大同韓燒 (已結業)

提起奧運 除左奧海城之外 仲有好多小店都好好食😈今次朋友就介紹左我去間家庭經營既韓燒一試 果然冇令我失望😼呢度地方寬敞 兩個人都已經可以有平時既四人卡位坐🤤本身以為HKD 178只係包任食韓燒 點知原來仲有三文魚刺身可以食 我入座個陣店員好好人咁提醒左我地👍 仲幫我地即刻order 即叫即切 塊塊都好厚好肥美架🙈除左肉類十幾廿款可以選擇 呢度仲有好多前菜同小食😳肉類我推介少見的羊扒 牛仔骨 自家醃所以好入味 前菜推介夠辣夠酸既泡菜♥️😍海鮮亦有魷魚 扇貝等等 價回票價🤓飲品方面除左普通既汽水同茶 亦有我最愛既鴻福堂 燒烤再熱氣啲都唔驚 加加埋埋一共有十幾款 任君選擇😍臨走個陣佢仲問我地有冇搭的士泥 如果夠四個人一齊搭仲可以有HKD20俾番我地😱😱以旺角價錢 去到小店食到一流質素 二百元以下韓燒必選😚

早幾日先至去完長沙灣食飯 今日又比另一個朋友掹咗去大角咀食韓燒 再咁食法 我懷疑自己應該開返個foodie ig 記錄我食勻全港九嘅壯舉🙈🙈一入到去 就覺得裝修好企理 (格局少少似牛角😂) impressive! 尤其是好多韓燒嘅鋪頭都好大浸油煙味 啲位好似硬係有啲痴立立咁 大同就冇咁嘅情況 佢個燒烤爐雖然冇煙通吸走油煙 但係佢會放張紙係爐面吸油 食完件衫又好似真係唔算太大浸韓燒味 都幾聰明同貼心😯食物方面 生熟都有好多款式揀 雖然係任食 但我都係忍唔住食咗飽肚嘅日式餃子😂 又有壽司同生果 又要再讚一讚 你一睇吓下面張圖 真係擺得幾乾淨㗎😂唔知點解人大左 有時連燒肉都想食返多啲蔬果類 養生養生😂呢度就好在燒嚟食嘅選擇除咗有好多肉 仲有我最鍾意既紫薯同金菇🤤 特別推介冬菇 調味唔錯 好惹味順便影下個飲品櫃 都幾好嘅 好多清熱氣嘅嘢飲臨走前店員仲提我哋食埋甜品先好走 肥死...有紅茶奶凍、芒果布甸、雪糕等等 我覺得質素好過好多日式放題😂 有quota嘅話絕對食得過🤓最後埋單好似係五百幾 唔記得實數因為今餐係朋友請😏講真間間都差唔多價錢㗎啦 不過我真心幾鍾意佢環境企理同夠多選擇 又舒服又食到

今次已經係第三次過來食韓國燒烤，媽咪放假帶佢過嚟試吓，佢真係好鍾意食放題因爲好多嘢食， 鍾意食乜就食物！有好多食物選擇，眼見都係乾淨同埋好新鮮我哋因為好肚餓所以出去攞咗啲頭盤食住先，頭盤有我最鍾意食嘅韓國泡菜，仲有螺肉同埋中華沙律，竟然有魚蛋同埋我媽咪最鍾意食嘅雞腳餐廳好細心，將隔油紙格住啲油，咁就唔驚油淋淋！仲有豬肉同埋牛肉，燒好攞生菜包嚟食，再加生蒜蓉，同埋辣醬，好似去咗韓國食韓燒咁我見佢哋不停出新款，燒三文魚手卷超正！轉頭佢又會攞第二樣出嚟，keep住有新野食好彩我同阿媽係坐隔離，成日睇到有咩攞出嚟，嘻嘻 我之前嚟過兩次，刺身吧嗰哥哥竟然認得我仲特別安排左三文魚腩同埋刺身蝦俾我食完再問我食唔食左口魚邊壽司🍣店主好細心，服務超好，左口魚邊壽司我係見佢即場火焰🔥好香口！我大住肚都食好多壽司同刺身， 因為真係好新鮮所以好放心飲品同埋湯都好多選擇價錢仲要$178真係抵到爛

