大安茶冰廳

營業中

休息中

早前和朋友打算去油麻地試一試新餐廳，見菜式新穎，飲品又有心思。對餐廳嘅感覺初頭覺得良好，可惜空手而回。當日餐廳營業時間含糊不清，令人完全無所適從。 本來亦打算買幾個蛋撻食完飯之後返去做甜品，點知最後連所有蛋撻都冇晒。一間成熟嘅餐廳應該係可以有更加好嘅經營手法。成件事最令我同我朋友覺得難受嘅係，職員當時說需要等多半小時才開門，過了半小時後，餐廳竟直接閂門了。如果一早同人講清楚，可以唔使浪費大家嘅時間。

今日早餐想食得特別啲唔想去普通茶記嚟到油麻地一間懷舊興現代fusion嘅冰室試試(*´꒳`*)我哋好好彩過咗熱潮先嚟食就唔駛排隊～雖然裝修同伙記制服都好復古但係菜式絕對創新到未聽過例如門口見到嘅呢啲蛋撻有奶茶味、椰汁芋頭西米露、酒香摩卡、抹茶紅豆麻薯蛋撻餐（$58）本身一件撻同一杯嘢飲分別都要$28同$38，所以呢個餐抵咗$6✧ 兒童鴛鴦（阿華田+好立克醬）有啲驚喜～個texture真係好似蛋撻咁而唔係流心嘅而味道就食得出好立克味🌾，不過都係偏淡阿華田味本豬就食唔出🍫，朋友就幫口話本身阿華田味都好難形容keke✧ 拉鐵咖啡味唔濃☕️，奶味比較重🥛但拉花好靚好有誠意✧ 奶醬格仔餅配雲尼拿雪糕（$72）喺menu見佢英文寫waffle🧇所以曾經有一刻對佢有甜品鋪waffle嘅期望End up係本豬唔啱(´･_･`)都係當佢格仔餅鋪嗰啲會貼切啲唧花方面有兩種cream: 啡色係花生醬味🥜，白色係奶醬味，但食唔出係煉奶定普通奶另外仲有啲花生粒喺面頭增添多一種texture細心位係煉奶另上，大家可以自行調節個甜度；另外佢餅與餅中間都用花生醬固定咗～伴碟仲有一球movenpick雲呢拿味雪糕🍦倒插個

大安在油麻地已有五十多年年頭, 從以前傳統的冰廳, 價錢便宜而又服務街坊, 現在新老闆令冰廳文青化, 裝修不變但侍應更年輕, 菜式, 飲品和定價也和以前大有分別, 難怪以前光顧的老街坊也未必能接受到. 當中最要適應的, 就是沒有奶茶而只有咖啡, 變成一家咖啡屋, 當中的咖啡豆質素OK, 不會太酸, 堅果香不錯而且油脂層結實, 要不是大安這結典名字, 以及本身冰廳的格局, 其實單純咖啡質素這是可以的.食物方面也是傳統茶記的進化版, 雞扒撈丁有辣椒油和豉油, 甜香和辣香也夠, 雞皮香脆而肉質爽實, 肉汁也有, 最有趣的是乾生蒜的結合作伴碟, 有辛香也有蒜香, 如此風味確比平時的強. 至於蛋撻的變奏版就是內裡有蓮蓉餡的高身厚撻, 由熱食變成凍食, 效果就較一般.

平時成日睇Sam and Victor 嘅YouTube 片都會見到佢地成日會去大安茶冰廳度食野,所以上個星期六趁🈶️時間就同媽咪一齊去試下👅食tea知道大安茶冰廳係由一間懷舊嘅茶餐廳易手轉型為Cafe, 所以係出面見到啲招牌同鋪面都keep住原有嘅樣貌,而且入到去啲格局都仲保留返懷舊嘅裝修風格,所以如果鍾意懷舊老香港茶餐廳文化,我覺得都幾值得黎飲杯野食個tea我地叫左一杯 Iced Matcha Latte (HK$46) 🍵同埋一杯 Hot Latte (HK$38)☕️,杯Matcha Latte唔會話太澀口,而且甜度適中,味道唔錯,而杯Latte就好夠熱而且奶味夠濃我地之後仲叫多左個檸茶曲奇(HK$36) share 黎食 🍋🍪, 檸茶曲奇個口味幾特別,有檸檬乾係入面,好有口感幾得意📍油麻地廣東道830號地下

