壽司派 (已結業)

見好耐都無來此店食鵝肝壽司, 昨晚一早就去到..點知都唔需要等位..唔錯..一坐底就即叫左鵝肝壽司, 鰻魚壽司, 帶子,三文魚...不過d魚生壽司就麻麻地好似仲有陣雪味..唔多好味..相反d即叫即整既壽司, 鵝肝,鰻魚都正..最欣賞係碟鰻魚呀真係燒得好香..仲有天婦羅蝦都好味, 相反最差係軟殼蟹手卷唔好味...仲有試左佢地新出既藍天使蝦刺身..味道都唔錯...其實此店都唔係太差..

第二次黎食,對上一次已經係一年前,諗住睇下d野有冇好食左啦........點知...都係失望而回!叫左個大吞拿魚腩,但睇唔出佢邊忽係大囉!又瘦又冇油香.......差差差!仲有海膽軍艦同三文魚子軍艦都唔新鮮..........只有三文魚腩係算ok~我地冇食飽就閃左喇!因為已經冇野可以再叫......唔怪得呢間野冇乜人去...........

尋晚係樓上做完yoga,就落左去呢間hip度食sushi,其實之前都有去過,今次再去幫襯,水準依然ok!三文魚,北寄貝哀一般la!玉子~係凍嘅!如果係熱呢,就very good la!)辣汁帶子粒~味道特別!最好食嘅係鵝肝sushi!~鵝肝大塊之餘,燒至外面脆,裡面軟,入口即溶!"好味(每次嚟都例牌必吃!)仲有燒三文魚鮫/腩,都燒得啱啱好,不會太熟!service都ok!總括嚟講都算係一間有heart嘅sushi la!

同老公行沙田.想食SUSHI.發覺得新城市 得一間 就是 壽司派!!本身都 15,16 諗緊試唔試新野..當時 5點幾就黎6點冇乜人...我們食了 : 油甘魚,3文魚, 蟹柳 ,鏝魚 SUSHI..都好好味! 油甘魚簡直係入口即溶添!最正!蟹柳有2款，有一款好食(細條D既).另一款就好重雪味.唔得!軍鑑SHSHI 都唔錯! 食左 飛魚子 , 芥末尤魚(好鍾意一食入口公上個鼻果種感覺KAKA)但D 壽司飯就認真麻麻,有D仲係微暖的!!但 吞拿魚小卷 真係極難食!!D飯爛到一PAIRPAIR地又酸!睇個師傅令令仔仔估唔到 真係得個樣XD仲有個炸蝦天婦羅壽司 炸粉溥.都OK!!我地今次算食得多. 成12碟兩個人食左!!OVERALL 都算唔錯! 會再去!但我覺得價錢都算貴.唔夠FUNG SHSUI 抵食!SERVICE 方面 一個字!快!+水快. 帶位快 , 埋單仲快 !!我地離開果陣已經迫爆哂人...仲好多人等位添了

昨晚朋友提議到此店食壽司，若我一早看過這兒的食評，可能已reject咗佢啦，哈哈！Anyway，在毫無bias的情况下，試了此店的壽司一次。餐廳環境ok，但我們三人坐卡位，感覺頗迫。服務亦算可以，侍應會主動添茶執枱。食物方面，都是點了些大路嘢。三文魚／鱆紅魚／魚壽司中規中矩；象拔蚌／海螺壽司則有少少腥味（個人口味問題）；墨魚壽司唔韌，ok喎；醬油三文魚壽司則略咸；甜蝦壽司夠鮮甜；蝦天婦羅壽司，脆漿略為多了一點，味ok；火焰鵝肝外皮不夠firm及脆，做不到入口溶化之感覺；軍艦墨魚/辣汁魚子/軍艦芥辣八爪魚，無食到，所以no comment。最後亦點了皮蛋凍豆腐加海膽小食，味像杏仁豆腐，有D奇怪。總括來說，此店質素算普通啦，但末至於要俾個「喊」佢。

