大同韓燒 (已結業)

初到大角咀報到，搵間任飲任食開心吓，大同韓燒就在大同新村，地點易找。假日幫趁，食物種類選擇多前菜泡菜入味爽脆有幾款選擇螺肉三文魚刺身壽司任吃，坐咗兩小時見待應不停換食物，算是貨真價實。生料選擇應有則有，牛仔骨、金菇牛肉卷、雞翼好吃海鮮有鏡貝，魷魚鬚，墨魚仔、青口魚件多春魚等熟食有蜆湯粉麵飯，大量蔬菜，牛奶公司雪糕任吃，$16X，兩小時飽到上心口，讚！飲品選擇算多，可惜是無啤酒要自己另外俾錢買。待應服務好，收碟速度快過酒店食Buffet，一食完就有人來收要讚係佢加左張紙上爐，食物無咁易燒燶，！

去探我二家姐同佢既bb, 佢就住係大角嘴，所以搵返間離佢屋企近d既。食完就即刻返上去睇bb。選擇左呢間大同韓燒！環境裝修唔錯乾淨。店鋪好人性化。因為我到先企左係出面。我都幾早到鋪頭入面唔算太full。佢就叫我入去坐陣等人。可以飲下野食熱食先！等人齊之後開爐先開始計時！我覺得唔係間間都肯咁樣做。比個like 佢！邊飲住野邊等我二家姐。佢一到左上我地兩個就即刻出去拎野食！豬牛羊咩都有！仲有海鮮類。選擇都非常多！由於肚餓我地先夾左熱菜黎食！種類絕對唔輸旺角大型韓燒店！由其推薦豆卜！非常入味encore 左好多次！另一樣值得稱讚既係用左牛油紙墊住燒！冇咁易痴底同埋乾淨d! 肉類方面推薦五花肉同牛仔骨！五花肉半肥半瘦！燒完非常香口再加上夾生菜可以解油膩！牛仔骨非常惹味。都encore 左好多次！最後再食杯雪糕！捧住個大肚腩返去屋企探bb! 買單兩位350蚊！呢個價錢晚餐自助韓燒算係非常抵！旺角觀塘最平都要200蚊起一位！而且都冇咁好食！

今次特登入去大角咀，試下呢間韓燒，百幾蚊一個人，實屬係便宜之選，亦都係特登入去既原因。 位都係闊落既，D野食種類又夠多，韓燒都離不開燒肉，第一時間攞左先！ 鹽燒牛仔骨（必食） 從來有骨連住既肉係最好味，呢度既牛仔骨都唔例外，醃得岩岩好，好食推介。 鹽燒牛脷（必食） 不會太鹹，所以食得出牛香味道，同埋好爽，好食。 鹽燒羊扒（必食） 係有適中既羊羶味既，太好了，冇羶味又點叫做食羊呢。 豬頸肉（必食） 有保証，燒完唔硬，唔"林"，爽，味道一流。 鹽燒五花腩（必食） 不得不提，唔係度度有，燒完即食入口甘香，必食之選。 新鮮菠蘿（必食） 食左咁多肉，食反啲水果少不了，呢個多汁，唔酸既菠蘿岩哂。 實在太多好野食，未能盡錄，睇相。 ＊呢度仲有湯，有飯，三文魚食添喎＊油紙吸左好多油，等食落唔會太油膩

朋友住在大角咀，這天找了間近他的食店，被這間燒烤放題吸引了！一入去地方闊落而且燈光明朗，印象已經很好。坐低後出去看看先。前菜有韓式小菜啊，可以自己任夾任食已經令我很興奮！排得很整潔，未食已經大開口胃了！飲品竟然有道地蜂蜜綠茶，烏龍茶和解茶，太開心啦！這些前菜我吃了三盤酸青瓜很開胃，就算之後吃多了肉，吃一吃就完全解膩了，泡菜雖不算很酸很辣,但這樣反而符合所有人口味。芽菜和波菜白菜都很香，吃到這三盤都已經很滿足。想不到這個卷壽司也不錯，飯軟軟的明顯是新鮮製，絕不是放很久，我吃了半打。開始烤肉了！加了這張牛油紙雖然會比平時的燒得慢一點，但好處是不會容易燒得黑黑的，特別是魚類不會燒得爛巴巴。很好。看到有生菜二話不說的拿了一盤，很新鮮很爽甜，夾著肉食簡直是一流！肉類我試不完，但我想說雞軟骨，雞翼，雞腎非常好食！豬扒和燒汁牛肉也不錯！鯖魚都超級好食，記得不要燒過久，燒得剛剛好的話是又滑又軟，魚的脂肪香令人不能停口。還有肥牛金菇我也食了半打，難得的是金菇非常幼嫩，不會攝到牙縫，因為卷著的關係可能有點難燒，關鍵是可以打一打開肥牛來燒！洋蔥甜到不得了，尖椒燒得爽爽的也很好食！其實口還很想繼續食，但無奈肚

