夏麵館 (新都城中心二期)

營業中

休息中

二人餐$308酸辣湯非常足料，每一啖都食到有冬菇、肉絲、蛋花、木耳、豆腐。迎合返香港人嘅口味，酸味同辣味調配得啱啱好，酸酸辣辣好開胃四喜烤夫前菜揀左四喜烤夫，味道鹹中帶甜，配埋毛豆及木耳係一個非常好嘅開胃菜花雕醉雞醉雞非常嫩滑，每一啖都食到花雕嘅香氣，比起其他食店嘅醉雞，佢嘅花雕味道真係比較濃郁，鍾意醉香嘅朋友一定要試水煮牛肉一嚟到見到紅卜卜加埋芫荽點綴，顏色好靚已經好想食，牛肉好亂滑，辣味亦非常足夠，下邊嘅寬粉加埋辣油真係越食越想食瑤柱蛋白炒飯炒飯睇落去平平無奇，但每一啖都食到瑤柱鮮味，炒飯有加埋爆香左嘅薑仲有蛋白，食完成碟都唔油膩高力豆沙高力豆沙唔係咁容易揾到，要喺上海舖頭先至有機會食到，剛剛炸起好軟，豆沙唔會好甜，真係好想食多個蟹粉小籠包 $38(八五折)一咬落去湯汁流晒出嚟，加埋醋食帶出蟹粉嘅鮮甜味，兩件真係唔夠食

今日同朋友黎將軍澳睇戲，梗係食咗Lunch 先喇，周圍逛逛，唔知食乜好，行到夏麵館門口，睇吓個餐牌，d食物又幾好，幾吸引咁，ok就入去試吓喇！ 餐廳環境唔錯，我地坐卡位就更加舒適。仔細再睇吓個餐牌，我地揀咗小籠包、花鵰醉鷄、紅油抄手同埋三鮮湯年糕。 首先到嘅係醉鷄，聞到好香嘅酒味，雞嘅肉質唔錯，啱我口味😋；跟住紅油抄手，上面舖滿蒜粒同蔥花，望落好開胃，但加多少少辣就更好；小籠包一般般喇，但裡面多汁嘅；到三鮮湯年糕，湯底係奶白色嘅高湯，加埋三鮮清清地，最後都可以食曬。價錢都合理，下次有機會再試吓其他嘢！👍

寶琳新都城中心嘅連鎖餐廳 - 夏麵館本來入去係因為突然好想食擔擔面，結果水煮魚味道更有驚喜！ᵔ◡ᵔ♨︎ 水煮魚上菜時真係哇一聲‼️ 超級大碗呀～裏面嘅魚份量亦都好多，食極都仲有(•̀ᴗ• ) ̑̑味道夠麻，辣，香，忍唔住叫咗個白飯，送飯一流價錢比外面既水煮魚對比，呢度既性價比超高♨︎ 排骨擔擔麵排骨煎炸得夠鬆脆香口，但擔擔面湯底就有少少失望喇ᵕ᷄≀ ̠ᵕ᷅湯比較水，唔夠濃稠，花生香亦都唔夠。而麵質係唔錯的～

🧑🏻母親大人生日就快到！佢話想食上海野，就去夏麵館食晚餐，揀咗一個二人套餐$308，幾多款式，幾抵食！🤓湯羹：酸辣湯酸辣度適中，三鮮豆腐羹味道清淡。👍🏻涼菜：🐔雞絲粉皮，口感爽滑，涼拌🍆茄子，幾淋幾入味。👍🏻小菜：水煮牛🐮，叫咗少辣🌶，食落都幾辣，配菜有粉皮、芽菜。👍🏻🍚飯、🍜麵、年糕：揀咗擔擔麵，湯底好香，口感彈牙。👍🏻甜品：高力豆沙，豆沙香甜。👍🏻另外仲叫咗蟹粉小籠生煎包，皮薄餡靚。見到貓山王榴蓮鍋餅好想食，但已經食唔落，期待下次食到！🥰

