大松日 (已結業)

無意中發現了這間地方比較格攝，但質素非常高的日本菜。最可惜的是沒有壽司拼盤和刺身拼盤因為食材賣晒了。叫了一個<海鮮鐵板燒set lunch>，全個set有齊蝦，三文魚，帶子，最要特別稱讚就是個海鮮醬汁，不是普通的沙律醬，裏面加了飛魚子，三文魚子以及青瓜，撈飯調味皆宜，鐵板炒飯粒粒分明有咬口。另一個是<和御膳>，有齊刺身，煮物，天婦羅，鐵板燒，醋物。油甘魚，吞拿魚，蝦刺身配以青檸味道清新。煮物包括甘筍，茄子，蝦卷，味道較淡。牛肉薄燒，燒得剛剛好，不會太油膩，土鍋飯有香菇味，配以櫻花蝦，份量剛好不會太多。環境寬敞，舒適，服務非常街，每吃完一道菜有人幫你收走碗碟，主動加茶的次數也很密，臨尾吃甜品會換一杯熱茶，如同日本的會席料理一樣。

想試呢間高級野好耐，之前book唔到位，今次正值冬至，俾個藉口自己食好啲啲。位處甲級商廈，環境夠寬躺，有足夠嘅空間感。可惜就響安排坐位既時候，見到啲櫈全部都有一撻撻嘅污跡。omg 我心諗點解會咁㗎，明明一間貴價餐廳，點可能容許有啲咁嘅嘢發生㗎？究竟係唔係我眼花？我問其他朋友又話冇留意👀姑且當我眼花先講返我哋食乜嘢，我哋四個次次都係share食今次都唔例外！叫咗四個set , 兩個鐵板燒set, 一個手握壽司set, 一個混合set1/. 海鮮鐵板燒set 包括兩隻大蝦🍤、兩粒帶子、三文魚同埋其他配菜，仲有一碗炒飯、蒸蛋同埋前菜沙律🥗2/.厚切牛鐵板set 五成熟厚切牛，都係包一碗炒飯，蒸蛋同埋前菜沙律🥗3/. 手握壽司set 10件手握壽司🍣包括鰻魚、吞拿魚茸、三文魚腩、甜蝦、玉子、仲有其他四款魚生壽司。最好味我覺得係甜蝦壽司，夠新鮮。其他都OK嘅！不過未去到嘩一聲咁有驚喜，佢仲包咗一大碗烏冬，不過我就覺得好普通，唔似日本烏冬4/. 混合Mix 其實係包含咗好多唔同款式，有刺身、薄燒牛肉、有燉飯、有天婦羅🍤⋯⋯呢個set雖然係最貴，不過我哋覺得係最物有所值！佢嘅刺身夠新鮮、薄燒牛肉燒得

今日 Honey突然 sweet sweet 話帶我去食飯去左一棟寫字樓樓下 食咩呢？原來都係我地最愛既日本野 我最愛刺身 就 一般般啦卷物 叫左 軟殼蟹 都無咩特別但佢個 串燒 係有驚喜喎！咁岩我地食比較早既晚餐時間 有 Happy Hour 串燒叫下佢種類比較少 但我地都 續一試下 燒得幾好 果然係食鐵板燒的正因為佢 係出名 食鐵板燒所以我地叫左個 鐵板炒飯佢 係一小碗咁叫的但佢炒得好出色飯 係日本珍珠米 炒到乾身得黎粒粒味道蔥同牛都發揮到 互相配合成碗飯 可以 😌想食一碟 Honey 咁岩係 eatigo 見到有半價優惠雖所以 大家 想試 最好去eatigo訂位 啦！但餐廳位置 就 比較 偏遠地鐵 🚇我諗要有車先去到啦但 佢環境 靜 位與位間 地方 闊落 私隱度 很好 唔洗同人迫好舒服 😌 靜過圖書館 但可以 講野既 晚飯我重想食多少少串燒呀 因為佢個燒牛脷 好好食

九龍東既朋友想食貴野, 唔想出番tst/過海既話, 可以考慮下依間係九龍灣甲級寫字樓既日本餐廳！依道仲有法國野同中菜～*Fun fact係地下原來有座四面佛, 去唔到泰國拜可以黎依道 係開放比公眾既！-🦁 環境果然係過萬呎, 吧枱都大過出面正常枱 -.- 入面仲有包廂, 好岩business meal食 傾野！唯一缺點係lunch 14:30就落場-🦁 服務斟水超密！第1次食有介紹每件魚同食既次序, 第2次黎就冇🤨-🦁 食物2次黎都係食番壽司拼盤 ($340) 🤣 lunch set有其他熟食 都係300-400幾～兩次既魚生都唔同 整體唔錯, 基本野做到晒, 係冇海膽有d sad🥲 估唔到食完10件仲有勁大碗烏冬！