終於轉左黎好多野食既大角咀區返工喇!難得第二日係紅日.. 放工一定要去食返餐好既relax一下~ ;D上網見到呢間韓燒幾多好評, 就試下佢啦~~~任食燒烤星期一至四 $99(3-11歲小童), $159(成人)星期五-日及公眾假期及假期前夕+$10一位+10% Service charge 好少可見到d韓燒店係咁光猛同咁整潔架~~ XDD熟食區有唔少韓式前菜~~ 連我最愛既炸魚仔同醃蘿蔔都有!!!*v*另外都食左唔少薯角同咖喱角... 小朋友至愛!跟住係肉類... 共15款唔同選擇! 其中最鐘意佢既鹽燒羊扒, 鹽燒牛肉, 汁燒火雞腎, 汁燒雞翼同雞軟骨!!!略嫌美中不足既係調味有d重複... 唔夠多樣化 ;D大愛蔬果/海鮮類! 可以減輕返食太多肉類既罪惡感 *v*不過個人覺得茄子好難燒得好 T____T 拿捏唔到準確度..我幾鐘意燒佢既洋蔥片 ^0^! 仲有辣汁八爪魚都好好味!呢度既燒烤爐上都會放一張索油紙... 同時亦方便左燒到咁上下員工可以直接更換張紙, 而唔使成個托盤換左佢! 另外一個corner就係湯+炒飯+熱飲自助區~~試左紫菜花甲湯覺得一般... 不過見到個炒飯賣相都好靚

充滿港味既韓式餐廳。lunch set十分抵食，燒肉餐都係$49，唔洗加一！！50都有找！$49包咩：3小碟前菜，1杯自家製飲品（可refill），1碗飯，1碟肉！超級抵食！記得要2個人以上先開火！我最鍾意食牛舌，呢度既牛舌有醃國，唔洗點醬油都已經有味道。而且大大碟，男仔女仔一定夠飽。牛既質素不過不失，唔會好鞋口。前菜都做得唔錯，最鍾意係佢既醃薯仔，甜甜地，好好送飯！

打工仔，朝九晚五，有時仲要OT,適當既時候要放縱下自己，當relax 下。 今日放工之後就同媽媽去左食大同韓燒，店鋪方面，設施好新淨，服務生好好人，會主動幫你收碟同換牛油紙。 食物方面，都有好多選擇，肉類，海鮮同蔬菜都有！ 食肉獸嘅我真係幾鐘意呢間店因為樣樣肉都醃得好好味，連冬菇都有醃過！個人至愛係雞軟骨同埋豬頸肉，醃得好入味，但又唔會太鹹，燒完脆卜卜好好味。多春魚同扇貝都好正！超級肥美，燒完勁多汁！ 熟食方面都好多選擇，芽菜都有兩款，仲有菠菜，泡菜等等，最岩就係食完一round燒肉之後食番幾塊，咁就可以再接再勵啦呢到飲品既選擇好多，如果怕甜，仲有烏龍茶，綠茶同解茶可以簡。最特別既係呢間鋪有紫菜花甲湯飲，我都係第一次飲！幾甜幾得意，值得一試！埋單兩個人$350， 抵呀!!

對於我呢D食肉獸，韓燒就梗係要食任食先抵啦。呢間大同韓燒係朋友介紹，入面食物選擇都幾多，而且食物好新鮮，醃得入味，最梗要放得好企理衛生，唔會睇個樣就已經會肚痛甘，哈哈。甘多野食之中，我個人極力推薦五花腩，大家去到記得要試。肉類款式多之外，都仲有好多蔬菜、海鮮，例如青口帶子同幾種唔同既魚，而且質素都唔差，真係幾抵食。甘食韓國野當然唔少得有D KIMCHI，呢到都係自助形式，估唔到款式都幾多，仲有我最鍾意既菠菜同豆牙。有時食得肉多，夾件KIMCHI食下，真係會無甘膩。如果你好肚餓，而D肉又未燒熟，都可以出去拎個湯飲或者熟食食住先架。呢到個爐幾好，唔易燒燶野，甘就唔會浪費食物。而且油煙唔多，抽風都做得唔錯，食完個人都會好大浸味。呢到比起旺角尖咀嘅韓燒真係物超所值，坐得又舒服又無甘多人，雖然地點有少少難搵，但一早Google map定應該都無問題。大家如果想食D有質素既任食韓燒，呢到都係一個唔錯既地方。

