壽喜燒·肉屋

營業中

休息中

自從有一次在日本吃完之後 就一直常常留意香港有那家sukiyaki好吃的 都默默收藏起來😬這次終於可以吃到其中一家收藏店🫶我們分別點了特選薩摩牛壽喜燒跟極上薩摩牛壽喜燒🤤特選的牛味比較重一點 而極上的油脂就比較多一點～這樣兩個人share來吃就比較剛好一點🫶再配上蘭王蛋+無菌蛋一起吃🤤天啊～簡直是有回到了日本吃的感覺🥰這家必須二刷啊🤤🤤

最近得知本來係網店嘅壽喜燒·肉屋開咗門店，就位於尖沙咀！壽喜燒·肉屋本來係售賣壽喜燒套餐嘅網店，已經有好多好評，而家開咗門店更加係超級難book，大家想食嘅話記得提早book定。餐廳提供嘅壽喜燒套餐比坊間平，一樣係用上A5和牛，非常抵食。餐廳公供應三個套餐，客人可以按自己喜好選擇去做。大家可以叫上唔同嘅套餐，分別試吓唔同嘅肉類～極上·薩摩牛壽喜燒套餐 $698餐廳最貴嘅係極上·薩摩牛壽喜燒套餐，每人$698。套餐包咗前菜、和牛、菜盤、生雞蛋、米飯同甜品。前菜前菜共有3款，分別係帆立貝龍蝦沙律、菇菌豆腐同和牛卷。帆立貝龍蝦沙律好fresh，帆立貝同龍蝦都鮮甜、有咬口，沙律醬食到點點wasabi 味~ 和牛卷裏面包住脆脆地嘅漬物，好有口感。4%奇跡A5薩摩牛西冷/肉眼切片 240g呢個套餐所有牛肉都係A5薩摩牛西冷/肉眼，牛肉有晒證書，質素有保證。和牛厚薄適中，好適合用嚟做壽喜燒。依款和牛油脂較多，食落好滑，油脂咁爆滿，入口即溶。外面上已供應壽喜燒汁同清水，若果大家鍾意濃味啲、甜啲就落多啲壽喜燒汁，太濃時可以用清水溝淡。野菜盛合盛合選擇種類眾多，有娃娃菜、粉絲、豆腐、獅子狗、冬菇等等。蔬菜

自肉屋網店開設，就已經經常幫襯兼且毒咗好多朋友幫襯，好有好感~實體店開咗一排，終於搵到時間又成功直接喺OpenRice 預約到!最正嘅係，去到餐廳食同喺屋企食嘅價錢其實差唔多，而去餐廳食，就唔使搞到屋企好大油煙當日我地揀咗$398特選set同$498特上set，仲送多兩塊極上set嘅極霜降A5薩摩牛所以好開心可以一次過試晒3款和牛!個人最推介$398嘅赤身A5薩摩牛，紋路最靚，但唔怕肥嘅朋友，值得一試極。霜降A5薩摩牛，入口真係極滿足!! 至於中等價位嘅和牛就感覺較普通~ 所以建議一係食最平一係食最貴，又或最平+最貴各一set不過用餐體驗說實話唔算非常好，唔知點解剛好當日我地果枱未有店員講解介紹各種牛，要我地開口問先知道邊款打邊款店員幫忙煮第一轉，之後就會話你知點樣煮埋剩餘果D，呢個價位，係可理解嘅順帶一提，欣賞飲品選擇方面有用心! 夕燒果杯好飲! $38/杯好佛心收費係可以encore嘅! 掛住sukiyaki/ 癮起時會再去食返餐!

我地3個人晚市堂食，傳聞好多人網購買返屋企食嘅壽喜燒，我哋揀咗兩個特選(因為我哋鍾意食比較瘦啲嘅肉)，一款特上的薩摩A5和牛，我哋三個人食咗每人大約$400左右，真心覺得好抵。經理服務好細心，有禮貌👍🏻👍🏻(p.s.經理話雖然好多人叫外賣，但係餐廳食個感覺一定會更好，因為烹調用具佔一個主要因素)服務員上菜都好迅速，有禮地精而簡咁介紹餐牌，不過個人而言，呢個唔係太重要，主要都係睇食物嘅質素。這間餐廳壽喜燒汁十分驚艷😋，唔會太甜，食到後面雖然好飽但一啲都唔覺得膩，過往試過咁多間壽喜燒喺日本都食過未試過呢一間壽喜燒汁可以咁出色，將個靈魂做到完美，呢間啲肉質都唔錯呢個價錢呢個質素，我覺得已經係中上。純分享，大家嚟之前記得book位，同埋記住要留deposit，如果唔係餐廳有權取消咗你既預約🙈🫡

