夏麵館 (新都城中心二期)

營業中

休息中

本身好喜歡上海嘢，不過平時同朋友食飯都好少會揀上海嘢。最近留意到呢間有蟹粉系列，幾吸引，忍唔住去試咗！😂環境都幾乾淨整潔，人流唔算太多，感覺係舒適嘅！🤓講吓佢哋嘅食物：酸辣湯（位） $32夠酸夠辣，好開胃。包含咗荀絲、木耳、冬菇、豆腐等等，非常足料，而且口感豐富。🤩蟹粉小籠包（2隻） $38好香蟹粉味，餡料幾滑幾多汁🤤哆唻咪（半份） $118上海陽春麵 $30碗鮮蟹粉幾出色：包含蟹肉蟹膏，味道香濃，而且拆好曬，簡直係鐘意食蟹嘅懶人恩物！另外有加入薑絲，幾細心，可以平衡一下蟹嘅寒涼。蝦仁肉質結實，好香蝦味！☺️本身佢都有個蟹粉伴面，但驚佢蟹粉會好少，唔夠喉，所以靈機一觸。點咗半份蟹粉配淨上海麵。本身好喜歡上海麵腍得嚟又帶點煙韌，再配上滿滿蟹粉，非常之夾，非常享受。大家可以參考我呢個邪惡食法。😜唐芹鮮肉水餃（6件） $40餡料結實、西芹加強口感。不過呢款唔太夠熱，西芹都比較少，不太推薦。🤫貓山王榴槤高力（1個） $25外皮好熱、好鬆軟、滿滿蛋白嘅味道！戲肉係榴槤肉，好香濃、好creamy☺️

今日和朋友去將軍澳玩，晚飯時間就去寶林的新都城走個圈看看有什麼食，看到這裡有間夏麵館門口餐牌d蟹粉菜幾吸引，就決定入去試試。我們二個人叫了幾個菜來試試，先上的有上海醬鴨，醬汁濃郁，都幾好食，可惜分量有d細，大份d就完美啦。然後在來鮮肉小籠包，d餡又鮮又爆曬汁，真係幾正！還有當然點了他的蟹粉菜啦，餐牌上面寫了個超人氣的新菜式烏金蟹粉拌麵，就試試他啦，果然蟹粉蟹味十足，我們兩個人share剛剛好啊，因為我們還點了個砂鍋餛飩雞，不留都真係搞不掂啊，餛飩好食，d雞又嫩，最緊要d湯好好飲，講真我們二個人清成個砂鍋，簡直係十個推介啊！

清淡爽口，軟硬適中的湯麵是心目中的comfort food。夏麵館顧名思義，麵食是其招牌菜。是夜只想簡簡單單的食碗麵，再加少少前菜。夏味燻蛋燻蛋顏色很吸引，蛋黃非常溏心，味道濃郁黏口，比日式拉麵的溏心蛋更勝一籌。五小碟五小碟選了涼拌小木耳、鎮江水晶肉、虎皮素鵝、海蜇及糖醋排骨，此小食拼盤份量一點也不少。小木耳味道不算很濃，感覺比較清新爽脆。水晶肉肉瘦香酥、皮色晶瑩、鹵凍透明。虎皮素鵝腐皮酥脆、素菜絲清爽可口。酸辣湯麵酸辣湯麵有木耳絲冬菇絲伴食，豐富爽口，酸辣湯酸辣味及濃杰度適中。嫩雞煨麵嫩雞煨麵材料雖然只有雞肉碎及小棠菜碎，但精華盡在奶白高湯及麵條，麵條吸收高湯味道，軟而不爛，食入口感覺很舒服。

好耐冇去夏麵館，不嬲都好鍾意食佢地啲上海嘢。唔講唔知佢1999年已經成立。提供優質而且健康嘅上海菜。今次特登嚟食佢哋嘅蟹粉菜式，價錢仲要唔貴。午餐叫咗個烏金蟹粉拌麵，包小食同飲品。另外叫咗一份哆唻咪(DoReMi) 即係蟹粉蟹黃河蝦仁。menu話個名係張曼玉改。烏金蟹粉拌麵即係蟹粉墨汁麵，蟹粉份量幾多。墨汁麵有啲似意粉，都幾彈牙。哆唻咪用上一兩蟹黃、二兩蟹粉、三兩河蝦仁煮成。成啖成極之滿足，我就用埋嚟撈麵，夠曬豪。小食個上海春卷都好脆口。我仲加錢叫埋高力豆沙添，真係好好味。

