夏麵館 (始創中心)

營業中

休息中

之前去夏面館食下午茶時，睇到有蟹粉宴就決定喺11月尾活動結束之前去食番一次。是日是星期五，雖然係訂咗位，但係一樣要等，坐低嘅時候已喺晚上八點。因為係專程嚟食蟹粉宴嘅，所以二話不說就即刻落柯打。首先上嘅係酸辣湯，湯料有豆腐、竹筍、冬菇絲、木耳等，而且味道調得啱啱好，喺香港我已經好少食到咁好味嘅酸辣湯，水準唔錯。跟住上嘅係前菜五小碟，包括有鎮江水晶肉、糖醋排骨、蒜香四季豆、素鵝同雞絲粉皮。尼五小碟的份量妥多，尤其是係個糖醋排骨，食完嘅時候其實已經有少少飽。個餐仲有一籠兩個蟹粉小籠包，湯包入面的湯汁清甜，仲可以食到真材實料的蟹粉。唯一要講嘅係啲包嘅皮其實真係有少少厚，如果能夠做得薄啲會更加好。講得係蟹粉宴蟹粉當然是主角，跟住上嘅哆Re咪，話說係張曼玉命名的，其實係蟹粉炒蝦仁，餐廳建議配饅頭一齊食。因為係套餐，所以就冇要到饅頭，我哋將佢加落個烏金蟹粉拌麵度，即刻提升咗個口感。我非常鍾意呢個墨魚底嘅面，上次嚟食下午茶時就已經驚為天人，今次再食依然覺得好好味。最後上嘅喺碟蟹粉扒菜蕊，一句講晒，今晚食的蟹粉真係真材實料，一啲都冇欺場。仲有一樣嘢要講嘅就係佢啲蟹粉拆得非常之乾淨，一啲蟹殼都冇，俾個讚👍

很久沒有在街外吃上海菜了，今次來到這間位於太子的餐廳，晚上時間都幾多人食!餐廳在這個大閘蟹季節推出了不少蟹粉製成的菜式，我們也點了款來試試!烏金蟹粉拌麵，這個拌麵的蟹粉用上江蘇大閘蟹拆成，味道非常香濃，拌入墨汁麵中，更能突顯蟹粉的金黃色!鮮肉小籠包，每粒都很大粒，內裡湯汁滿滿，味道鮮甜!干扁四季豆，四季豆好有鑊氣，味道咸香，口感爽身，非常惹味!雪菜肉絲炒年糕 ，年糕口感煙煙韌韌，加上雪菜肉絲和筍絲一齊炒，味道不會太咸，清清地，口感又豐富!鎮江水晶肉，這個前菜每次吃上海菜都會點，啫喱拌的肴肉點上醋一齊食，很開胃!醉香豬手，豬手有濃濃的酒香，口感爽口，而且份量好多，好正!炸銀絲卷，銀絲卷外層炸到脆身，內裡軟綿綿，點上煉奶味道甜甜的，很美味!

想吃當造的大閘蟹 也想吃一些其他東西所以選了這個套餐✨清水大閘蟹宴🦀我和朋友每位有一隻清蒸公蟹和一隻乸蟹 前菜主菜都可以自選我們選了花雕醉雞 黑醋話梅骨 蟹粉扒芥蘭 迷你陽春麵 鮮拆蟹粉小籠包x2 和薑茶湯丸這款清水大閘蟹味道算清甜 它不是大隻的 大概只有我手掌般 可是乸蟹的蟹膏很肥美 不錯🤤醉雞吃起來酒味香 無骨雞肉嫩滑👍🏻黑醋話梅骨 酸味排骨很開胃 如果套飯配飯好像更適合一點芥蘭是粗大的那款 我想看起來很難咬 可是吃起來不硬 是爽脆的 上面有一些蟹粉 裡面有一些蟹腳的肉🌟我把蟹粉蟹肉倒在陽春麵一起食 哈哈 本身覺得有點飽 這些混著吃增加了食慾👅小籠包比平常吃的大一點 蟹粉加入豬肉餡料當中 好食薑茶雷沙湯丸甜品 吃完大閘蟹可以多喝兩啖薑茶甜湯驅寒～

