大家樂 (新城市廣場一期)

營業中

休息中

1月25號晚，年三十晚，剛打掃完整間屋，加上收了爐(自家及樓下的茶餐廳也是)，見大家樂有開門，諗住是是但但食一餐．去到諗起平日因人多及不想花太多時間，而沒有試過它的火鍋．好吧，見今晚有時間和年三十晚，食豪些．看到一哥私房火鍋，就來個雪花肥牛配手打肉丸雜錦鍋．豬骨湯底 - 淡而無味，跟滾水差不多，失敗肥牛 - 有四大片，當然不夠外邊的鮮味，但亦不算差，合格蝦肉滑 - 原本以為魚或墨魚滑，但煮熟才知道是蝦肉，唔新鮮加上有雪味，唔得手打肉丸 - 一舊舊，完全無丸型，但勝在都叫幾好味脆皮腸 - 好少見無味腐皮 - 幾好不會散開豆腐 - 另一樣完全無味的食物大白菜 - 大棵，但夠新鮮金菇，津白，粟米，南瓜，蘿蔔，冬菇，麵條 - 都是一般水平以份量來計，大家樂的火鍋可以叫作抵食，因份量都算幾多，當然食物質素就只算合格吧．

昨晚同男朋友去呢間大家樂食飯, 因為大家都唔係好肚餓, 叫左一個菜心炒鮮魷小炒套餐及加一碟娃娃菜。揭開個碟蓋見到得6條菜, 5舊小魷魚, 少得可憐, 食物唔靚, 又唔好食, 個飯就唔洗錢咁, 勁大碗我知金融海嘯同物價高漲, 但係個餐已經36蚊, 我完全無法接受呢個質素以前我都好鐘意食大家樂, 覺得佢比其他地方抵食, 不過我以後都唔會再食呢間連鎖餐廳, 真係好差

想食的店子等了一個多小時都沒有著落，而大家樂的火鍋出爐了，就順理成章去打邊爐。其實大家樂都是人頭湧湧的，都等了十分鐘才有座位。和男友share 肥牛雜錦鍋，再加一杯青檸冰，共$55。青檸冰一點冰都沒有，要男友去水吧拿冰才好少少，但依然不夠冰凍。肥牛雜錦鍋有數片肥牛，芝士腸、魚滑(像魚蛋)、豬肉丸、雞肉、生菜、瓜類、米線等等，因為有頗多米線，兩人share都夠了。要讚的是生菜蠻新鮮，很爽口。肥牛不是太正，但都足夠了。湯底選了沙爹湯底和香茜皮蛋湯，香茜皮蛋湯清清的適合我，沙爹湯底很濃味，不會像溝了很多水似的，所以十分夠味，男友都喜歡。座位是比較狹窄，但到快餐店都已是預計之內。能夠平平地吃一頓火鍋，過過口癮，是最好不過了。所以隨後時間我會再去試其餘的快餐店火鍋的。

之前食過大*活嘅焗豬食飯, 覺得佢好香番茄味, 好好味~今次就食吓呢到嘅一哥焗豬la~wa~~~唔知係未我好耐冇食呢到嘅焗豬, 佢好似改良咗好多!!!多咗好多番茄, 最正就係佢d豬朳應該係用蛋煎咗先炸, 同埋佢係炒飯底!!!真係不槐為一哥!!超正ar!好似仲便過大*活tim ar!

朋友想食扒, 我想食鐵板. 二話不說來了大家樂:肉眼扒/ 燒春鷄 + 焗薯+ 磨菇湯+ 香蕉船老實說大家樂的品質間間唔同, 聞說新城市不俗. 然而此分店的燈光加上裝修感覺不太好, 也跟隔壁美心比下去. 鐵板, 一貫水準, 好. 1. 比扒王, 維園等好2. 有肉汁而不老3. 有份量! 肉眼扒厚身, 燒春鷄大小適中4. 肉眼扒的肉味少了點, 但質感仍然好5. 燒鷄肉雖然過了粉紅色的剛熟點, 但絲絲鷄肉都不老不痴牙, 鷄皮剛剛好, 沒有肥膏, 香口像乳鴿.湯: 最愛的蘑菇湯, 真蘑菇粒粒, 蘑菇香, 比普通的紅白湯有誠意.焗薯一般, 不過不失. 若果能用上正宗的sour cream會好多.香蕉船: 即製. 香蕉新鮮, 唯雪糕一般, 糖漿OK.

