大同韓燒 (已結業)

經過這條大全街，整條街都充斥著不同國家的菜，見很久沒吃韓燒了，價錢又那麼貼地，就入去試試吧！食物、飲品都是自助形式，有多款肉類（牛豬雞羊肉、內臟）、海鮮（魚、魷魚、青口、扇貝等）、蔬菜、韓國前菜，日式壽司及刺身、少量熱食、湯、還有甜品區，座位位置都很寛敞企理，出去拿菜亦很方便。由於太肚餓的關係，先吃點前菜，酸酸辣辣，十分開胃！急不及待邊吃邊燒那些肉了，我和友人都很好奇為何爐上了張紙，究竟是要拿開還是直接在上面燒呢？之後看到別的枱都是直接放食物在上燒，店員每隔一會就會幫我們換張新紙，這樣食物就不會那麼容易沾到燒焦的部分，真的是十分聰明的做法，而且也不用那麼大工程把整個鐵板更換！肉類醃得頗入味，不用蘸醬油也很夠味了。自己個人最喜歡的就是龍脷柳及雞肉，十分香口又嫩。友人選擇食雪糕，而我就想一嚐他們是日的中式甜品－南瓜西米露，甜度適中，不錯不錯，亦圓滿結束這頓非常飽肚的晚餐～這裡除了滿足一眾食肉獸外，亦很適合一眾愛吃魚及海鮮的食客，另外，推介大家平日食更加抵食，$159加一，下次可以再與幾位知己好友過來聚餐，不用次次都到訪那些連鎖貴價韓燒店了！

我最鍾意同男朋友去食百幾蚊放題韓燒嗰啲， 一方面可以滿足我食放題嘅願望， 另一方面想食好啲之餘又想慳住老公仔個荷包。 平民價錢 ，食物質素ok， 性價比高是這間大同韓燒的賣點！ 精明的我又點可以唔嚟呢度試下呢？！ 這裏肉類款式超多，啱曬我們呢一pair食肉獸! 飲品也是任飲， 款式雖然不算多， 勝在大路的七喜、提子汁、百士等還是有的~ 前菜方便選擇好豐富，不用燒立馬有得吃！有韓食必選泡菜、青瓜、大豆芽、醃蘿蔔也有辣味螺肉、芝麻八爪魚。中一款好特別嘅就係辣豆泡，甚至芝士焗西蘭花椰菜花，韓式大醬糕炒年糕和炸薯條也應有盡有多到數唔曬！ 自助吧櫃還有時菜和韓燒必備：生蒜頭、大醬等配料任取， 用嚟夾番個傳統生菜包肉就頂呱呱啦！ 肉類方面選擇有十分多！有燒牛肉,羊扒,汁燒雞肉,汁燒牛仔骨,蜜汁豬扒,鹽燒鴨,紅燒牛肉,鮮火雞腎........... 而且全部雖然醃製過，但看得出本身肉質也幾新鮮。 韓燒肉類之中我自己最鍾意食牛仔骨， 呢度啲牛仔骨個款頭都幾好， 醃得幾入味，肉質又夠嫩中帶勁，幾好食~ 話明係韓燒， 雖然係平民價錢任食， 但都有豬五花腩任得你燒隨便你食， 都算唔話得！ 而且肉質粉嫩

喺大角咀比較偏嘅街，夜晚人流唔多，有間韓國燒烤，見到價錢都幾抵食，所以就試下 食物種類選多同埋擺得好整齊。另外野人都有幾款可以揀。亦有一啲即食嘅小食，例如大豆芽菜、豆卜呀或者一啲醃製類嘅。海鮮亦有幾款，例如帶子、青口、魚柳、 多春魚等等。另外，仲有生菜，可以包住啲燒肉食，冇咁熱氣。醃肉嘅質素都ok。另外有海鮮湯，裏邊有一啲蜆肉同埋蘿蔔。呢度嘅燒鐵鍋上會放上牛油紙，可以格火燒冇咁易燶，紙燶咗又容易D換，方便。

最近真係韓燒燒唔停，朋友個個都話要食韓燒，結果今晚又要食一餐。呢晚我地係奧海城行街，行左一陣見餓就決定去大角咀搵下有冇韓燒。咁啱行到黎呢間大同韓燒放題，見環境唔錯又有位wor，就一於試下啦張台好闊落，唔使擔心會擺唔落野食環境唔錯，有好多張卡位，兩個人食都安排左一張四人台，坐得好舒服汽水同紙包飲品都係自己拎，仲有熱茶就係後面少少既位置斟。肉類方面有好多選擇，而且全部都已經醃好晒，睇個樣都知好入味。其它野食都好豐富仲有熟食同d配菜，泡菜既味道唔錯開始燒喇，燒肉全部都好入味，加埋泡菜豆芽包住生菜食已經好有韓式風味，肉質方面唔會覺得韌，有幾樣野都覺得好好味，金菇肥牛卷，魷魚，雞軟骨，牛肉，雞扒，羊扒，仲有冬菇，全部都好好味，我地重複夾左幾次我地係晚飯既黃金時間黎食，最後埋單計埋加一先$175一位，比起出面既韓燒真係抵好多呀，下次有機會都會再黎，又抵食又好味

