大少燒味茶餐廳

營業中

休息中

聽朋友講呢間燒味茶餐廳好特別，因為有一個大少潛艇，其他地方食唔到，趁今日入咗嚟大埔，一於買一個嚟試吓啦。一嚟到大約七點幾，估唔到買外賣仲要排隊，見到好多人都係買燒味斬料返屋企食，本身準備去食飯冇諗住買燒味，但係見到佢掛出嚟嘅燒味好似好吸引，忍唔住都買返啲嚟試吓。大約等咗10分鐘就到我啦，個大少潛艇係即刻整嘅，不過都係等咗一陣就有啦。我急不及待即刻喺附近公園打開咗嚟食，個包好大，揭開嘅時候見到好多叉燒同埋炒蛋。叉燒睇落半肥瘦，而且都有唔少燶邊，係我最鍾意食嘅款式。炒蛋都炒得好靚，唔知食落會點呢。一咬落去估唔到真係驚為天人，脆脆地嘅包襯埋內裏嫩滑嘅炒蛋，而且叉燒都好香，真係第到食唔到㗎。另外我都忍唔住買咗半隻燒鵝返屋企斬料，返到屋企一打開，份量好多之餘而且油香好足夠。適落外皮好脆，而且鵝未好夠，好香，我試咗一隻燒鵝髀，唔使點酸梅醬已經好好食。呢間燒味餐廳價錢平，而且份量夠味道都好好，以後都一定會再嚟買呀。

前排經過呢間餐廳順便買外賣返去食。燒味單拼粉麵飯，有叉燒、燒肉、燒排骨、燒鴨、貴妃雞、玫瑰豉油雞或乳豬。叉燒肥瘦均勻，肉味突出、乳豬酥香嫩滑，無論係配飯同麵都夾。下午茶有小食供應。炸雞翼、炸雞脾、吉列豬扒，全部炸至酥脆可口，乾身唔油膩，配上沙律，十分開胃。大少潛艇夾住半肥瘦叉燒，包皮鬆軟，令人一試難忘。另外有法蘭西多士，邪惡之選，金黃色，醬汁夠多。雙拼三文治可以要火腿/炒蛋/ 鹹牛肉 /午餐肉/芝士、包皮鬆軟，鹹香口味，good。

今日經過呢間餐廳，心血來潮好想食燒味，最後喺餐廳買咗好多外賣燒味，連飯都唔使煮😂😂大少潛艇喺餐牌見到呢個包好吸引，入面有叉燒，炒蛋，芝士等等，簡直就係中式版嘅subway。個包份量都幾大，食第一啖已經有好滿足嘅感覺，每一啖都有叉燒，而且叉燒好juicy，加埋個蛋係完美嘅組合！豉油雞半隻肥瘦均勻，豉油味香濃，仲食到玫瑰露嘅香味，肉質嫩滑，水準之上。叉燒例牌叉燒味道偏甜，係我口味，而且係半肥瘦，送飯一流！燒肉例牌呢度餐廳嘅例牌好似比其他餐廳更加大份，燒肉個皮仲係好脆，調味啱啱好，唔會太鹹，出色！你教壞咗兩個白飯，估唔到一碗飯等於1盒飯，仲要係$10一碗，超抵🥳🥳🥳🥳

這間位於大埔的【大少燒味茶餐廳】，主打多款燒味，全部都當天新鮮即燒即做，主打乳豬燒鵝等，人多可以斬料返屋企加餸，自己一個又可以買個單雙併燒味飯，另外還有幾款特色下午茶及小食，價錢合理。大少潛艇半肥瘦叉燒、煎蛋及半溶芝士，新鮮即叫即做，熱狗包烘至香脆。叉燒叉燒是半肥瘦，醃得入味，加上燒至表面帶陣陣焦香，蜜糖甜味更有層次，送飯一流。燒腩仔燒腩每日新鮮燒起，皮脆肉嫩，用了半肥瘦的腩肉部份，入口有陣陣肉香且不會太油膩。豉油雞飯豉油雞十分入味，而且保持雞肉嫩滑，雖然是單併飯，但份量十足。

