大吉居酒屋 (已結業)

星期日行中環一帶，來到威咸頓街，有好多高質餐廳，最後我地選擇大吉居洒屋吃Lunch。大吉裝潢好有日式居酒屋風格，舒適雅致，我地好快點左兩個定食套餐：一個是A4和牛肩肉定食和一個吞拿魚腩三色丼，原來假日午餐有七折前菜和蒸茶碗熱🥣好快就送到，蒸茶碗足料，蛋香嫩滑，沙律菜酸甜醒胃，我的吞拿魚魚腩三色丼来啦，十分之新鮮！買相已好吸引、共六件全是厚切先來吃件原始的，不得了，嫩滑鮮甜，魚脂分布均勻，微炙燒的又另一個層次，魚脂更鮮香，入口魚香四溢，回味無窮老公的A4和牛肩肉定食，見他吃到津津有味，吃一件果然是名不虛傳，牛味十足，加上秘醬，惹味香甜，好滿足幸福的午餐，我地會繼續光顧的。

想同肥仔食日本野居酒屋，就去左中環食，食完去玩摩天輪先！環境幾日式，又有佈置好。角切刺身沙律 $98好抵食！好多三文魚粒，仲要大大片，沙律醬好出。食完好開胃赤味煮牛筋牛舌 $118牛肋肉有5-6粒，肉質好軟又嫩滑！用赤味煮就咸咸地，但肉會好入味燒日本芝士年糕 $58三粒即燒，一咬開d芝士爆出來！仲拉哂絲好脆口！鰻魚芝士玉子燒 $118推介，鰻魚一個玉子有兩片，中間再夾住d芝士，咬出來拉哂絲！ 玉子好軟軟，又有蛋香，很不錯。overall d小食都幾出色！食材又新鮮。

今日去左中環間新戲院睇戲後，在附近諗住搵嘢食，行過見到，個名好似似曾相識，又想食日本嘢就上去試試上到去門囗好grand入到去，第一眼就見到凍櫃同師父，感覺好pro，之後全店即刻打招呼，感覺好上賓坐位好舒適，一如以往，選擇太多，唔知點揀，唯有叫餐最後揀左晚市二人套餐 Set A先到的是五點刺身，三文魚味重，超厚切，因為太厚，師父加幾刀切成輪狀，幾特別藍鰭吞拿魚- 大大件，成舊麻雀咁，但很淋，無根，魚味濃油甘魚-又係超厚切，超肥美甜蝦- 極大隻，肉質超爽帆立貝-新鮮，肉厚，淋滑，仲加幾粒三文魚子作點綴軟殻蟹肉沙律-軟殻蟹應該經過特別處理，很多汁，汁中帶有味啉同醬油味，超好食大蝦天婦羅-超超超大隻，不是用普通蝦，以size 估計應該是牡丹蝦，肉質好爽，而且扇形的裝飾是用麵炸出來的主菜選了銀雪西京燒，先用麵豉醃，再燒到佢脆身，師父調味很好，而且燒功一流，做到外脆內嫩，肉汁仍然鎖住魚肉內，銀鱈魚本身含豐富油份，入口即溶，好好味呀魚湯野菜烏冬，湯的魚味濃，而且真的有塊魚片，烏冬就煙韌有咬口日本雪糕（抹茶）- 奶味比較重，但仍然有吃到抹茶的味道，我個人很喜歡

This restaurant we went today used to be an all-you-can-eat Japanese restaurant. Recently, they decided to revamp their business and focused more towards the high-quality Japanese cuisine. We went their for lunch. The lunch menu has a wide variety of choices, from sushi and sashimi to fried chicken. We order two lunch menu for the test. Sea urchins with creamy jelly with minced fish don - an amazing choice to test how good their sashimi actually are. Surprisingly, the sea urchins is buttery smoo

大吉之福這間大吉，一入門口，很有大日本居食屋之氣氛，大吉的門牌字也很有氣勢，如置身於東京的居酒屋，播放的柔和音樂，簡直去了天堂了。午餐之選，百花齊放，選擇很吸引……在左思右想後，最後選了:松葉蟹肉魚溶丼: 蟹肉滿佈表面，吞拿魚浴鋪在軟綿綿的飯上，用湯匙鑽進這猶如雪山般的死火山上，再倒入口中，又蟹又魚像復生在我口中暢泳，好鮮好好味，滋味無比，麵鼓湯也不咸，在口邊仍有溫度，這個飯已列入我今年的五大，有爆紅之勢！A4和牛肩肉定食: woo woo ,這A4和牛肩肉質上盛，肉有和牛香，肉紋分佈均勻，配上秘製醬汁混合而上，牛的油香在口腔裡翻滾著，我真的可以自欺欺人地說，我在日本的居酒屋，好幸福！大吉之福，福氣滿溢，回頭再來，一試再試！