這麫館我之前成日去食, 因為在家附近商場, 但因食品種類沒多變, 便淡忘了它。近日在商埸閒逛, 就被它的廚師推介: 蟹粉Do Re Mi 吸引我的眼球; 鍾意食蟹嘅人必定喜歡蟹粉一入坐, 二話不說, 即點個蟹粉Do Re Mi, 在等食之餘, 細看介紹, 原來係名人張曼玉題名, 果然與別不同!組合係:一兩蟹黃加二兩蟹粉再配上三兩河蝦,半份嘅份量都勁大份😍絕對可以嚐到每一口濃郁甘香嘅蟹味及鮮甜爽口嘅河蝦, 追住一口一口咁食😋😋再叫客蟹粉小籠包，熱辣辣之餘，仲香噴噴😋😋蟹粉裹裹外外都有，蟹油滿都流晒出嚟添😂😂店員仲介紹我下次可以試吓二人極品蟹粉宴$428，食品種類更多，仲有埋甜品添👍🏻👍🏻👍🏻

今日去將軍澳新都城，見到間上海菜館，午市套餐幾抵食，又多款，一於入去試吓😄 :入到去餐廳裝修，新淨企理，店員有禮貌，餐牌種類繁多，終於選擇了 ：鮮蟹粉黃魚片麵～算是時令食品，蟹粉濃郁，黃魚片新鮮彈牙，高水準之作🤗上海炒麵～淨係睇個顏色，已經知道係好食😌小籠包～鄙薄餡靚，咬落有肉汁🥰鍋貼～必食之選😋上海醬鴨～隻鴨本身唔肥，肉嫩，加埋特製醬汁，真係好好食👏🦆最後交埋個甜品～豆沙鍋餅和豆漿，呢一餐好完美💯

原來屋企附近開咗間咁有質素嘅上海菜，仲要價錢親民，食到飽一飽人均都係$150唔使！絕對有下一次🤤🤤😍嫩雞煨麵 $58👀自從食完滄浪亭之後，就對嫩雞煨麵零抵抗力，每次去到上海餐廳，只要見到有呢個選擇，都一定會揀佢！估唔到佢一碗嘅份量咁大🤣我覺得兩個女仔share都冇問題😂（但我係食得晒嘅👀入面嘅青菜，同埋雞粒都好多，麵條夠滑，湯底清清地，正！😍酸辣湯麵 $55👀同樣地又係超大碗😂食落去第一下嘅感覺有啲似碗仔翅🫣（加咗辣，之後感覺都唔係好辣，但係凍凍地有碗酸辣湯麵落下肚都幾正🫡😍上海醬鴨 $68👀唔想成日都係食雞，今次就試吓呢個醬鴨！每件鴨件都沾滿左甜甜嘅醬汁，係會不自覺地連皮都食晒🤣😍炸銀絲卷 $28/1條👀本身以為佢入邊係會有啲雜菜絲，點知原來同炸饅頭差唔多😂只不過入邊多咗一絲絲嘅口感，食落冇咁硬！😍桂花拉糕 $32👀呢個絕對有驚喜！本人好愛😋😋😋外表咁睇係平平無奇，但係入口其實佢係有少少糯米糍嘅口感，而且上面嘅桂花醬真係如虎添翼，好清甜又有少少鹹鹹地，點解可以咁好味？🥹🥹總括嚟講呢間CP值都幾高！價錢平，又夠飽肚，平時諗唔到食咩嚟呢度就啱😉✨