你到旺角始創中心 呢度真係冇咩好食， 但願成個商場只有呢間夏麵館 我想行入去試試試咗呢個墨魚麵味道一般 食唔到墨魚味嘅面醬油麵 望落去賣相雖然唔係好靚 但係味道非常之好 我最鍾意啲蔥油 撈埋一齊呢個糖醋骨 好入味亦都唔肥 件件都係瘦肉 有口感試呢個流心蛋， 不過真係好漏如果send畀你一啲日本餐廳 就普普通通啦可能季節關係夏麵館有大閘蟹套餐 見到都好吸引嘅 搵一日晚夜晚都可以嚟試下整體上 都幾好食㗎，你見我點咗4，5度菜已經知啦，其實我得兩個人嚟食咋🤣🤣

餐廳位於太子，地鐵站附近，還算方便快捷，餐廳主打的就是上海美食。餐廳位於商場之內，內裏冷氣充足，環境寬敞，坐得舒適，乾淨又衛生。我點選的食物就是豬扒菜飯還有上海小籠包。先說說豬扒菜飯，豬扒可口，最重要不油膩，肥瘦適中，入口肉質鮮嫩，真是不錯，但其實我更欣賞就是他的菜飯，最重要菜和米飯的比例剛剛好，絕對是健康的選擇。至於上海小籠包，皮薄餡靚絕對是基本功，最喜愛就是他的濃汁，咬一口你整個嘴巴也充滿了他的味道，這個爆汁的感覺，不是每個地方也能感受得到。

除左大閘蟹的蟹膏同蟹黃吸引之外， 蟹粉所整的菜式我都一樣咁鍾意❤️ 見到呢間餐廳有推出極品蟹粉宴， 心郁郁嘅情況下就入咗去食。 入邊包括一個酸辣湯，一份哆唻咪。 先介紹左酸辣湯先，味道小小偏鹹，但醋同辣係好出， 飲落用料豐富。 哆唻咪是一两蟹黃加二兩蟹粉，再配三兩蝦仁而製成，食落就知啖啖都係寶。前菜方面仲有五小碟：當中包括鎮江水晶肉、四季豆、雞絲粉皮、虎皮素鴨和豬手。主食: 蟹粉扒菜心、蟹粉小籠包和烏金蟹粉拌麵。 當中我最中意的是蟹粉小籠包， 湯汁好多， 皮薄餡靚。 甜品方面是薑茶湯圓，湯圓的皮很煙韌，彈牙。 薑茶的辣度十足，整體都好match

呢間上海菜店間唔中都會幫襯，除咗味道岩食，價錢都算實惠見到呢兩張套餐宣傳，又提醒我到咗食大閘蟹嘅季節啦，網上預訂仲有買一送一優惠，喜歡食蟹嘅人士有福了...................分別叫咗兩款冷熱小食，先出場係美味海蜇 ($60)，爽脆海蜇條配上清爽青瓜，再淋上醬汁，入口超爽!之後到熱爆燻魚 ($58)，呢個屋企唔識整，都係出街食算罷炸香咗嘅魚件，內含小骨，食時要小心，沾上甜味醬汁，點會唔好食呢?!  配以肉碎一齊炒就成為呢客干扁四季豆，略帶甜味嘅肉碎與爆炒四季豆 (最緊要入口無渣)，會變成偷飯賊架^^食上菜嘢指定動作之一 : 酸辣湯麵 ($52)湯底酸辣度岩口味，材料有木耳絲，豆腐絲，荀絲，肉絲及蛋花; 麵條帶口感，唔係糊口，足夠二人分享一碗都得。指定動作之二: 鮮肉小籠包 ($38/4隻)夾得起都無穿，內裏湯汁甚多，配薑絲醋就至岩啦。呢客砂鍋餛飩鷄 ($138)，原鍋上份量超對眼，見到奶白色嘅湯底不期然出現心心眼半隻鷄比你，送上碟及鉸剪方便將隻鷄解體6隻菜肉鍋餛，菜肉比例適中，加上小棠菜，整體味道幾鮮甜，唔會有層鷄油係面，隻鷄肶仲好滑嫩。本來想食豆沙窩餅，下次要預留D位先.