雖然這間主打韓國燒烤放題的韓國菜館離家不遠，但一向不太常吃韓燒的我就在它開業了好一段日子之後的某一個晚上，才終於來這裡幫襯了一次。想不到這天的韓燒放題竟然帶來了一點驚喜。也許這兒的食物不算頂尖美味，但各款肉類、蔬菜、海鮮的種類都有不少，而且各款汁燒和鹽燒的食品都醃得都很不錯。特別是肉類當中的「鹽燒牛脷」、「汁燒雞翼」、「汁燒火雞腎」和肥大厚身的「燒汁冬菇」等，都頗為美味。 而除了主角的燒烤外，這兒的韓式前菜也有多款可揀，三文魚刺身雖然不是源源不絕供應，早來的我也吃了不少。此外，這兒還有兩款湯水與一款糖水供應，「日式麵豉湯」我雖沒喝，「蘿蔔花甲湯」我可是有喝的，味道雖然偏鹹，可能始終有點味精在內，花甲還是挺多的。糖水則是「南瓜西米露」，如果想吃雪糕，這兒有多款雀巢雪糕可揀，雖然不是甚麼著名品牌，都可以滿足一下想吃雪糕的人的頗望的。要是想吃得飽些的話，這兒還有熱騰騰的漢城炒飯可吃，下點甜辣醬泮飯吃，就一定夠飽了。 至於飲品方面，這兒除普通的罐裝、紙包裝飲品外，最特別的，是有「無糖檸檬水」可喝，這「無糖檸檬水」雖然因為所用的檸檬不夠靚，所以有點兒苦味，仍是健康之選

連鎖食店進駐屋村商場，似乎每天避免不了要對著一式一樣的餐牌，吃著一模一樣的食物，味覺都麻木了！而且吃一頓快餐飯也一點都不便宜，現在只要加多一點點，$159就能享用任飲任食韓燒！大角咀大同韓燒地點也方便，於奧運找A出口，來到奧海城找前往大角咀的天橋，一下來多走一個街口便來到。店子很大，位置舒適，不會瀰漫著油煙。肚子餓了，等不及燒，也可以先拿熱食，這裏的熟食種類也很多，感覺比一些較廉價的酒店自助餐還要多選擇。筆者先來了一碗海帶豆腐湯暖暖胃，然後就到了熟食區。因韓燒多肉類，故熟食以蔬菜為主，其中筆者極愛韓式汁煮薯仔（就是平常到韓式餐廳很常附送的前菜），另外三文魚刺身不斷地在後台切很refill。很窩心 。燒波蘿不是很多地方能別到呀！這裡更有元貝可燒！筆者小貼士：到盛湯那兒有試蒜片，同燒更好吃，但要放到鐵板中間一點的地方，讓它在燒乾水前熟，那就鎖住了汁，很好味呀～Q之親子小貼士：店子選擇多，肉類醃得很入味，如果想親子同往，建議家長選擇未經醃製的魚肉燒，魚肉亦有幾種選擇，瓜類亦可選脆肉瓜、茄子，小朋友一定能吃得飽！如果怕熱氣，店子除了紙包飲品，亦有菊花茶，筆者喝過，不太甜，很清潤，可以一試。

上星期來到大角咀探望已生bb的好朋友 約了她來到大同韓燒這裡見面 之前其實經過這裡, 發覺地方很闊落舒服 位子很多而且地方整潔乾淨 百多元任點任食2小時都很化算 所以就預訂了這間餐廳了~ 準時來到, 服務員態度有禮, 笑容滿面地領我們來到一個可以舒服看電視的位子坐~ 不久朋友來到了,可以出去拿取食物和飲品!! 大同韓燒不是現在很流行的韓燒(就是燒大大塊五花腩和有泡菜疍那種) 而是比較傳統一點的~ 食物選擇很多, 牛肉、豬肉、雞肉雞翼、煙肉鴨腎, 大大盤放在外面 而且會不斷添新, 肉類全都新鮮醃好 顏色看上去很有光澤, 不似放久了那種 不錯~ 還有很多瓜菜,紅腸腸仔, 青口, 茄子等等 上排則放了我最愛的多春魚! 我拿了幾條回去燒呢~ 味道方面, 個人覺得肉類夠新鮮, 而且醃的味道不錯 不會太咸太濃味 肉質亦有彈性, 烤好後, 肉質鮮香, 惹人垂涎! 肉類質素頗高, 烤好後不會太老太鞋, 肉質甘香味道濃郁 而且這裡會敷上牛油紙來燒 把多餘的油份吸去 吃下去不會太油膩! 牛仔骨都不錯, 很喜歡黑椒的味道, 香濃夠惹味, 而且在燒的過程中, 店員都會不停的來看看客人