放工想食上海菜，又係食蟹季節，咁喺屋企附近食晚飯，一定入去試吓啦。菜館座位寬敞，好有空間感，藍色主調裝潢有復古牆身畫做配襯，環境簡約優雅。~~~~~~~~~~~~~~~~~~~~~~~~~~~~~~💫 自選涼菜五小碟 。醉香豬手。鎮江水晶肉。虎皮素鵝。美味海蜇。蒜香四季豆様樣都想試，呢個自選五小碟就啱晒眼寬肚窄既食貨，可以喺9様小菜揀其中最想試的5樣，份量剛剛好。 豬手外皮爽口彈牙，肉質軟腍，零油膩感，入口啖啖醉香，酒味甘香醇厚，馥郁芬芳。鎮江肴肉，瘦肉香酥、肥肉＂不膩、咸香嫩鮮。食時冰冰涼涼，入口脂肪化開，蘸以少許鎮江醋，可豐富其味道。💫 蟹粉小籠包落單好快就熱騰騰送上枱，完美協調的外皮，餡肉，湯汁，入口帶點蟹粉鮮味，夾時又不會痴皮，唔怕一夾易爛，讃👍💫 烏金蟹粉拌麵黑色墨魚麵上層係滿滿金黃色的人手拆既蟹粉，撈起嚟食，啖啖意粉都味道甘香鮮甜，好好味😋💫 貓山王榴連高力 即叫即做，圓球脹卜卜，外脆內軟, 質感蓬鬆，用貓山王做餡料，肉厚呈奶䊢狀，味道甘香濃郁，口感軟滑，榴連控必試👍👍

早幾日為家居佈置需要去買野，去左寶琳新都城商場購物行到攰中午時間又想食上海菜就去咗夏麵館佢地方都夠大，而座位坐得舒適讚下呢度員工，人手都充足而且又上菜快，點菜後不需要等太耐放心食物都是熱騰騰炸雞排擔擔麵擔擔麵的味道剛剛好炸雞排拉麵嘅份量非常大碗又份量多非常抵食花生醬汁湯底味道夠香濃麵同麵之間都吸收晒湯汁花雕醉雞 雞肉口感嫩滑，有好香花雕味酒味夠濃，每件雞件都好入味，幾醉香。雞肉都係瘦一的都唔肥，前菜食下食下真滋味超級入味，好有酒香紅油抄手柔嫩鮮美個汁甜甜好惹味皮薄而潤滑，餡料足夠飽肚蔥油餅 個皮好薄又脆真係好食，做到好鬆化完全唔會覺得油上海春卷  $28金黃色熱辣辣既嘅炸春卷即時來到枱，夠香脆入口唔太油膩入面饀料夠豐富夏麵館 (新都城中心)將軍澳貿業路8號新都城中心2期2樓2013號舖

Day off 帶著爸爸來新都城閒逛，順便吃個午飯，深知他愛吃蟹粉，最後決定都夏麵館開餐。Lunch time 午市自選套餐可以說是非常抵食，麵/飯/年糕配涼菜/點心及飲品，價錢都只是由HK$58起。蟹粉生煎小籠包小籠包入口有濃郁蟹香味，皮薄多湯，一口咬下會有“爆湯”效果，加上底部煎香後，入口食口感軟中帶脆，趁熱吃非常滋味。烏金蟹粉拌麵點菜時還不知道烏金是什麼，原來是墨魚汁手擀麵，口感有點像意粉，煙韌中帶點咬口，而麵上鋪上金黃色的蟹粉，聽店員說蟹粉用上江蘇大閘蟹，而是全都是手拆，而蟹粉入口綿密油潤，味精甘甜，感覺真材實料。嫩雞煨麵湯底是奶白色，入口有濃郁雞香味，味道剛剛好，不會過鹹，亦不會有重重油膩感，雞肉粒份量足，口感嫩滑，雞味突出，配上大量蔬菜粒，感覺非常健康。菜肉雲吞(3隻)雲吞大大隻，雲吞皮滑滑的，內裏薄餡極多，有肉香，配上紫菜及蛋絲，口感豐富。鮮肉小籠包(2隻)除了點了蟹粉煎小籠包，跟餐我還多點了鮮肉小籠包，同樣是皮薄餡多，內裏裝著滿滿鮮嫩肉汁，超讚。油菜 (+HK$16)菜心口感爽脆，不會過淋，亦不會有渣。豆沙鍋餅 - 半份 (+HK$14)豆沙鍋餅外層色澤金黃，入口香脆，

