大戶屋

營業中

休息中

今日掛起3號風球，出外吃了午餐。早前有朋友推介這間店的烏冬及米飯很好吃，於是今天與2位來銅鑼灣工作的姊妹們，去了midtown 嘅大户屋吃午餐。點了超值午餐定食，午餐來講份量都好多，又飯又烏冬，但味道一般，熱烏冬湯咸了些，迷李豚肉蓋飯的豚肉沒有甚麼味道。不過還會期待下次再試其他定食。

係港島區返工, 之前同老婆都試過呢間大戶屋, 佢對呢度嘅五花腩讚不絕口, 碰啱今晚佢收夜我又唔想煮, 決定收工去買佢嘅便當返歸一試😋五花腩便當👍👍炸豬扒配小魚飯(下次都係唔好外賣呢個😓)麵豉湯個盒好靚😁總結: 都係堂食好食😂

今日扔低男朋友去同姊妹們睇畫展，夜晚當然唔少得就係食好野啦姊妹們想搵間坐得舒服，我就推介大戶屋啦之前黎過一次，覺得坐得幾舒服同野食唔錯，係冷氣比較凍，所以決定比多次機會佢我地無book位，等左五至十分鐘已經有位，但餐廳應該唔係太夠侍應，例如點餐同加水都要d時間等。我地四個女仔，一人點左一個餐，因為真係太肚餓啦我要左個黑醋炒雞球，個黑醋汁好開胃，姊妹們都好鍾意！略嫌雞球嘅份量少左d，得四舊，但當我食哂所有野之後係好飽嘅，哈哈！但如果係大食嘅男士就應該唔夠另外一個姊妹叫左厚切牛小排定食，d牛好食呀厚身得黎好爽口！正！第二個姊妹本身食開海鮮素就叫左個錦飯，即係有納豆，淮山蓉，秋葵粒，紫菜同吞拿魚嘅飯，吞拿魚可以揀兩片或者加錢變做四片。佢最後好飽，我幫佢食左片吞拿魚，都幾新鮮幾好味第三個姊妹就叫左個豚肉生薑燒定食，佢本身怕薑味，想走薑汁，侍應好細心問佢怕唔怕無味，最後我地提議佢薑汁另上。雖然最終佢無點到個汁但佢話個豚肉都好夠味，炒得好好食。另外，因為太想食沙律，所以叫左個日式薯仔沙律同蕃茄沙律，我地四個都覺得好食整體黎講，姊妹們都滿意我嘅推介同埋佢地話咁嘅價錢喺銅鑼灣食到餐飯又坐得舒服都係好抵

昨天中午十二時來到銅鑼灣的大戶屋， 看見食客只有兩枱，我看了menu之後，點了一個黑醋雞肉套餐，食物不到十分鐘就送到， 我好耐之前去過尖沙咀的大戶屋，食物份量比較多， 可能而家物價上漲，最明顯雞肉細件左。 雞肉外皮不脆但肉質滑， 黑醋味道酸甜開胃，配上蓮藕，青椒，紅蘿蔔，薯仔各種蔬菜，感覺上營養很均勻。 到了12：15開始，很多枱都係日本人，好似置身在日本的餐廳，感覺寧靜舒服。尖沙咀的大戶屋環境很舒適寬敞，可惜現在已經 close了， 銅鑼灣對於我來說比較遠，所以真的是偶然才會來一次。

I love Ootoya because the food is authentic as lots of Japanese people dine there and the Chefs are Japanese.The only difficulty I have is the menu, it is quite difficult to comprehend and it is in a similar format to Coco Ichibanya so I wonder if they belong to the same group.I ordered the hijiki seaweed rice with an appetizer containing all the slimy stuff like moutain yam, natto beans, egg yolk, okra and tofu.It doesnt have much taste but I find it comforting like baby food.Adding soy sauce i

今天才發現，原來三人以下食午餐是不可以訂枱的。也許是因爲銅鑼灣午飯的選擇十分之多，結果我和朋友兩人於12:50 walk-in 也有位。午市的定食價錢約由$100起。老實說，味道有點普通。我點了的南蠻炸雞定食，炸雞並不脆，有些失望，但我朋友點了的滑蛋豬扒飯則味道較好（但忘了拍照）。結果看到午餐時段座無虛席，相信總括來說應該是一間不錯的餐廳。服務員的態度很好，上菜的速度也正常，添茶也很密，用餐過程是愉快的。

We ordered 3 dinner sets. I ordered fish and I remember another set with beef and pork. Overall the portions were large and the salad and steamed egg was good. The Japanese Rice is also well cooked. Fish very delicious but relatively small. However, there were not enough staff and it took so much time to take the order and check the bill. waiters were very busy but still courteous. More staff is needed for improvement.