又嚟咗呢度食上海菜😝~ 菜式選擇多, 食物質素高, 價錢又好合理👍🏻 《小木耳芹菜炒青瓜》有木耳、紅蘿蔔🥕、芹菜、青瓜, 青瓜味道爽甜, 味道幾清香《排骨擔擔麵》擔擔麵份量好多, 花生味及辣味都足夠。《韭黃炒蛋》炒蛋口感嫩滑, 充滿蛋香, 脆嫩嘅韭黃令味道及口感更豐富！《韭黃炒鱔絲》炒出嚟嘅鱔絲鮮美, 又不失彈性《蟹粉小籠包》上海菜必點! 蟹粉小籠包熱辣辣, 上面有少量蟹粉, 皮薄餡靚, 豬肉餡料美味, 湯汁鮮美, 肉餡及湯汁比例剛好《上海素菜包》係我最鍾意嘅上海蒸包! 素菜包好軟熟, 香菇青菜餡新鮮🥬, 我呢個包控一次過食晒三個😝!

食大閘蟹季節又臨近尾聲, 打算係季尾食多次。同事揀咗間曾經幫襯過, 價錢相對抵食嘅上海菜餐廳---夏麵館。平日晚7點左右, 餐廳內已坐滿食客, 全晚都很旺場。【蟹小籠包】HK$45小籠包皮薄, 豬肉餡料有鮮肉香, 一咬大量鮮味肉汁湧出, 雖然頂段有少少蟹粉, 不過就唔太食得出。 【上海醉蟹】HK$88醉蟹size細細隻, 只有掌心般大, 蟹肉唔多, 拆出黎嘅都係細小嘅實肉, 甜甜的, 散發淡淡酒香, 但又冇酒澀味。【醉雞】HK$66雞肉嫩滑, keep到本身嘅肉汁, 同時亦散發淡淡酒香, 冇酒澀味, 不錯! 【鮮肉鍋貼】HK$36記得上年都試過呢度嘅鍋貼, 但嫌皮過厚,今次再order, 果然有改良, 鍋貼皮薄, 鍋貼底煎得金黃微脆不油, 豬肉餡料粉嫩, keep到本身肉汁。【糖醋小排】HK$52出奇地原來係凍食, 每粒排骨表面平均表住甜甜糖醋汁, 排骨偏瘦, 冇肥油連帶, 肉質有口感得黎唔會太硬。【排骨膽膽麵】HK$65膽膽麵湯底濃度剛好, 唔會有好重嘅花生醬味而食落好膩; 麵質好林好滑, 湯底微辣惹味, 排骨酥脆不油, 有肉香。

前幾日行過夏麵館睇到有蟹粉宴，本來想上網訂，誰知道個活動已經完結，但係心中還念念不忘想食蟹粉。今日又行過始創中心，諗住食碗蟹粉麵過吓癮都好。下午茶餐到四點完結，我哋坐低時已經係三點，但係個餐廳幾乎係滿座。下午茶餐選擇中有烏金蟹粉拌麵，咁就梗係點佢啦！我哋兩個人，所以仲嗌咗一個鮮肉小籠包同埋一個紅油炒手，飲品就要咗酸梅湯。雖然係下午茶餐，但係碗烏金蟹粉拌麵一啲都冇欺場，份量充足而且勁好食。叫得做烏金一定係黑色，啲麵應該係用墨魚汁製成的，拌上金黃色的蟹粉，視覺上形成強烈的對比。墨魚汁面非常有咬口，撈埋啲蟹粉食滋味一流，鍾意食蟹粉的朋友，我強烈推薦呢個餐。紅油抄手同鮮肉小笼包每份有四件，抄手一向係我嘅至愛，尼度嘅抄手 好大粒，調味亦都非常之唔錯，係我鍾意嘅味道。至於個小籠包，湯汁清甜，但係我嫌佢啲皮厚咗啲，所以有少少失分。埋單時問咗句個蟹粉宴係唔係已經完結，結果被告知雖然網上活動巳經冇咗，其實佢哋仲會做到今個月尾，而且walk in都冇問題。咁我就一於喺月尾之前嚟食多一餐喇！