零服務！！ 服務差！！ 煮肉只係煮頭兩片肉其他自己招呼自己 甘其實買外賣返屋企煮都得入座時有講限時90分鐘 但一個鐘左右我地食完檯面既野 因為其實個set都唔係特別多野食 每人兩片牛 我地已另外追加一碟牛舌$99 都係得兩片6:50分入座 未夠8點Waiters 就催我地走 初頭以為唔知以為真係甘快90分鐘點知只係食左一個鐘無理佢 繼續坐 點知過左一陣又走黎催第二次仲要隔離有吉檯 佢話出面有客人等緊甘關人X事 係你地安排有問題 擺明我張檯未夠鐘呢間野唔會再有第二次 完全Black List價錢又唔係特別平 又唔係特別好食 又無招呼 又趕客走！唔好幫襯！ 完！！

壽喜燒。肉屋是近期大熱的餐廳，自京都旅行回來，對高質的壽喜燒念念不忘。餐廳以木傢俬為主調，充滿和風氣息，坐在舒適卡位，享受席前準備的和牛壽喜燒，投入心情享受美食。關東風壽喜燒先煮好湯底，再加入食材燉煮。相比之下關東風的牛肉比較香滑柔嫰。❤️特上•薩摩牛壽喜燒（$498）🌸前菜🌸4%奇跡A5薩摩牛西冷/肉眼切片 70g🌸霜降A5薩摩牛切片110g🌸野菜盛合🌸蘭玉蛋及無菌蛋🌸米飯（日本米選用）🌸甜品前菜: 溫煮和牛配明太子/ 金菇豆腐/ 龍蝦沙律和牛經過慢煮後，入口熱燙軟滑，配上碰上惹味明太子，配搭鮮明，肉味濃厚。金菇豆腐清爽味蕾，豆腐白滑香濃，十分透心涼。龍蝦沙律鮮甜開胃，加上沙律醬、雞蛋碎同八爪魚粒，口感豐富，吃到一梳梳彈牙龍蝦肉，滋味停不了。4%奇跡A5薩摩牛西冷/肉眼切片 70g「4%奇跡之牛」是矜貴的存在，每年出產的和牛，只有4%才有此名譽，條件是全部A5級、霜降程度達10級以上。厚切的A5薩摩牛霜降雪白，油花如大理石紋，油脂豐腴。色澤嫰紅的A5薩摩牛，由店員幫忙燒製，在鐵鍋上倒上濃稠的壽喜燒汁，把牛肉放在汁中翻滾，煮至甘甜、掛汁。入口綿化，咀嚼之間純厚的牛香散發，叫人難以忘懷。牛

上次上嚟食嘢晏晝三點幾都話要book位，排咗10分鐘隊服務員都冇同我哋講話要book位嘅去到4:00行出嚟先同我哋講，而且服務態度勁差。今次特登book咗食聖誕dinner，到咗之後冇人喺櫃檯接應，問服務員點樣入座又態度勁差，勁冇禮貌咁樣答。入到去之後，坐咗喺度5分鐘都冇人幫手，跟住啲嘢食終於送到嚟啦，等咗5分鐘先有人開始嚟介紹同埋煮嘢食。嘢食質素認真一般般，尤其係甜品，係喺阿信屋平時買到嗰啲蛋糕仔嚟。不過最大問題都係服務員嘅態度，完全唔配得起高級日本餐廳expect嘅質素，連基本煮壽喜燒嘅技術同埋知識都冇。老闆，如果你睇緊，好心你用多三四千蚊請啲真係識做日本料理嘅員工，唔好請啲MK妹。再者，員工質素差之外，仲係嚴重唔夠人，每次斟茶都係要客人自己要求，我未試過去「靚」既日本餐廳係會成餐飯冇人斟茶。你咁樣做，啲客人只係會嚟一次，唔會再有下次。忠告：呢間餐廳OpenRice雖然好多好評，最好睇返啲標題同內容冇乜emoji嘅食評，就最誠實。