話說之前金朝陽有個promotion,download 佢隻app加登記可以賺張$100 coupon.我當然二話不說貢獻email，拎左張coupon先。又想用張$100又唔想太貴，最黎都係揀返大戶屋，又可以添飯！一黎即刻食左個最愛鹽燒五花腩定食，百二貨仔但係質素好到估你唔到！五花腩既肥瘦比例掌握得好好，唔會食到你個口油淋淋之餘，d香味都出晒黎。本人無論去食m記薯條，定屋企炒菜都要走鹽，你就知我幾怕鹹，不過呢個五花腩話就話鹽燒，其實鹽既分量並唔過分，同d肉味都幾夾，配埋個飯啱啱好（佢個飯都好好食，好有飯香）。大戶屋仲有串燒都幾出名，見到樣樣都想食，直接就叫左個雜錦串燒（仲有好多款雜錦，不過得呢款有菜有肉）睇落個樣都唔錯，肉汁鎖得幾好，最好食係中間有大蔥果款，燒既時候肉汁滲左少少入，鮮甜得黎多左肉香，咪話唔吸引。不過呢個串燒有2個位真係做得差：1。我以為佢會即煮即燒，點知拎到過黎已經暖左，唔係凍，但串燒expect既熱無左2。d汁太多太多太多喇，搞到個秋葵同冬菇無晒自己既味，唔知係因為原材料太差，怕佢無味，定係d汁就黎過期，快d用埋佢算。總括係好食既，淨係個五花腩都值得再去！（定食大盛

已多次光顧了，不得不提交食評。假日約6:00到也滿座，有椅子讓人坐著等，很貼心。待應領座也很周到有禮，見有小朋友亦主動問要不要bb椅。之前已試過不同套餐，我誠意推介的竟是它的白飯，真的很好味，飲硬適中，有飯味，連一向不喜歡白飯的我，也要添飯。我是為了它的飯而多次光顧的。除推介白飯外，我很喜歡牛舌飯，每次也爭扎試新野還是重點牛舌飯呢！蒸蛋及湯也不錯，但個前菜很難食，每次都要放棄。我為小朋友點了兒童餐，兒童餐的飯是「銀魚飯」，並附有玩具。小朋友一見玩具就要玩，我以為他吾食，我就食晒全個銀魚飯，真的很美味，誰知他玩完一輪才嚷著要食飯，結果他就食了我那份白飯了。

約左友人食lunch, 諗起好耐無去大戶屋，就一於去大戶屋食個Happy Friday lunch啦！大戶屋有迷你飯配冷熱烏冬/蕎麥麵，飯可以選滑蛋豬扒，豬頸肉，雞扒之類，至於麵就係淨麵。是日點左滑蛋豬扒配熱烏冬，等左20分鐘左右就有得食。跟餐有個沙律，好酸，食左啖就無食。迷你滑蛋豬扒飯其實都唔太迷你，都有成碗飯，上面有4件豬扒，仲有洋蔥。洋蔥都幾鮮甜，豬扒夠哂juicy, 連埋啲汁真係可以食哂成碗飯。烏冬無特別配料，得啲昆布喺上面，但食落一啲都唔齋，個湯底應該用昆布煮，就算無配料都好好味。埋單$85加一。平日lunch黎基本上唔太使排隊, 不過3人以上都建議可以訂位先。

是日和老師在另一餐廳分享了一個定食，意猶不盡。在戰下一個地方。在老師介紹下，來到大戶屋。銅鑼灣的大戶屋裝修前，維於時代廣場對面，現改於登龍街開業，店鋪變得更為寬敞，枱桌大了，是一處環境較理想的晚餐之選。筆者老師推介了這裡的煎五花腩定食。這個五花腩特別之處，是用了鹽麴醃製，以鹽麴的咸味和米麴味道帶出肉味，同時以酵素軟化肉質。煎得香脆但略焦的五花腩，配上煮得熟軟既日本米飯，令人滿足。推薦指數：4/5當然，少不了啤酒，除了樽裝選擇，亦有較貴的生啤（$48）。生啤氣泡和酵母的生命力和麥香，更清楚地展示出來。推薦指數：4/5另一方面，有啤酒也少不了日式串燒，點了燒杏鮑菇（$15）和大蔥雞肉串（$28），約十五分鐘便有了。杏鮑菇帶牛油香味，用油不多，感覺便乾身，雞肉京蔥則較為惹味，燒汁的醬台醬籤滲入雞中，相當惹味，但蔥吃起來有略焦味。推薦指數：4/5綜觀大戶屋的食物、環境和服務也非常不錯，特別是環境，值得推薦給大家。

女朋友好鍾意食日本菜，所以同佢黎呢度試一試，我叫左個味噌醬熟成吉列豬，配個日本淮山飯，如果你食濃味野可以一試，而個淮山飯我個人幾鍾意，但係口感唔係個個人都接到而女朋友叫左個吉列雞扒冷蕎麥麵，個冷麵彈牙！相反個吉列雞扒就麻麻地總體我會比90分

呢幾個月都不停地介紹朋友來這餐廳，一黎真係好多好味，價格相宜既定食選擇(~一百蚊) ，一人一個唔使煩~二黎呢度地方闊落，同隔離位分開得遠，坐得舒服，又唔怕隔離偷聽我講野！！三黎就係我真係好中意食入面d海藻飯！黎到既朋友記得要呢加10蚊試下~今日我點左魚定食，有齊湯，配菜，小食，仲有茶碗蒸，加埋我個海藻飯，都係110~下次見"

Not sure if the store is franchised, the female store manager who guides customers during lunch time is very rude, rolled her eyes at me just because I didn't know which seat I should sit. That is a terrible experience, and is unbelievable for a Japanese brand restaurant. The food is okay... I enjoyed having food at Ootoya before.

若果想同三五知己食晚飯時坐得舒服又有wifi 上網仲要食物質素穩定我會推介你去大戶屋我叫了五花腩拼牛肉定食加$10轉了紫菜飯牛肉略鞋 無咩味 有d失望反而五花腩有驚喜入味香口 又唔會太硬好少定食既豬肉係好食過牛肉下次會再試佢既豬肉定食定食包左一小份薯仔salad甜甜地 幾好味不錯