大榮華酒樓

營業中

休息中

要說「大榮華」之所以會成為香港其中一間人盡皆知，以圍頭菜馳名的中式食肆，食神「韜韜」（梁文韜）可謂居功至偉，相信沒有任何人會反對。要不是腆著大肚子的他經常在傳媒上曝光，甚至主持飲食節目，成為「大榮華」的生招牌，「大榮華」的名頭又豈會那麼響亮，招來無數區內區外的食客前來幫襯，甚至衝出元朗，連九龍與港島區也開了分店！就以這夜所見，雖只是平日的晚上，但才不過六時許，整間偌大的「大榮華」已是座無虛席，空桌子都是留檯給訂座客人的，店門口有十數客人正在等候入座，便知道這間「大榮華」確是生意滔滔，全因「韜韜」。這天因為早來，來到的時候才不過剛到六時，所以仍能即時有空桌子。而因為沒吃午飯的關係，我與太座兩人早已飢腸轆轆，所以不需多久便已點了以下的菜式： 「鮑汁鵝掌」、 「頭抽浸米鴨」、 「鳳凰蟹肉炒長遠」和這裡馳名的 「砵仔飯」（豬油撈飯）。「鮑魚汁炆玉掌」是這裡下午五時後供應的四款自選小食：「南乳花生豬手」、「當歸雞腳」、「鮑魚汁炆玉掌」和「蘿蔔炆牛筋肚」其中之一。之所以會叫來這餐前小食，原因之一當然是因為我與太座兩人都已肚皮打鼓啦，而第二個原因則是這幾道小食價錢合理，才不過 $23，看來十分抵吃呢

只有5人不能訂檯, 幸好walk-in 都不是太full~地方極度隔涉, 仲要係電話被侍應呀姐教路由朗屏西鐵站出口行, 搵到傻.....一張小菜紙疑似有好多選擇, 但其實好多都係同款主菜只係唔同煮法而已我地總算點左好幾個都係呢度既拿手菜上菜速度挺快的, 話咁快好幾味送都一次過上檯了~我地放棄左燒米鴨就要左圍頭五味雞, 雖然入味但出奇地係凍既!! 暖都唔暖 搞笑地雞頭同雞身既豉油色完全唔同, 雞頭好深色, 不敢懷疑究竟雞頭同雞身係味黎自唔同既雞?!?!完左入味既五味雞之後, 反襯下有南乳花生豬手。比較淡身，南乳味唔太重做得唔錯既乳香酥炸鱔球, 酥炸香口而且魚質嫩滑。可惜鱔球比較薄身, 如果可以淡淡肉就唔錯另一味都鍾意既係農家燒汁煎藕餅, 油炸熱辣辣。入面仲有好豐富既豬肉, 唯一美中不足就係食唔到蓮藕, 貌似完全融係豬肉入面, 都莫講話奢侈有蓮藕粒了..之前聽人講過雞蛋焗魚腸都係著名作, 黎到怎能不試呢?! 用砵仔焗真係好有特色, 似是特別有「砵」氣~ 外層焗得太過火, 好硬。問過侍應但佢既答覆竟然話「係咁架啦..」魚腸比較腥, 即使落左胡椒粉都去除唔到陣味.. 可能係我食唔慣罷砵仔豬油

晚膳多數閒日去食Must eat item:-砵仔豬油撈飯（是燒豬油，很香，只此一家）-南乳炸鱔片（點喼汁吃，正！）*其他燒鴨、西芹斑球、焗魚腸、馬拉糕等菜都ok，吃過多次都keep到正常水準；反而招牌五味雞可以不吃。*飲早茶就有好多懷舊點心；吃過胡椒豬肚（用湯浸住上）都超正，薑醋都好夠火喉，好好味！

