壹碗麵 (已結業)

其實平時我少過海, 身為九龍區人士, 無必要都唔會過海覓食, 更加唔會為左區區一兩間小店而山長水遠走出去某個星期六, W話有間野佢係OPENRICE見到好多好評, 而D相都好吸引, 佢好想好想好想去食, 加上我地好似過海有D野拎, 好啦, GO AHEAD~~~~我地都唔係好熟路, 兜左一陣先搵到, 遠遠行過去見到門口有好多人等位, 我不禁心中大吃大驚, 我最唔鐘意就係等位架喇, 仲要係熱屎辣辣既天氣係馬路邊等位!!!!好彩, 行埋D睇, 好多人等位既係隔離間XX小食, 雖然壹碗麵無佢咁誇, 但我地都要係門口等左一陣, 等呀等, 等左十分鐘就入去坐基本上睇OPENRICE食評已經決定左要咩野食, 就要兩隻酒浸溏心蛋, 燒腩仔撈粗/酒糟豬腩肉撈粗各一, 叫左野食後等食時周圍張望, 樓面主要等一個亞姐招呼, 亞姐無咩點熱情招待我地, 反而見佢對帶住小朋友黎食野的家庭幾細心, 有一家三口迫住二人台到, 亞姐都特登係四人台空時叫佢地過去坐, 而現場所見, 都頗多一家人去食野架無幾耐野食就上台, 先試下酒浸溏心蛋, OMG完完全全係我杯茶呀, 淡淡的酒味伴住嫩滑的蛋, 蛋白岩岩好熟左蛋黃入味得黎

見有好多食評讚，於是一試。星期六飲完茶，頂著肚子特地再來一頓下午茶，試左下列：蝴蝶腩撈粗： 麵粗而有咬口，但麵質並不特別，蝴蝶腩's also not impressive套大腸： 一向喜歡大腸，套大腸好好味，且較一般的厚實，但份量相當少溏心蛋： 好吃，有酒味，但 $12 一個實在有點貴外賣每盒 +$1，若有下次，記得帶環保盒！

獨個吃飯通常是用麵包,甜品或小食等充飽肚子因為不能叫滿桌的菜然後每樣試些但剛好路過北角想起一直想試的這間壹碗麵又覺得壹個人吃壹碗麵蠻有意思便一股腦兒的下了地鐵, 跑到壹碗麵來7時20分到達遠處就可以看到一大堆人堆在阿鴻小吃外等候相反, 壹碗麵內只有2位客人不過既然地方淺窄少些人也坐得舒服點牆上掛著一部LCD電視燈光黃黃的很柔和侍應只有老闆和2位阿姐落單時我都只是叫喊出去感覺很家庭式要了溏心酒糟蛋, $12一隻, 一點也不便宜. 嚐了口碗內的酒, 酒味濃但不會癢喉. 用銀匙介開, 半熟蛋黃在蛋白中盪漾, 要流出來的樣子. 蛋黃蛋香滿溢, 帶陣陣酒香, 讓人有想把它一口啜掉的感覺. 蛋白比較熟比較硬身, 但都有酒味. 雖然自己平常在家弄的時候喜歡弄的沒如此熟, 讓蛋白生一點滑一點, 但這樣的溏心蛋也很不錯!蝴蝶腩撈粗, $30, 第一次吃蝴蝶腩, 蝴蝶腩肉質雖瘦卻有彈性, 炆得剛好,肉沒變老變鞋, 有鹵水味之餘仍能吃出肉味. 筋膜爽, 好嚼. 肥羔部分很少, 感覺比較健康. 粗麵如指頭般粗, 咬下去淋有韌性, 彈牙有嚼口, 令我想起湖南的bianbian麵(bian的中文太複雜, 打不了)