第一次寫食評，某飲食app有discount去試吓呢間附近好荒蕪的鐵板燒餐廳食個early dinner，主要係近老公公司方便泊車又唔會好heavy.晚餐散叫選擇唔多，叫咗兩款happy hour 串燒（冇折），前菜、厚牛扒鐵板燒同炒飯，價錢接近五星級酒店，服務就好大落差，聽電話同侍應算有禮貌，但係唔可以叫主動。食物貴唔緊要、賣相服務同份量都應該配合。性價比好低，本來唔再去就算，但係個乜乜蝦乾炒飯好油膩，可能有兩三匙羹油喺一碗飯裏面，食完太油膩我即刻肚瀉，仲有已經飲咗五六杯綠茶，老公同我返到屋企都勁口渴要再飮幾柸清水先舒服啲。就算主餐牌折扣後性價比都好低，唔好話正價去食，唔會再去啦。蟹籽沙律望吓同隻匙羹比例就知有幾多，$90， 令人諗起多年前的元綠壽司嗰款一模一樣，冇乜味連蟹柳絲都好少。雞泡魚乾熱熱地有汁幾好味，$110 但係份量好少，仲少過平時第二道食lunch set送嗰啲串燒牛舌好大件 $40（冇折）一串，重口味算最好個樣串燒雞腎ok ?$2x （冇折）一串，正常鐵板燒厚切牛扒 $480，分量合理OK啦有啲根海膽炒飯$190一人份量一小碗，OK乾身蔥花蝦乾仔炒飯$110一人份量一

母親節正日去左大松日慶祝，都係平日嘅餐牌，最難得係竟然訂檯app母親節正日都有折。鍾意鐵板燒嘅我當然唸都無唸就叫左鐵板燒餐，牛魔王當然要食牛肉薄切啦！但係侍應竟然話賣晒，好彩之後話仲有1-2份，平時食開鐵板燒真係唔鍾意厚切，如果無薄切真係唔知叫乜好。美國牛肉薄切鐵板燒餐$280有前菜沙律、日式蒸蛋、牛肉薄切、鐵板炒飯、麵豉湯、漬物同埋甜品。美國牛肉薄切有九小塊，其實都煎得好香口，因為有油脂，入口都好淋，但唔會太肥膩嘅感覺。醬汁都幾好食，酸酸地幾開胃。旁邊有少少蔬菜，如果份量可以多啲就好喇！炒飯都唔錯，粒粒分明。折完大概$260 一位左右。雖然整體都OK, 但係我都係鍾意另外一間灣仔嘅鐵板燒多好多。佢哋嘅牛肉薄切裡面有蔥粒同埋蒜片真係好香口好好食。價錢亦差唔多，份量亦比呢度多。不過如果唔係坐鐵板燒檯就大松日會舒服好多，環境黎講大松日係幾好。尤其大松日中間大圓檯都坐得幾舒服。同埋最緊要係泊車方便，唔怕無位，又有free parking!

聽朋友介紹，book 左lunch嘅omakase 試試。結果係失望嘅。首先bar枱位得好少位，我地就只有方枱坐，食omakase無得坐bar枱已大打折扣。點知佢嘅野令我更失望，前菜同三款刺身味正正常常但無特別好食，但去到壽司就真心唔掂，先唔講魚生質素係板長質素，睇舊飯就已經知壽司師傅無心機整，8舊壽司分兩碟上，尼嘅時候又無介紹d魚，好似去左元氣食咁。價錢就640加一。建議尼依到食可能叫set lunch好d。唯一要讚嘅可能係d位夠闊。

🦢鐵板燒鵝肝 ($200)呢個係我個人最滿意 又覺得性價比最高既😍 我自己好鐘意食鵝肝 呢到估唔到咁既價錢可以食到咁大份😚而食落去真係夠香 又唔會好乾好薄 鵝肝鎖住油分 食落好有質感🥳🐂美國牛薄燒 ($420)呢個都有驚喜😁 一開始見佢細細粉就覺得少伏 點知有唔係 成舊擺入口 牛肉入口即溶 超嫩滑又唔會太油膩😋 好彩師傅無overcook! 加埋包住既🥬balance就啱啱好👍🏻可以2-3個人share 如果唔係好快食滯😬🍢串燒 (牛舌$35，雞軟骨$25）串燒係有HAPPY HOUR 優惠所以試一試 牛舌都夠juicy 雞軟骨無乜可以評價😂 不過自己覺得就一般 (?) 同埋個人覺得偏貴 試試無妨😬🍻扎幌啤酒 ($48/ 250ml)呢個都係HAPPY HOUR 既優惠🥰 如果嗌左串燒 就可以買一送一享用任何啤酒 好抵呀 呢隻啤酒比較light D 唔會太飽 適合送串燒 鐵板燒😊🍚 海膽炒飯 ($180)自己覺得呢個麻麻地 份量比較少 加上海膽既味道唔出 比較一般 加上材料好少好普通 (得少少雞蛋 蔥）唔會特別推薦🙇🏻‍♀️🍤天婦羅 : 大蝦雜菜拼盤 ($390)都算幾多種蔬菜 例如日本

