大利清湯腩 (已結業)

明星效應唔可信😩，怪不得無人排隊😰，中伏了❗️原本想去隔離「華姐」，但無時間排長龍等位，心諗大利有明星效應，品質應該唔會差太遠。今次真係受了教訓，以後寧願捱餓都唔要苦了肚皮。牛腩牛筋清湯腩河粉$57配料同湯頭都好足夠，但味道同品質差得很👎👎。牛腩無香味，肉質又柴又實，切得好大件，好難咬開，食咗一啖之後，我不其然望一望食緊嘅係牛腩定是煲完湯嘅豬肉😰，真係名不副實。牛筋偏腍，沒有太大口感。湯頭味道亦好淡🙈，唯一可取係河粉夠幼滑。芥蘭翠綠新鮮，但煮得太腍。老闆娘好有禮貌，但樓面亞姐就不停用各種方法催促人走，包括好大聲同等位嘅人講邊張枱食完就走。正當我同朋友夾錢埋單時，亞姐企嚟我哋中間，不停問係唔係食完，我真係忍唔住同佢講：「我地走啦！你一陣先執枱啦！」😡😡😡永別啦！

天后地鐵站隔離有兩間清湯腩，一間叫華姐，一間叫大利，唔同嘅朋友都話兩間唔係爭好遠，不過大利好食少少，同埋有啲特別野，所以約我去食嘅時候都係去大利。平時食清湯腩，就梗係清湯加牛腩啦。但係大利清湯腩有個招牌菜，就係咖喱牛腩撈麵。咖喱香濃，唔會得個死啦，牛腩煮得夠淋又入味，配撈麵食啱啱好，我連個菜都點埋咖喱汁。最得意嘅嘢就係咖喱本身係橙黃色，如果任何麵條掂到個咖喱汁，佢會慢慢變色，有橙黃變做深紅。我相信係有啲化學原理，但係我唔知係乜，如果有人知道歡迎話俾我聽，我都真係好想知。仲要介紹一下嘅就係配撈麵嘅清湯，雖然我都覺得有少少味精，但係基本上都好好飲，一啖撈麵一啖湯確實暢快。

野好食，老闆娘態度好，滾面阿叔Service好，見我唔夠咖喱醬主動比一碗我，但係門面打工阿姐(冇禮貌)，我講話唔該（意思即係叫佢落單啦）佢就話講啦，但係老闆娘係態度好嘅，但係嗰陣時根本就唔忙，我覺得嘢食好老闆好，員工唔好就要炒，加上而家市道唔好，唔好留一啲衰嘅員工喺度

疫情由昨日開始小型爆發，今日放工後去食晚飯，食完先見到洗碗姐姐冇戴口罩洗食具，亦見到廚師冇戴口罩係廚房切牛腩。不想講食物質素，如果唔顧及食客衛生，食物幾好都冇用。以後一定唔會再去

第一，牛腩質素只係好一般，好多地方都有呢個質素，唔需要花50蚊食碗牛腩米。第二，碗牛腩米有飛蟲，講咗聲去換，換咗返嚟碗牛腩size 細得嚟仲要濕濕碎，反映後師傅梗係唔認啦！第三，食牛腩面就不如加多13蚊食牛腩飯，起碼飽肚。第四，疫情期間，間舖完全無量探熱，唔覺得有保障。無質素，無服務，名店？無回頭兼幫你update吓2020新食評啦PS 呢間入咗大眾點評，睇嚟都係做遊客生意，所以都唔志在回頭客希望佢快d捱唔住啦送你一對翼嘅牛腩米

今日突然之間好想食清湯牛腩.....本來想去上環九記但係又太遠，仲要比次機會天后嘅大利清湯腩。點咗一份蘿蔔⋯⋯正正常常半肥腩伊面，有一半係半年肥腩，另外嗰半年係瘦腩半肥腩河粉，有三分之一係半肥腩，三分之二係瘦腩。湯底覺得冇乜味，我加咗豉油同埋辣椒油先至勉強食得落。應該唔會再嚟第二次

純粹路過 天后站一出便看見兩間並排的店舖，大家掛著同一款菜式 - 清湯腩的招牌， 噢 很多明星照片張貼，以此做招徠， 那就選這間試一下吧牛筋麵 ~. 麵很爽口 不太多鹼水味道，加入醋和棘椒油，更加開胃。 主角牛筋份量足 (相對價格比一般麵店較高的），炆得軟腍， 又不會過了火喉， 不錯之選 再叫了豆漿，增加大豆異黃酮，又可去一下口的膩感， 有豆香，合格

今日又來到鰂魚涌做嘢 你都已經想食好耐嘅大利清湯腩試吓先😝😝😝😝😝呢間鋪頭開喺民居 比起其他鋪頭小人排隊我哋排咗一陣就可以入啦👍🏻👍🏻👍🏻👍🏻一場嚟到梗係試吓佢嘅名物啦 我揀咗清湯牛腩撈麵😍😍😍價錢要$60 小小貴試吓佢嘅味道先 牛腩入口即溶濃濃嘅牛香係口腔散發出嚟😍😍好味呀 依家講起都流口水 面底左要幼面 係最經典嘅配搭配埋腩汁 撈埋一齊食 簡直係人生一大樂事😝😝😝 唔使排隊我一定會再嚟😍

