大榮華酒樓

營業中

休息中

位於元朗一間著名的舊式茶樓口碑很好深受各方面好評這天來了下午茶價錢算抵下午茶大中小點一律$11這個是推介的雖然黃色的馬拉糕不是我喜歡的那種但這個有很香奶皇味道卻是我喜歡的唯不夠熱早知要下面果層啦....絕讚軟綿綿既透明皮包著滑滑溜既香奶皇極品好吃大大件彈牙的粉果透明皮裡面有一絲絲蘿蔔絲,蝦米,瑤柱好少地方有得吃這個涵料唔油又夠香較大件入味又夠熱另外符有沙薑醬自由點

同Honey 去元朗必食, 平日比較少人, 但星期日,假期等超多人等位, 所以通常都是閒日去, 早市比較平, 兩個人必食如下:蒜蓉蒸鮮魷, 是我兩至愛之選, 成碟滿滿的鮮魷鋪了滿滿的蒜蓉, 好正, 新鮮材料, 不用太多其他調味, 清清哋, 已好鮮美, 我覺得十幾蚊好抵食, 因為鮮魷在街市是很貴的, 所以我們必食,哈哈… 冬筍鮮蝦餃, my honey最愛, 大大粒的蝦餃，皮簿, 蝦肉爽口, 彈牙, 還有大大片冬筍, 其他酒樓較少有 砌玉燒賣, 亦是其他酒樓少見的, 啲豬肉是一小粒粒狀的, 很有咬口, 好味, 豉汁蒸鳳爪, 蒸排骨, 好有住家的感覺 奶皇馬拉糕, 味道很香, 極鬆軟 記得食過一次灌湯餃, 個餃超多料, 脹脹的, 內裡裝滿了材料, 竟然有金華火腿呀, 不過食完之後已經飽了一半, 因為太大了… 鐘意來飲茶原因是點心好味, 抵食, 外邊食不到的味道, 環境及侍應比人有一種圍村感, 好親切, 同時喜歡他的點心不會用太重調味來令食品好味, 全是靠食材本身之味道而來.

又是留在元朗休息的週末，這次加上市區來的友人，一行七人在南生圍玩了一個下午後，夜晚又折返元朗，小休一陣又出發去大榮華酒樓晚餐。此酒樓素來多人，訂位服務又屢屢失效（見註），週末時分人龍顯得份外誇張，店下早排滿座位供食客等位時就坐。而七時多抵達的晚上，也苦等了半小時才有位坐...（註：其實要訂位也可以，但要六點人齊來到... 挺有難度是不是?）二月與火兄短聚中學曉，其實可以邊排隊，邊預先外買名物奶皇馬拉糕頂肚，這次照版煮碗，買了一盒先行分吃；新鮮蒸起的奶皇馬拉糕鬆香、甜美、又有一定濕潤度，淨吃也不會很乾涸，一盒八大件賣$62也是物有所值，是排隊時的良伴。終於有位了，這晚被安排就坐三樓，整層都採用舊式的唐樓間房設計，沿路所及甚至有會計師房，感覺特別。雖然是日一對父母要趕回家湊B，另一位友人又身體不適，最後只剩四人晚餐，未計先前馬拉糕，大家仍然力戰五款菜式(全部$62)，勇氣可嘉! 　首先上檯是五味圍頭雞，嫩滑的雞件以靚豉油，再加各式調味醃香，很豐富的滋味稱不上，但就是簡單得來幾討好的豉油雞。淨食已經不錯，又可以撈上蔥油，增添風味!為了給友人品嚐元朗風味的小菜，又點盤菜豬肉，夠特色了吧? 要讚

今日放假, 我兩公婆就入咗元朗大榮華飲茶. 去到都係9:40, 由於係平日, 即時就有位.星期一至五平日11:00前特價, 大, 中, 小點一律$11.00, 茶芥$6.00一位我哋叫咗5碟點心 胡椒豬肚湯--份量多, 絕對無因為特價就份量少啲. 味道唔錯, 最正係成碗都係豬肚同腐竹無咸菜, 因我兩公婆都唔食咸菜嘅, (曾經去另一酒樓食過成碗用咸菜墊底, 豬肚得幾件.) 柱侯牛筋肚 --一樣係夠份量, 蘿蔔夠淋, 好味! 迷你珍珠雞--唔錯 荔芋鴨腳扎--幾好 奶皇馬拉糕--呢個招牌點心一定要叫啦, 好香奶皇味, 超掂!呢度啲侍應服務態度幾好, 見食完就主動收碟, 揚手叫佢就即刻到, 仲會同我哋換碟. 我飲茶唔係食晚飯喎. 我都係第一次飲茶會有人換碟咋, 值得一讚.太多嘢食喇, 我哋就慢慢食, 抖下食下傾下計, 都食到11:15先走. 埋單$74.00, 超滿足!