🪑整體餐廳D位夠闊, 坐得幾舒服, 🍽食物擺盤都好靚, 裝修望落都舒服, 🤨但佢有幾位譚仔姐姐侍應, 好似顯得同間餐廳有少少格格不入🙈🔥鐵板鴨肝 ($200)🔥🤩表面香脆, 內裏充滿油份既柔軟鴨肝, 加埋超厚切, 真係一試難忘! 但食到一半最好點下藍莓醬解解膩🤪🥄海膽炒飯 ($180)🥄🤷🏻‍♀️好辛苦先係D飯到搵到海膽, 但食落係幾乎無海膽味, 失望失望. 海膽都係要生食先食到佢個鮮甜味🤦🏻‍♀️🦀炸軟殼蟹卷 ($140)🦀壽司面舖上滿滿既蟹子, 配埋剛炸起既軟殼蟹同壽司飯黎食, 咩都唔洗點就已經大滿足啦!😍🦐蝦膠釀冬菇天婦羅 ($60)🦐👌🏼薄薄既天婦羅外層包住味道十分夾既冬菇同蝦膠一齊食, 真係超正! 仲有有三款鹽比你點黎調味添!🥳☄️鐵板豆腐 ($50)☄️☺️豆腐熱辣辣上檯, 外層煎到香一香, 食入口滑不溜口, 豆味又濃, 推介!👍😋總體 (味道, 性價比, 環境, 服務態度) : 8/10——————————————————————————————🪑The place were spacious, the seats were comfortable and the 🍽plating

我哋幾個好想一齊去日本好耐，仲要呢年幾都仲係疫情，冇辦法，食一餐豐富的晚餐，就當去一轉日本啦！雖然門口服務員態度一般，但唔會因為佢一個人影響我哋一班人嘅心情首先唔好生吃的我，真係忍唔住見到咁吸引嘅特上刺身拼盤簡直鮮味到不得了呀！最喜歡海膽，鮮甜又滑流，太美味！雖然每款魚我都唔太知叫乜嘢名，但係佢嘅鮮味，令你食唔停！食得拼盤，就當然叫埋天婦羅雜錦拼盤啦！ 佢嘅蝦係特別鮮味，所有炸物唔會覺得太油膩！另外，當然我哋必食燒雞泡魚乾啦，厚薄適中，點少少沙律醬已經夠味道了有位朋友絕對係串燒控，所以我哋將至愛嘅雞翼、牛舌、雞腎、雞軟骨每人都各要一串，再配以啤酒，簡直爽皮最正係happy hour, Sapporo draft beer 係一送一，好滑，好耐冇飲啤酒嘅我哋要叫兩round 其實每款串燒味道都不會濃味，加少許七味粉，帶一點辣，更加帶出每款肉味！其中燒蘆筍就沒有特別，但係燒雞扒就好好味啦，雞皮非常香脆，雞肉完全沒有雪味，有啲似德島神山雞另外我哋叫咗牛肉烏冬，烏冬比較幼身但勁爽脆滑溜，而為滿足我哋各人嘅口味，補償唔夠海膽食嘅不足，所以試吓海膽炒飯竟然有驚喜！另外都叫了鰻魚炒飯，鰻魚好多汁，份