行完南生圍，大家都餓到不行，來到元朗，身為遊客當然要食大榮華酒樓。九龍灣的我們吃得多，別人說他們的圍村菜那麼傳統，那麼美味，本人卻認為言過其實。不過，既然來到，不妨一試，或許會有驚喜。第一道是招牌五味雞，五味就吃不出來，不過，甜豉油的味道恰當，而雞嫩滑得令人驚訝，雞腿滑是固然，雞胸都滑就是功夫，我從來未吃過這麼軟滑的雞。接著是蜆介炸鯪魚球，簡單的菜色，非凡的口感，鯪魚球彈牙得像兒時在扭蛋機扭到的回力球，脆皮是由米粉糠造成，蜆介內加入椒絲，薑絲，特顯鮮味。這裡的蝦子乾燒伊麵亦值得一讚，伊麵爽口，沒有半點稔，沒有黑黑的老抽色。廚師毫不吝嗇，銀芽，韭黃充足，蝦子密密麻麻的掛在每一麵條。唯獨因為保麵質，用水少，用油多。最後當然不得不題豬油撈飯，這邊的豬油比九龍灣的香，砵仔飯顆粒分明，特有咬口，加入豬油和豉油，吃時有點似臘味糯米飯。除了以上，我們還點了椒鹽九肚魚，椒鹽豆腐，煎耦餅，淮山雞茸魚肚湯，鮑汁魚唇花膠玉掌煲，水晶包和奶皇馬拉糕，大致上質素不錯，大家都吃到肚滿腸肥。

又到生日會時間，今次大家揀左大榮華食客家野，身為客家人的我當然沒所謂，但唔知道自己要求會比較高，所以覺得很一般，但就十分抵食！一行十五人叫左一圍九大鬼！一圍十二人的菜餚再另加幾道小菜都不需要二千元！實在化算！九大鬼除了燒米鴨和烏頭外其他都是用碗盛載！很有趣！燒米鴨做得不錯，夠熱辣肉嫩！反之其他小菜就麻麻地！值得一提是它的甜品，朋友預早訂定西米紅豆布甸，份量很大！加上ORDER的馳名馬拉糕及套餐的奶皇水晶包！真係好甜甜甜～布甸大家對它的評價不差！很好味！而我只試了馬拉糕！真係很soft很好味！怪不得大家慕名而來都是為了這道美味的馬拉糕！

早已聽說過這間元朗區著名的食店要大排長龍，故特意下午到元朗，提早6時吃飯！剛到店內，原來已有不少食客在內準備吃飯，有的兩三口子，有的一圍檯的坐著，好不熱鬧！看餐單的食物，原來全部都是六十多元，價錢不算昂貴，所以便點了這裡更有名的食物！圍頭五味雞：令人驚喜，雞肉嫩滑，味道適中，必吃之選！六十多元便別到一整隻雞，味道有點像鼓油雞，但味道較甜，有點像「瑞士雞翼」的感覺，很美味！鳳凰蟹肉炒長遠：味道清淡，恰到好處，而且粉絲很惹味，整體來說不錯！鮑汁魚唇肉掌煲：味道略淡，雖然魚唇很嫩滑，也很有口感，可惜吃不出鮑汁的美味，尤其是煲底的鴨掌更是沒有味道，令人失望。豬油撈飯：砵仔飯加上豬油和頭抽，味道很香濃，有點像蒸飯(飯上的肉汁流入飯中)的感覺，很香！(如怕油膩的不宜多吃)奶皇馬拉糕：很鬆軟，而且有蛋黃的味道，多吃都不厭！兩個女生吃下那麼多食物，有點嚇人！(每碟食物的份量真的不少！)但這裡的食物真的很美味，又有太多的想試，可惜吃不下，最好找多些朋友一起開餐吧！

由於出名所以真係好多人來食, 天都未黑樓下已經勁多人等位, 好在訂咗位.....剛好當日滔滔來巡視業務,他會到每張已有飯菜的枱問客人食物是否愛吃,而未點菜的客人他亦會替他們自訂一些合他們價格及口味的菜色。我們這一枱得到他為我們設計了怪味雞, 拖地叉燒,燒排骨,金蠔,花膠鴨掌,最後仲點了豬油渣撈飯!豬油渣撈飯: 雖然較為油膩,但都幾甘香~~怪味雞:（原先菜單係五味雞,因係由滔滔發板所以菜單上是沒此道菜色)有點像豉油雞,但又帶點甜味,都恰如其名"怪"味,不過好食,雞肉唔"鞋"口~~拖地叉燒:值得介紹,真係好味好好食,不過,份量就少了點金蠔:味道不俗!燒排骨:賣相不錯,只是 味道略遜花膠鴨掌:這個不錯, 有汁得來, 鴨掌也入味~~