見呢度新開又冇咩人等位就試吓啦！🍜酸辣湯麵 酸辣湯比較辣，湯汁杰撻撻😕😕，因為結得滯食唔晒🥲🍜唐芹水餃麵麵份量幾多，麵條幾有咬口，唐芹水餃餃子皮略厚，餡肉都OK嘅，不過唐芹就比較少，如果個皮薄啲應該會幾好食😜鮮肉鍋貼🥢呢個我諗最好食鮮肉肉質OK👍豆沙鍋餅🙂窩餅淋咗，豆沙餡OK—————————————————————服務就爭啲，成日個場好似冇人咁🥲😔想搵個人落單📝要嗌好耐😖

上星期與朋友經過寶琳新都城「夏麵館」，👀餐牌上“下午茶”嘅款式都頗吸引，所以取票等了大約5分鐘，便入坐試下 😁座位都幾寬敞乾淨，我哋點了👇🏻幾款下午茶：“嫩雞煨麵”($42)～湯味清甜兼頗多菜及嫩雞粒，麵質滑滑👍🏻😋“瑤柱蛋白炒飯”($52)～炒飯拿捏得唔錯，唔油唔硬好乾爽，加埋啲蛋白瑤柱香👍🏻😋“老上海炒麵”($50)～味道一般，不過不失啦！😊“菜肉餛飩麵”($40)～湯略清淡、餛飩皮略厚，麵就👌🏻，一般啦！😊跟餐還加配了一客鮮肉小籠包(唔記得影)及半客“豆沙鍋餅”($32)～小籠包細細個一口一啖，皮比較厚；豆沙鍋餅頗鬆脆，但油咗dd。🤔跟餐任選👆🏻飲品～凍/熱 豆漿、酸梅湯，味道唔錯！😉👆🏻每款份量都比我想像多，唔似下午茶，似午餐多啲。總括而言，連加一服務費都係二百幾元埋單，食物質素👌🏻之餘又令我哋食到好飽，連晚餐都慳番，都係唔錯選擇嘅「下午茶」啊！😅😘

有次睇完電影同媽咪嚟咗呢度食飯，午市套餐真係有好多選擇，而且有好多嘢食！🥢涼菜/點心+麵/飯/年糕+飲品 $56-68🍆涼拌茄子+鮮肉小籠包茄子明明係一人份量，但都有好多條，堆砌到成個小山丘咁！兩隻小籠包都充滿肉汁，味道唔錯👍🏻🍜排骨擔擔麵 $70 + 烏金蟹粉拌麵 $82兩碗麵都勁大份，擔擔麵條係我喜歡嘅爽彈質地，排骨好香脆，又唔會太乾太硬。蟹粉拌麵嘅蟹粉份量都好多，食落都好新鮮好香😋🥤西洋菜蜜唔使加錢嘅話，就可以選擇豆漿/西洋菜蜜/酸梅湯。西洋菜蜜味道都唔會太甜，但除咗呢款飲品之外，本身仲有茶飲，所以有好多嘢飲🤣❤️高力豆沙 +$18本身想食榴槤高力豆沙，點知無貨，唔緊要啦，呢個原味都充滿蛋白香嘅😊

成日行過都見呢間好多人排隊所以都想試吓蟹粉小籠包超好食😋湯汁鮮甜唔係好食到鴨嘅味道不過啲醬汁好入味 味道好濃郁擔擔面幾好味 啲麵好彈牙湯底都幾OK 不過就有啲偏辣蟹粉同麵麵冇咩味 麵質都冇口感冇咩特別 麻麻哋

我昨晚叫外賣食，感覺唔份量小，例如獅子頭，只得一舊豬肉，口水雞得幾件，鱔絲得一執仔，我以為這幾個小菜是小食，現在睇返價錢，感覺唔抵！但落單的職員，樓面的職員也好有善！食物味道一般，銀絲卷唔鬆軟

