大滿喜日本料理 (已結業)

一段時間無食放題心思思原本首選係想食同一棟5樓既放題不過去到見門口排晒隊先話上來食呢間呢間野上一次食已經係半年前果陣都覺得開始伏伏地點知原來到而家已經進化到伏到x街來到門口見到個場無乜客應該一半台都坐唔滿係Reception度企左幾分鐘先有個經理咁樣既人登記帶埋位坐低落完單周圍睇下有自助吧同嘢飲櫃嘢飲都有唔少選擇自助吧有湯有小食有小菜綜合來講全部麻麻跟住重點來喇原本都無打算百零二百蚊放題可以高質得去邊但真係估唔到低處未算低食塊三文魚魚生多筋肉爛羊架牛柳粒好似擦膠咁咬唔爛最離譜係燒雞翼喂！凍既？用冷氣去燒架？叫第二輪 野食就會開始等勁耐同漏單廚房入面成班人企係度吹水⋯⋯激到即刻埋單走人

去食晚市放題，夜晚黃金時段見到佢完全唔使等位，相反五樓爆哂要攞飛等位，已經心知不妙。但冇辦法因為非常肚餓，就即管試一試佢。點知食物質素非常之差，食咗一嚿煙三文魚壽司，腥到要吐返出嚟，啲飯一夾就散開。刺身都唔掂，刺身冇乜點擺位就拎上嚟檯面。而且三文魚有根，刀工又唔得，刺身一嚿連住另一嚿，北寄貝係完全冇味，好似食緊一嚿膠咁。熟食方面，羊架柴到死， 天婦羅完全唔係嗰回事，油益味好重，食物選擇又少。成晚唯一可取就係啲嚟貨嘅食物，例如係蒲燒鰻魚，榴槤炸彈，haagen dazs雪糕，呢啲都叫正常發揮。但環境叫做坐得闊落嘅，不過裝修就唔係高級。 有少少返咗大陸嘅感覺。

不用等位的放題，，超難食，款式少，刺身少，同以前差很遠，一點也不值，叫了刺身，永遠都比很少，很少家，兩間我都去過食，同5樓簡直冇得比，千祈不要去食，從未吃放題吃不飽，看見亦不想吃

午飯時間度度都爆見呢間有位就走左入去事後先睇食評，咦其實都唔係其他人講到咁差姐🤣話啲位好迫，其實係好闊落亦無漏單狀況先叫左刺身，上菜都好快+叫左幾多就出幾多無咩偷工減料辣酒煮花螺聞落香食落普通壽司有左口魚可以叫選擇唔算多但食食下其實都飽左一半壽喜燒鍋牛肉太厚身有啲韌但唔係半舊都肥肉果啲放題黎講，叫合格啦有啲卷物可以叫，細細粒可以咩款都試一啖羊架調味有啲咸但都幾入味，份量有誠意一口牛粒，普通雞翼同榴連波波都食得出係來貨同平日其他餐廳食到果啲一樣之不過放題黎講算係咁啲野碟碟都係熱黑松露帶子三文魚海膽麻麻地成餐飯當然唔可以形容為好好食但講真，整體其實唔差將貨就價，每位加埋一都唔使200蚊魚生質素同份量都好過係apm食果堆日本野又好坐，算係咁啦

係觀塘返工只要遲過12點出發就一定要慢慢排長龍，無book位既我去到one Pacific centre先等左15分鐘搭lift,再等多廿分鐘發現極尚大喜屋等極無位就逐層試，終於去到大滿喜有位。因為時間有限我地無試到放題而點左午餐，大概$5-60既價錢就可以試到好多款刺身十分抵食，就算最大份量既刺身盤連海膽都係$128。當然一分錢 一分貨同埋加左小食後人均都要$100左右，但淨係午餐份量都夠食同埋有得任飲中湯。最好食都係海鹽雪糕仲要$3杯🙊

本身慶祝母親節帶埋婆婆一起食晚餐原本以為去同大廈的5/F放題食飯點知屋企人攪錯左 不過算都Book左位 照入入到去 座位好迫 要退開張枱先好好入到卡位🤦🏻‍♀️🤦🏻‍♀️🤦🏻‍♀️坐得唔舒服🙅🏻‍♀️🙅🏻‍♀️🙅🏻‍♀️之後點野食 選擇好小完全圖文不符分量極小另外 魚生 都係極薄切🥲 極細件好重雪味 個烏冬先過份份額係平時一整個既4分1！大佬我人頭每位$2xx 另加一服務費都唔係咁啊依d咁既野服務態度不佳 貼錢買難受😣唔會再去！

我為“蒜茸辣味煮蜆"而來1亞太中心10/F大滿喜$165+10% 質素一般(大灜喜5/F 同1集團 188+10% 就較優勝) 1分錢幾分貨 大滿喜 冇茶包 冇熱清酒 冇咖啡機招呼 ~ 門口接待(男)機械面 客人安心出行&探熱 表現不耐煩 枱細擠迫 枱與枱距離近 有隔板但壓迫感重 似人手唔夠 收碟慢 上菜較慢 有錯漏單雞軟骨點2次冇出後 至見電腦沽清蚧子沙律 冇貨蒜茸辣味煮蜆 湯清好香蒜味 較辣咖哩蜆 鮑魚燴花膠 ~ 花膠淋滑 (假日提供)天婦羅(炸虾) 脆脆好味 炸漿皮厚炸秋葵 ~ 唔新鮮 老 皺皮 叫3條嚟1條 炸冬菇冇嚟 冇叫炸蚧柳 就攝咗喺底 膠質感 唔推介羊鞍 ~ 乾 肉嚡吉列蠔 ~ 細 瘦 蠔肉苦味地獄双鮮煱 ~麻辣香辣 但牛栢葉尤魚好韌燒牛舌鹽燒虾黃金虾 焗元貝