估唔到大角咀呢頭都有呢類任食韓燒食，仲要都真係好抵食。我哋一行八人，鋪頭安排咗一張長枱畀我哋坐，有兩個爐可以用。張枱就係正攞嘢食嘅地方隔離，非常方便。韓燒嘅食物種類非常豐富，除咗有唔同嘅蔬菜，仲有海鮮，同埋多款肉類。又有多款餐前小食同埋拌菜可以拎。泡菜同芽菜都幾好食。又會有壽司食，仲不定時會出埋玉子燒。整體嚟講，食物嘅質素都算唔錯，啲肉都算幾新鮮，食落唔會有太老嘅感覺。 食落如果覺得太油膩，仲有好多款蔬菜同埋海鮮食，中和番。最後餐廳仲有個甜品櫃有甜品揀，仲會有雪糕食。

早排經過大角咀,就諗起中學時代成班一齊食韓燒所以今次就約左班老同學一齊食呢間大同韓燒餐廳入面整潔又寬闊一入去呀姐服務態度超好好有果種街坊人情味餐廳內面怖局清楚我地一坐低就準備去拎野食呀姐教落第一ROUND要燒肥肉令到個鍋底比較易煎頭盤小菜都係有日式既壽司 玉子卷 泡菜 各式冷盤菜類坐低後可以叫呀姐即造三文魚剌身三文角都幾肥美 魚紋清楚仲有薯角同港式魚蛋可以比唔鐘意食生冷野既人作為頭盤小菜然後講肉類作為韓燒 豬牛雞肉係必備雞肉爽口 又肥煎落會好香牛肉尚算上盛 分別有肥牛 腩肉估唔到仲有埋牛舌 種類都幾多豬肉方面 我最為喜歡豬頸肉咬落爽口 又入味更加估唔到仲有羊架先燒一燒 羊架既肥榚 再煎熟兩面食~正呀除左肉類仲有海鮮有元貝 青口 多春魚 同魚肉我個人就最鐘意就係多春魚 同魚肉多春魚 煎落唔散咬落魚春都幾多 用料不錯白魚肉煎一煎 入口咬落即溶當然仲有菜類金茹 各類瓜呀 同紫薯用來配住肉食一流甜品就有一般既雪榚啦仲有自家制既布丁及甜品不過食韓燒最緊要一班人熱熱鬧鬧同埋價錢超抵平時放工都可以約埋來聚多次

大同韓燒 (大角咀)大角咀大全街42-44號地舖味道：4 / 5肉類：豬扒味道好香 燒完油脂分佈好靚雞類肉質超級滑 雞皮先係精華黎牛類肉質有牛味 唔似其他過肥羊類 要燒好耐 而且我麻麻地羊 魚類 多春魚勁多春 不過無咩肉海鮮：元具 好重海水味 唔洗落調味料 青口 落小小調味料已經好入味其他：司華力腸 塊皮超級脆 咬落有聲紫薯 勁甜 燒左好多粒 推薦小食：餃子好香爽口 不過我覺得細粒左小小菜 好重麻油味 好香啊 食左幾碟三文魚 正正常常 不過估到韓燒會有得食至於其他食物都Ok既 賣相都好靚 又用心調味過 值得一去位置：2 / 5餐廳位置實在太遠如果唔係同行有朋友住果到都唔係咁識行環境： 4 / 5鋪頭環境適中 座位多 又大坐得好舒服 而且環境光不過抽氣好似麻麻地 價錢：4 / 5價價黎講 幾平下$200都唔洗一個人我覺得好平 不過最開心都係一班人傾計

天氣開始凍，又係時候食燒肉！做嘢咁啱經過大角咀，咁岩搵到一間大同燒烤，於是就決定試下，點知一試就愛上了，之後有機會都會再黎食！肉類方面有好多選擇，有燒汁、蜜汁淹既牛肉豬肉，重點推介返豬頸肉、魷魚鬚同埋肥牛！豬扒淹得都不錯冬天燒肉真係好幸福噢❤️❤️去個日係閒日所以人少啲～兩個人坐到四人台慢慢燒好正！啲位幾夠大，唯一小小唔好係設計中間有條橫會long起隻腳，要坐兩邊，但影響不大～冷盤同熟食都有唔少選擇，肚餓既朋友可以拎啲頂頂肚再燒～壽司有期間限定，我地個日係黑松露帶子壽司，好好味！👍🏻👍🏻👍🏻👍🏻職員好熱情，有新野出爐嘅時候，都會叫我地客人快啲拎～飲品都有十幾種可以揀，最大路既綠茶解茶同埋韓國乳酸個啲都有，仲有青島啤酒，不過如果要飲藍妹啤酒，就要另外比錢，不過如果食到興起，又唔介意比多少少錢既🍻甜品有中西式，都有水果咁樣，都算齊全，價錢黎講都幾公道，因為地理位置未算好方便，所以想平食韓燒又唔介意行多兩步絕對會諗起大同韓燒！