下午茶當飯吃,試了比較飽肚的「焗薯」下午茶餐:碎蛋沙律焗薯配熱即磨咖啡。熱辣辣焗薯上加上碎蛋沙律。焗薯份量足,焗的'火候'剛剛好,不會太乾身,連薯皮也可以一起吃,不錯。雖然沙律明顯是醬多於碎蛋,但和焗薯相當匹配。即磨咖啡保持水準,整體是滿意的。P.S.本人是素食者,所以先問職員碎蛋上會否灑上煙肉(因為show出來的poster是有的),及時叫她走煙肉,好彩!

快餐來說此連鎖差極都有個譜…但已久久少食大家樂了。反正人係貪新鮮的~咪順個便試吓"朱古力噴泉鐵板餐"囉！選了紐西蘭西冷+焗薯+酥皮海鮮粟米湯+雪糕香蕉船西冷：愛medium rare的我都覺得”得個扯個”即average啦！咁事實係快餐嘛！但佢整得算係7成熟~橫切面睇落還有少許微微粉紅。(放心！絕對唔韌。而且討厭肉鬆粉的我就覺得佢肉鬆粉feel唔算太明顯…)焗薯：又冇得同super sandwich相比的了。但醬汁就用蛋黃醬加少許煙肉碎、蛋碎~酥皮湯：酥皮都ok架！湯料都係蟹柳絲、洋葱條、一塊鮮魷、帶子~that's all(咁當然與我平日屋企飲開的粟米湯所差無幾…或者係味精關係鹹了少許)香蕉船：雲呢拿雪糕球配搭香蕉淋朱古力sauce一個full set dinner都只係$41~我都冇咩要求lu！個餐足以食得飽我。今日飯後甜品都慳返…反正個餐有埋唔洗我再另覓甜品囉！朱古力噴泉聽係幾吸引~不過我唔係小朋友唔會落搭...因為要食又要離座去佢那個專用counter沾朱古力。我懶！-_-

這天午飯時間自己一個人，在新城市廣場，到處都是人，也沒心情去試新餐廳，於是就走到這間大家樂處。要了一碟乳豬飯，件件都脆皮，又醃得入味，完全乎合期望，雖沒有什麼驚喜，但也是很滿足。食開乳豬飯，又順帶提到大家樂的一哥燒肉。十多年以前，在燒味鋪買的燒肉，多數都是用鉤掛在燒味鋪前，與大自然濕氣接觸，由於存放不好關係，很少是完全脆皮的。可能脆皮燒肉很多富豪也喜歡吃，一些高檔酒樓如海都等便推出一些很精很貴的“脆皮燒腩肉”作小食。十多年前在這些酒樓吃也要四五十塊錢，也只得八至十小塊，當然是熱辣辣又非常脆皮的。自從大家樂一哥出了一定是脆皮的燒肉以後，也變得普遍化了，尋常市民也可用平宜的價錢買這項美味的食物。從少到大，吃了三十多年，從讀中學到大學，工作從中環到元朗，再由尖沙咀到沙田，連買外賣到搞活動到會，大大話話吃了一千餐大家樂以上。現在大家樂無處不在，更進駐大專院校，又承辦醫院中小學及各公私機構飯堂，似乎肚子餓的時間，如果在旺區，就像seven以前的宣傳標語一樣，總會有間在附近。我也很喜歡到大家樂的，不因為食物好吃，而是知道它的食物一定是抵吃的，一定是可以夠飽的，而且記憶中從沒有過吃完以後有腸胃炎肚子

本來我對大家樂的印象都OK,但自從食完佢個三冶之後完全改觀.D 餡簡直係離普,堆在中間.分佈完全唔平均.D蕃茄又簿又乾, 菜少又黃又唔新鮮.見到都唔開冑.以後要食三文冶都係搵D老字號,好似Pret a Manger 寧願俾多小小錢買D有信心保証的食物先好放入囗.所謂一分錢一分貨.