📌夏麵館 夏麵館主打傳統上海菜，一直鍾情佢地嘅黃魚煨麵🍜另外有砂鍋獅子頭麵、 排骨擔擔麵都係熱門菜式✴️自選涼菜五小碟可以在9款小食裡面自選5款 ，揀咗💁🏾‍♀️雞絲粉皮｜四喜烤夫｜糖醋小排｜虎皮素鵝｜涼拌小木耳雞絲粉皮醬汁落得充足，醬香味濃，配上煙韌粉皮好滋味✨四喜烤夫味道鹹中帶甜，烤夫特色係好索汁，食落好入味🥢虎皮素鵝炸得香脆，外皮脆卜卜內有冬菇、木耳絲等材料🫔糖醋小排帶黑醋香，同酸酸辣辣的木耳都係非常好嘅開胃菜✴️擔擔麵擔擔麵都係必食菜式，可以選配豬扒/雞扒或者單點✨上菜時見湯底灑滿芝麻賣相吸引，湯底同麻醬撈勻後更見濃郁，有花生香同淡淡花椒嘅麻香，亦有花生粒粒增加口感🍜麵條幼滑、掛湯，冷冷的冬天食一碗係滿足嘅✴️ 高力豆沙高力豆沙係經典嘅上海甜品，愛甜嘅我又點會錯過，剛剛炸起好軟熟，豆沙餡唔會太甜，食多件都唔會膩🤭服務方面，店員服務親切有禮貌，值得一讚🤍

抵食要叫午市自選套餐B瑤柱蛋白炒飯炒飯好正，飯粒乾爽粒粒分明，澆上瑤柱碎增添香味。上海春卷(2件）係啱啱炸出嚟嘅春卷，好多人驚熱氣，但我唔驚，咁先好食，太好味😋。熱豆漿，真係好熱，要慢慢飲，佢豆漿味好濃，健康嘅飲品。午市加配高力豆沙（2件)即叫即做，食入口好鬆軟入面嘅係紅豆餡，好好食。午市自選套餐B鮮蟹粉黃魚片麵，勁多蟹粉，黃魚片肉質係彈牙，要飲埋d湯，呢個真心好食🤤花雕醉雞（午餐）醉雞夠滑，花雕酒味濃，所以我飲埋佢，好正。酸梅湯（凍）💗而家推出左極品蟹粉宴$428兩位💓💓同老公黎撐枱腳先

小編係夏麵館嘅常客, 對上一次喺度食完大閘蟹之後意猶未盡, 所以今次專程過嚟食鮮蟹粉黃魚片麵😜 蟹返份量超多都滿曬成個麵碗嘅表面, 蟹肉挑得好 仔細唔會留下軟殼, 蟹膏多到呢🤤 金黃色香濃又鮮甜， 一邊寫一邊都流口水。涼菜方面小編次次都點佢嘅糖醋排骨， 同埋醉香豬手， 糖醋排骨嘅糖醋香味滲透入骨， 甜甜酸酸好開胃, 好食到要"選"骨頭🤪醉香豬手要煮得好食真考功夫， 呢款做到皮爽彈牙， 滿口花雕酒香， 補充充一下滿滿骨膠原❤️~~~~~~~~😋味道: 8.5/10📸賣相: 8/10🛋️環境：8.5/10💁‍♂️服務: 8/10💎性價比: 8/10💲人均：$150⏪回頭率：80%~~~~~📍夏麵館 (新都城中心)將軍澳貿業路8號新都城中心2期2樓2013號舖~~~~~

叫左外賣上海粗炒，，水煮魚， 擔擔麵，瑤柱蛋白炒飯， 先講上海粗炒，，冇乜味，好淡， 麵質好林，，唔彈牙，，水煮魚味道一般，，都有辣味，，不過桂花魚肉質麻麻地，唔夠滑，擔擔麵正常，冇乜驚喜，瑤柱蛋白炒飯最好食，不過下次唔會再叫呢間食，因為要200字先可以評價，所以我要繼續講，呢間野新開，裝修環境幾好，，，服務態度唔清楚，，因為我叫外賣！！！！！！！！！！！！！！！！！！！！！！！！！！！！！！

上菜慢，冷氣凍，令到餸菜好快就凍晒，員工唔多理人，但勝在抵食。五小碟在9種涼菜中揀5種我哋揀咗四喜烤夫，雞絲粉皮，虎皮素鵝，鎮江水晶肉，糖醋小排而糖醋小排可能因為冷氣勁，令到糖醋芡汁杰撻撻，凍冰冰，唔好食其他涼菜都不錯排骨擔擔麵排骨酥軟，肉質嫩滑蟹粉小籠包皮薄多汁，都多蟹粉，啖啖肉，但就要快食，驚凍咗就唔好食。豆沙鍋餅有好多豆沙餡，外皮炸到硬咗少少，唔算太甜，都OK嘅