首先想講下餐廳設備同服務，唔知係咪家庭式餐廳，店員都好nice同細心；爐上面有一層紙，好容易就可以跣走d油，燒出尼既肉唔會油淋淋，同時啲燶左既野都係好易刮兩刮就甩張紙都唔會穿，d肉唔會沾上d黑色燶左嘅野👍🏻韓燒肉類選擇多，有雞有豬有牛，仲有鴨胸，羊排，扇貝，青口，雞肉同豬頸肉都好入味，餐廳係腌製方面落左好多功夫，肉類嘅選擇都好多，特別推介豬頸肉，肉質好爽口，其實可以唔洗點醬汁😂👍🏻有barbeque嘅感覺，雞肉同梅頭肉都好值得一試，腌料同肉配合得好好，都係好夠味～而扇貝同青口都好新鮮，感覺有海水既鮮味😆蔬菜方面，主要推介金菇，翠玉瓜同蕃薯仔，翠玉瓜同金菇燒完係唔會好乾 仲有汁係入面，咬落都係爽口既；紫心蕃薯仔好甜😍燒兩燒就食得～餐廳仲有甜品，雪糕，糖水，各式壽司，三文魚刺身，日式小食 (例如螺肉，煎餃), 仲有韓式泡菜，啤酒汽水任飲，怕熱氣仲有我最喜歡的咸甘吉 甘蔗水等等😆性價比超高！

🔍$168/人 加一大角咀食街有好多好野食，今晚揀左去食韓燒，去個餐廳都大，格局亦開揚，張枱亦唔會細到同隔離打詠春咁。，整體舒服。侍應安排左座位就即刻有招呼，介紹比我地聽有咩新鮮出既前菜&熟食，餐湯之類，又教我地燒咗肉先食其他野(即用油開鍋免黏)，服務合格。發現到有條抽風管係地下向下抽，唔係頂抽式，所以燒既時候無油煙味。我地食果日8/9成滿座都唔會入左吸煙區咁，證明佢地套抽風真係好好，食完埋單後個身都冇油味，依樣抵讚。👍🏻👍🏻好喇講番食物，除咗各類前菜熟食之外(玉子燒好味)👍🏻，仲有刺身，各類壽司，生果等等，仲有雪糕，涼粉甜品，仲有自家製菊花茶，餐湯(蕃茄湯好飲)👍🏻，紅豆沙，所以都算多選擇。兩個雪櫃係自取飲品既(任飲)，除左有一格櫃內酒類寫明要另外收費，可惜無熱飲揀，只有熱水，扣左少少分。自助燒物既凍櫃內都好多種類既肉食，韓式醃製既豬扒、五花肉、肥牛、牛舌、雞腎、雞軟骨、魷魚、墨魚仔、扇貝等等，未能儘錄。不過蔬菜類唔夠肉類多。宜家物價咁高。埋單人頭唔洗二佰蚊。環境服務同食物都算合格。C/P幾高👍🏻🍽7/10 🔎大同韓燒大角咀大全街42-44號地舖

放工同朋友慶生食晚餐，諗唔到食咩，行行下見到呢個價錢任食兩個中就入左去試下，肉類選擇都幾多，牛仔骨，牛肉片，豬肉片豬頸肉都有，海鮮都有扇貝青口魷魚，算係多款式，等唔切燒肉既有三四款壽司，蟹肉玉子燒醫肚先，配菜都有七八款，成個感覺係乾淨衛生，每樣都試d都食到飽，刺身係入座個時會一枱送一碟👍🏻燒烤個爐好夠火，好快就可以燒下一轉，仲會隔住張紙唔易燶，基本上燒左七八轉就食到飽，之後仲有兩款湯，一個係牛骨湯，另一個忘記了😂但紅豆沙真係好食，好過好多糖水鋪，最值一提係d侍應姐姐好好，一有新出爐既玉子燒，糖水都會提我地叫我地拎，笑容滿分