今日因為公司有活動攪，所以死死地氣連星期六都要番公司幫手，攪到傍晚就同同事去附近食晚飯。同事話要食日式料理，咁就一於去大吉居酒居。大吉居酒屋位於中環威靈頓街，是中環繁忙的地段。店內設計帶有日式設計，周邊放了好多達摩公仔。餐點選擇不少，沙律、前菜、刺身、壽司、卷物、燒物、揚物、一品料理、食事和清酒等一應俱全。角切刺身沙律角切刺身有吞拿魚、三文魚、油甘魚等，份量不少，切割得有口感，沙律菜新鮮翠綠爽脆，真是不錯的前菜。燒日本芝士年糕芝士年糕炸得外脆內軟，香脆而不膩，一咬落去芝士就流出來，年糕口感也軟綿綿。赤味噌煮牛筋牛舌赤味噌味道香濃有層次，牛筋炆得淋滑入味，牛舌軟彈入味，加埋面頭微微流心的蛋。吞拿魚腩蓉海膽卷海膽和吞拿魚腩蓉放在反卷面，份量也多，海膽入口即溶，吞拿魚腩蓉香濃，配在帶有少少沙律菜的反卷上好配合。雜錦天婦羅雜錦天婦羅有三隻大蝦，還有茄子、蕃薯、南瓜等，炸得香脆而不膩。炸天婦羅蝦好大隻，咬落彈牙，好豐富。

相信大家都十分清楚，中環有一間投注站十分之出名，令不少頭獎也在此出現，今日於來買下六合彩碰下自己的運氣.離投注站不遠，有少少想食日本野，於是一於試一試.有十分吸引的刺食.又有a4 和牛等，中咗六合彩後，一定和朋友來的再大食一餐.座位舒服，闊落.沙律十分之開胃，有角切的魚生，十分爽口.三文魚加洲卷，味道控制得十分好，又夠新鮮.特色脆多士加上吞拿魚也十分之配合.油甘魚絞夠香口.午餐有優惠.選用日本豬食得安心.

因為正正就係返工附近，見到樓下啲易拉架，其實之前都已經想食。今日終於約埋同事一齊過嚟食下佢地嘅午市。午市種類幾多，而且睇相片都好誘人。我叫左個海膽三文魚籽丼午市定食，成個set跟埋白飯、味增湯、沙律、蒸蛋、漬物、前菜同甜品！！🤤🤤🤤非常豐富嘅一個定食海膽份量頗多，睇得出師傅絕不手軟，海膽新鮮冇腥味，而且很香甜，同三文魚子非常搭配，個人認為白飯份量可增添一點，但其實連埋其他配菜一齊食都，已經非常飽。🤣同行嘅同事都會食得幾滿意，下次會再食過其他款式👍🏻

約了朋友敘舊，今晚來了居酒屋吃飯。餐廳裝修是典型的日本餐廳格局，以木質桌椅為主，播放著日本歌曲，環境寧靜，適合和朋友聚會。⭐️角切刺身沙律$98沙律伴著魚生吃，特別爽脆。⭐️赤味噌煮牛筋牛舌$118牛筋熬煮得很軟腍，入口軟軟的，很入味。牛舌也很紮實爽脆，不錯。⭐️鰻魚芝士玉子燒$118特別之處是玉子裡面還有一層芝士，不過鰻魚有點魚骨，如果鰻魚肥美一點更棒。⭐️燒日本芝士年糕$58年糕先炸，然後加上芝士，吃起來有牽絲的效果呢！⭐️吞拿魚魚腩茸海膽卷$198海膽十分新鮮甘甜，配上吞拿魚蓉，口感清爽。