唔信邪既即管去試下!今晚9:00入座.. 如果唔係樓上既吉烈豬扒飯超多人, 等唔到位, 都唔會黎呢度試.. 一次很惡劣既晚飯!唔知間餐廳係唔係開左冇耐?! d waiter一d都唔識做.. 人都未坐低, 就顧住拆快子套同倒熱茶 但係又阻住個客, 唔俾佢坐低ga bor! 唉! 都算喇.. 係迴轉帶上的壽司真係好一般,款式又唔多,攪到條輸送帶上太過空虛, 於是個壽司師傅猛咁執d壽司搬黎搬去, 阻住個客食嘢.. 唉! 同埋間舖頭入座唔夠一半人, d壽司師傅/waiter逢親有人光臨/埋單走人, 就會嗌盡喉嚨講d唔似日文既嘢.. 加上背景d 賴係hip既音樂, 真係好嘈!!!!! 好so擾d食客食嘢.. x10仲有一樣好crazy既嘢.. 我叫左杯梅酒soda飲(用透明玻璃杯裝既), 我飲都未飲晒, 個waiter心急得滯, 走埋黎問都唔問就收走我杯嘢飲! 我即刻話我未飲完.. 真係癲架!!!! 未飲晒都睇到掛?! 除非佢真係有大近視啦! 但係咁樣對d食客真係好冇禮貌! x20我都唔算係一個麻煩客, 我唔會用1百蚊既價錢去要求有5星級酒店既服務.. 我成日出街食飯, 我都未試過去d咁差

原本去四樓食，點知太多人（６點半都已經咁多人），唯有去2nd choice：hip sushisushi: ｄ料幾肥美同好味：玉子、鰻魚比一般厚、火x三文魚都幾大條。鵝肝sushi都幾好食，海綿雞蛋似蛋糕，幾特別！snacks: 『汁燒海鮮』係蛋加芝士入面有三文魚＆帶子，呢個其實好好味但真係超多油，即時飽左！『鹽燒三文魚腩』局部幾咸，同埋都幾肥呀！呢次都係第一次黎，環境ok，service都幾周到，食物味道都中上，可以再黎喎！當時６點半真係冇乜人，走既時候終於有人等位喇total $210 (比想像中平)

同個FRIEND在幾個月之前的星期六吃飯食物是正常的，價錢也是正常的(每人都是$130左右)，但最過份的是我因之前太趕時間(因我的朋友已經在裡面等我)，只好把未飮完的熱ESPRESSO有埋入去啦，誰不知在門口的人已經同我講，你NG可以帶入去WOR，一係你0係度(在門口)似埋去LA，跟住我咪話，得，我在入面NG飮,OK?入到去，點菜，但未點菜，另一個WAITER又話，你NG可以帶外來飮品入來的如果你是咁嚴，不如你可以不做我的生意，我最後真的沒有飮，只可留在那兒，因為已經涷了，另外你是日本餐廳，不會有ESPRESSO賣吧所以我真的有點不明解，有時是否真的要咁STUBBORN呢?如果我帶的是你們有得賣的，我亦覺得有理但真的要改善你的服務態度吧，好似審犯一樣，下次都係去另一間了

weekday既中午時候，路經世貿中心，想食壽司就走入左去Hip試下。啱啱開門做生意，全店無人，所以迴轉帶上既壽司都係得幾碟，唯有寫紙仔落單。叫左幾款單件壽司，有hip推介既鱈場蟹，大toro，深水海蝦。鱈場蟹唔鮮甜，無咩味道~深水海蝦味道ok，都算新鮮，大toro就唔錯，新鮮，有溶係口既口感！另外仲叫左象拔蚌，池魚，軟殼蟹，鰻魚等壽司。當中最好食係鰻魚！其他都係一般，無乜驚喜呢。

之前聽過好多朋友講過話這間壽司店不好吃，今晚和女朋友去世貿，決定做白老鼠，試試有幾難食。去到門口不用等就可以入去，我和女朋友選擇了坐bar 檯，一坐低已經見到迴轉帶上的八爪魚壽司“好新鮮”，決定唔會食！係迴轉帶上的壽司真係好一般，如三文魚鰻魚卷的三文魚無魚味，而且款式真係唔多，坐左唔夠五分鐘已經重複！不過每款壽司前都有“名牌”，知道黎緊既是甚麼，值得一讚！反而寫紙order 的壽司就幾好食，如三文魚壽司和火炙鰻魚壽司。和女朋友食完之後覺得整體上不錯，可能之前聽得太多劣評，不過下次都不會再去！

I have been to lot of sushi places and found out that hip sushi is one of the best, every thing is very fresh and the rice portion is just nice, some places are much bigger and the rice is hard and not very good. The two sushi that i like the most is white eel and goose liver sushi. The goose liver is very juicy and big and its very crispy, very nice. The sauce of the white eel sushi is very good. Must try this two sushi when u go there.

