，食落口唔會覺得好硬，而且仲有好濃郁嘅牛燒香。呢間餐廳嘅前菜、炸物，都係熱辣辣嘅，唔會凍。其中芝士雞翼我覺得幾好食，裏面冇骨頭，咬落去啖啖肉，而且芝士味好香。韓式炒年糕都唔錯，咬落去煙韌煙韌，又唔會太辣，比起糯米糍再硬身一啲，好有口感十足。韓式炸雞都好大件，外皮炸到好香脆，炸漿完全包住成隻雞件，炸到成隻雞又大件又脆卜卜。煎泡菜餃子都唔錯，啲餃子皮好薄，一口食一件，Size啱啱好。另外呢間餐廳嘅五花肉我覺得都好好食，肥瘦均勻，一層脂肪，一層豬肉，煎嘅時間耐少少，煎到啱啱好金黃色，唔單止將脂肪煎左出嚟，而且仲令到五花肉好香口，成件食落口都唔會覺得好肥膩，而且仲有追住想再食嘅感覺。呢間餐廳仲有其他嘅韓式雞肉，雞中翼，辣雞翼，廚師腸，芝士腸，蟹柳等等可以選擇。海鮮我就叫咗海蝦，魷魚翼，帶子 ，魚塊。海蝦都好新鮮，啲肉食落去

人生第一次寫食評就奉獻左比呢間野，因為真係唔想再有受害者😒呢間野，係呢間野，好似唔比人加單咁…已經夠難食，望下你係味真係食晒先比再加單！趕鴨仔咁….點了最貴果款，未試過可以咁難食既韓燒，請都唔會再去！7個人食左$3700，去酒樓食龍蝦擺一圍冇咁嬲😞完..

本身諗住打邊爐，但好多餐廳午市打邊爐得90分鐘，朋友覺得比較急，咁見呢度寫午市任食到15:00離座，就揀呢間喇。黎到門口就問位男士係咪食到15:00，佢回答話係。我哋就坐低落order la,點知原來揀最平$208嘅美國牛肉套餐，只係食110分鐘咋，另外2個較貴嘅套餐先係食到15:00，點解唔一早講清楚呢? 要焗住食貴啲嘅餐先可以慢慢坐囉。肉類安格斯肉眼扒: 大大塊，油脂分佈幾靚，油香十足雪花牛小排: 好嫩滑，牛味香濃一口牛粒: 有醃料香味，帶有少少筋韓牛丸: 細細粒，無咩味，普通五花肉: 太肥有骨，唔推介海鮮類 海蝦:肉質唔算爽口，但未係梅多春魚:色澤鮮明，但比較細條，唔多春帶子: 少少腥，細細粒魷魚翼: 爽口，燒起上嚟好有燒魷魚嘅香味，唔錯蔬菜類翠玉瓜，節瓜，粟米比較普通熟食韓式炸雞: 大嚿炸雞，可惜炸粉比較多，雞肉比較細海鮮煎餅: 太粉,太油,完全唔脆口紫菜飯卷: 冇味，飯比較硬芝士雞翼 : 無骨雞翼，加少少流心芝士泡菜餃子 : 外面比較油 但裏面嘅豬肉泡菜夠飽滿前菜就比較大路，有泡菜，豆芽，菠菜，蘿蔔粒，都係正常韓式前菜，唔錯。整體嚟講, 食物選擇都算多，起碼好多嘢食都未試到都

今次是我首次來到堅韓牛任食韓燒，入座時間８點半，如果食９０分鐘（即１個半小時）就會比１１０分鐘便宜一點，因此我揀了食個半小時，體驗３國牛肉，原來體驗的意思就是韓牛只可以食一次，不是任食，如要任食３國牛肉的話就要挑選最貴那個套餐價，因本人胃口不大，所以體驗一下就夠了，三款牛肉分別不大，有油香，但牛味略嫌不夠，而我最想食的菠菜已售罄，心中有點失望，其他的配菜例如泡菜，芽菜質量一般，不難食，也不至於好食，CP值不高,不會令人想吃第二次

這間舖可以一次過品嚐到三個國家的牛肉，各有不同的風味和特色，非常好味。三國牛裡面有澳洲牛，牛肉味非常濃郁，肉質很好，很回味。日本雪花牛，脂肪及肉很均勻，平均分布，燒時滲出油份，入口軟綿綿。還有韓牛，肉味雖然沒有澳洲牛那裡濃，但味道鮮甜可口，有牛肉味，好好味。除了三國牛之外，還有放題，前菜，其他肉類，海鮮，蔬菜，飲品及雪糕都可以任叫任食 。黑椒炒美國安格斯一口牛，雖然沒有三國牛那樣特別好，但味道及肉質都不錯。還有美國安格斯肉眼扒，美國大理石，牛肉片肉質都不錯。