作為大角咀既街坊，經過呢條街既次數真係冇一百次都有五十次，但唔知點解總係撞唔啱冇機會入去幫襯！今日見個 lunch食唔飽，又撞正「Monday Blues」所以決定入去試下！餐廳位於大角咀，由奧運站行過去都只需要十分鐘左右，非常方便。收費方面亦都非常大眾化，$159任飲任食兩小時，真係平到好似時光倒流咁！一坐低之後，侍應首先放左一張圓形既吸油紙喺個爐上面。唔好睇少呢張紙，呢個簡單既idea非常之好，令到之後燒野食既時候冇咁大煙，爐面既鐵板亦都冇咁易燶。另外，店員更加唔駛成日換鐵板，全晚都只係換左一次吸油紙咁大把，非常環保！因為加左吸油紙既關係，食物相對無咁熱氣。但「針無兩頭利」，鑊氣亦都因為咁而相對唔多夠，不過整體感覺卻較為健康！飲品選擇非常多，除左常見既百事、七喜可樂之外，更加有道地綠茶、烏龍茶、巨峰提子汁、柑桔檸檬等等！熟食方面，韓式餐廳常見既前菜好似泡菜、芽菜、酸蘿白等等通通有齊，亦都有粟米、燒三文魚、薯角等等平時較少見到既食物。肉類同海鮮方面既選擇非常多，豬、牛、雞等等常見既食物非常齊全，重有「鹽燒」、「汁燒」同埋「蜜汁」三種唔同既味道添！誠意推介既有燒起之後完全唔會「柴皮」既

大同韓燒在區內已經開設了好一段時間，但一直未有時間幫襯，這天因約了師傅來修理電器，所以我們決定待維修完畢，便一家人到這裏吃韓式燒烤自助晚餐。其實餐廳離奧運站只是數分鐘路程，地點相當就腳，而且收費合理，任食2小時，周一至周四，小童HK$99，而成人HK$159 (另計加一服務費)，而周五、周六、周日、公眾假期或前夕則每位多加 HK$10。 餐廳的裝修雖然稱不上豪華，但整體感覺還是挺不錯，地方非常寛闊，枱與枱之間有一定距離，空間感十足，坐下後感覺舒適。 自助吧內備有多款燒烤食材，單單是肉類就已經有十多款之多，當中更有鹽燒牛肉、蜜汁肋排、五花腩、牛舌、雞肉及羊肉等等，全都是無限量供應。 而海鮮的食材亦不少，八爪魚、魷魚鬚、青口、扇貝、多春魚等，蔬果則有青椒、茄子、冬菇、洋蒽等，各式各樣，應有盡有。 除了燒烤食材，旁邊還放了熟食區，放滿了韓式前菜及煮熟了的食物。個人極愛吃這裏的前菜，單單是這個菠菜，入口就帶有濃郁的芝油香味，而且味道不會過鹹，非常惹味。 而生果的選擇則較少，只有菠蘿及西瓜，但兩款水果味道都是相當清甜。 另外，除了酒精飲品外，這裏的飲品及甜品，全都是任食的，而且餐

友人邀請我黎到大角咀的大同韓燒~由於去韓燒前去左油麻地廣華一轉，所以就搭左的士入!呢個位置都幾偏離市區~太太太勁冇食過韓燒，一於黎TRYTRY最鐘意大同唔係食燒既肉，反而係大同既前菜淨係前菜都有9款! 好吸引!!泡菜, 八爪魚 同芽菜 食左幾轉!!!另外，仲有d熟食樣貌都麻麻地，唔算好吸引但，夾黎食都係熱既! 呢點先係最重要!再睇下d可以燒既種類~都有差唔多廿款! 牛豬雞羊魚都齊!羊架係最值得讚！好惹味，燒完又唔硬！另外仲有廿款菜菇海鮮類。冬菇最好味! 必食!!!!!另一讚係爐上的 吸油紙 ，非常好，爐面無咁易燶，店員都會主動換紙食客又方便左，洗碗姐姐都舒服左!唯一唔讚既係..壽司同埋魚生..好似擺左好耐..不過都見有其他客人拎黎食，餐廳亦都refill得好快!大角咀 隱世韓燒 讚!!!!