今日去左位於油麻地嘅大安茶冰室！入到去見到懷舊嘅味道，翻新左嘅質素！係到諗，影相/食野都好岩feel!打開menu , 3點3下午茶，野食價錢偏貴，都想試下！因為係心機餐牌黎叫左菠蘿油芝士蛋 + 青檸蜜糖水 菠蘿油 本身係好吸引 ，皮脆牛油勁香！煎蛋配芝士🧀️呢個組合 根本係冇得輸㗎😀蛋邊又脆卜卜，配上菠蘿油嘅鬆脆，簡直係極品呀！ 中間夾左啲沙律菜，唔會覺得好漏！推介青檸蜜糖水同平時叫嘅有咩唔同呢？就係多左份 青檸香，真係好正，好清新，飲完成個日好fresh , 唔似平時檸檬有苦澀味配上蜜糖，清清甜甜，好開胃🤤

已經去過大安幾次啦，係公司嘅小夥伴介紹的，第一次認識佢哋嘅咖啡，同埋特色蛋撻，就喺PMQ某日的一個咖啡Market。喜歡老闆同佢哋同事對張本地特色茶餐廳文化，融入新式cafe元素。大安裝修有一點懷舊風，都係有好多年青人打卡的好去處🤳🏻值得推介，就係佢哋嘅蛋撻餐，特色蛋撻，配一杯飲品，休閒下午，享受人生，吹吓水，亦可以減壓。另外還喜愛大安播嘅音樂，都係好聽的時代流行曲，座位，空間感非常好，有好多卡位。咖啡師，拉花其實好好，每一次都拉到複雜嘅圖案。如果要講一下可以進步嘅空間，可能係員工服務態度可以親切一點，洗手間洗手嘅水龍頭，按一下，就有自動水流出就比較衛生了。

本身被佢嘅「舊式茶餐廳改裝成Cafe」吸引，的確餐廳環幾靚幾特別，但招呼令人感覺好差... 我地一行三人買完杯外賣咖啡（Iced Americano $36, 凍檸啡 $42, Mint Mocha $48）係收銀隔離等咗一陣，個員工就叫我地出去等… 當時鋪面八成吉位，嫌我地阻埞都可以俾少少禮貌叫我地坐低等掛，又冇寫明外賣係出面等，大佬出面體感成40度，最後仲要等咗十五分鐘... 杯咖啡驚天動地都話算數呀，但味道普通，americano就淡、檸啡就咸、mint mocha就太甜，份量細杯到十啖就飲得完，性價比勁低...本身見佢啲撻同曲奇都幾特別想再嚟試，但我諗就唔會再有下次了

朝早10點行過幫襯一杯外賣熱肥威，見未有客人但就開左舖。有一男係水吧，一女收銀加沖啡，杯咖啡無咩特別，女收銀鞋口鞋面收左$38，野食一件都無供應。見餐牌野食至少$50up既茶點，唔好以為係全統茶餐廳有得食常餐午餐，只係得舊外殼翻新既一間cafe。

朋友係大安茶餐廳對面住過幾年，今日特登同佢翻來油尖旺閒逛下，甘啱見到大安轉左手，轉變成一間fusion茶餐廳，就過來試下。餐廳保留冰室既設計，一磚一瓦都無動搖過。拎左一個檸茶曲奇兩份share,幾有趣既味道。其實佢餐牌上面既食物都好唔傳統，應該餐廳係想行新舊路線，新型既食物，舊式既裝橫。個曲奇係有檸檬粒，再加左啲chia seed? 每一啖都好有咬感，而且大大個，食完都幾飽肚。另外嗌左個主菜bagel,呢個就相對一般般，本身想嗌toast,不過賣哂。最後嗌左杯啡立刻，上面有拉花，咖啡味濃，無俾奶味蓋過，推介。建議大家早少少來，我地12點到都要等陣位先可以就座。

一間成功將舊式茶餐廳保留兼翻新得有型有格嘅小店。由保留裝修，用嘅餐枱、餐具，以至侍應嘅服飾都一一配合到，極力讚賞！奶醬格仔餅配雪糕筒 ($72)• 當日用蛋捲取代咗雪糕筒。• 每塊格仔餅中間都搽咗一層花生醬，四塊疊起再喺上面唧有忌廉同灑花生碎，再喺周圍同雪糕頂摻咗啲五顏六色嘅糖粒，賣相幾有心思。• 可以按自己喜好喺上面倒入煉奶，令格仔餅又咸又甜，極之邪惡。• 格仔餅夠蛋香，不過外層更加香脆啲會更好。有汽檸茶 (閣樓釀造, $52)• 味道清新，檸檬酸幾突出，不過不失，略嫌貴咗啲。