係香港都食到壽喜燒，可以感受下由侍應起鑊燒和牛的服務，之後幾塊和牛係由客人自己燒，又可以動手玩下，感覺幾正。最後結帳仲送左2支仔壽喜燒醬汁，可以買和牛回家自廚一下，服務很好。聖誕二人餐，價錢$1399，有湯、前菜、和牛沙律、壽喜燒和牛、野菜組合、飯、甜品……好豐富，亦都好夠飽。蘑菇清湯，溫暖順喉，蘑菇味都重。前菜三品，和牛卷好肥美好香。豆腐又滑又重豆味。和風海鮮沙律，味道最濃，好滋味。慢煮A5和牛沙律，估唔到咁大塊和牛，慢煮好嫩腍，食落唔膩有肉感，配沙律好清爽。極上壽喜燒西冷，雪花紋好平均好靚，好肥美牛脂甘香，入口快即化，用甜甜咸咸壽喜燒醬汁煮，沾滿 蘭玉同粉紅卵蛋汁，中和甜膩感，又令牛肉更滑更濃味。超級好味。野菜盛合，鐵板煮過牛肉留下精華，加壽喜燒汁煮野菜，吸盡牛味，與甜甜醬汁相遇，係幸福嘅味道。和牛粒滑蛋飯，侍應即煮和牛滑蛋，再放上飯，牛汁同蛋汁都同飯混和食，好香好正，食多左飯。甜品，比較一般，係cream、蛋糕、乳酪、脆餅……口感幾多，但味道普通。

用餐時間1630，未入座得知只有一個聖誕餐可以選擇，問我地介唔介意，第一感覺就係唔舒服，但你網上訂位又要我地比左200蚊，唔食係唔係又要扣？心唸費事麻煩就食啦，但決定入座時候，帶位又話可以掃code另外單點加嘢食，咁即係有的選擇？感受唔太好，一般。最基本簡單服務又唔得，音樂又可以一時大聲一時細聲，連最後付款比錢都要自己攞信用卡嘟卡機，食放題都唔使你自己hold住嘟掛，係規矩還是懶到帶埋卡機過黎，我唔理解。日本餐廳文化唔係應該好注重細節咩？可能係我自己要求太高了掛，可能午餐平平地試下就算了，我就唔會有下次了。至於餐方面，有一杯仔蘑菇清湯，甜品一個似忌廉蛋糕咁既嘢，牛一人有三塊，同以下圖片，餐味道正常，未去到好食，牛油脂係豐富，不過香唔香就個人睇法，我就覺得一般正常，整體我就覺得晚餐價錢唔抵食，可能午餐比較好掛。

女朋友生日 諗住黎試下留位$200咁我Book 20:3020:15到左 等到20:45先入座去到得返個聖誕二人餐入到去QR落單 （得返一個餐唔知有咩意義）20:48分落完21:15先上啲肉後面遲過我地入黎都已經食緊一開始店員幫我地燒燒左一轉肉 ，放啲菜落去咩都冇講就行開左。等我仲以為佢會幫我地燒第二轉點知冇 ，冇係唔緊要既！但介唔介意講聲？所以啲客唔識睇火加水就唔可以黎食？🤔然後食左冇耐已經同我地講22:00 close ？？你地遲比枱又遲上食物 仲同我講22:00要走。如果係做唔切既 ，一係就請多啲人，一係就唔好接咁多客。唔明大家都有比錢，但點解會比你地掉埋一二邊食西北風。睇住你地由食料外賣店到開門市，滿心期待點知貼錢買難受

自從4月去完東京試左間百年壽喜燒老店中伏後🇯🇵，我地一直都唔敢再亂試壽喜燒。但睇過呢間肉屋嘅食評，令我食指大動，決心再次挑戰😍！而呢個決定無錯，肉屋嘅牛真係好高質，關東食法食完係充滿感動✨，真心係必會回頭再試😋！我地嗌咗特選•薩摩牛壽喜燒 一人前 $398同特上•薩摩牛壽喜燒 一人前 $498，兩個套餐都包咗前菜🥗、野菜盛合🥬、蘭王蛋及無菌蛋🥚、日本米飯🍚同甜品🍨。呢個食法係對兩個人第一次食嘅最好食法，因為可以試晒全部款式嘅和牛🐮，試岩左邊隻係最愛後🫶🏻，下次嚟食就識揀啦～前菜慢煮A5和牛A5和牛經過慢煮後，肉質軟腍😍，配上黑松露醬食，好好味，估唔到前菜已經食到入口即溶嘅和牛。扺讚💯！麻醬豆腐豆腐嫩滑加上麻醬，食完打開胃口，岩晒等陣大大啖食和牛🤭。龍蝦沙律龍蝦肉彈牙爽甜🦞，加上沙律醬、雞蛋碎同蟹籽，口感豐富。🍲特選•薩摩牛壽喜燒 一人前 $398（4%奇跡A5薩摩牛肉眼、赤身A5薩摩牛切片）🐮4%奇跡A5薩摩牛肉眼食咁耐和牛，A5都叫經常食，同超市有得賣🛒，但4%奇跡真係未試過🫣，要叫得做4%奇蹟和牛，條件是要達A5級、BMS霜降程度達10級以上，每一件油花細緻如大理石咁🔎。認真講，見