夏麵館主打上海菜，平時最鐘意叫碗酸辣湯麵食，大大碗勁抵食！大閘蟹季節就多咗好多款蟹菜式選擇，懶人表示最鐘意食蟹粉，有蟹膏又有蟹肉，唔使自己拆最開心！夏麵館大閘蟹粉宴採用100%手拆江蘇蟹粉，鮮蟹粉加上新菜式好值得試試！除咗平日食開果幾款，今次Venus 都主要試下新菜式蟹粉生煎小籠包蟹粉小籠包係每年必食，今年有新推出嘅蟹粉生煎小籠包就試下，生煎包外層乾脆金黃非常香口，內裏一口香濃蟹湯加上滑嫩肉餡，小籠包迷不容錯過！烏金蟹粉拌麵同樣係新推出菜式，見到餐牌寫超人氣就叫一碟，賣相相當吸引！勁多蟹粉！撈混後係每條墨魚汁意粉都沾有蟹粉，入口充斥勁濃蟹黃味，咬落仲有幾多蟹肉，墨魚汁意粉都相當惹味，超讚係蟹粉相當多！絕無欺場！蟹粉豆腐煲身為豆腐迷一定不能抗拒所有豆腐菜式，加上有蟹粉基本上無得輸，今次一如既往好味！超嫩滑豆腐入口即溶般再滲出濃濃蟹膏香，撈飯食一流！夏味燻蛋平日必叫嘅小食之一，入口有濃郁流心蛋黃，之後散發微微煙燻味，因為係冷盤，所以有種透心涼感覺酸辣湯麵每次去夏麵館一定食嘅酸辣湯麵，大碗到2個人食一碗都得勁抵食，麵類有得揀最近新興嘅養生淮山麵，我都係第一次食，原來係幾爽口彈牙香煎南瓜餅今

心血來潮想食上海菜 見呢間夏麵館既裝修幾靚 餐牌又有好多選擇 而且價錢唔貴 就試試佢🍽/ 排骨擔擔麵 🌟$65🌟上菜嗰陣見到勁大碗 嚇左一嚇 咁嘅價錢好抵食🤣 排骨會分開上 唔使驚會浸淋哂～ 排骨大大舊 肉質夠厚同時亦都炸得香脆😆 而擔擔麵湯底好濃 好重花生醬味 亦都咬到有花生粒 上海麵好掛湯 辣辣地咁好好食👍🏻/ 花雕醉雞 🌟$66🌟雞肉嫩滑 份量好夠 而且酒味好濃 好香花雕味🤩 雞肉浸既時間夠耐 所以每一舊都好入味😝 / 鮮肉小籠包 🌟$38🌟本身想試蟹粉小籠包 但咁岩賣晒☹️ 所以轉戰鮮肉小籠包 佢嘅皮唔算太厚 咬落啖啖肉好多汁💦/ 紅油抄手 🌟$38🌟呢度既紅油抄手唔算太辣 反而有少少甜甜地 同抄手幾夾😋 雲吞皮唔厚 而且好大粒啖啖肉 連埋辣油一齊食好惹味👅👅 / 豆沙鍋餅 🌟$38🌟送黎嘅時候啱啱煎好 熱辣辣食好香 略嫌餅皮有少少硬 但豆沙餡料好足 又唔會太甜👍🏻🔻整體餐廳環境夠大 裝修亦都幾靚～ 食物方面份量偏大份 十分抵食😆 店員亦都好好服務 會主動詢問有冇野需要幫忙 態度好好👍🏻 十分推介大家想食上海菜嘅話黎試吓😋