今日要一個人食Lunch，放左工行行下，行左去和富道，本來想食勝利小廚，但最後都揀左新開o既壴碗麵。入左去坐低，叫左個熱門推介o既蝴蝶腩撈粗同巨峰梳打。侍應姐姐問我要唔要芝麻同蔥花，我話要。等左10分鐘，碗麵終於到，一望見好似咁細碗，都驚唔飽。食落碗麵D粗麵比平時食果D粗好多，質感都幾彈牙。我唔知呢間舖出名係佢地自家製沙茶醬，仲以為係辣醬。沙茶醬好惹味，點蝴蝶腩食特別好味。蝴蝶腩都唔"un"，好軟身。食食下見侍應姐姐向其他人客推介酒香溏心蛋，我又要左一隻。上枱o既時候侍應姐姐同我講將隻蛋分開兩邊，要畢返d酒落個蛋黃度。等我食埋碗麵先再食隻蛋，一將隻蛋分開兩邊，D蛋黃已經流曬出嚟。一食落口已經覺得隻蛋好有蛋香，好快已經畀我解決左。食完D濃味嘢，再飲返個巨峰梳打，非常滿足。

專程來到這間人氣小店, 試下個燒腩仔粗麵同溏心蛋~~店員都很友善, 服務態度OK~燒腩仔粗麵 - 粗麵好味道….好有咬感, 不過燒腩仔真係好好好好好肥….雖然食得燒腩仔預左會係肥的….但真係同一舊肥豬肉無分別….食一舊吐返3/4出黎….失望!! 沙茶醬十分惹味, 吃得咸的人如我會十分喜愛…..否則一定鬧爆~~~溏心蛋黎左之後店員話要2分鐘先好食….咁點解唔等2分鐘先攞出黎呢….>.<OK….COUNT完2分鐘之後…..不是太喜歡….$12/只…..唔覺得會想再食~~女朋友自己叫左個餐牌無既…只係星期六日先有既叻沙~~ 無特別~ 始終唔係呢間野既招牌菜~ 反而個巨峰梳打幾好飲 (因為食完太咸既野)埋單先係重點….諗住$100實OK LA….竟然要$120…. 燒腩仔粗麵$32; 溏心蛋$12; 巨峰梳打$18; 叻沙$58!!!!!!個叻沙要$58真係好誇~~ 好似比人呃左咁…..食之前根本唔會知個叻沙要成$58~(餐牌無叻沙的) 竟然貴過個燒腩仔粗成$26~ 一定要比個喊面你LA~~無得傾~~ 回水!!!!

兩人睇完食評，見很多好評，於是冒名去了光顧，但結果實在事與願違！兩人分別叫了蝴蝶腩撈面及豬手撈面，另加一酒糟蛋及兩凍飲，酒糟旦不錯，有点像温泉蛋，但$12 １個有点過份！那2碗主菜就完全不能，腩及豬手算諗但味普通，差不多$40 一碗實在不值，但最差是個面條，根本是一大團面分加一些醬而已，實在不敢恭維。最後埋單仲要成佰元！

一直都好想試呢間店,不過佢D位太少,今晚去左睇下,見到門口有個位就即係入左去啦阿姐好貼心,見我大汗搭細汗即刻比張紙巾我抹汗,好有人情味叫左個炸醬撈粗($30), 酒糟糖心蛋($12),同咸檸七($16)先來酒糟糖心蛋,隻糖心蛋蛋黃金黃色,配少少酒糟食落去真係一番滋味,好食炸醬撈粗,賣相幾好,不過個炸醬真係咸到爆炸....而且又多油,失敗之作.呢度既咸檸七應該係我飲過之中最細杯既,竟然用細支裝雪碧!基本上只有半杯,而且賣成16蚊,失望