30/4(日)我和媽去大家樂食下午茶我選新推介:蜜味腸麻脆包套餐-蜜味腸和大腸一樣,麻脆包很ok,有少硬家鄉銀針粉-我鍾意吃碗仔翅-很麻麻再去幫襯1/5(一)我和媽,我男友去大家樂食下午茶我選新推介:麻脆豬扒包套餐-豬扒不錯,麻脆包很ok,一點有硬家鄉銀針粉-和昨天一樣碗仔翅-很麻麻,自己沒諗吃(沒胃口)下次我再幫襯

4月15日我和阿媽,我男友在大家樂食下午茶我食德國熱狗-香腸ok,醬汁很好味,包很軟家鄉銀針粉-我喜歡燒雞翼-吃得很麻麻,我唔合味~可惜冇蜜糖我鍾意下午茶

忘記給這間大家樂食評, 在2005年12月25日那天, 我同家人去完海洋公園回來已是晚上8:30了, 所以就選擇了新城市大家樂吃飯, 最可怕是叫了一個火煱, 食到入米線部份就發現有一條紅色像一條繩的物體, 因我看不清是什麼所以就叫朋友幫我夾開那條像紅色繩的物體, 即時給那條繩嚇死, 原來是一條紅色的"丘引", 連附近的食客都看到. 我亦即時叫了經理出來, 他們很快處理好那份食物還連聲道歉, 並退回金錢給我, 所以我亦沒有再追究了.

7-12-2005今日到了大家樂想要鐵板餐，不是心中所想要的，就選擇了新出的芝味火煱，有煙三文魚柳、鮑螺片、煙豬柳片、天使麵、法式麵飽粒、薯仔、紅蘿蔔、蘋果、車喱茄、西芹、生菜。睇落都幾豐富喎! 就試佢\啦!味道方面都可，只是嫌芝士汁的味道不夠濃同熱而粟米味較重，全部食物都已經是熟的，放落去20秒左右就食得如果不夠熱的話放了後就吃不到熱辣辣的感覺，不過個芝士火煱幾得意，未曾試過，就當試一下是怎樣吧! 都算差不多喇!

大家樂可說係第一間引入一人一爐概念的快餐店,亦可說係十分成功, 以五十蚊既價錢黎講依然係好吸引!但亦因為打邊爐時間久, 跟"快餐店"似乎有點矛盾!平均每一張桌都比平時食個一哥焗豬扒飯耐一倍時間!亦因為咁, 要搵位都就更難!好似尋日, 就比我同男友在大家樂巧遇一個無賴王,因搵唔到位而發難, 非常搞笑...(下一百字)大家樂都後都solve左呢個紛爭!!講番食物, 個珍寶蠔都幾好, 一有四隻!!好鮮蠔味! 其餘配料都幾好! 有肉有蝦有菜!有粟米有豆腐有腐祝, 湯底有清湯同沙爹!總之點計都抵食!!兩個人share都冇問題!

最近沙田好多間分店好似都冇咩冰冰賣成日得粒粒紅斗勁唔開心昨天路過呢間大家樂竟然有我最喜歡的珍珠奶茶(而且仲有其他冰冰~只是沒有雪糕的那2款!)即時開心到我立即等下午茶食~~果刻真是很開心呢~不過可能是多客關係吧,我叫了個鴨米珍珠奶茶鴨不太多，而且每件不太大件....幸好當時不太肚餓才夠食~果度服務態度唔錯架~成日多好多客堂食,但就有客務/經理幫手找位比你~0的阿姐執野都幾快手哩~不過間野細左d,燒味部排隊成日塞住阿姐收集執野果度的地方~不太方便大家~如果間野好似以前咁大間就好了~~~