與家人行到天后港鐡站附近, 下着毛毛雨, 我又沒帶雨傘。 想着不如先找個地方坐一會, 等雨停的時候再走吧。 見有兩間不同店名的店舖並排在一起, 但隔壁店舖門外已站着等候人群, 不想等待, 我們就走進此店。內裏環境是傳統的粉麵店舖, 清潔情況一般。 店員大多是中年人士。見其寫着「馳名清湯牛腩」, 我們就試一試吧。 因只為一時避雨, 便只㸃了兩碗粉麵。 牛腩河 : 先嘗一口湯, 是清湯底, 不太油膩, 但不夠香。 牛腩也不太肥膩, 算腍。 河粉一般。 整體味道偏淡。 牛腩麵 : 麵質不夠爽滑。傳統的手寫單據

多數阿魚入維園行年宵前，都會去大利清湯腩食碟牛腩飯先.一來就腳，二來大利的清湯腩不錯（利申：未食過華姐，下次會試！）.✅清湯腩飯（$60）.肥瘦分明的牛腩！一定要唔怕肥先可以食到😂牛腩非常淋身，一咬即開！肥肉加腩汁撈飯一流！可以送幾碗飯！牛腩份量都幾多，大約8至9舊.另外，重有碗清湯比食客去下膩！好貼心！.店舖的伙計都好貼心！見到阿魚話咁快食哂啲飯，就問洗唔洗幫我加飯😍. 🐟📝：7.5/10

大大話話我食大利爽腩河都有十年八年，當然有時會失水準，但好少重覆發生，我成日會比三次機會同一間舖頭，除非它連續三次都難食，甘我就會放棄先上魚皮，但沒有跟碗湯比我浸，吾夠細心，我當然知佢諗住我用翻碗湯河個湯浸，但佢無諗過，魚皮上先我心急食，都等左一陣先上碗面我既爽腩河，湯底清甜係咪好想食呢，keep住一貫水準里碗蘿蔔好甜，無根但好重薑味，個姐姐知我鐘意食見好味，自動给我一份，里D咪细心，人情味，甘多年一坐低就知你食什麼，最多問你一句轉吾轉，定照舊，里D咪窩心囉係里D開年十幾廿年既舖頭先會發生

天后清風街個邊一路都有好多好野食，今次就試下電器道既大利清湯腩。佢同另一間清湯腩痴住一齊開，好多遊客都會特登黎食其中一間。作為香港人既我一間都未試過，所以想揀一間試下。見大利鋪門口貼左好多明星幫襯既相，今次就試下大利先喇！入到去就緊係嗌佢既招牌清湯腩河喇，抬頭一望大大隻字寫住唔飲湯是您的損失！講到咁 令我對佢既湯底更為期待！黎到即刻飲啖湯先，但係.. 咦....有咩特別..？湯底有啲淡，冇驚喜既感覺..只係覺得唔太重味精。再試下牛腩 唔會柴，河粉亦都夠滑，整體合格。只怪我本身對佢期望太高了吧⋯

一心想食華姐，去左呢間，點左最貴清湯腩，心想可以標得這價格，應該不差⋯但世上很多人混水摸魚的，明明不夠斤量，卻裝很勁！完全物非所值⋯1）牛腩太韌沒咬口，失敗2）湯太凍，失敗3）沒牛味，失敗中失敗永遠不會有第二次！

平時少花時間 寫食評，今午飯感到有點中伏就寫來發洩一下：下午时分2:15pm，來到此在天后的「大利清湯腩」（位於華姐清湯腩隔壁，兩間打對台不知什麼關係）店本來什麼期望，樓面冷清，服務員以老大媽為主，店內有電視看。午飯為趕上班所以點了碗牛腩麵速食。碗麺一到桌面上已心感不妥，只見熱湯裡的牛腩爛到像被人咬過似的（見圖）。。。 算了，可能係廚師刻意的煮法技巧。牛腩超硬像吃樹皮，外觀似被咬過翻用，入口完全沒有一塊是咬到，而且毫無鮮味，令人懷疑是否翻用！！由于一塊都食唔到，只能把麵吃完，牛腩放一邊希望讓掌廚位大叔知道自己的出品如此不能入口！嗰$43好唔好意思收？當時真有衝動想叫煮面嗰位呀叔（已稱不上師傅/廚師，不配）自己食晒佢，這樣的出品完全沒有用心去做，牛腩用水洽一陣就上枱，沒有熬過。呢間店的低劣出品不但是對食客的一種侮辱，而且反映掌廚嗰位呀叔無心 工作，不尊重其職業和來幫襯的客人。

食物一般，沒有驚喜，但服務極差，不值再去，牛腩只可以說一般，有部份唔夠"淋",價格偏貴，但員工阿姐嘅服務就極差，好似唔憂做，落單要講幾次，又對客人禮貌，真係唔會再去