大壹燒鵝 (啟田大廈)

營業中

休息中

收工和朋友來到位於藍田站附近的啟田大廈，有一間名叫大壹燒鵝的港式茶餐廳，晚市專食港式燒味和其他小炒，於是便和朋友來到試試。藍田分店是兩層高的復式設計，我們就坐後便立刻點了招牌菜燒鵝例牌，客人可選上庄和下庄，差$30我們便叫了稍貴一點的下庄。雖然是例牌，但份量並不少，上菜時香氣撲鼻，香噴噴的燒鵝油脂分布在表皮上，二味道當然冇令我們失望。脆口的燒鵝皮和厚實的燒鵝髀肉，配上經典的酸梅醬，完全是令人停唔到口的組合，酸酸甜甜非常開胃，值得一試。主食方面我們叫了一款單拼叉燒瀨粉，果然是專門做燒味的餐廳，叉燒也相當有水準，瘦肉過油脂分明相間的肥瘦叉，表皮塗上蜜汁再燒到香脆，口感非常煙靭，配上大碗瀨粉，清甜的湯底，非常不錯。最後叫了一道黃金蝦球，蝦球的數量非常多，而且非常大件，表面再拌上大量鹹蛋黃醬，鹹香的味道，非常野味。

今天約了住在藍田滙景花園的友人飯聚，他極力推薦啓田大廈地面的大壹燒鵝店，那我便要試一試了。一進店內，食客滿佈，幸好還找到座位。午市和小菜餐牌上的選擇很多，最後我們兩個人各點了一個午市燒味飯套餐，還選了一個小菜分享。～大壹燒鵝髀飯配熱杏仁霜這店的招牌出品又怎能錯過？燒鵝髀飯真教人滿足。燒鵝髀燒得顏色吸引，肥瘦比例平均，但一點也不感油膩，皮脆肉香，肉汁豐富，口感十分好；沾上酸梅汁來吃，味道層次更豐富。伴飯的炸菜爽口惹味，又不會過鹹。白飯汲取了鵝的油香，令人不經不覺便將它完整的吃掉。飯後來一杯潤滑杏仁霜，非常滿足。～燒味雙拼飯配紅豆冰友人選了燻蹄和油雞髀飯，賣相吸引，友人説味道也十分不錯，燒味確實做到頗高的水平。紅豆冰的紅豆軟硬適中有咬口，味道適中不過甜。～柚子蝦球熱騰騰的柚子蝦球上枱，香氣撲鼻而來，大大的一碟加上金黃的顏色賣相十分吸睛。大蝦球沾上了炸漿，炸得脆口，吃起來啖啖肉，蝦的肉質結實爽彈，和甜甜酸酸的柚子醬汁配合得宜，惹味又醒胃。這店的燒味和小菜都有相當的水準，友人的推薦果然沒有錯，怪不得這店得到很多食客的捧場。

今晚和家人晚飯，見到有燒鵝專門點就決定品嚐下。必定要點的一定是大壹燒鵝，揀左例牌上庄，兩人食剛剛好。即叫即砍，好快脆就上到檯，望上去會見到肉汁油陵陵，咬上口有入口軟糯嘅感覺，而且香味四溢。生炸bb鴿亦非常有鮮味，食材質素上都非常高，而且吃上口亦香口。最後點埋燒汁薯仔牛肉粒，薯仔外脆內軟，蘸上燒汁簡直回味無窮。牛柳粒亦鬆軟沒有筋，啖啖都係肉。飲品方面，點了熱杏霜，非常濃郁，可見餐廳都真係落足料。整體而言，價廉物美，而且適合和家人聚會食飯之選。

晚上到了朋友屋企樓下的大壹燒鵝吃飯，餐廳面積非常大，有上下兩層，位置闊落，當晚幾乎坐滿了食客。餐廳叫大壹燒鵝，當然要試一試這裏的燒鵝瀨粉。燒鵝是餐廳在地即燒，而非工場運送，所以當然非常新鮮熱辣。燒鵝皮烤得相當香脆，肉質嫩滑，肉汁香濃，果然稱得上是招牌菜。瀨粉湯頭清甜，粉條質地爽滑，而且相當大碗，非常抵食。我們下單時低估了瀬粉的份量，另外加點了一碗。但實在相當美味，所以一人一碗都完全沒有問題。琥珀牛肉粒，顧名思義就是用上了琥珀合桃，外層包裹着糖漿和芝麻，炸得相當香脆，一粒又一粒吃不停口。搭配着牛柳粒，肉質鬆軟，黑椒味濃，口感一硬一軟，非常豐富。黃金蝦球，大蝦炸得金黃，然後用鹹蛋黃蓉炒香，每個蝦球到包覆着滿滿的鹹蛋黃醬，用料十足，不似坊間同類型的菜式只有少量的鹹蛋碎。蝦球肉質新鮮彈牙，每一口都絕對吃到鹹蛋黃的金香，絕對邪惡但相當美味，而且一碟有十件蝦球，性價比極高，非常推薦。跟餐加點了一杯紅豆冰，紅豆質地綿滑起沙，味道香濃可口，相當不錯。