大量嘅資深食評, 再一次氹倒我到新店訪, 北角和富道"一"碗麫! 多謝, 又一次...唐心醉蛋, 幾好味, 食味似醉雞, 蛋本身可能因為"醉"過, 所以蛋白比較挺身, 咁佢就真係唐心, 蛋味亦濃, 但$12隻, 你估鏞記咩?牛腩撈粗, 噩夢嘅開始...........啲牛腩係五香, 惜味道唔夠濃, 相當單薄, 似豉油糖水蚊, 切得極細亦蚊得極爛, 但好韌, 唔好味, 擺明火路不對. 但係已係呢碗麫最可吃嘅一環!麫, 看相片以為會係闊生麫, 原來係類似北方麫條但係好闊嘅, 不但冇咬口, 唔彈牙, 冇texture且過厚, 食落只係覺得咬開一塊灼熟嘅粉...豉油好淡亦掛唔倒喺麫條上, 食落好寡, 完全唔討好, 想揾正常豉油吊味又冇, 建議去人哋啲出名撈粗食吓!個阿姐仲係咁叫我加啲湯落碗麫度食, 話啲湯先係精髓, 大佬, 淡上加淡...唯有加那個所謂招牌沙嗲醬, 哈! 原來不過係加jor好多糖嘅沙嗲醬, 食到有啲打冷震講番碗湯, 咩魚豬雞牛嘅鮮味都食唔倒, 反而似味精水, 聽聞係豬骨湯? 份量係咪一比99先? 我試兩匙都唔信自己, 因為見咁多人讚, 再試多兩匙, 算! 放棄!豬手撈粗, 豬手

想食這裡的好一段日子，來北角工作，一於黎試下。想食的係燒腩仔撈粗麵加隻溏心蛋，阿姐溫馨提示燒腩仔無做set，無飲品，哈，真窩心。。先來的係溏心蛋，原隻上，原先想直切，阿姐又黎溫馨下，話橫切一開二，用d酒撈埋d蛋汁半粒啪落口最好吃，又試下如何。夠溏心，帶有淡淡酒香，很不錯。燒腩仔撈粗，燒腩仔炸得不錯的，個皮夠脆，食落油身，可以的。粗麵果然夠粗，食落很有嚼勁，麵撈得很不錯，很均勻，好吃的麵。友人建議要試過沙茶醬，真的很不錯，非常惹味，來這裡真的要試下。小店一間，有好吃的撈粗。阿姐非常有趣，非常健談，很不錯。

今曰同個朋友去北角唔知食咩好想起壹碗麵咁多人食就緊係試下啦試左溏心醉蛋,炸醬麵,燒腩仔撈粗麵溏心醉蛋:要讚一讚呢個蛋個皮一咬落去好彈牙得黎一啲都唔韌,一咬卜一聲就爆開左啲心流晒出黎"正"好滑呀個蛋王真係好滑...唔熟既感覺滑好有蛋味好溫泉蛋既感覺價錢亦唔貴'燒腩仔撈粗麵:唔仲意食腩仔所以試咗啲麵,第一次食咁闊既麵條好粉吓唔夠滑口但個汁都ok炸醬麵:一般啦..唔夠辣!!!!

千里迢迢去到北角覓食，果然冇失望到~叫左燒腩仔撈粗同豬手撈粗~薄切燒腩仔真係好新鮮出爐的感覺~連肉都係脆脆地的~豬手就好稔, 味道可以再濃D, 不過我食開淡覺得都可以~個麵就唔知係咪我撈得唔好所以唔多夠味~但佢個沙茶醬用來撈麵都幾正!!下次再來一定要試個溏心蛋!!p.s 我本身就好鍾意食燒肉=] 但係就第一次試燒腩仔 係一個真係唔錯既体驗~ 下次再去試埋個酒租豬腸佢 .\/.

2010年05月02日，13:002010年07月17日，13;452010年08月01日，13:40壹碗麵是我心目中的信得過企業。所以便帶太座和太魔怪到這裡分享麵食。太座分別試了燒腩仔、牛腩撈粗麵和溏心醉蛋。大魔怪試了炸醬撈麵我亦試了素三絲和酒糟豬腩肉撈麵。燒腩仔撈麵：燒腩仔口感豐富。軟、彈、(革刃)味甘膩燒腩 + 豆角 + 闊麵 = 平行甘膩 + 清鮮 + 平實 = 平行炸醬撈麵：太座讚同是她追尋的炸醬，但大魔怪偏愛橙色肉醬和銀絲細麵。兩個都嚷著偏鹹，太座意沒有好的醬汁，不會突顯了闊條麵。因闊麵能多掛醬，將醬汁卻能令闊麵食味昇華^m^ 我亦同意有點兒過鹹，完全撈好，便可得到平行點。溏心醉蛋：太座未有驚喜，我祇知流心酒味濃郁。素三絲撈麵：7月17日，吃完"即食拉麵"雖飽，但不爽，決定溝貨便到這店來碗素三絲撈麵，賣相醒目、吸引。豆乾味清新、三色椒惹味，最終幹掉這碗麵嘩！我真的有第二個胃！留給麵的牛腩撈麵：牛腩入味，雖然B版小儀姐說當天腩偏瘦，但大魔怪已禁止我倆吃肥美部份酒糟豬腩肉撈麵：腩肉層次分明，肥美爽彈，幸好未被大魔怪見到其真身，否則必禁止我享用。純個人感覺：掛滿醬汁的闊麵，彈牙