今日去咗元朗食家滔滔的大榮華酒樓~之前都聽講好多人食, 估唔到係真, 樓下勁多人, 訂咗位, 上到樓上仲多人,由於要限時多, 所以今次係我咁大個人, 第一次,天都未黑,5點幾就食晚飯了.....由於咁早食飯所以無咩mood, 咪叫咗最出名的豬油渣撈飯,燒排骨,金蠔,菜脯炒蛋,花膠鴨掌!豬油渣撈飯: 我都知對身體唔好, 但專程嚟到咪試下有幾好食囉, 可能我唔太識欣賞啦, 好似無咩特別, 依d嘢食一次已夠了......金蠔:味道都算好味, 但唔可以食咁多, 因對身体唔太好啊!燒排骨:賣相幾好, 味道一般菜脯炒蛋:賣相幾好, 味道一般, 仲好似咸咗d花膠鴨掌:反而依個比較好總評分: 70分

上月特意來到大榮華門前才得悉裝修進行中而白走了一趟，這次竟然偏偏挑在周日晚市才來一碰運氣，跟自已說一句：「真大膽!」結果是位照等，但二人在這等大酒家還是有個好處，四五十張籌號當中，只有三四個籌是2人行，而且地方大，二人檯走盞多，結果等了不足半小時就順利獲安排在偏廳牆邊入座，旺中帶靜，好位置。在門口櫃旁就放著7月份的菜單任取，所以等候期間已經選好菜式，唯一最深刻的是價錢在這幾年間加了近三成，現在每款菜式以均一價$65發售，另外有一菜單是$65以外的菜式，如海鮮、原煲蒸飯等。但依小比所見，單是$65菜單就多達100款以上的選擇，必有所好。二人吃不了晚市8件/一打為限的包點，與麻蓉包、馬拉糕等注定無緣，所以就點了三款小菜吃個痛快，分別為農家燒汁煎藕餅、南乳蓮藕木耳炆腩仔以及梅菜芯炒勝瓜。梅菜芯炒勝瓜[$65] : 調味獻汁較想像中多，預期是較為乾身，梅菜芯味道較淡，嚐不出梅菜本身的咸甜味，幸而梅菜芯用以莖部為主，醃後切碎炒香依舊爽口，與淡味的勝瓜匹配；勝瓜略嫌外層的少許瓜皮較’界’口，而且不甚入味，整體只算是不過不失。農家燒汁煎藕餅[$65] : 大比的家族也是客家人，所以從小到大都會在家中

一班同事黎食大餐，小菜款式特別但味道只是普普通通。煙蠔併冰肉燒鳳肝/一字排：樣樣味道都唔錯，最正係鮮味既煙蠔。韮菜花炒天梯、魚扣：天梯炒得唔夠野味爽口，而且韮菜花好油膩。蒜香金沙焗中蝦：蛋王蓋過了蒜香味，蝦肉算是新鮮。鳳凰蟹肉炒長遠：長遠是炒絲，炒得唔香又唔知咩味。杏汁鮮奶燉白肺湯-佛盅：湯清甜得黎又感覺香濃。家鄉蒸釀玉環：節瓜中央是魚蓉，味道一般，而且油膩。白水浸烏頭：好大條魚，個蒸汁麻麻地。白切元朗大米鴨：米鴨肉嫩又香，好正。絲曲砵仔蒸飯：招牌豬油撈飯，但一向覺得唔好味。蠔仔煎蛋：蠔仔肉鮮甜而且蛋香，但間中蠔仔有壳。五味雞：個汁好香，撈飯重正過豬油，但雞肉唔夠入味和唔夠香滑。炒油墨菜：太油膩。奶黃馬拉糕：熱辣辣又鬆軟。椰汁紅豆布甸：甜度適中又軟滑。味道不覺得特別好，但價錢貴左d。