星期六同朋友行完街 搭叮叮就黎到呢間蘭桂坊附近既居酒屋 餐廳環境不錯 日式裝飾眾多 好有氣氛試左兩款卷物都好出色 推薦吞拿魚腩茸海膽卷 整體味道唔錯 材料新鮮 食得出海膽既鮮味 加上吞拿魚茸 咁既配搭當然好正三文魚加州卷 加州卷入面有青瓜、玉子、牛油果及蟹柳 牛油果好香 配上肥美既三文魚 口感好滑 正大蝦天婦羅 炸粉十分薄 大蝦十分彈牙 唔錯唔錯 而且估唔到個塊扇狀炸物都可以食 哈哈  汁燒魷魚筒 魷魚十分彈牙 燒得十分入味赤味噌煮牛筋牛舌 份量多 煮得非常入味 又相當彈牙 最驚喜係有半個溏心蛋 燒日本芝士年糕相當出色 一份三件 年糕味香 一咬開 濃濃芝士爆曬出來 大滿足另外值得一提既係職員服務真係好好 經常主動過來添水

今日同朋友嚟到中環，揀咗一間樓上鋪居酒屋，位於蘭桂坊附近，翠華餐廳對面嘅一棟大廈。😆餐廳以日式裝修為主，播着柔和嘅歌曲，好適合慢慢同朋友談心，而且店員嘅服務質素好好，經常會為你斟茶，又有禮貌。三文魚加州卷 $148 三文魚好新鮮，入口即溶嘅感覺，配上面上嘅魚子，更顯口感，加州卷入邊有蟹柳，玉子，青瓜，再加上牛油果🥑，令到加州卷口感滑溜，而且牛油果嘅油香更能突顯三文魚嘅甘美。吞拿魚腩茸海膽卷 $198 面上嘅海膽好鮮味，同下層嘅吞拿魚腩茸好夾，壽司飯上再撒上一層芝麻，令到成個壽司飯團更香口。而且份量都唔吝嗇，刺身同壽司飯成一比一嘅比例🤤大蝦天婦羅 $178一上枱，就見到好精緻，孔雀開屏模樣，大蝦好鮮甜啖啖肉，外表粉皮薄得爽脆，蝦肉十分彈牙😭💕 經過店員提醒，原來開屏形狀係炸麵條，都可以食埋唔浪費😆赤味噌煮牛筋牛舌 $118面上有半隻糖心蛋，牛筋牛舌煮得非常入味好淋🤤 特別一讚，牛筋少少彈牙嘅感覺，似食緊骨膠原😆 燒日本芝士年糕 $58 一啖咬開，入面好軟熟，芝士餡就要爆出黎嘅感覺🤤汁燒魷魚筒 $98 魷魚食落好彈牙，燒得完全唔焦，配合上面燒汁，十分惹味🤤

早排朋友話俾我知呢間放題已經轉型做居酒屋，仲大力推介佢嘅海膽吞拿魚蓉杯，今晚喺中環開會，就喺大吉附近，就黎食下晚飯。海膽三重奏杯原來人地有個正名叫海膽三重奏杯，我估係因為主要魚生有三款，三文魚子、吞拿魚蓉同海膽，底下有啫喱同壽司飯。份量好多，海膽疊左好多層！可以就咁食刺身，亦都可以用紫菜包住食。我就鐘意先食刺身，試清楚海膽夠唔夠鮮甜，吞拿魚蓉夠唔夠甘香先，測試證實質素不錯，之後我先再連埋紫菜同青瓜食一齊食。赤味噌煮牛筋牛舌我地覺得呢個係居酒屋名物，牛筋煮得好淋，但留有少少彈牙口感，一咬落去我覺得係骨膠原bb爆發嘅感覺，哈哈，牛舌都非常入味。燒日本芝士年糕年糕麵粉味香，好軟熟，芝士澎湃，一d都唔油膩，面層輕微哄過，趁熱食冇唔好食嘅可能。三文魚加州卷呢個係驚唔夠飽而叫嘅，加州卷入面有玉子、蟹柳同牛油果，連埋三文魚腩、飛魚子同沙律醬一齊食，口感豐富。星期一晚上餐廳唔算多人，幾適合兩個人靜靜地食餐飯。服務唔錯，侍應好留心客人需要。洗手間亦都好乾淨。