很少會紅日去飲茶，因為價錢都會比平日貴、人又多，但是沒想到，今次等位要等成個幾兩個鐘，真的很誇張...幸好，食物的質素總算沒有令我失望，等咁耐，值得的！我們5個人，點了14樣野，由於太肚餓了，所以都懶得拍照，下次吧...下次再拍~–香煎蝦米腸$16我覺得這個一般，煎得不夠火候，不夠香。–香煎蘿蔔糕$11這個也是沒怎麼煎過似的，表面有油明顯會見到，我沒吃，但姐姐說這個好吃，有一陣獨特的香味，媽媽說是因為加了『臘肉』。–柱侯牛筋肚$16用一個迷你煲仔裝著的，牛肚有很多，只是牛筋得三、兩舊。奇怪的是，牛肚不是炆得莓爛那個程度，但是一咬下去就咬到了，丁點也不un，只是那個醬汁有股花生味，怪怪的。–叉燒包$11不錯，叉燒雖然是帶有點肥膏，但吃下去是鹹鹹的，不如一般的甜得猶如在吃甜品。–蓮蓉包$13這個是白蓮蓉的，包內Fill滿了蓮蓉餡，雖然不是很甜，但也頗膩。–臘味糯米包$16大大個，糯米很入味，一向不吃花生的我，不小心吃了一顆，驚喜，超級香脆啊﹗真後悔之前的掉了出來沒有吃。–山竹牛肉球$13很好吃，沒有牛的蘇味。–蒜蓉蒸鮮魷$16不抵吃，蒜蓉是鋪得滿滿的，但魷魚實質只有三、四舊，而且不是超好吃

5：45下午已經到達羅檯。 朋友去揾座位泊車未到，我們2人先點菜， 不到5分鐘菜已經上。朋友仲未到， 侍應不停望。因為未全部到達沒有座位 其實侍應都OK㗎， 好笑容， 起碼換碟和加熱水。點菜非常簡單類似點心紙， 自己點，小菜平均＄60 碟， 有D＄65碟， 圍頭菜平均＄100 碟 。釀菱魚: 好似我家鄉~ 但是菱魚肉沒有蔥，臘腸，冬菰豬油撈飯： OK 啦陳皮豆豉蝦: 樣衰D，但是味道唔錯，個FRIEND話可以一口吃完。 香茜燒米鴨： 皮好脆，D肉和味道普通。薑汁炒介蘭： 好香～拖地叉燒： 顏色好靚，但係味道普通水晶包： 好大件， 一件已經飽！雞蛋焗魚腸: 個蛋皮好脆， 但係好腥家鄉焗蠔缽: 好腥奶皇馬拉糕：我們叫外賣，反屋企先蒸！ 一開個盒先知咁大盒，有8塊。好味道～好柔軟～

雞和脆鱔都可以; 豬油撈飯: d飯唔熱, 唔覺得香;5個人: 2只乳鴿, 2碟炒菜, 煎讓夌魚, 例湯一個, 半只燒雞, 1發財好市; 1客脆鱔; 1籠馬拉高; 3支啤酒; 3個白飯; 總共差不多900塊

雖然只有3個人, 朋友知我鐘意食豬油撈飯, 所以明知新年期間會好多人,依然陪我上大榮華. 以前 7 點上去, 總是等足30-45 分鐘. 可是今次15 分鐘左右便有位, 本來滿心歡喜. 坐下來, 見點紙那張菜單, 又加了價去到60元, 才明白. 本來, 諗住唔使等咁耐都好, 食下去才真正明白少了人的原因. 蓮耤蚊豬肉: 連耤唔諗, 仲加一PAT南乳汁, 好難食. 肥豬肉也不香. 例湯: 蓮耤豬脷湯, 味精湯+ 豬脷超薄片 (同埋唔知係米雪, 咩味都無) 炸生蚝 : 超細粒, 又唔肥, 千其唔好試!!!!!!!!!!檸檬蒸烏頭, 不過不失, 不過比收$38時, 大條好多. 麻 辛束 豬大腸豬肚: 麻辛束 香港的水準比國內真的差好遠, 好似撈 辛束 椒油咁, 又唔香....... 豬油撈飯, 可能因為想食同埋其他野唔好食, 所以最滿意. 食完好失望, 唯有下次專食豬油飯同馬拉糕, 加到60元雖然D野大蝶番, 但係咁0既水準.............

