夏麵館 (新都城中心二期)

營業中

休息中

同屋企人食飯, 發現夏麵館嘅四人餐幾抵食，$588，有湯羹、兩款前菜、兩款小菜、一款蔬菜, 一款飯/麵/年糕, 小籠包/生煎包&甜品-湯羹- 宋嫂魚羹幾好食湯帶微酸, 幾足料, 筍絲同魚塊都不少, 每人有一碗😋-前菜-美味海蜇海蜤嘅麻油味唔夠， 只有顏色上色😂雖然海蜤口感爽脆，但份量唔多，因為有一半係底層嘅青瓜, 我就覺得佢唔係好美味啦😂鎮江水晶肉通常我都會叫呢個菜，因為好開胃，食完一舊又一舊😆呢個都做得幾好, 口感滑嫩! 小籠包(四隻)熱辣辣，皮厚咗少少但多汁👍🏻湯汁都有鮮甜肉味!-小菜-菜心獅子頭口感軟綿, 入口即化, 味道有啲似午餐肉, 吸收咗汁料的精華, 好味😋黃金蝦球鹹蛋黃蓉黏著每一粒蝦球，入口有濃郁的鹹蛋香味，雖然外皮炸得唔算好脆, 但蝦肉肉質爽口彈牙!-蔬菜-乾扁四季豆都唔錯👍🏻豆炒得翠綠, 成個餸好惹味!-飯-老上海炒飯飯炒得幾香，粒粒分明, 其實係欖菜、蝦仁、蛋炒飯，但又唔會鹹喎👍🏻-甜品-豆沙鍋餅皮炸得幾脆，紅豆沙薄薄一層, 唔算好甜!食完飽到不得了🙈四個人都算好多份量😋

本來一心諗住一家人，一齊食個下午茶，點知原來夏麵館1:45先可以入座食，我同老公諗住入去坐一陣間就可以叫下午茶啦，點知我哋入座只係1:42，本來下午茶係唔使茶錢既，都要收茶錢，都不特只，有位高級啲嘅員工就同我地講話佢地公司要1:45入座先唔使茶錢同叫下午茶，仲好似，好皇恩浩蕩咁比我地食佢公司嘅下午茶咁，話今次就比你叫啦，下次就唔得，如果係咁我地入去果陣你地就應該同我哋講叫我哋等一陣，我哋根本就唔知道，如果知道就唔爭在等果3分鐘啦，仲要佢比說話我聽，真係食到一肚氣，茶錢照比冇問題，但態度真係好差囉，如果一早講我可以去第二間食

夏麵館又到午餐時間，被門口張榴槤鍋餅圖吸引住，就好想試吓。今次叫咗2個午市套餐，每個套餐包一份主食，一份涼菜/點心，一杯飲品。另外加咗$28蚊要埋半份榴槤鍋餅。-------------------------烏金蟹粉拌麵 $82麵條係黑色嘅，唔怪得叫烏金。但食落又冇特別嘅味道，同普通麵條差唔多。蟹粉鋪滿喺麵條上面，每啖麵都食到香濃嘅蟹粉 涼拌茄子茄子醃得好入味，唔會過淋面頭嘅燒汁醬都好惹味鮮蟹粉黃魚片麵 $88哩隻蟹粉同烏金蟹粉拌麵嘅係一樣，但哩款以湯麵形式上菜，蟹粉溶曬落清湯，令味道淡咗同少咗咁，蟹粉味唔夠突出。但魚片非常鮮甜滑溜，又冇骨，哩個有驚喜，好好食 👍👍👍鮮肉小籠包 肉餡鮮甜美味，湯汁香甜但小籠包皮略嫌厚咗少少貓山王榴槤鍋餅 +$28榴槤肉用咗貓山王整成，餡料係滿滿嘅香甜軟滑嘅榴槤肉，齒頰留香但可惜，鍋餅皮煎得唔夠脆，鍋餅皮厚咗啲，有啲失望-------------------------夏麵館地址🎈將軍澳貿業路8號新都城中心2期2樓2013號舖

終於有時間剪頭髮，興奮🥰！之後就在附近食下午茶，今次食夏麵館！好耐之前食過，印象中是好味的😋。老公叫了豬扒擔擔麵+小籠包。豬扒好juicy，唔乾👍🏼湯底幾濃郁，好味，當然可以更濃稠就更好！！小籠包皮薄多汁，趁熱食要小心燙口！！我點了酸辣餛飩麵(加少少錢轉了淮山麵💕)+春卷。酸辣湯好夠味，辣但不會過分辣，酸味和辣味夾得好好👍🏼餛飩比較厚皮，不過我主要想要酸辣湯麵，所以都可以。春卷上枱仍然熱同脆，讚👍🏼