六月十一日(星期三)同老公仔做完gym..一早就plan好試試呢度既山海壽司~有睇開飲食雜誌既朋友應該知佢o係日本好出名,比hip請過黎做新既江戶前sushi!當然來頭咁勁,點都有d expectation啦!冇得book位,不過唔緊要佢地不嬲都唔洗等位!去到8:30都算幾多人,但不至於要等位叫左山海 - 1)海綿蛋糕 , ok,口感好似cake~甜甜地!幾得意2)三文魚, ok啦!都係monster既江戶前好食d!!!3)吞拿魚, 呢個一般食唔出係tuna!其他有:1)三文魚腩, ok既,不過d飯比較重有左dd~d醋太多喇!2)鵝肝,呢個真係幾正呀!!!幾大件同埋香口!3)劍魚,賣相正,食落都唔錯4)芥辣8爪魚,呢個唔夠wasabi5)北寄背,幾大件,都唔錯!6)鰻魚,呢個值得一試,好食呀!見到好多人都叫左!!好新鮮!!^^7)海膽,失敗之作,勁腥!!!

上星期四一早來此試吓, 我覺得d壽司都唔錯喎. 當晚最吸引我算係鵝肝壽司又大件又厚, 最難得係即叫即燒真係好香口, $32有2件咁大既鵝肝真係超抵食.另外, 劍魚壽司都好肥美, 反而帶子壽司就偏細d味道都一般,其他d壽司都ok, 都唔係之前d食評講得咁差我相信我仍然會繼續幫襯.

蒙牛係完全無安排的情況之下, SAT係銅鑼灣當然係無位食晏啦, 最後都係來了這個没有人龍的店話晒都係生日, 當然要點最DELUXE的SUSHI啦, 和牛sushi有根的, 幸好雪花都算是多而均勻的, 點了一客招牌卷物, 賣相特別, 外層酒滿幼幼的辣椒絲, 米飯是以火烤過的, 帶點脆脆的口感, 卷內是鰻魚及蛋, 質素一般, 但創意加分, 三文魚腩肥美不足, 海膽淡而無味, 劍魚不新鮮, 帶子不錯但細隻了點. 迴轉帶上空無一物, 全場冷冷清清, 可能都是味道問題吧, 唉……這就是我的首個生日午飯了……..

之前睇過食評, comment不太好, 一心諗住每個人口味唔同, 所以即管去試, 結果係 ~ 低死.先來一個甜蝦味增湯$20, 內有2隻熟甜蝦, 一夾起~爛左, 食落口~霉左, 由於以前未食過熟甜蝦, 所以心諗: 乜原來熟左甜蝦係會霉但之後甜蝦刺身$50(6隻)亦唔好得去邊, 甜蝦唔鮮甜又唔爽, 好明顯唔夠新鮮啦. 元氣好味100倍啦, 又平.山海派醬油三文魚壽司$14(2件), 一早知道此壽司賣點係特製醬油, 但我只好講句唔口味, 味道偏咸.山海派海棉雞蛋壽司$20(2件), 好特別, 質地似發水蛋糕, 味道甜甜有蛋味, 樣子討好, 好好味唔講得, 但唔係度度有得食, 所以一試無妨.軍艦蔥粒吞拿魚腩$32(2件), 一d都食唔出係"腩", $32~蝕~和牛壽司$32(1件), 望落好肥美, 咬落無渣無筋, 但食落又係無味, 不過我諗如果揀炙燒會好味d.炙燒鰻魚壽司$14(2件), 係整餐最滿意, 味道正常到不得了, 價錢又抵.壓軸好戲, 炙燒鵝肝壽司$32(2件), 係導致我寫此食評原因, 不吐不快 一黎到, 嘩!! 超級抵呀, 我未見過有咁大件鵝肝, 滿心