同朋友泥依間大角咀既韓燒共晉晚餐價錢係抵食既但記住唔好行路面，要行天橋唔係就好易行錯路 (利申係路痴)入到去係好舒服既環境唔會話好大煙你知放工去都驚吸晒啲味侍應話係爐底抽煙 (開頭唔信但佢無呃我既,真係無煙)食物既種類好多 (8/10)即使同一款肉都有好多唔同味韓燒泥講真係好多款！！海鮮都有啲，扇貝，青口，多春魚等(7/10)仲有我最愛既前菜，泡菜，甜薯仔等加分位！(9/10)有兩款湯, 味噌湯好味啲 (8/10)同好大個飲品櫃同雪榚(8/10)最緊要真係個爐唔痴底(9/10)最怕啲野食燶晒真係食到好飽好開心可以再食！

今日嚟咗大角咀探朋友，朋友介紹附近有間韓式燒烤店價錢好抵而且嘢食唔錯，於是一齊去試一試！入到去當然第一時間睇下有咩食啦！雖然只有兩個食物冷藏櫃，但係呢都放唔晒各種各類嘅肉同埋蔬菜仲有海鮮！而且相當乾淨整齊，唔會有汁滴到周圍都令我相當驚喜喺未有熟野食之前，當然唔會放過各式各樣嘅冷盤啦！各式各樣的冷盤味道適中而且唔會過凍，淨係醃大豆芽同菜我都食咗兩碟食韓燒嘅重頭戲當然係食烤肉啦，由於我係唔食牛同魚既，所以我試咗豬同埋雞，其中雞扒係令我非常喜出望外，好滑而且有雞味一啲都唔硬。豬嘅質地就比較般，畢竟150幾蚊嘅放題不能要求太多吧！比較得意嘅是佢地係烤盤上會放一張厚身牛油紙防止癡底同埋烤燶。雖然唔會癡底但係中途都換左幾次紙，值得一讚嘅係店員會主動埋嚟問你需唔需要換， 10分細心！由於我習慣小食多餐，所以食到呢度已經有啲飽。但作為初級吃貨既我一定會盡忠職守，所以湯同飯同糖水都各自試咗少少。個湯冇乜特別都係一般嘅紫菜湯咁嘅味道。而個飯就比較偏濕所以食咗一啖我都冇再食啦。但反而個糖水非常有驚喜！不會太甜而且好香南瓜味仲好滑作為一餐既最後終結我選擇咗食雪糕，雖然係雀巢但係都有5隻味咁多，有雲呢拿，芝麻，

咁岩同個friend都想起食韓燒，就決定左去大角咀既大同韓燒！一入到去鋪面都幾乾淨，啲位又闊，唔借太逼，坐落都好舒服！我地七點去到，唔血太多人好快就入得去食😋黎得食韓燒又點可以唔食肉？呢到真係咩肉類都有，豬牛雞連羊肉都有供應！我自己就比喜歡雞肉，佢果隻汁燒雞肉真係一流🤤🤤🤤又香又滑除左肉，佢都有其他蔬菜同埋海鮮提供🤤不過海鮮就要燒耐小小。飲品種類都好多，鳥龍茶綠茶汽水樣樣都有！大家得閒經過可以試下！

說到韓式烤肉，我大概會想起那些要坐圓椅，環境又吵，然後抽氣管由天花伸下來，不過還是很大油煙味的餐廳。不過，在大角咀這家大同韓燒，卻提供截然不同的感覺，就是如西餐廳整齊潔淨格局的韓式燒烤~座位好寬敞，有沙發有背椅，坐得舒服。枱也夠大放食物，就算多人聚會也完全沒問題。抽氣系統就在爐邊，一有油煙就直接吸進去，整家店完全沒油煙味也不會有霧氣，所以天花只裝了冷氣。放題的食物都是自己走去夾的，喜歡吃甚麼就隨意夾，不用怕漏單~為免食客烤食物等候時肚餓，他們提供了不同即食食物，有漬物，冷盤，蔬菜，刺身，壽司，水果和熱食等~要留肚吃肉(我今晚的重點啊)，這些前菜我不敢吃太多。但他們自家煮的水魷年糕值得一吃，年糕非常彈牙，汁也煮得入味，甜甜的辣辣的，水魷很爽口，如果怕自己烤需時的話，這水魷是合適的選擇。泡菜和魚也不錯。刺身好難才搶到兩件，是軟滑的三文魚~身為食肉獸，我的重點當然就是肉啊！看到整櫃有不同種類的肉整齊排好，顏色美美的，簡直是賞心樂事不用多想，全部都夾來烤就對了~~另一櫃裝了海鮮和蔬菜類，那些魚好肥美，蔬菜也新鮮。如果扇貝可大隻點就好了~事不宜遲，先來一碟肉肉肉肉，有牛，豬，雞，鴨，大多同汁醃或