同屋企人去開藍田，咁啱想食啲小菜，就決定去試吓呢一間喺街尾嘅餐廳。🤩——————————睇到餐牌，288/兩位用，三餸一湯配白飯，加凍飲都係$7，一於試下佢。🤓第一個餸就揀咗燒味雙拼，三選二，我哋要叉燒拼香妃雞。首先講下個叉燒，個部位五花腩，啲叉燒汁好入味而且燒到窿邊😋，十分野味。另外個香妃雞，佢俾咗脾我哋😍，啲肉好嫩滑，加埋蔥油超正🤩。之後就到咕嚕肉，個咕嚕肉外脆內軟😋，而且佢個汁酸甜適中，見到佢嘅菠蘿唔係用罐頭🤪，而係用新鮮菠蘿。之後就係金銀蛋浸時蔬，咁佢有鶴藪、菜心、白菜、油麥菜呢啲揀，咁我哋就揀咗鶴藪。個擺盤幾靚🤩，而且啲菜唔會煮得太老😋。總括嚟講，呢個餐有三餸一湯，而且每個餸都好大碟，基本上可以三個人食。因為我哋兩個人都食唔晒。所以288可以食到三個人，又好食，真係好抵。🤓👍🏽

其實都唔係第一次食呢間餐廳，不過佢真係好抵食👍見到好多人都係3個人share 2人餐再加個小食🤣🤣$288就包三餸一湯一飯，CP值好高，而且樣樣餸嘅份量都超大😆😆除咗二人餐之外，佢嘅燒味亦都十分出名，所以都特別設有一個燒味飯套餐👏👏-1.招牌足料老火湯呢度嘅湯飲得出冇落味精，亦都唔係加咗好多鹽，調味恰當，飲落好舒服😌-2.大壹叉燒皇拼玫瑰豉油雞叉燒皇真係不愧係皇，燒得燶邊，調味好特別，好入味😋而且肥瘦都適中👍豉油亦都出奇地滑呀😍/3.士多啤梨豬扒基本上每次黎都必叫，份量勁多，又切好一條條好方便😆酸酸甜甜，連飯都可以食多碗呀～-4.藍田小炒皇一碟入面有勁多料，有韭菜、魷魚、粒貝、脆魚仔等等，好多層口感👍食落少少鹹香好惹味😋-

燒味飯普遍香港人都經常食，而香港嘅燒鵝飯餐廳如果整得好食，更加會遠近馳名。以前都去過深井一啲出名嘅食燒鵝餐廳，但係記憶中味道只係中規中距。今次好慶幸竟然喺藍田市區入面食到一碗色香味俱全嘅燒鵝飯，而佢嘅燒鵝飯亦襯得起大壹燒鵝呢個名稱。燒鵝飯大大碗絕冇欺場。價錢亦唔貴，可謂蔗渣既價錢，真正燒鵝嘅味道。燒鵝皮燒得香油脂亦多，但絕冇肥膏。燒鵝味濃郁，肉質軟淋，啖啖甘香。要讚一讚嘅係佢嘅豉油汁，又唔會死鹹又香，絕對襯得起咁美味嘅燒鵝。而燒鵝醬自家製，酸酸甜甜，值得一讚。呢度當然唔係淨係得燒鵝飯食咁簡單啦。仲有好多出色嘅小菜，例如依煲油鴨芋頭煲。臘鴨鹹香味好重，配上軟綿嘅芋頭質感，配搭送飯食一流，份量又足。蓮藕餅又係我好鍾意食嘅一道茶餐廳小菜。除咗大大件可以食飽個肚之外，豬肉同蓮藕嘅配搭，煎完之後皮脆肉嫩，口感豐富，令人忍不住一口接一口。最後都忍唔住點多隻乳鴿，乳鴿同樣皮香肉嫩。燒得啱啱好，肉質唔會好老，係好好嘅佐酒食品。

每日放工都見到勁多人等外賣，人流勁多。但堂食好快就有位。餐廳好光猛，卡位多，坐得舒服。二餸一湯一燒味，都有三十九個小菜揀，好多選擇。燒味要了义燒拼油雞，油雞好滑，味道剛好。燒味真心讚，好好味。义燒燒得好靚，有燶邊香脆，肥瘦比例好好，甜甜的蜜糖，看見已覺得好味，食就真係一流。燒汁野菌牛仔骨，牛仔骨肉淋，配野菌三色椒炒得好香口。原來用燒汁野菌炒，又幾惹味。拍蒜豆豉泰椒炒芥蘭，用蒜頭辣椒炒得辣辣地好香，芥蘭又爽脆，好味。湯不是濃味，清清地，不會太鹹，唔錯。