聖誕至到年頭飯局不停，今晚又有聚會，上年去表叔火鍋時被介紹去試下這家話好抵食既韓燒，嘩! 星期一至四大人都只係$159 ,加埋一都唔使$180就可以燒烤自助晚餐 (星期五六日公眾假都係再加十蚊) 入座計限時2小時，拎下野食燒下食下再傾下都差不多韓式醃菜小食生果壽司刺身燒烤肉食燒烤蔬菜雪糕杯任食酒精飲品(另收費)每個區域都整齊乾淨簡潔大同韓燒原來同表叔火鍋係FRIEND喎 ~太肚餓關係，先食一些前菜頂一頂先，味道不過不失啦還有海帶海鮮湯，成煲都好多料三文魚刺身厚切哈哈，依一輪全貝殼類，有青口和扇貝仲有我喜愛的鮮菠蘿呀 !$159一位加埋一都係$175，任食任食依口價真係好超值 !

朋友係呢區返工所以就專登入左大角咀食，因為佢話想食韓燒，咁我地行行下就搵左依間。同一般任食既韓燒店一樣，除左肉類，佢都有前菜同熟食揀。我覺得佢前菜做得幾出色，竟然仲有芝麻八爪魚食，我夾左好多轉！佢其他泡菜，青瓜好入味。好啦，開始燒野食，唔洗落油，佢地會放張紙係爐底俾大家燒，燒到咁上下，就會幫你換過d新既。佢仲有幾款海鮮可以揀，青口、帶子咁依間韓燒鋪地方闊落，可能因為唔係落油煎既關係，油煙唔係好大，而且唔會好嘈，岩晒傾計食飯雪糕都係任拎

終於提起心肝食第一篇食評😆😆話晒都第一篇，就食篇新鮮滾熱辣既好評啦尋晚同男朋友二人行去到大角咀既呢間"大同韓燒"逢星期一至四，任何時段任飲任食兩小時都只係$159加一，又幾抵咁啵一於入去試下先一入到去，待應好快就安排到坐位俾我地！幫我地set好野之後就同我地講可以出去拎食物同飲品飲品都有唔少選擇，一般獨立包裝既汽水果汁同烏龍茶都有，仲有自己倒既無糖檸檬水同菊花茶添！當中有一啲熟食同刺身壽司，岩晒等唔燒又肚餓既朋友仔熟食既味道都唔差！而燒肉既種類都唔少，雖然味道比較港式，但豬、牛、雞、羊、魚同海鮮蔬菜同應有盡有！個人就比較推介牛舌同牛仔骨最後就緊係食埋甜品啦，除左有生果，仲有雀記雪糕（有四至五種口味）同南瓜西米露，有熱有凍任君選擇短短兩個鐘，有咁多野食又點會唔飽！雖然唔係話食物超高質，但呢個質素就絕對對得住個價錢而待應既態度都好好，好勤力收野同主動幫我地換燒爐既底紙~真心覺得可以encore

韓燒真是百吃不厭！每逢約朋友食飯、聚餐，都必定會有朋友提議吃韓燒。今次約了朋友們來大角咀的大同韓燒。超級抵吃！推介給大家！ 雖然什麼沒有特別的裝修格局，但吃飯不是吃裝修，這裡座位闊落、乾淨整齊，最重要是食物質素、價錢非常抵吃。 $159加一，我相信這個是中學時的價錢吧！看到價錢之後，在懷疑食物的質素？那你就錯了！ 這裏的韓燒配料有約40款，排列得整整齊齊。 肉類方面有牛脷、牛仔骨、五花腩、臀肉、雞肉、羊等等；海鮮方面，有八爪魚、青口、扇貝、龍脷柳等等；還有青椒、紅腸、腸仔等等雜項。簡單來說是基本的配料都應有盡有。我自己最愛海鮮，所以剛開始就拿了青口、龍脷柳，非常推介龍脷柳給大家，肉質非常嫩滑鮮甜，有入口即溶的感覺。 想不到這裏有扇貝，肉質彈牙鮮味，口感扎實。 八爪魚爽口彈牙，極富口感。 順帶一提，絕不能錯過品嚐雞翼！店主已把雞翼貼心地剪開了兩邊，好讓雞翼燒得均勻一點。 雞翼肉嫩美味，表皮外脆肉嫩，而且店子早已把雞肉醃好，不需要任何醬料已非常滋味。 這裏亦有泡菜和蔬菜，可以清清腸胃。 中場休息，當然要品嚐一下水果，值得一讚的是，這裏的水果非常新鮮，排得整整齊齊，有菠蘿、西瓜，清甜多汁，