自從上海婆婆撤離左新都城之後，我就好耐無食過上海菜🥲但最近終於有新嘅上海菜進駐，仲係上海婆婆嘅原址👏🏻新店裝修充斥住懷舊同現代嘅元素，比較多卡位。自選涼菜五小碟🧊有9款任你揀，今次就揀左涼拌木耳，四喜烤夫，素鵝，醉豬手同水晶肉。素鵝外皮脆過薯片，而醉豬手都幾重酒味😚奶油津白🥬醬汁相當creamy，但啲菜就好散同埋得翻啲莖，所以口感好一般蔥油拌麵🍜啲麵一來到已經係一坨坨，痴住曬。蝦米同蔥好多但汁醬比較少亦比較淡，小失望🥲炒鱔糊配淮山麵🍜原本係配普通拉麵，不過見可以加少少錢轉淮山麵就試下，口感似粗啲嘅米粉🤷🏻‍♀️

地址－夏麵館 Xia Mian Guan (將軍澳)將軍澳貿業路8號新都城中心2期2樓2013號舖💋雞絲粉皮，溫度可以接受，相比其他的店舖好似已經可以叫冰凍的了，麻醬質素頗佳，濃稠度都唔錯，味道都幾濃下，應該唔係用花生醬代替，粉皮份量就稍為少，我地一行5人都唔太夠分，整體黎講值得一試。💋烏金蟹粉拌麵，份量黎講唔都係唔算大，蟹粉味道唔夠出，偏淡，如果調整一下比例應該較佳，麵質口感麻麻地，有點過硬，整體黎講同想像中的味道出入都頗大，可以忽略不試亦無損失。💋酸辣湯麵，份量以全晚黎講算係頭二名，麵質唔錯，但今次就相反，應該煮耐左，D麵變成一餅野，要花心機去分開佢地至可以夾比自己，酸辣湯方面，如果分開裝會更好，佢味道唔錯，配料都幾多下，酸辣度都適中，只係份量偏少。💋紅油抄手，佢應該有改過製法，同我係上海時食的味道唔太似，但改得黎幾好，佢應該有用蒜蓉鋪面，夾埋一齊食感覺和諧，如果佢辣D會更佳。💋奶油津白，佢湯底味道似用金X忌廉湯開成，好似唔太好，湯底有點太杰，我最愛的菜菜比得都偏少，點夠我健康孩子所要求呢 ?? 但佢有少少火腿絲鋪係面都做到畫龍點睛的效果，唔錯。💋小籠包，黎食上海野，唔食小籠包好似

夏麵館係我中學既時候已經好中意食，有一段時間好多分店都執左，小左好多機會食🥲最近發現竟然開左係將軍澳新都城，咁岩去開就順便去食埋🤗星期六晏晝12點已經去到，仲未要排隊，但到12點半已經滿座，兼且要排隊🙃好彩黎得早😁今次黎到就冇Lunch set，唔知平日會唔會有🤓每位收取茶錢$4，都好經濟😝/🥚夏味燻蛋（$14/隻）燻蛋係冷盤，望落個賣相唔太吸引🧐但食落有驚喜，好入味之餘仲好重煙燻味👍好食!😋🍖糖醋小排（$55）排骨好軟林好入味，肉質一啲都唔韌🤗酸酸甜甜好開胃👍🍜上海擔擔麵（$46）擔擔麵係我每次必叫既最愛😍麵質有口感唔會太林😉湯底好香，有小小花椒辣味，但一啲都唔辣😋而且冇乜味精，食完唔會覺得好口渴貓山王榴槤鍋餅（$38/半份）榴槤鍋餅煎得好脆，一上枱已經聞到貓山王既香味🤭中間餡料好多，可惜邊邊位冇乜，有啲失色/😋食物質素：7.5/10🍽️用餐環境：8/10💰性價比：7.5/10👣回頭率：8/10