今日的氣溫只有十度，正好來一個牛肉火鍋午餐。店子的裝修明亮，簡單的日式風格，而燈光也十分柔和。雖然全場都在燒鍋，卻沒有半點煙霧瀰漫。這家店的午餐只有兩款：特選薩摩牛壽喜燒$199，特上薩摩牛壽喜燒$249前菜有北寄貝沙律、胡麻豆腐同薯仔沙律。北寄貝沙律味道濃郁；胡麻豆腐軟滑，有香口的芝麻醬；薯仔沙律當中有火腿、薯仔等等。這兒是關東煮法，主要是用壽喜燒汁，可按個人口味加水。而關西要用醬油、味醂、料理酒和砂糖烹製。特上薩摩牛110g，野菜盛合這特上薩摩牛充滿雪花紋，輕輕一灼，表面焦香，加上濃味壽喜燒汁，加上蘭王旦，十分滋味！和牛軟滑又帶脂香，沒有膩口像A5, 但牛脂甘香、肉質軟嫩，配上旦汁，正！野菜十分新鮮，烤豆腐口感實在，加上芋絲，不錯。米飯及漬物（日本米）這米飯熱呼呼的，份量不少，採用日本米，是和牛的良伴。這一天的午餐吃的牛肉唔多，但作為女仕，配上野菜、白飯，十分滿足。

網店起家既關東風壽喜燒店，呢排曝光率頗高，閒日夜晚坐滿曬，一定要提前訂檯🫢不過我地四個人都係得一個爐，要個半鐘內輪流燒同食，成件事其實會有啲趕，但整體性價比都算係唔錯既😅▪️ 特選•薩犘牛壽喜燒套餐（8/10）💲398▫️ 前菜一份 1️⃣ 慢煮和牛配黑松露醬：略嫌個醬搶左和牛既味🫣2️⃣ 麻醬豆腐：豆腐唔算好滑，勝在豆味香濃3️⃣ 和牛雞軟骨丸子：丸子有唔少軟骨，口感豐富一開始有個幾友善既侍應幫手整第一片😌之後就要自行調較壽喜燒汁同埋水比例，感覺實在比較難拿捏😳後尾我地燒燒下，另一個侍應突然衝過黎話以防燶底，一下子幫我地倒入大量汁🙄不過個汁味道偏鹹，我地唯有自己不斷加水稀釋返，但唔多唔少都影響左個體驗🥲▫️ 赤身A5薩摩牛壽喜燒片 180g 總共有三大片，起初既質感最柔嫩，帶有油脂香，唔知係咪自己技術問題，其餘既相對無咁滑，但都有肉香😗▫️ 野菜盛合一份 圖中既係二人份量，有大蔥、冬菇、豆腐、芋絲、皇帝菜、娃娃菜、芝士竹輪等🥗▫️ 米飯及漬物一份（日本米選用）▫️ 蘭王蛋及無菌蛋 一份▫️ 甜品 一份雪芭既柚子味突出，但就甜左少少🤏🏻▪️ 夕燒（7/10）💲38成份有芒果、蜜桃、西柚、四季春茶，個茶底幾香🍹🔎

📍 Sukiyaki Nikuya 壽喜燒 肉屋🏷️ HKD 200–400 each由本來是賣和牛的網店，到現在實體店，牛肉質素一直有保證🐮 Lunch Set 超抵食，$199 （未加一）就可以品嘗到正宗關東壽喜燒，仲平過飛去日本食🚀今次分別試了特上和特選薩摩牛，特上套餐牛味較濃，而特選套餐的和牛入口即溶💓配上蘭王蛋和日本米，彷彿置身於天堂！🥺💭🌠 p.s. 已訂位下個月再帶朋友去😆#feedmebaebe#foodie

前排去完日本旅行之後最令我心心念念嘅就係壽喜燒🥹雖然香港都有唔少正宗壽喜燒店不過定價都比較高🤑肉屋係網店嘅時候我都幫襯過見佢開咗餐廳價錢又親民決定嚟試下👻🌟特上。薩摩牛壽喜燒($498)揀咗餐牌上中間價位嘅套餐套餐包咗霜降A5薩摩牛前菜、野菜盛合、蘭王蛋、白飯同甜品牛肉嘅質素一如以往令人滿意👍🏻油脂分布均勻，入口即溶點埋蛋汁口感更香滑🤤整體食材質素唔錯如果lunch時段更加抵食添btw見到網上有評論話服務好差又未至於既🤔我覺得首先佢呢個定價唔好期望佢會有個日籍師傅專門serve你🤣店員會示範點樣煮一次之後就要靠自己不過的確係可以做得好啲細心啲因為當日店員倒得太多壽喜燒汁令到個鍋入邊啲汁滾到瀉晒而且打呢篇文嘅時候先發現原來食完佢冇上到甜品🤣