大家食 (福榮街) (已結業)

一整天也在食食食，宵夜就來這裡食。兩個人share一個牛月展米線+凍檸茶。落了單才知道原來新春期間每樣食物都要+$1。都等了一會才有得食，米線都算大碗，牛月展與其他配菜都多，食落覺得米線有點過腍，不是太出色。還是覺得譚仔更好食呢。不過有tv睇，都算不錯了。其實是否有人樣標記的才是正店?

今日ｌｕｎｃｈ又黎，食左雲吞削麵，雲吞好似有五隻，餡麻麻地，又唔夠多，都係媽咪整得好食好多。削麵幾好食，同手攪麵一樣好食，而且本人喜歡吃麵身較闊既麵。喜歡這裡又平又好吃，慳錢好地方！！但我碗麵有隻野呀！！！！不過我整走佢之後繼續食唔理～～預左這些地方係唔乾淨！

吃茄牛手攪麵，好快到，因為茄牛已經一早整定左，我走既時候見到一盤盤既茄牛。茄牛好好味，但太少太少牛肉喇，唔夠食！手攪麵好食，幾彈牙。＄１２真係抵到爛！一行七個人，可以坐樓上，好靜，又有得睇電視，ｖｅｒｙ　ｇｄ～

星期六1點鐘到，見譚仔太多人，呢邊重有位，就走來試試。我要左鹵牛肉飯，加杯熱奶茶($20)。老婆就要村村住家鍋麵(要手攪麵，豬潤，小辣)($23)。飯先上，牛輾切得薄薄的，不過味道唔錯，亦幾香，可惜飯唔熱，只係暖暖地。等左陣麵至到，好鬼熱，而且幾辣。做得招牌, 個手攪麵又真係唔差，幼幼的麵條滑得來又有點煙韌，幾岩口味，不過相比其他款式只係$15嘅手攪麵就貴啲喇。

今日午飯黎開餐叫左涼拌手攪麵($12),凍檸茶($10)同通菜($3)朋友仔要東坡肉手攪麵($15)同凍檸茶($10)涼拌手攪麵～有牛展絲,蕃茄絲同青瓜絲,拌入酸酸甜甜既汁,麵凍凍地又彈牙,好o岩呢個熱辣辣既天氣食,推介!!凍檸茶～檸味夠又少甜,唔錯通菜～大大碟又新鮮,腐亂夠多,ok朋友仔既東坡肉一般試左一條熱食既手攪麵都係凍食彈牙d味道有4分係只計涼拌麵

今日係3,8婦女節, 本來無預定見到我男友, 點知因同開亞媽去散步, 正好男友放工及時, 我地又可以見. 由於佢仲未食dinner, 我地就約埋一齊行去深水埗搵食(雖然我已食飽左晚飯). 我地去到福華街附近時已9點半有多, 都吾知食咩既情況下, 男友想起之前睇過此web既好評資料, 所以就揀"大家食"不過當我地見到有兩個門口,而且都係叫"大家食"男友就叫我決定去邊間, 我最後揀左近黃金那邊的一間(純為直覺). 一入到去, d亞姐已經好好招呼叫我地坐....之後佢仲好"盡忠職守"地企在我地面前足足幾分鐘, 完全無意式到要比小小空間我地"淋"下食d咩(其實主力係我男友食之ma). 我地終於決定食: -1) 豬肉窩心蝦丸(即:醬爆豬肉丸)手攪麵比個名欺騙左, 佢絕對吾係蝦丸... 而且仲有好多油在個丸心內, 好肥. 不過佢既湯底就吾錯, 一d都吾油, 只在湯面加左1, 2滴麻油. 麵質方面就吾錯, 好彈牙, 夠煙韌, 連我明明食飽左都要同男友爭食2) 炸鍋貼叫左無耐就到左, 仲炸得幾靚, 係個碟油左少少之ma. 而且咬落有好多菜, 好爽口, 幾好.3) 凍豆醬無咩特別, 不過味道上就甜左d.

全港已經唔多地方食刀削麵, 唔多過海既我終於到"大家食"有得食. 叫人車到我去, 發現有兩間"大家食", 我去既有人頭又寫明有刀削麵間... 查實都唔知食物方面分別... 鹵牛肉加牛腩羅白刀削麵加小辣+ 菜餃刀削麵加勁辣+ 凍豆漿+ 凍鴦= hkd50兩個人食算係咁啦! 我好滿足, 雖然好似以前銅鑼灣兩間刀削麵好些少.不過"人頭大家食" 女侍應有幾個都十... 可能新人啦... 舊又惡惡咁... 但未算差劣.不過食完唔知點解一身油煙味.會再去... 可能去另一間試...