首先，要讚賞既係門口安排入座既Staff好Nice，有禮貌。但係，喱個先係引你入地獄既開始🌚🌚填完想食啲咩，等左20分鐘就上其中一樣餸，然後其他野等左30分鐘先有，我同朋友各叫一樣麵/飯，再加啲小食。我個麵就30分鐘後到左，個麵賣相真係一般，食落麻麻地，但係可以接受既，一餐半餐清淡就由佢🙄🙄🙄其他野係我食碗麵既途中陸續上菜，但係唯獨是朋友叫既麻婆豆腐加一碗白飯仲未到，於是，我就問Staff A請佢幫我跟一跟，因為真係等咗好耐，加上我碗麵都食咗三份二， 其他嘢都到左！Staff A表示每一台客都係會有咁樣嘅要求，要等一等！我都明白既，因為當刻真係其他客都講緊同一個問題，我隔離枱既客就話等埋單等左15分鐘，但係叫左又無人理，你哋無權困我哋係到！但係啲Staff 全部係前埸，無人係我地喱邊🌚🌚🌚🌚 然後，我食完碗麵就問朋友要唔要轉埸，朋友話等一唓，因為佢好期待想食喱到既飯，但係已經等了45分鐘，所以，我就問Staff B，究竟想點樣？全部野都到咗，我催完你哋又未到，咁即係點？Staff B去幫我check單，反黎話無落到單🥸🥸🥸🥸🥸🥸🥸🥸真係火都黎，你哋俾人用筆畫野但係你哋無double c

呢間係新都城開咗無幾耐，路過眼見餐廳環境唔錯，就一心去試吓。鎮江水晶肉呢個麻麻，老字號飯店更出色蟹粉炒飯都係普通一碟炒飯加啲所謂蟹粉，蟹粉另外上，炒飯飯粒好硬，小朋友唔鍾意食。蟹粉拌麵呢個都係蟹粉另外上，食唔出蟹粉，配上麵我覺得唔太夾，麻醬/蔥油拌麵應該仲好食砂鍋雲吞雞呢個推介，個濃配上金華火腿，味道濃郁，雞肉都唔錯，雲吞不過不失，連埋湯一齊食正啊醬油鱔糊尚算可以，鱔肉味道都算多，配埋白飯食仲好😋老上海炒麵一般都叫上海粗炒，這裡叫炒麵，味道一般。鮮肉小籠包皮有少少厚，鮮肉同湯汁唔多。炸銀絲卷我鍾意食面頭塊皮脆脆地，但呢度塊皮唔脆，皮同包一夾就散豆沙鍋餅呢個做得麻麻地，皮做得唔好，豆沙餡都冇乜高力豆沙完全失敗，豆沙餡少得可憐了，完全食唔到豆沙。擂沙湯丸普普通通總結：價錢來講算合理，但味道就一般。

長輩突然約今日午餐，貪方便又可以試吓新店子，就揀咗呢度。 其實知道夏麵館有幾間分店，但未機會試過，今日要見識吓啦。呢個地方原址都係上海食肆，現在換個招牌，換個裝修又變咗另一間新店啦⋯⋯三個人，lunch time 等咗十零廿分鐘都ok 啦。嫩雞煨麵、雪菜肉絲淮山麵，從外面看，意想不到碗好深及闊，除咗有好多高湯外，麵嘅分量都頗大，就算係大男人都好難KO 一碗，所以要大家 share 食，開心D，仲可以食吓其他嘢。上海麵及淮山麵都好爽口，彈牙。湯底一般，好彩唔算太鹹，食後有點口渴。嫩雞肉切粒，大細適中 ，但相對小棠菜就切得大粒咗。肉絲切粗條，失去口感，雪菜味道適中配上啖啖淮山麵入口👌🏼素菜包，裡面D菜餡偏乾而味道亦偏淡，最後食嗰一個由於放得久了，所以要一邊食一邊飲茶。金湯黃魚餃金湯意思係咩？ 飲到魚湯味道，見得到及食得到魚肉。但一定要熱飲同熱食，放得耐咗有少少腥味，餃子亦都好大隻。蒜泥白肉豬肉片每塊都厚薄均一，亦焯得恰好，肉質彈牙，豬皮有咬口，加上醬汁好味道，但如果可以加多少少辣就更加好，好，好啦。唐芹鮮肉水餃餃子皮略厚，肉質ok 但相對唐芹分量少了，平衡番啲比例應該會香口D，好味D。食