秋季有大閘蟹，視為年度盛事，特登訂購到家中，開心地大吃一頓。夏季有黄油蟹，更是產量少的極品。今天的生產科技十分高明，而冷凍技術也很完美，其實全年都可以食到甘香可口的 ‘’蟹黃/蟹膏/蟹粉‘’ 了《 夏麵館 》推出的”夏日蟹粉宴‘’就在一次用餐，食到幾款特色蟹粉出品了。涼菜五小碟：淺嚐五種小食，當中的素鵝仍有少少熱，幾脆口。糖醋小排涼得嚟不會冷冰冰和雪柜味酸辣湯和三鮮豆腐羹哆唻咪：有故事的菜式，光顧時才細閱吧。食落似蟹粉蝦仁。烏金蟹粉拌麵：蟹粉好味份量足，更可混入哆唻咪，加强蟹的口感火腿津白：鹹味强配合清淡的天作之合。高力豆沙：小心，豆沙的熱力熱豆漿和凍酸梅湯溫馨提示：仍有蟹粉小籠包的，但心急食咗，忘記影相做記錄呀！

2022年5月18日晚用膳 點了幾道菜 還點了 金牌菜肉炒飯 外賣 其實晚膳途中員工已錯誤傳上我們沒有點的高力豆沙 起初還以為送的甜品 一問之下原來這應是隔離枱的 員工才返轉頭拎返過隔離枱 至及後我們叫起那金牌菜肉炒飯的外賣 但等了很久 廚房亦已收爐 去追問員工時 才發現原來炒飯一早已出來 不過係送錯隔離枱 而隔離枱都走了 員工唯有叫已收爐的廚房再炒一碟 當然 這樣的環境下 大家可想像碟炒飯有幾求其 所謂金牌菜肉炒飯 只有幾粒肉和幾粒菜 極之搵笨 員工連101號枱同102號枱都唔識分 明明已經有號碼貼在枱上

剛剛買完餸，路經夏麵館係上海菜。menu有榴槤鍋餅，未試過，其他上海菜多數都係豆沙鍋餅，便入去試下一個set lunch。環境乾淨企理，疫情下冇乜食客，只有四、五台食客。鍋貼兩隻： 大隻多肉，皮脆內熱，肉質 juicy 。上海粗炒：餸有、白菜、冬菇切片，少許嘅肉絲和竹筍𢇁，大碟，味道唔鹹，味道都OK嘅。榴槤鍋餅（半分）：一上枱，儂烈嘅榴槤味已經撲鼻，一口咬落去榴槤餡流心出嚟，個皮金黃色好鬆脆，甜度恰到好處，夠熱，榴槤餡都好多。喜愛食榴槤甜品嘅朋友，就一定要試下。還有一杯熱豆漿，甜度適中。啱我哋呢啲，唔like超甜嘅人。兩個人食一個set lunch已經好滿足。

有啲想食上海菜，反正好耐未食過夏麵館。所以就走過嚟食個tea……茶餐唔算貴，仲要份量都好多喎！排骨擔擔麵排骨炸到脆身又好食，唔會好un乾柴。擔擔麵個碗真係好大。原來啲麵都好多！真係好大好大碗，完全唔似茶餐份量。個麵身好q彈，無剪麵，麵條好長，好正好食。湯底唔會太過濃同油，我覺得唔夠麻香味。酸辣湯麵一樣好大碗😂酸辣湯好足料。平時淨點一份酸辣湯都幾十蚊啦，而家仲有麵，抵食！又係食到好飽。。小籠包茶餐加20蚊有4件，抵！熱辣辣又有湯汁，只係嫌個小籠包個摺位太厚同硬。但肉質鮮嫩有肉汁，好食的！生煎包又係即點即煎，煎到金黃色食，唔會太油。不過個包皮太厚，肉餡相對就偏小。食完真係好飽好飽。因為全部都係飽肚嘅食物呢度坐卡位的話就好舒服。但其他二人枱加左隔板就顯得好迫啦。。

夏麵館最近推出左全新蟹黃系列，其中幾道菜式非常吸引我，所以今日去咗寶琳分店。餐廳面積頗大，裝潢比一般中菜餐廳時尚簡約。- 蟹粉生煎小籠包估唔到生煎包同小籠包可以合二為一👍🏻，底部煎得香脆金黃，餡料混入蟹肉蟹膏，肉汁豐富兼更加鮮甜😍- 蟹粉豆腐煲🍲砂煲入面有大量既蟹肉蟹粉同蟹黃，味道鮮甜無比🥰，另外豆腐非常滑溜，而且有薑絲辟走腥味。呢個蟹粉豆腐煲送菜飯一流，食完一碗又一碗🤩- 桂花紅燒肉紅燒肉非常香甜，肥瘦比較均勻，餐廳加左少少桂花作點綴，但桂花味道已經好突出，可謂色香味俱全😋- 黃金蝦球🍤蝦球非常大隻，肉質彈牙，外層完全被鹹蛋黃蓉包住，入口充滿鹹香味道，而且唔算太膩👍🏻兩款蟹黃系列嘅菜式包括蟹粉生煎小籠包同蟹粉豆腐煲都好正😝，期待下次嚟再試其他蟹黃菜式。