#cassiegomk-最近好多人都食大閘蟹，不過大閘蟹對我嚟講有啲涼，但係又好想食。推介大家試吓夏麵館嘅蟹粉系列，又抵食又可以滿足到我想食蟹膏嘅願望！😋-夏麵館最近推出咗蟹粉系列買一送一優惠，人均只需$178起，11道菜矜貴蟹粉宴包括烏金蟹粉拌麵、前菜五小碟﹑酸辣湯﹑多唻咪﹑烏金蟹粉拌麵﹑蟹粉小籠包（2粒）﹑生拆蟹肉蟹粉菜心及薑茶湯丸等等。🦀-烏金蟹粉拌麵真係重點推介，勁好食！麵條結合墨魚汁及手擀麵，好有咬口。面層鋪滿金燦燦嘅蟹黃蟹粉，口感豐富，蟹粉選用江蘇大閘蟹，百分百手拆，鮮香入味好濃郁，啖啖蟹膏嘅感覺真係好正，同埋通常都係蟹膏配飯，原來蟹膏配麵都咁正。🔥-另外夏麵館其他嘅上海菜式一樣咁正。例如花雕醉雞，花雕嘅香味完全滲透到雞肉裏面，雞味濃郁之餘口感仲好嫩滑。小籠包當然都係正常發揮。甜品有好多選擇，作為榴櫣控嘅我，當然試吓貓山王榴櫣鍋餅，味道香濃，仲有得揀半份全份，餐廳安排好細心。✨-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 夏麵館 (始創中心) (太子)📍 太子彌敦道750號始創中心1樓115C號舖-

大閘蟹嘅季節又到啦🥳懶惰如我唔想自己滅蟹殼，當然選擇咗食蟹粉宴啦！🥰今次揀咗去食上海菜餐廳嘅蟹粉宴。一個套餐$435包左6樣嘢食其實都幾抵，而且真係超多蟹粉！承諾我覺得蟹粉好足料，唔係溝水或者加咗其他嘢，真係食到一粒粒嘅蟹粉同埋蟹肉🥰蟹粉拌麵好食，啲面同埋蟹粉撈埋出奇地夾。啲人話攞饅頭點都會好食，但因為我哋太飽就武試到啦！佢仲會有一個圓原碟蟹粉，蟹粉菜🤣🤣個人嚟講幾鍾意食蟹粉點菜，清新得來又有濃厚嘅蟹味。除此以外佢仲會包每人一碗酸辣湯同埋薑湯甜品🍮我勁鍾意佢嗰個薑湯湯圓，飲落有好重嘅薑味，本身有啲喉嚨痛嘅我飲完之後覺得舒服好多🥰🥳而且冬天飲啲薑湯感覺成個人即刻暖晒🏠 夏麵館 (始創中心) (太子)太子彌敦道750號始創中心1樓115C號舖

✿╮❤╭✿✿雜感女生   好味日記✿˚*•✰。夏麵館．回味包包和麵麵。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤話說很久沒食上海麵了於是和朋友去了夏麵館尋找上海的滋味今天很想吃下飯的濃香菜式於是點了回鍋肉+韭黃炒鱔絲 回鍋肉微辣香甜主要來自椰菜的爽脆甜而豆乾與肉片都入晒味簡直是下飯非常 韭黃炒鱔絲是一道神奇的菜式我小時一直感到奇怪為什麼鱔是沒有骨的？鱔皮極之爽滑韭黃帶來獨有的香氣也是一款飯盜！蟹粉小籠包湯水香濃蟹味包皮薄且有麵粉香加點醋令肉汁更鮮美好食 生煎包為了香脆的包皮為了多汁的肉餡為了這熱辣辣的口感所以是夜吃了很多澱粉質！ 雞排擔擔麵好飲麻香四射，湯底非常麵質是我喜歡的口感是傳統的上海口味清淡爽口、軟硬適中啖啖香濃滋味加上大大塊香脆雞排又真的吃得很爽！！