今日去左大埔大少燒味買外賣，一入去就聞到陣陣燒味香，真係令人垂涎三尺！🤤🤤🤤我哋叫咗燒腩仔、叉燒、豉油雞同埋一個叉燒煎蛋豬仔包潛艇。燒腩仔真係無得輸！🔥 皮燒得脆卜卜，啲肥膏入口即溶，肉質鮮嫩，真係好正！💯叉燒都好出色！😋 蜜汁甜甜哋，叉燒肥瘦適中，肉質鬆軟，好入味！👍🏻-豉油雞中規中矩，雞肉滑滑的，豉油玫瑰味都幾香。👌🏻-最後嘅叉燒煎蛋豬仔包潛艇真係好滿足！🤩 叉燒份量十足，煎蛋煎得啱啱好，蛋黃仲係流心嘅！🤤 豬仔包烘得剛好，整體配搭真係一流！💯總括嚟講，大埔大少燒味嘅燒味真係高質，價錢又合理，值得一試！😋😋😋

屋企斬料燒味推介🥡大少燒味茶餐廳ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡屋企人生日當然要斬料加餸慶祝🥰咁啱係大埔做完嘢 見到上水都有嘅大少燒味茶餐廳！即刻順便買埋返屋企開餐🥳食豐富啲！▪️豉油皇乳鴿/紅燒乳鴿師傅可以幫手將乳鴿一開四 方便食用～乳鴿嘅皮都仲脆 而且肉嫩多汁❤️屋企人都大讚好味呀😋▪️豉油雞豉油雞賣相色澤都唔錯✨而且仲好入味 豉油鹹甜味岩岩好！雞肉仲幾嫩滑添🫶🏻▪️叉燒叉燒偏半肥瘦 肉質都唔會柴～叉燒燒到微微燶 加上甜甜嘅蜜汁 餸飯一流✨▪️大少潛艇下午茶唔知食咩好 又叫左呢個大少潛艇！入面有大大嚿叉燒再加上滑蛋同芝士好豐富🥰⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍 大少燒味茶餐廳大埔大明里23-39號金福樓地下B號舖

中午時間去到大埔搵朋友，lunch食咩好呢💁🏻‍♀️💁🏻‍♀️經過大明里見到有間大少燒味茶餐廳🥢燒味睇上去好唔錯👍🏻一於買外賣上佢屋企慢慢食🥡叉燒（例牌）揀咗半肥瘦叉燒，肥瘦比例各佔一半，唔嚡口又多肉汁，入口好鬆化，而且叉燒切得有一定厚度，食落好有口感。豉油雞（半隻）皮滑肉嫩，充滿豉油香，配搭蔥粒、食油製嘅薑蓉有助增加風味。燒鵝飯皮脆肉嫩，入口充滿鵝油嘅香氣，啖啖肉好滿足。大少潛艇鬆軟餐包夾著蜜汁叉燒、煎蛋、半溶芝士～大大塊鬆軟香甜叉燒，簡單配上芝士、煎蛋，做下午茶岩哂。📍大埔大明里23-39號金福樓地下B號舖

大少燒味平時一家人都鍾意食燒味，屋企附近選擇唔算多，試過好幾間之後，都係覺得大少燒味性價比最高🔸燒鵝髀乳豬米粉呢隻燒鵝髀真係無得輸，油脂豐富啖啖肉，皮脆肉嫩，我自己就最鍾意食乳豬，但係好多地方成日都好難買，大少乳豬雖然肉唔算厚，但係個皮真係好香脆，油脂比例均勻，店舖所用的米粉，唔係普通市面食到的一般米粉，我唔肯定係咪叫銀絲米粉，但係我自己同小朋友都好鍾意食，而且份量非常足夠，我三歲的女女自己都可以食到大半碗🔸燒排骨例牌一上枱已經覺得好靚，半肥瘦排骨好香口🔸大少潛艇有半肥瘦叉燒、煎蛋同芝士組成，估唔到呢個組合原來都幾好食，叉燒配上蛋香同芝士鹹香，每一啖都係滿足，如果下午茶會上一杯熱奶茶真係一絕🔸郊外油菜今日油菜就只有菜心選擇，但係$20份量真係算好大碟