同朋友黎左依間餐廳食野，坐得幾舒服，職員服務態度都唔錯，咁我地就叫左個$998既二人套餐。首先個前菜三點方面，全部都酸酸地幾開胃，個人黎講幾鍾意食蝦個舊，口感幾豐富而且又好爽口，食到好想繼續食!之後到個刺身，我想講佢唔係出邊個D放題或者普通壽司鋪頭咁放到好鬼凍又或者唔新鮮咁樣，依到既刺身係食到佢地既鮮味，都唔錯架 去到蟹腳，職員一早幫你開左個位，你只要稍為用佢比你既剪刀，剪開佢就得非常容易。味道個方面，一開始食個陣會覺得好咸，但食耐就慢慢食到蟹既鮮甜，不過稍為嫌佢少肉。 A4和牛，先講d肉，口感好幼滑，而且肉汁鎖哂係入面，一咬非常好食，其實唔係點醬就好食，不過職員比到都試下，醬汁個到有燒牛肉汁同wasabi汁，牛汁個方面我覺得係唔錯，但我覺得wasabi汁先係最好，一開始我覺得wasabi配和牛，得咩? 食完先知道係非常夾，佢可以更加突顯到和牛既原有味道，而且食落唔覺得和牛油膩既感覺，配搭得非常之好。 壽司我個人黎講覺得，同我對刺身既評價差唔多，所以就唔多講。季節魚清湯，飲落去我第一下感覺以為飲緊麵豉湯，只不過入面既魚同埋1d配菜令到你係唔覺得飲緊麵豉湯，冇乜特別。而抹茶味雪糕唔甜，幾

👭去中環行街兼搵野食, 見到大吉居酒屋個易拉架, 以前食過佢地既放題都唔錯, 依家改左做居酒屋, 有好多唔同既日式料理, d 野食都幾吸引就上左去, 一出lift就有人同我地打招呼😌個環境好舒服, 無論係2個人定一大班人去食飯都好OK👍🏻😋咩都想食既我地簡左個晚市二人套餐Set B ($688)軟殼蟹沙律好多軟殼蟹, 個沙律好開胃!😌五點刺身 – 有三文魚, 吞拿魚, 油甘魚, 甜蝦, 帶子同三文魚籽刺身都幾新鮮! 厚切啖啖肉~👍🏻蒲燒鰻魚幾肥美! 如果再燒脆多少少會更好😌天婦羅盛合 – 蝦, 芋頭, 南瓜, 茄子同菇我最怕天婦羅個皮成舊粉, 但大吉屋個炸皮好薄😍 個蝦好彈牙! 芋頭又好甜! 總體味道唔錯! 😋魚湯野菜烏冬個烏冬係扁身, 麵質都幾彈牙! 因為個魚湯好夠濃郁, 所以個烏冬都有陣甜味, 愈食愈重魚既鮮甜味! 正!👍🏻👍🏻真抹茶雪糕, 食日本野有抹茶雪糕做甜品係好加分! 😍😍同埋個服務都幾好, 店員成日過黎幫我地收碟同斟茶, 正!☺☺

好耐以前食過大吉嘅放題，咁岩喺中環行完街朋友就建議不如試下，上去發現原來佢已經由放題轉成居酒屋。☺️佢裝修掛左好多旗，鮮艷得黎充滿日本風。🥰店內仲有好多唔同酒類比大家選擇，適合鍾意飲番兩杯嘅朋友。同朋友揀左晚市二人套餐SET B ($688)軟殼蟹沙律沙律菜配上芝麻醬已經好香，而且軟殼蟹係厚身，唔會剩係得層炸粉。☺️五點刺身五款刺身分別係油甘魚/甜蝦/吞拿魚/帶子/三文魚，每一件都係厚切而且非常肥美，起碼唔會細細片薄切先，呢樣已經贏左一半。👍🏻最好食係油甘魚同帶子，望落細細舊但食晒五款其實都幾full。蒲燒鰻魚鰻魚上檯已經好香，而家食落好肥好Juice。平時出面食到嘅鰻魚都有點參差，估唔到係香港都會食到呢隻味道。😋天婦羅盛合睇第一眼見到層炸粉薄身都幾吸引，分別有蝦 (3隻)/茄子/菇/南瓜。炸粉夠薄而且蝦係彈牙唔會係死死實實果隻，蔬菜正常水準。魚湯野菜烏冬店員送餐時我地以為一碗share，點知係一人一碗🙈烏冬用上魚湯，非常鮮甜，食晒都唔會覺得口乾，就黎湯都比我飲晒😂日本雪糕本身我自己麻麻地食甜野，雪糕係抹茶雪糕已經有濃濃抹茶味道，中和番唔會太甜。😋