大角咀區一向俾人印象都係住宅區，但大隱隱於市，今日俾我啲同事搵到一間韓燒餐廳，一入到去唔會煙霧瀰漫，又唔會有好大陣味。另外，食物款式多，作為無牛不歡者，佢有汁醃牛肉、牛仔骨，仲有最欣賞係佢啲肥牛，往時好多餐廳啲肥牛都係靭到喊，又多渣，肥瘦比例不均，但佢呢間啲肥牛好易入口，夾生菜食一流。除咗野食外，呢間餐廳都帶來幾個驚喜。第一，的士回贈😂我同事不斷叫我留返張的士單，我以為可以claim返公司數，但原來搭的士去呢度有$20的士錢回贈，係旺角收工過嚟唔洗行餐懞。第二，自釀梅酒！！！平時係出面食放題，成日會飲倒啲甜到喊，而且又冇梅味嘅梅酒。但佢呢間餐廳卻有自釀梅酒，飲落去好清香，至少都叫「梅酒有梅味」，好開心🥳第三，性價比高，而家黃金時間出去食，閒閒地都二百幾蚊一個，但我七點去都只係178一個，抵到爛🤪🤪🤪最後，都想讚下啲員工，佢地好落力serve每一枱客，好主動幫客換牛油紙，又提供唔同食物配搭俾我，好開心呀！

大角咀位置真係好唔就腳, 自己開車就難泊位, 但朋友介紹一間韓燒任食, 唔方便都即管一試, 結果無令我失望, 有三文魚刺身, 多款壽司, 三文魚好新鮮, 前菜夠入味, 個人最愛泡菜同青瓜, 熟食種類比其他一般的韓燒係少D, 但味道唔錯, 燒之肉及蔬菜種類正常, 新鮮, 乾淨, 整齊, 湯有兩款, 蘿蔔牛骨湯, 我就試左泡菜蕃茄牛肉湯, 好好味, 忍唔住飽到上心口都飲左兩碗, 仲有紅豆沙及幾款甜品, 水果, 雪糕同雪米糍任食, 最重要係服務好好, 結賬每人都唔駛$200, 堅抵食. 

諗都無諗過$48可以食到韓燒，8人同行。燒既一枱唔燒既一枱前菜好多款，至愛泡菜同豆卜牛肉蜆湯 & 大大碗白飯1人1個餐，4個人變4款餸燒燒燒好好玩，每款味道都好好，推介 魷魚

諗住揾間平平嘅韓燒食一餐開心嘅係openrice揾到呢間好評較多又平原先睇話$159 最後打去訂座就話係$168但都重係平過好多韓燒所以照去啦係旺角搭的士去唔洗跳標5:30去到 無其他客 超清幽 一入門服務員即時招待開心一望之下肉類菜類熟食前菜水果甜品湯都有齊。以呢個平價黎計真係超值最開心無店員會主動遞上每人一客芥末豆腐（好香豆味），之後主動問我地要唔要刺身，即整好壽司又問我地要唔要先夾幾舊，再之後又問要唔要玉子燒🤤每食d野佢就問新野 幸福不斷嘅感覺啊最貼心係店員服務因為我唔食牛。但放係出面嘅金菇一定有牛肉捲住。唔想浪費之下問左店員有無淨金菇。店員二話不說地遞上大大碟金菇🤩👍🏾👍🏾大方大體上所有野食都係正連西瓜都係好甜嘅美人瓜，連橙都係met開完整一個用黎橙皮包番住，超用心從來未試過比加一服務費比得咁心甘情願👍🏾下次一定再黎！P.S. 廁所好乾淨，有怡人嘅香味。（唔會好似有d韓燒地方係見到個廁所會想嘔番野食出黎，咁d野食幾好味都無用）

星期六夜晚去食，九點鐘入座，唔算多人。餐廳地方都幾大，環境舒適闊落，我地一行四個人，佢俾咗張六至八人既枱俾我地所以都坐得知幾舒服。野食方面都冇咩特別，平時韓燒會食到既豬頸肉，牛，雞肉，豬扒，都有帶子，多春魚，魷魚等等既平價海鮮。熟食方面有泡菜，淹蘿蔔，青瓜，餃子，雞翼等等。有地道紙包飲品同埋糯米糍。佢個爐會俾塊隔油紙你，等你唔洗成日換爐。佢地服務都算幾好，個老闆（應該係）會行過黎問我地要唔要蜜糖芥末豆腐同玉子燒，同埋會成日黎收碟。個蜜糖芥末豆腐就麻麻地，其實只係好普通既係豆腐上面淋啲蜜糖芥末醬，反而個玉子燒就唔錯，但入面有我唔鐘意食既豌豆.......其他肉其實就都係普通平價貨色，三文魚都食得出唔係新鮮，麻麻地。但以呢個價錢算係okay啦。