呢間燒味茶餐廳主打各款中式燒味，另外有茶餐同小食，都幾多選擇，價錢大眾化😙，買燒味時見到大少仲新推出左大少潛艇，一於試埋😙😙.🫧貴妃雞$140隻雞大大隻好肥美，肉量多雞肉鮮嫩，味道隱隱約約會有一陣沙薑味，好滋味😙🥴.🫧大少叉燒 例牌 $88叉燒外表烤至微焦帶焦香，肉質一點都唔柴好嫩，而且掛滿蜜汁，蜜汁甜而不膩，正👍🏻.🫧大少潛艇 $40潛艇有雞蛋🥚、芝士🧀、叉燒🐷，未食過用叉燒做餡的潛艇，估唔到都幾好味，咸香芝士同甜香蜜汁叉燒，鹹甜鹹甜的味道唔衝突幾夾❤️

廣福道呢頭好多野食上次路過已經見到呢間大少燒味好多人等緊外賣，今晚諗唔到食咩一於就試下除左燒味之外仲有𝖣創新野見到呢個大少潛艇幾得意一於試埋大少潛艇：半肥瘦叉燒加上太陽煎蛋麵包充滿住牛油香,再連埋半融既芝士塊一啖咬落去, 爆蛋汁好似食緊漢堡包咁,好驚喜雙拼（叉燒，燒肉）叉燒叫左瘦叉,外層有蜜糖焦香食落肉嫩多汁,油光望落去色澤均勻燒肉皮返到屋企仲係脆卜卜仲係最愛既芝麻皮乳豬燒腩骨飯 乳豬既味道皮脆多汁外皮燒到金黃酥脆,食落去仲係香脆可口非常好送飯燒腩骨帶有小小軟骨,呢個部位比起燒肉再香D燒鵝（例牌）燒鵝味道好香濃且帶有鵝油香氣做到皮香肉嫩口感例牌但份量都好多,好抵食$35雙拼簡直係糧尾恩物阿而且味道同份量都好好👍

平時食燒味多數都係街市檔買番屋企食，今日去開大埔見到呢間有得堂食既燒味店，一場黎到就坐低試下，餐廳好似一般茶記既環境咁，伙記都幾親切😁大少潛艇（$40）呢個潛艇見佢餐牌做緊推廣就試下，佢係半肥瘦叉燒+煎蛋+芝士，好似成份早餐綜合曬係個包度，d叉燒都幾靚，個煎蛋又有蛋漿，好豐富既一個包🌭燒鵝脾瀨粉（$108）有得堂食新鮮即食，梗係要試個燒鵝脾瀨，隻燒鵝脾都好大份，啖啖肉，我就鐘意配瀨粉，仲可以配飯，米粉，河粉，生麵自己選擇✌🏻燒鵝乳豬燒腩骨瀨粉（$103）另一碗我地就叫左呢個燒鵝乳豬燒腩骨瀨，呢個勁豐富，可以一次過食曬燒鵝，乳豬同燒腩仔，燒鵝質素同燒鵝脾差唔多，肉質夠嫩，乳豬夠脆，唔會差過茶樓食開既，仲有脆皮燒腩都好靚好肥美，點埋黃芥辣真係正😋呢間燒味店都幾好食，環境比街市更乾淨，掛曬唔同既燒味，門口已經可以見到個質素，除左堂食外賣都可以，加餸過黎斬料都唔錯👍🏻

之前去大埔探朋友， 已經見到這間菜餐廳排長龍🤤， 未有機會去食， 這次朋友一早羅定位， 先有得去食， 同一般茶餐廳有少少唔同，因為他是以燒味滷水食物為主的茶餐廳（5⭐️最高）大少潛艇（5⭐️）好特別，平時只食會食叉燒及煎蛋，好少加入芝士🧀及烘底熱狗夾一齊食。 叉燒時半肥瘦差味道唔會太濃味而搶咗芝士🧀及蛋的香，而且叉燒汁唔算好多，所以食入口，唔會搞到個污糟🥰。蠔油菜心（5⭐️）郊外油菜菜心脆口嘅位置做得口爽， 而脆嫩口嘅位置就很鮮甜，蠔油放在旁邊隨意食用，但我就比較喜歡就咁食🌹。手半肥瘦叉燒瀨粉（5⭐️）瀨粉入口爽口彈牙，而且叉燒個份量都好大份， 肉質入口幼滑😁乳豬燒鵝飯（5⭐️）乳豬皮爽口，而且切到細細件又冇骨😌小朋友都係可以食到燒鵝相較肥，但係有並香鵝香🥰