前晚在元朗大榮華酒樓同母親大人做個簡單的生日。大榮華是元朗老字號酒樓，元朗人幾乎沒有不知道的，而它其中出名的砵仔飯，撈D豬油和豉油，真係好香，幾乎有餸都可以食三四砵。仲有獨家五味雞，又滑又入味，真的唔錯，次次去都肯定會叫。如今乜都貴，乜都加，但好以D價錢有乜點加，不過D餸菜好似細碟咗。最近新裝修咗，地方淨咗，光猛咗，唔錯。但抓車就唔係太方便，附近又冇乜停車場，果晚泊後行又食咗張"牛肉干"，這也算一個缺點吧﹗

想講長遠今曰六點四個字到，等左四十分鍾左右有位，五個人叫左五樣餸，其中一樣係呢度推介的鳳凰蟹肉炒長遠。唔係想批評別人，但想試的朋友請留意，長遠即粉絲，鳳凰即雞蛋，再加蟹肉及芽菜，做法像螞蟻上樹。我地冇問便叫，仲以為係炒菜。anyway,好乾身難以嚥下，而且一點味都無，不及格。最終要加上豉油及豬油拌勻才能Ko 它。所以，不覺得亦不明白為何它是推介菜式

一直久仰大名，復活節當天作為元朗遊第一站吧。要等位，數十張，正想轉至嘉麗園，等了十數分數就有位，就試試吧。搭桌，打算吃了就走，加上很多東西賣光，草草點了：馬拉糕－這個最好吃了，鬆軟有蛋香切肉燒賣－這也不錯，有完整的豬肉塊，很香，粗獷但實在鳳爪－純粹個人喜好，這個很一般，甚至略遜粽－這個最不好吃，想不通為什麼這麼普通的粽賣22元相信有其他好吃的東西，這次沒有遇上。不要緊，下一站。農場牛奶公司。

四月有多名朋友生日，為諗食咩都想到頭痛，幸好不是我想地方，友人揀了肥韜的大榮華，聽就聽得多，但大家都未來過，七點半到達，人龍已排到門口，幸好已派了死士早些拿飛，所以一到就入得，豬油撈飯：從來未食過，都不知是什麼樣子，初會想豬油是一pet pet似雪糕狀物體。當飯到了，豬油係邊尼，飯上面無野既，正想找樓面問問，她就給了內裡似蜜糖的樽和頭抽給我，打開透明樽聞一聞，聞不到豬味既，兩樣都放了一湯匙在飯中撈撈撈，撈完先有陣陣香味，又幾香喎。味道…同士油撈飯差不多。奶皇馬奶糕：咁多樣菜，最好味就是它，極香極鬆軟，岩岩好八件，一人一件，想食多一件都不可以。雞蛋焗魚腸：個面好脆，但放了太耐，個面就又實又硬，插都插不入，魚腸不算多，蛋味夠，可以一試。咸酸菜牛百業：個汁甜甜地幾特別，初時仲以為會酸酸，牛百業吃了一舊，林林地幾易咬，反而配料仲好味過牛百業，紅椒青椒仲好吃。金銀蛋莧菜：我覺得配料先是主角，菜是配角，所以我會吃蒜頭、皮蛋先（好好味架），然後先食菜，菜有些老。麥米粥：落料充足，甜味適中，好味。仲有多式菜式，已忘了菜名，不能盡錄。菜式來得好快，十分鐘內一定到，服務麻麻。

因為入元朗搵朋友，終於食到好耐都冇食過的大榮華。一行5個大人加2個小朋友, 都食左幾多野下。比較想推介的係炸軟殼蟹。一上台的時候已經聞到香味，食落當然更加正啦!最後都唔理肥唔肥，忍唔住口食左2件......仲有食左豬油撈飯。但落鼓油時重手左，變左鼓油撈飯......其實仲叫左3碟小菜，有排骨、通菜等，幾好食但冇咩特別。最後唔少得的緊係馬拉糕啦!!上次食完記掛到依家，仲係記憶中咁香咁鬆軟。