屋企人揀左呢度食團年飯佢係一間舊式茶樓所以環境唔太好up dup茶樓一間好多選擇差唔多成一百樣野揀每碟一律$60有幾樣係$65蒜蓉荳苗份量幾多嫩豆苗又唔太油good韮菜花炒豬脷天梯呢個菜喺出面冇得食見到有豬天梯一定要叫不過有少少失望因為唔夠爽鮮腐竹蟹肉菜羹難得唔係咩海皇羹之類嘅叫左呢個湯好多蟹肉同時都好多蟹殼菜係菠菜幾好頭抽浸米鴨(半隻)呢度嘅家禽類嘅餸幾出色之前食過五味雞已經值得讚今次試米鴨同樣幾好唔會鴨皮痴住好多肥膏食落去鴨味豐富唔似出面斬料咁冇味白水浸烏頭魚呢個反而麻麻點解？因為佢唔係浸魚係蒸魚完全食得出因為食落去有d『鞋』浸魚就算浸耐左魚肉都唔會『鞋』『鞋』左但條魚骨仲紅紅地只有蒸魚先會係過左火但條骨未熟呢個差左喇頭抽蒜片煎生蝦呢個後加嘅食落去似美極蝦冇咩特別再叫左2個白飯d白飯食落去好似喺大陸食白飯咁嘅味道服務全都都係aunt, uncle大部份嘅態度幾差勁悔氣仲要黑面睇下遇唔遇到d有禮貎d啦有幾個都幾好嘅有笑容整體黎講佢嘅家禽類出色過海鮮類不過服務就好麻麻

曾經，大榮華令我留下不少快樂的美食回憶。那時老公的公司年年到數，惠及員工家屬也年年開旅行大食會。連續有兩年都在大榮華，在那裡我發現豬油撈飯的美味，不只是爹娘輩捱窮時代的神話，在大家吃盡珍饈百味的今日，依然存在。還有不那麼廣爲人知的燒鳳肝，把一件冰肉，夾在兩片雞肝中間，塗上厚厚的蜜餞來燒。冰肉的油滲進了雞肝，口感變得潤滑。豬油和雞肝彼此提升了對方的香味。相比法國的煎鵝肝，有過之而無不及。可惜，老闆不會知足，要求愈來愈高,「難過難過年年過，終有一年過不了」。大榮華大食會，成了絕響。所以，這日大家剛巧趕得及在晚市開始前走畢元荃古道到達元朗，可以不用等位直闖大榮華。縱使早知懷念的燒鳳肝必須預訂，而且整圍菜價要超過二千元(確實銀碼有待考証），今次吃不到了，還是很有期望的。沒想到即場落單的菜式，水準如此不濟。第一道上桌的是「拖地叉燒」。名字很吸引，胖得肚腩拖地的肥豬，做出來的叉燒，應該很肥美。實物卻只是中規中矩，不足以成為招牌菜，及高踞點菜紙的第一行。餘下的菜式也乏善可陳，只記得蝦有點霉蠔有點腥，鹵水鴨肉太硬，豬油撈飯也沒從前那麼香，但總括來說還可接受，直到生炒糯米飯出場。一看樣子已經不妥，就算茶

同大少講要去大榮華講左幾世耐終於都去得成! 此行目的: 肥美烏頭6點去到已經超多人, 等位期間仲見到肥滔行出行入, 不過實在太多人堆響門口, 而佢個腩又有返咁上下,佢行極都行唔到出去 (-_-)""等左差唔多成個鐘先有得埋位, 由於等位時已經揀左想食d咩, 所以一坐低就fing張小菜紙俾呀姐。 豬油撈飯黎得大榮華點可以唔食豬油撈飯? 雖然枝豬油聞落有陣油益味, 但係撈左落兜飯又真係勁香。 咸水檸蒸烏頭我最鍾意食咸檸檬蒸烏頭, 雖然呢條魚冇我想像中咁肥美, 不過都好香, 完全冇泥味。 蓮藕片炒豬脷蓮藕片好爽口, 豬脷切得厚身又夠份量。 金沙蟹粉扒西蘭花咪睇佢賣相好似好得咁, 其實面頭pat"金沙蟹粉"落得太多豆粉, 杰撻撻好難食。碟野放左大概15分鐘, pat"金沙蟹粉"已經呈現凝固狀, 我地好輕易就將呢pat野好似張被咁揭起, 淨係食底下d冇味西蘭花算數! 芋頭西米露晚市有糖水送, (先到先得, 送完即止) 你唔問呀姐, 呀姐其實係唔會話你知有糖水送, 隔離枱都係埋左單先見到我地有得食, 飲恨~~~