作為一個燒味愛好者 一聽到邊度有燒味好食 無論喺邊 我都一定會抽時間去試🥢所以今次我入咗藍田 為咗就係佢嘅燒鵝店舖比我想像中大 有兩層 乾淨整潔✨6點幾去到已經唔少人嚟到晚餐啦 望一望menu 原來除咗燒味 仲有超多款小菜揀✅◾燒鵝髀.燒腩雙拼飯◽燒鵝.叉燒雙拼飯◾豉椒炒蜆叫得大壹燒鵝 又點可以唔叫佢哋嘅招牌燒鵝😌首先鵝脾好大隻 層皮脆脆地帶少少甜 仲要分咗兩層 份量勁多 而且肉質好juicy 一路食一路會有肉汁"咇"出嚟 而另一份燒鵝肉 雖然唔係脾位 但質素同樣出色😍一樣皮脆肉嫩之外 仲要無骨啖啖肉架 配嘅甜酸醬應該係店家自製 同坊間食開嘅唔同 較為稠身啲亦都濃郁啲 不過個人真係認為唔洗點醬都好好味❣️而另外叉燒少少燶邊 所以好香而且入囗感覺好鬆化 燒肉亦都好稔 肥瘦均勻 配埋芥末醬好惹味💯我哋再叫咗個豉椒炒蜆 雖然啲蜆唔算肥大 但份量好多 都整得幾好味 最重要係好乾淨☺️平時最怕有沙 而呢度就無呢個情況

以東九龍各區嚟講，藍田真係相對無乜嘢好食，咁點解今日我哋會嚟到藍田呢？話說A姐想試吓渣車返工嘅感覺，公司喺觀塘嘅佢，出車後又驚觀塘多車，又驚停車場啲泊位窄，所以佢由屋企出發之後，就將架車泊咗喺藍田再返工，但呢個計劃亦令佢醒覺以後都係搭車返工吧！結果放工之後，我就陪佢去藍田攞番架車，順便喺呢度搵食。我哋隨意就嚟到藍田大壹燒鵝，顧名思義餐廳主打港式燒味，食完之後，我哋推介呢度嘅燒鵝同叉燒，非常高質！餐廳晚市推出抵食嘅二人套餐，除咗燒臘，仲有唔同小炒，連埋白飯同湯，份量十足，非常豐富，真係3個人食都一定夠飽！老火靚湯套餐包兩碗湯，喺呢啲凍冰冰嘅天氣，老火湯就夠晒暖心！每日嘅老火湯都各有不同，而今晚嘅老火湯就係老黃瓜湯喇。燒味雙拼大壹燒鵝嘅名物當然就係燒味啦！估唔到套餐嘅份量都唔少，雞肉嫩滑，豉油味香濃；最好味係叉燒，肥瘦均等，蜜汁濃郁，仲帶有焦香嘅味道，肉質軟腍，必叫推介！西蘭花炒蝦仁即叫即炒，好有鑊氣！蝦仁鮮甜彈牙，肉質爽口，重點係大大隻，滿足感大大提升！西蘭花碧綠爽口，夠晒新鮮。啫啫滑雞煲冬天最啱就係食煲仔菜，熱辣辣就最滋味！雞肉份量好多，真係非常嫩滑！入面仲有豬頸肉，醬汁惹味，送飯一流

朋友帶我到藍田去品嚐燒鵝。聽說此店的燒鵝不是由中央廚房送過來，而是在店舖內燒烤，所以特別皮脆香口。那就一定要嚐燒鵝看看餐牌，不只是燒臘，也有很多不同的小菜、海鮮等選擇。午市還有中、西式和燒味飯套餐。 大壹燒鵝－例牌－下庄燒鵝表面色澤油潤， 油香十足。外皮薄而香脆，酥香肉嫩，多肉汁而不帶臊味，不乾不柴。而鵝肉鹹香味適中，不沾酸梅醬也味道好。 咕嚕肉小菜同樣出色。咕嚕肉色澤金黃，半肥瘦的梅頭豬肉肉質新鮮，肉脂帶甘香 。外層炸得酥脆，沒有因芡汁已軟腍。 芡汁濃稠適中，甜甜酸酸的味道，令人十分開胃。配料較特別，除了鮮菠蘿肉和三色椒外，還有帶微酸的蕎頭和甜味的無花果。很美味的一道菜。 干炒牛河我想飲熱奶茶，故點了干炒牛河套餐。大大片的牛肉嫩滑，數量也多。河粉炒得色澤均勻，不會黏在一起。 芽菜和韮黃等配菜十分爽口。最重要是有鑊氣熱奶茶茶底香且滑，不錯呀。