各位觀眾，又到咗肚餓既時候了！係新都城去咗間叫夏麵館既坐底。點解會揀佢？因為聽說佢啲蟹粉好正。(你睇吓下邊就知有幾正😋)蟹粉小籠包: 食小籠包我最怕個皮好厚，皮薄多汁，入面咬落啖啖肉，蟹粉都有係肉入面，所以好有蟹粉嘅味道。yummy yummy. 蟹粉炒飯:炒飯炒飯粒粒好乾身，蟹粉同炒飯係分開上嘅，自己鍾意幾多落幾多蟹粉就落幾多。唔係好似出邊得嗰幾粒蟹粉就叫蟹粉炒飯。其實個蟹粉自己都可以成為一個湯。應該都幾好味。蟹粉豆腐煲:豆腐煲一咬落去好有豆香味，咬去好像jelly咁，好smooth，第二啖就食到一條條嘅蟹肉。again 人哋真係有蟹粉㗎。百頁小棠菜苗:百頁其實係豆腐乾，配上正菜(同我 😉)，嫩口。Just want to say Thankyou to my friend 奶皇包 who took these pictures! You are amazing! 有人想去享受美食既，自己去預訂啦，呀姐我吳係係個到做嫁😂所以唔好叫我幫你訂位。 BTW 將軍澳啲Staff幾nice. Good job everyone!

🍜Xia mian guanCold dishes (a selection of 5):5️⃣We chose beans, pork knuckle, baked bran, chicken strips with green bean noodles, and sweet vinegar ribs. My favourite was the ribs, it was sweet yet had a strong vinegar taste. The beans were fried with garlic which makes it appetising. 🐟We ordered a fish and a 🐷pork dish. The fish was very meaty, smooth and appetising with the sweet and sour sauce. The pork didn’t have much sauce but what caught my attention was the dried plum taste. It made it uni

早上第一張單的等候時間已經極耐，由落單到完成要一小時，問waiter不會理你，你投訴也只會講好快有，要說取消先會同你入廚房催。早上剛剛開店，又不是煩忙時段，也需要等那麼久，真的難以想像。

之前經過將軍澳新都城，去到夏麵館簡簡單單食午餐，店舖坐位都幾舒適，可能是下午，所以不算多人。首先食個小吃，花雕醉雞，陣陣花雕酒香，雞肉質嫩可口，味道不錯。三鮮湯年糕，內有雞絲，肉絲，火腿絲及津白菜煮年糕，湯底清甜，年糕煙煙韌，清清地，不油膩，味道很好。上海菜必食小籠包，皮厚薄適中，內裡仍保持肉汁，啖啖清甜好味。紅油炒手，餃子皮薄，上面加少少蔥菜及蔥花，令味道更好味，加有少許辣椒油，少少辣，味道不錯。

行過新都城2樓見開咗間#夏麵館，是之前一直想食嘅餐廳之一，故就約定家人黎開餐啦😙。 酸辣湯， 可選一人前，又幾好喎，因我家人並不喜歡酸的飲品，故我可以叫一碗來自己都飲得晒啊😘。比起小籠包，我更鐘意食鍋貼，餡料的豬肉有肉汁，喜歡佢個餃底煎炸得金黃色，而且脆口不油膩， 樟茶鴨半隻配蝴蝶餅，皮薄香脆，鴨肉味香濃，咸度剛剛好，肉汁豐富。 炒鱔糊配淮山麵🍜，鱔糊炒得香滑濃郁，見佢加$5便可轉淮山麵，感覺更健康。 
家人則清清地叫左個雪菜肉絲麵，麵的質感唔會太淋，佢說唔覺有味精，因食完回家都冇好口渴感😌。

一直以來見到呢間舖頭都好想去試吓，見到佢哋有蟹粉小籠包，勁吸引🤣早兩日終於同朋友去一探究竟，左揀右揀決定叫個二人餐，又有小菜又有主食甜品同湯，再叫多個蟹粉系列嘅嘢仲有折，真係抵到爛其實全部食物都冇咩好挑剔，份量又夠大份，食多兩個人飽到捧住個肚走，全部野都係味道適宜，但係我略嫌小籠包唔係真係好夠蟹粉味，不過呢個價錢來講都已經好收貨啦未行入嚟之前以為呢間野好貴，但係買單果下發現原來都幾抵食🤤一於下次帶埋屋企長輩過嚟