昨天跟老婆 走去大榮華飲中午茶真好有位不用等 (應該是閒日關係) 如果星期六日 4-5人要預半個鐘左右馬上點了 陳皮牛肉飯: 可以再試....需然就是牛肉餅蒸飯 但飯冇蒸干哂 ...主要用塊牛肉封哂個飯面 食上來d飯有味..試下唔加..是油食一兩啖先啦 (出面好多塊肉餅係後尾放上去)鳳爪 個汁好味...鳳爪又冇蒸爛哂山竹牛肉 粒牛肉大到你唔信...叉燒包 份量十足...小心唔好一口咬落...因為生鮮蒸架...唔係蒸好放一邊個種 走人找數hkd 100.00 唔洗 好底食貼士: 星期六-日去試朋友 最好在點點心前問下邊d賣哂.. 不然好冇癮 但如果想大堆人試齊所有點心既話 建議10點前入坐

大榮華酒樓奶皇馬拉糕 - 味道有奶皇香, 極鬆軟蒸鳳爪 - 好入味,正冬荀蝦餃 - 蝦和荀比例 ok奶黃水晶飽 - 皮厚餡多 , ok lar切肉燒賣 - 切肉大大舊 糯米卷 - 入味,香 蒜泥蒸魷魚 , ok larConclusion :

體檢完畢後又去放肆喇大把時間當然去嘆早茶,選址是屯門區沒有的,登登登登,大榮華是也.星期一至五,十一點前點心價錢是"大中小點均$11",聽到對面的茶客說是以落單計,這樣就可以慢慢坐下,嘆下.雖然主攻大點是最著數,但大點很多都是油膩物,加上不肚餓,所以點了'較輕量'的腐竹白果粥和冬荀蝦餃,其實前者是小點,後者是大點,感覺上蝕左少少.哈哈哈白粥一馬當先就有了,原來在隔離點心區就拿到.粥份量只有一小碗而已質地極傑,用米量夠哂多!白米味並不出眾,反而給咸味蓋過去了,我至在吃的白果下得都算多,始終收你$11一碗呢!但食了幾啖已覺得好溜,而且反而更不開胃...怪怪的附上薄脆一小碟,是好脆,配粥食多番口感而已,但見到標出來的油分後,不敢食清下去.等了良久的蝦餃,四大粒相當飽滿.蝦餃色水半透明,當中以深黃色的荀最突出!餃皮入口硬了少少,蝦餃裡亦沒什麼汁,較為乾,整體上麻麻地.我至在是其冬荀,其中兩粒,蝦和荀比例各佔一半,荀相當爽甜呢,而且第一次食到大粒荀蝦餃咋~不過蝦肉連埋一條蝦腸...感覺不太好的說.另外兩粒蝦餃就失望了,因為一粒無荀,另一粒食入口先知係荀渣臨走前拿多個奶皇馬拉糕給妹妹.點都要小試一

肥韜的形象深入我的腦海已多年，唯多次想來試其旗艦店也苦無機會，今次來元朗便登樓一試，登記籌號竟有三十張檯之多，為免令太座挨餓，本想打退堂鼓，唯太座知道我未能如願必耿耿於懷，遂堅持一於等下去。三十分鐘過去了，終於叫出我們的號碼，還不用搭檯。胡亂在點心紙剔幾款點心，及點了一碟北菇豆腐斑腩飯。傳菜亞姐送了點心來，所點的三件叉燒酥，有一件變了鹹水角，原來叉燒酥賣剩兩隻，轉一隻鹹水角搭夠，問我有無問題，閒話一句，叫她放下便算，叉燒酥鬆化可口，沒有用牛油，所以無羶味；鮮竹牛肉球入口彈牙，有些芹菜粒，提昇了味道；四寶滑雞扎，有件芋頭，豬皮，豬肚，半隻雞中翼等，非常好味；北菇斑腩豆腐飯份量很多，紅燒的豆腐和炸過的魚柳，味道則好，魚不算腥，嫌茨汁厚，而且近風口，很快變稠，飯非絲苗米，較粗糙。雖然來到大榮華，不吃圍頭菜，有點像入寶山而空手回，但祇得我們兩人，不能多點幾味，唯有留待下次多些人才試，而今次來吃點點心，心靈上已得到滿足。