完全唔掂 $680omakase 3月19號 1150分提早去到 大松日 問門口經理一位 佢就唔耐煩咁我哋開12點 你等下先 我心諗未食得都可以坐下 但呢啲係餐廳規矩 OK嘅 算入到去直接帶我去坐 鐵板燒吧枱 睇完餐牌 我就話想食壽司omakase 之後問佢可唔可以轉台 佢話問問先 隔咗一陣 已經遞咗前菜俾我 我要再追問 佢先話轉唔到 我心諗有冇搞錯 請問你哋 冇壽司吧枱 仲食唔食omakase ？ 之後嚟咗個前菜 得啲菜 完全冇話特別開胃 之後來刺身 個拖羅肥都唔肥下 同其他刺身真係食唔到鮮嘅感覺 跟住一上就上咗八舊壽司 咁我諗可能唔係壽司吧枱 所以一次過上 嗰八舊嘢 冇一舊有驚嘆嘅感覺 比較好少少就已經係帶子嗰一舊嚟咗個麵豉湯 入邊啲料 完全冇貴嘢 同出面啲平嘢一樣 嗰煮物 嚟咗個乜鬼鴨胸 和牛都冇件 仲要好鞋 唔好食 之後嚟咗個 吞拿魚手卷 紫菜冧的。不脆 食也很麻煩 甜品就咁一個紅豆雪糕球就算 完全唔覺呢個值680 300-400還可接受 差不多1:05賣單 壽司吧枱 總共得三個人 中午食最貴嘅餐 得到咁嘅體驗 自己諗

是咁的 見這餐廳好評如潮 於是我們選擇中午就去食訂枱時, 已經感受到接線生的不耐煩, 諗住都是咁岩佢心情唔好啦.但估唔到呢個水平的服務唔只佢一個, 我仲差啲出意外.去到餐廳 睇完LUNCH MENU 後, 我們選擇了最貴的SET ($480 + 10%)其實我們沒有認真望過個餐牌,只打算這個SET 咩都有啲, 可以試唔同的食物滿心期待, 但上菜的職員呢, 好似茶記啲伙記咁, 求其放低就走當你以為佢都會簡單介紹係道菜, 又或者最少都話比你聽嗰道菜係咩佢已經走左由於佢無講 ,只好憑我的感覺去形容啦前菜係豉油豆腐, 上面支左少少WASABI, 一啖食落口就係呢三隻味;  刺身算新鮮的, 帶子好鮮甜,配左片薄薄的青檸好青新, 但其中一款白色的魚有少少腥味(可能是本身味道係咁的)重點, 最期待的天婦羅啦, 先上醬油, 正常天婦羅的醬油入面會有一個蘿蔔蓉球的呢類高級餐廳 (至少價錢係)通常都會務求令到個上枱的食物PRESENTATION 好靚 等客人可以打卡但啲伙記上枱時並不輕手, 內功深厚一下就震散左個蘿蔔蓉球, 變成左一堆白色浮油物喺醬油上面浮下浮下我地望住伙記, 佢就話, "係咁架, 係會散

@matsunichirestaurant is my go-to lunch spot! Whether you’re craving a fresh plate of sashimi or a warm bowl of udon, Matsunichi has it all!! There’s nothing on the menu that you can go wrong with. I can always rely on this place to deliver a fresh and tasty meal 🥰Here I’m showcasing their omakase lunch set!.

平時一二月嘅時間應該係日本🇯🇵滑緊雪⛷❄️今年冇得去 出年都未必有得去嘅時候就唯有去食下日本野懷念下😛にぎり寿司+うどん海鮮ちらし丼車海老、鮭、帆立貝鉄板焼き雞泡魚乾一個LUNCH SET有蔬菜沙律、日式蒸蛋、麵豉湯、香菜、甜品，絕對夠食😋已經光顧過好幾次😊身邊嘅朋友問親我香港有咩日本餐廳推介我都會介紹呢間 食物新鮮同好食得黎 價錢又合理坐得舒服 揸車去又有得免費泊車🚙如果用app📲訂枱更可享有優惠朋友嘅feedback都一致好評☺️想念日本🇯🇵的朋友不要錯過這間餐廳🍴⚠️ eatigo 訂位低至7折⚠️ 醫護有85折 生日月份7折⚠️ 可享泊車優惠⚠️ 高銀嘅餐飲間間都高質，爭LE PAN法國菜未試

慶祝生日飯之選！疫情關係，我哋只可一行四人，加上想慶祝生日飯，又好掛住日本， 而且又要方便泊車， 大松日係不二之選！我哋四個其實都好鍾意熟食多過生食， 所以今次全部叫咗熟食其實佢內容好豐富， 完全唔知怎樣選擇，但係我哋四個人都比較鍾意熟食，結果不出我哋所料每一味菜都悉心煮出來，賣相固然不錯， 味道更加喜出望外！務員也非常細心及親切， 唯獨是冷氣比較涷！大蝦雜菜拼盤同埋美國頂級牛厚燒一定要試仲有銀雪西京燒， 都一定要試，火候十足，仲要煮嘅時間啱啱好，肉質鮮甜又滑最吸引係用咗另一個Apps嘅優惠完全性價比高！必定再試