菜式構思既熟悉又帶新穎，會用泡芙替代麵包，蛋撻上碟時灑上焦糖脆脆之外也有加入焦糖醬。創新之餘也不會放棄傳統味道，這是值得欣賞的地方，感謝有心人保留這些老香港的回憶。

突然掛住佢既撻 平日唔太多人 可以慢慢享受➤ 常餐𝔸 - 蜜糖叉燒太陽蛋蔥油撈麵➤ 港式奶茶流心蛋撻- ‼️一定要熱上 焦糖煉奶醬更加流心😋😋😋‼️☕️ Espresso Tonic_📍#foodtify油麻地📍#foodtify九龍📍#foodtify茶記

📍大安茶冰廳滿滿懷舊風的咖啡廳真的很吸引～🙆🏻‍♀️一直放於口袋名單✅ 趁前陣子比較空閒 終於可以去試一試! 餐廳上年轉手後 轉型為精品咖啡廳 沿用懷舊卡座裝修 保留咗香港冰室風貌 同時加入不少創新元素😻 提供多款Fusion輕食 尾比高 檸茶曲奇 杏霜卷蛋 酒香白朱菠蘿包等 由菜式名到配搭都感受到新舊融合嘅創意🌀 蛋撻餐 (套餐均附送$38以下的飲品) 配 肥威大概5點到達餐廳 招牌焦糖蛋撻已經賣晒啦😥我就揀咗鴛鴦蛋撻 蛋撻上枱微暖 撻皮烘得鬆脆 做到三層layer 咖啡味較濃 蛋味不明顯 但食落有少流心效果 而且口感滑溜 比預期做得出色～肥威Flat White 拉花好靚 啡味幾重!❤️🌀檸茶曲奇曲奇口感比較鬆散同硬身 紅茶落得一點也不吝惜 茶香頗重加咗檸檬果乾同果皮 食落甜中帶甘 但完全唔係港式檸茶嘅味道 口味唔算大眾化🌀朱古力瀑布紅豆蛋糕情人節限定打卡蛋糕🙆🏻‍♀️ 面層奶蓋做到瀑布效果 潵上朱古力粉 賣相很不錯😻 奶香濃郁 但蛋糕質感好乾身 同紅豆亦都唔算好夾 下次反而會想叫多個蛋撻🙈

呢間店保留咗舊式冰室嘅裝修，換咗啲新派食物，幾有gimmick。我同朋友主要係想去食甜品，所以主菜冇試。三款入面覺得最驚喜係個菠蘿泡芙，酸酸甜少少脆。杏霜卷蛋冇我哋想像中咁好味，可能因為唔係好夠杏仁味。檸茶曲奇就唔係好食得出係檸茶味😅抹茶latte就正常，奶味比較多

年初三。赤口🧧傳統係唔去拜年。。好多想去嘅ᑕᗩᖴE又未開。。難得可以靜靜地嘅留喺屋企啦👍🏼👍🏼早前就去咗間茶餐廳。。佢係一個傳統嘅裝修。。但經過一班年青人嘅改造。。變咗一間外表係茶餐廳嘅冰室。。入邊就係新潮嘅ᑕᗩᖴE。。佢有好多特別嘅甜點之外。。仲有佢啲例牌茶記嘅嘢食都改造咗。。通常改造咗嘅嘢食大家都驚驚地唔敢試新嘢。。但原來又唔係架喎。。佢啲嘢食樣樣都好好食喎。。我就最鍾意佢啲甜品。。佢啲撻件件都好特別。。仲要好好味😋仲有佢啲茶嘅嘢食。。大大份好有特色👍🏼👍🏼我嗰日兩個人去。。結果食淨左啲。。舖頭太多好味嘅嘢食都試唔晒。。臨走我仲叫咗半打檸茶曲奇攞返屋企食😋😋等外賣嗰陣。。仲俾我見到有個細小小嘅雪櫃仔。。入面放咗我最鍾意食嘅TIᖇᗩᗰISᑌ。。我就最後悔冇叫呢一個😏佢好似呢就係初四開門嘅。。記得今日唔好去啦😏..🍪檸茶曲奇🧁蘿柚泡芙🍰鴛鴦卷蛋🍝公司燴通粉🥚五香肉丁滑蛋花生醬多士🍵ᗰᗩTᑕᕼᗩ ᒪᗩTTE..📍 大安茶冰廳 (油麻地)油麻地廣東道830號地舖.