早陣子已聽聞於阿鴻小吃旁邊,有一間麵店水準很好,主理人自家製造2厘米闊的粗麵,顯其特色,值得一試.但因為怕人多排隊,終於等到今天方才出動.駕車到達和富道,高興發現此街道並不繁忙,可以把車停在舖前,非常方便,於是我們可以放心堂食.星期五晚八時多到達,見門口有4位女士,以為要等位,點知店內還有多於一張2人枱可供選擇,原來門外人士是等外賣的.小店選擇不太多,主要是粗麵,也可點飯,配料有駝鳥肉,鵝腸,酒漕大腸等人家少做的材料,但看真些,還是以豬肉為主,2人點菜,就選了一味前菜,一個麵,一個飯及一碟時菜.溏心浸酒蛋潮流興吃温泉蛋,見近日中外菜館皆有提供,半生熟的温泉蛋又的確好吃,煮好後,蛋黃及部份蛋白仍呈液體狀,倍添嫩滑,各家皆以不同温度烹調及灑上自創配料,以特出個別風格,繼而收取人客一只雞蛋的幾倍價錢!這兒收$12.這裏的温泉蛋畧有水準,有蛋香,名符其實的溏心,口感嫩滑,但酒味太淡,仿似沒有一樣,嘗不到特色.而且賣相並不吸引,只用一個平常飯碗盛着,碗底有淡黃色的酒汁,實際只有少許鹹味.蝴蝶腩撈粗麵粗麵果然有2厘米闊,大概2分厚度,新鮮自家製,有蛋香,軟熟有靱性,無鹼味,但粗麵始終不及幼麵細緻,

濃味野一直係我首選蝴蝶腩撈粗的外表正合我味特地和女友去了一次感覺係豉油味太重蓋過沙嗲味嘗試落多些沙嗲結果只是咸上加咸自問應該係選錯撈粗以後來日方長有機會得再選其他

24-7-2010食過呢度的勁闊粗麵覺得好好食 (http://www.openrice.com/restaurant/commentdetail.htm?commentid=2046428), 事隔唔知幾多日見食友 blog 上 post 了勁吸引的「酒浸溏心蛋」相片, 勁有興趣, 是日捉埋朋友 dinner 專程過嚟試試.酒浸溏心蛋 (2 隻): 將隻蛋切開, 橙橙哋色的蛋黃就不斷流出, 叫酒浸「流」心蛋比較貼切 不過其實食落只覺得係一隻火喉剛好又幾有蛋香的半熟蛋, 始終酒汁唔太夠味, 又同隻蛋各自各精彩, 可以更好的.炸無骨雞翼: 一客 4 件, 醃得帶點豉油香, 鹹度剛好, 亦炸得皮脆肉嫩香口又多肉汁, 仲要唔油膩的, 正 鵝腸撈粗: 粗麵如常地粗, 賣相就有點「岩岩覃覃」... 同底部甜豉油拌勻, 食落當然夠味, 不過可能因為較以前的厚身, 質地唔爽口, 仲有點 "al dente" , 唔算十分喜歡; 鵝腸係白灼, 食落就勁爽脆, 不過本身無味, 所以落了大量店方的自製沙茶醬, 立即變得好香, 微辣及微甜, 十分惹味 朋友叫了蝴蝶腩撈飯... 蝴蝶腩鹵得入味, 味