知道大家食同新之食o係福榮街埋身肉搏，出動襯襯熱鬧。話名大眾化，有好多野都係唔好要求咁高。靚姐今日都算係咁，由本來「追迫」我落柯打軟化至應o左聲「哦」+ 遠距離監視；就非緊忙時間而言，靚姐極度盡忠職守。叫o左「村村湯鍋麵」，要了手攪麵，中辣(因為唔知佢既麻辣指數有幾勁)，配粉腸。平心而論，就份量同質素都唔多值$23：除o左用日本湯鍋型膠碗盛，其實碗麵同其他麵份量都差唔多；D 麵唔覺彈牙，散既程度可以用羹舀，再加上粉腸剪到一吋咁短，D 青椒粒又「夠哂」碎，用筷子夾既力都慳番。原本想俾 評分，但俾我事後「驚現」原來佢D 麻辣要o係我飲o左水，要有水掂到唇邊先至知有好短暫既「麻麻o地」感覺。咁就算啦。要同「孖生」埋身肉搏，抆D 噃。PS: 環境俾3 最主要係因為部Plasma 電視機，而唔係部電視機+ 賀年音樂混埋一齊唔知點既聲。

前日星期六，返教會前去左呢度食晏！撞正電腦節，條街多人到爆～～～～～～～～～～我同朋友仔諗住o拿o拿聲食完就閃。間舖入面都係多人到爆！ｄ人都非常鼓譟！因為好多order都係「遲黎先上岸」，我後面個哥仔等左半個鐘有多，碗面都未到。而我地都係等到餓死左都未有得食！同ｄ阿姐講，佢地ｄ態度仲要非常差！好似成村人得罪佢咁！激死～都算喇～等到碗麵黎（我食冬菇時菜南瓜麵，朋友仔食豬扒南瓜麵），我地已經用９秒９去食～嘩～～～～ｄ麵超硬！！！！！！！！！食完之後個胃唔舒服左兩日！！！！下次等冇咁多人o既時候我會再去試多一次～希望佢今次真係「一時失手」．．．．@@"題外話：走果時聽到生菜又冇、水餃又冇。乜都話而家整緊，o係咁繁忙o既時候黎洗菜、包水餃，你敢唔敢食？！

黃金商場返工, 晏晝係新之食食左個淨韮菜餃, 大大隻餃, 皮厚, $15 6隻. 加多杯$5 豆漿.放工後再去食豬頸肉飯, 豬頸肉薄得黎又唔會油淋淋, 好大碟, $20 勁抵. 豆漿冇計我錢, 唔知係咪送的?不過又係好似想趕人走咁, 因為太多人.

以前以為兩間店無乜分別, 好似維記咁左右都係自己舖, 點知一食先知呢間好味好多! 近排一連兩日食左兩次, 第一日試左雲吞手攪麵, 雲吞似上海餃咁, 幾多蔬菜幾好食, d 麵就無得頂啦, 彈牙又夠幼身, 湯頂當然係有味精, 但都幾好味! +$3 有油菜又係正, 但豆漿就不行了, 無豆味又太甜! 第二日去試賽狗肉削搖麵, 賽狗肉有一兩成似真狗肉, 因為用的調味料很相似, 咬落頗有口感, 幾特別, 但正如前面位食友所講, 頂隱是無可能的, 好彩我本身不好此, 只是好細個時食過真的, 所以知道真的味道! 但削搖麵認真不推介, 很難夾的, 食得很狼狽, 所以都係手攪麵啦! 雖然花款較少, 但味道和質素都比隔籬好很多, 令一直以為大家食係浪得虛名的我, 知道真相!!

去到黃金,都會去劉森記或者大家食,因為真係好正.正印店同翻版店都試過.正印始終係正印,千祈咪搞錯!水準係有差別架.冇乜人寫過佢新產品"賽狗肉",我就寫翻幾句.同真狗肉比,當然無得比(愛狗者千萬不要妙我!!!!),但係真係有少少相似,特別係豬皮炆得軟中有咬勁,總體味道也不錯.但係想食佢黎望梅止渴,咁就無可能,反而仲會心思思想去食真品.按:香港食DOG DOG係犯法,大家千祈唔好搏.

小OT後放工, 八時多.到SSP為老表找點平靚正硬件, 搞掂都八時近九時了.想試維記已關門休息, 唯有到大家食食個平夾飽既手攪麵.要了九菜餃後加一杯凍豆漿.凍豆漿不算十分凍, 姑勿論是否自家製, 豆漿有豆香, 也不錯.九菜餃個皮幾薄又軟滑, 有水準;個湯也不太味精, 可以飲少少.手攪麵一如以往有彈性, 食得過, 加上芽菜和芫茜香和爽.$20食個平價晚餐, 抵~.

去完維記,行過黎食手搞麵,本來想試佢新出既涼拌麵,但原來得土瓜灣分店先有得食.退而床求次試茄旦牛麵$12:湯底相當多油,以往食法系撇左面頭d油先,再叫多碗清湯倒落去.蕃茄頗甜,旦亦吾少,麵仍保持彈牙;$12碗,實在抵到無野好彈!希望佢一直keep到呢個價錢同水準啦!

2004年某月某日，20:30當晚到高登入完貨，又到這裡吃麵。堂食茄牛麵，外賣了擔擔麵孝敬太座。堂食茄牛麵：保持水準，麵彈牙，配料足。外賣擔擔麵：經一小時後，湯麵變成了煨粗麵，湯點滴不留，麵膨漲了一陪，慘不忍睹。經此一役，終於明白，為何每次吃完都極飽肚，為何彈牙，原因是麵的密度極高。HK$10.-一碗麵，是無可能和詠藜園比較，後者半天不會淋和漲大。下次要嘗試要求湯和麵分開載，另加外賣盒錢亦無防。