大角咀真的好多餐廳，今次我們就來試一試這裡的「大同韓燒」。我和朋友都希望以最少的資金食個飽，所以任食的韓燒就可以滿足我們這些食肉獸。這裡每位小童$99，成人$159，任食兩個小時。我們晚上七點多到餐廳，不算多人。餐廳好空曠，抽風好好，感覺食完都不會周身油煙味。枱面好大，有足夠位置放食物。除了大台外，還有卡位。飲品放在一個雪櫃，可以供人任取。除了soft drinks，顧客可以加錢飲酒精類飲品。雪糕是雀巢，口味有四種，朱古力、芒果，雲尼拿和紅豆。當我們安頓好就開始出去拿食物，食物放在一個長長的bar枱。主要分隔為生和熟的食物。我們先拿了醃漬的小食，如醃蘿蔔、荳芽、青瓜和八爪魚仔。味道都不錯，酸酸甜甜都好開胃，所以食完好也又補了一碟。之後我們立即開始燒肉，拿了一大碟，有牛仔骨、牛扒、雞肉、腸仔、雞翼，味道都算醃得不錯，以百幾元任食來說已經令我好滿足！同其他韓燒不同的地方是這裡的爐鋪了一張吸油紙，所以不會濃底。牛仔骨醃到好入味！牛味足！我會盡量夾點肥瘦均勻的牛仔骨，燒出來口感更佳。拿了一大碟海鮮，有多春魚、魷魚、帶子⋯⋯全部都有醃過，所以好入味都不用特別點醬汁。帶子不能說大粒，但因為任食，所

今日番工番到連lunch都冇食...男友話請我食韓燒補番下！ 真係餓到連牛都食得落成隻！！ 所以就去男友公司附近的大同韓燒肉類有好多款式，餣得好入味！ 完全冇點過枱面嘅醬油最鐘意食蜜汁肋排同鹽燒牛仔骨，甜甜地，肉質幾嫩有樣真係令我覺得呢間店幾有heart!! 就係冬菇竟然係有餣過！！平時去燒肉店，烤完冬菇都冇乜味同埋較乾身，呢個烤完都好多汁！好味呀！有張紙墊係底，食少好多焦左嘅致癌物質咁店員會定時更換配菜都有9種！ 最欣賞係右上嘅小魚乾， 好香！必試呀！熟食有年糕、芝士西蘭花、牛油粟米，男友係咁食薯角因為岩岩整好，好脆有生果、三文魚同sushi拎左幾片菠蘿黎燒夠新鮮！燒完真係好好食有湯有炒飯，幾足料!有韓式配料整生菜包五花肉甜品有雪糕同糖水，糖水真心唔錯，糖水店質素兩日埋單$350，呢個價錢抵食！店員服務不錯！！好有禮貌，會主動幫忙

一向好鍾意食韓燒嘅我，平時多數去開尖沙咀金巴利道或者係一啲大型連鎖店度食，今日偶然經開大角咀福全街嘅大同韓燒，見到門口餐牌寫住$159一位任食自助餐，都好似幾抵食就入去試試。店舖入面有十多張檯，位置寬敞舒服，又有卡位，唔會話好嘈，最重要係無咩油煙嗰度好。食物種類都算幾多，首先有多種韓國前菜選擇，例如：泡菜、芽菜、菠菜、小白菜等。以肉類黎講，豬、牛、羊、雞、鴨統統都有齊，仲有唔同嘅汁去醃製，有鹽燒、汁燒、蜜汁；海鮮方面有多春魚、青魚、青口、墨魚仔、八爪魚同埋好少有嘅小扇貝。燒嘅時候，職員提供燒烤紙鋪喺爐上面，既可保留肉汁，亦同時可以減少油煙同埋減低燒爐食物嘅情況。職員都有不時幫我地換燒烤紙添。整體食物味道方面都唔錯，肉類方面唔會 醃得太鹹，味道適中，亦唔會有太多味精，好明顯食到肉嘅原汁原味，特別一讚係個鹽燒五花肉，肥瘦適中，燒起黎好香，食嘅時候有油香，一食再食。雖然店內都有唔少飲品可以選擇，有綠茶、烏龍茶、巨峰提子汁、柑桔檸檬，仲有自家製無糖檸檬水同菊花茶(真係無糖架)，不過真係食左幾碟肉之後都唔係好覺口渴，證明佢真係無咩味精！佢仲有兩款湯提供，日式麵豉湯同蘿蔔花甲湯，個花甲湯真係好清甜