大壹燒鵝今晚想偷懶唔煮飯，同屋企人落樓搵餐廳坐底醫肚！嚟到藍田地鐵站一出約5分鐘路程，就見到好多餐廳，我地就選擇咗大壹燒鵝。餐廳分二層，我地想舒舒服服睇吓電視就上左一層坐底，晚上餐廳有小菜，亦有套餐選擇，款式非常多！由於我哋有選擇困難症，所以揀咗2人套餐。椒鹽鮮魷，落單後約5-10分鐘就上枱，大大份好抵食，配醬汁非常開胃！燒汁薯仔牛柳粒，賣相好吸引，用左三色椒炒，牛柳粒厚切得嚟食落又唔會「鞋口」，而且薯仔炸完再落鑊炒，整體不錯！椰菜粉絲櫻花蝦煲，睇個名以為係上湯浸就錯晒，原來係炒粉絲，第一次見係櫻花蝦多過粉絲，絕對抵食！總結：晚餐連飲品不用加一，每人$150，經濟又實惠。

陪媽媽去完藍田買野，諗住食埋野先返屋企，記得之前係附近同朋友食過間「大壹燒鵝」好出色，加上媽媽鐘意食鵝，岩曬心水位置係啓田商場對面，好易搵！餐廳好光猛新淨，樓底又高，地方闊落，坐得非常舒服下午茶選擇都好多，亦有午市餐牌，亦有晚市小菜餐牌！小菜選擇都幾多，連海鮮都有紅豆奶茶大大杯，紅豆又多又夠淋，奶茶底都好飲燒鵝脾飯完全保持出色水準皮脆充滿油脂香，肉嫩結實，好好味份量好足，脾下面重有一浸鵝肉連D伴碟榨菜都好好食雙拼腩仔叉燒飯叉燒帶燶邊，燒肉非常香脆另外叫左個小菜椒鹽豬扒，份量好足，大大碟估唔到除左燒味出色，小菜都唔輸蝕，椒鹽味好香，豬扒外脆內夠淋，夠嫩滑唔乾又唔鞋保持到出色水準另外服務都好好，會主動幫客人

今日約咗朋友嚟藍田食嘢，最後都係選擇食咗幾次嘅大壹燒鵝。原因好簡單，裝修靚、坐得又舒服，而且燒味小炒都非常出色。今次同friend兩個人揀咗個$288嘅超值滋味套餐，任選三餸一湯再跟加白飯兩碗。個套餐可以選擇雙拼燒味加兩個小炒，亦可以唔要燒味揀三款小炒，任君選擇。叉燒拼豉油雞🐔燒味雙拼分量相當之多，豉油雞咁啱又俾咗個雞髀我哋。無論係雞定叉燒，啲汁都好入味，食落就會知道同普通燒味店嘅分別。西蘭花炒蝦仁🍤上碟賣相十分之靚，冇諗過小炒上碟都咁有心思。蝦仁食落好嫩滑、西蘭花亦好爽口，加埋啲椒一齊炒，同蝦、西蘭花幾夾。涼瓜炒牛肉🐮燒味齋食點都可能會有啲膩嘅，叫碟涼瓜炒牛肉一齊食就啱啱好。牛肉每件都好大塊，雖然係小炒，但係食落都好嫩。用嘅苦瓜唔係非常苦嗰隻，用嚟炒牛肉好好食。#藍田美食 #美食推介 #美食 #美食地圖 #拍拖好去處 #拍拖活動#香港打卡 #打卡好去處 #情侶好去處 #foodie #foodiehk #foodblogger #food #yummy #yummyfood #hkig #hkfoodbloggers #hkkol #hkig #hkfood #hkfoodie #h

聽聞這邊的燒味好出色，老公又鐘意食。所以黎試一下。座位坐得舒服，寬敞。服務有禮，上菜速度快。燒味雙拼 叉燒燒鵝 $178叉燒燒鵝份量好大， 叉燒角落位燶邊焦香，表面上有麥芽糖，肉質有香氣。 甜甜的味道加上軟腍的肉質，滿足味蕾。 燒鵝嘅皮薄，又脆。食落去感覺好似啱啱烤出嚟咁，油脂感豐富。星洲炒米 $60粉量超級大碟，每一啖都食到配料，見到咖喱顏色好均勻。米炒亦炒得好乾身。大壹炒飯 $60米飯炒得粒粒分明，睇到都覺得好夠鑊氣。入邊都有呢啲雞蛋，燒鵝同埋蔥花。香氣十足。例湯 $5好足料，味道好濃。佢櫃桶有紙巾，真係值得一讚。