兩位侄仔姪女👭嚟屋企作客，話要食肉。我就醒喇，行過燒味店，一於買外賣斬料，全肉餐。大少潛艇🌭（$40）等緊師傅斬料嘅時候，因為太肚餓，見幾有趣，現場叫咗個大少潛艇食。叉燒包就食得多，原來叉燒🐽、配芝士🧀、配蛋🍳，用熱狗包🌭包住，又有另一個出奇嘅味道。照張全家幅先📸燒鵝/下庄🦢（$148）識得食，梗係食下庄，淡淡肉。皮脆、肉嫩，油少少一啲問題都無。燒鵝髀硬係留返自己食喇。紅燒乳鴿（$58）乳鴿size 都算幾大隻😁。豉油雞/下庄🐔（$30）總之叫平隻喇，食落都幾好味，豉油味好入味，雞肉又嫩滑，配埋薑蓉，味道更好👍。瘦叉鴨飯🐽🪿（$35）我就要食淡飯🍚，有米氣落肚先得。同兩餸飯價錢差唔多，CP 值超高。走人，附近有露天停車場🚗，泊底買完，半個鐘都唔洗，夠哂方便👍。--大少燒味茶餐廳大埔大明里23-39號金福樓地下B號舖

成日放工經過大少燒味，都見到好多人排隊買外賣，見到佢價值真係幾抵食😆今晚決定試吓佢哋嘅燒味，我哋叫咗佢哋出名嘅大小潛艇，叉燒，油雞同埋燒腩骨大大份好抵食，賣相亦都非常之靚👍🏻👍🏻👍🏻大小潛艇幾新穎，係叉燒熱狗配埋蛋同埋芝士熱狗包🌭烘過，食落去微微脆，有滿滿嘅牛油香蜜汁叉燒食落甜甜地，燶邊叉燒食落去好香口肉質意外地軟嫩，一啖食晒全部嘢都唔會，覺得好難咬叉燒肥肥地，食落去有啲油脂香😋燒腩骨淨係望個樣都知道好好食，隔住張相都見到個脆皮係超級脆咬落肥瘦適中，肉香四濺豬皮真係卡卡聲咁脆，但食落又一啲都唔會油膩，真心好食🤤而且食落唔會過鹹，雖然配飯食係一流，但就咁食都好正😝蜜汁叉燒我哋叫咗半肥瘦，我鍾意佢蜜汁夠，唔會乾爭爭咬落肉質夠腍，豬肉味香，伴隨淡淡油脂嘅甘香半肥瘦加窿邊叉燒係絕配☺️☺️☺️一定要點多啲盒底既蜜汁，餸飯一流！半隻油雞真心好足料，雞皮超上色雞肉好滑嫩，雞皮薄薄地唔會肥，一齊食都唔會覺得膩豉油味都夠濃，唔需要加薑蓉都好好食😋點滿盒底既鼓油食落好油潤，尤其雞髀🍗位超滑嫩🤤總括而言，價錢唔貴，大大盒，CP值好高，如果想斬料返屋企呢個選擇一流😆

📍大少燒味茶餐廳大埔大明里23-39號金福樓▪️▪️▪️▪️▪️▪️▪️▪️▪️▪️▪️日日煮飯諗唔到食咩好，買燒味加餸係個唔錯嘅選擇🌟呢間餐廳主打多款燒味，可以跟飯亦可以單買燒味例牌，係區內食港式燒味嘅快靚正之選❤️叉燒（例牌）叉燒係厚切嘅，8分瘦2分肥，油香肉香並重🥢吸引之處係叉燒肉質柔嫩，juicy得嚟有彈牙口感少少燶邊，邊位嘅焦香加上蜜糖香甜，成件事好完美，係近期食過最正嘅叉燒❤️❤️油雞 （一隻）油雞亦有驚喜，賣相油潤飽滿上色上得好靚雞皮甜甜哋相當入味，肉質嫩滑，可以話係皮香肉嫩，加上薑蓉，送飯一流❤️大少潛艇叉燒加上煎蛋芝士配潛艇包，麵包烘得香脆🥖牛油香加上叉燒油香又幾正，呢個組合幾新鮮而且唔係度度食到✨❤️油菜 翠綠菜心大大盒，新鮮嫩口，剛好平衡一下食肉膩感