老實說，真的不知道為什麼要將兩間那麼相似名稱的放題放在同一個地方，真係好容易搞亂，特別係食當日已經知道有些朋友誤以為這裡是樓下那一間。不過我個人覺得在於那麼大劣勢下（因為好多人潛意識或者比樓下傳單所影響都會去到五樓）都可以有好多人泥，做到生意證明係有一定的實力，雖然論環境真係樓下比較靚同吸引。有比較有傷害，因此兩間對比點到即止，講返野食，由未開始點餐外面的食物來說，選擇很少，而且大多數味道都不夠，比較淡味，最記得泰式鳳爪一點酸辣感覺都無，所以很快就沒有再去出面揀選食物。而且飲品方面雖然都算是多，有放題必須要有的解茶，還有一些韓國飲料，不過蘆薈汁我不知道是什麼原因，當我拿了一兩罐之後，他們從來不添加，而我拿了最後一罐的時候已經不見到他們有增加任何蘆薈汁。回到放題食品，選擇算是多，不過份量有點飄忽。就像鰻魚一樣，本身應該是三塊，但居然是一塊完整然後另一塊分開一半（其實你將所有分開一半唔好咩？），而且羊架第一次來很大塊，然後就大縮水，雖然對於放題來說羊架算係自損，因為真係好肥膩，可能分分鐘與芝士有得fight，但係份量的飄忽讓我有點兒混亂，當然，放題可以再叫，所以呢點問題唔大。手卷可能因為太

樓面幾好係個廚房越來越差出餐時間越來越慢上啲嘢唔齊、漏單今日晏就為例全場坐唔夠一半叫左round 刺身Order5樣來4樣Order5件來2件Order大甜蝦偷龍轉鳳變蝦毛

過年同好朋友聚會同佢食放題疫情關係食下午時間兩個人一星期前訂位準時十二點到餐廳內設大部分卡位, 座位都很寬敞舒適, 除左QR Code落order, 外面吧檯提供冷熱熟食、沙律吧甜品櫃、還有一個特大雪櫃放滿各式各樣飲品囉完飲品埋枱當然係食下沙律同海膽手卷先，海膽尚算新鮮，不過不失。先來一大盤刺身。水準果然不俗，刺身很厚切，吃起來亦算新鮮，帶子尤其鮮甜我們點了很多甜蝦，非常鮮甜，後面還追加了兩次 壽司類款式較多花樣, 除了有花之戀, 還有黑松露三文魚等燒物 翠肉瓜,土匪雞翼,燒鰻魚烤羊架肉質嫩，也沒什麼騷味，要乘熱吃。炸物必食芝麻雞翼,芝士年糕,榴槤炸彈,吉列蠔每人連加一服務費都係二百一十元不停咁食,我地食到三點真係超值而且上菜速度快又無漏單坐位又舒適,下次食放題一定再嚟呢度

很久沒有去觀塘吃放題了,疫症的緣故,人少了很多,基本都不用排隊和等,拿自取食品的時候仲聽到前面個阿叔話唔洗好似上年咁同人鬥逼。而事實上,雖然加曬隔板,感覺空間依然寛闊。不過我只係過去食放題,坐得舒適其他都不會理。全程就默默咁落單,食,落單,食。印象中好幾年前都有幫襯過大滿喜,自取食品種類不多,但開胃菜,甜品,飲品選擇已很足夠,照自己習慣先叫刺身,再叫壽司,然後才是炸物,刺身味道ok沒有驚喜,考慮價格是在合理之內,店家在疫情下都應該經過考量,壽司中規中矩,但絕無可挑毛病之處,總括而言十分實惠,炸蠔,芝麻雞翼,榴蓮球倒是十分之香口,不是貪心試其他的話,其實還想再叫一輪。胃口有限,其他鍋物之類無機會試到,但其實我都吃了很多東西,臨走連雪條都無放過,可謂超值抵食。最後是服務態度,有位貌似是老闆凡事親力親為,客人走左執檯之餘仲會做埋清潔消毒,感覺上有加分。我走時唔小心撞脫左隔板,同爭d比錯張爛一百蚊紙都無話我,真是十分好人。

係平，但質素開始下降緊，可能疫症期間生意受影響，帶位經理個面勁黑，見個場有好多空位，百分30架 入坐率 都唔知有無。同個經理講可唔可以坐果邊，嘩！唔會拒絕你但見到佢黑面，其實疫情期間生意唔好，係一定。家下考緊EQ 情商 同 商業智慧。俾客人坐得舒服一點好難咩？叫左個午市定食4x加埋1, 5x走得，家下得湯品可以任飲，不過我真係幾好彩，自助湯品竟然俾我搵到有兩塊花膠呀！但啲湯真係無以前咁好飲啦！定食都可以接受到但份量都無以前咁多，有一隻芝麻雞翼，兩塊鰻魚，兩隻芝士黃金蠔。加碗香飯俾你，幾好食，不過埋單5x貼60蚊，呢個價錢。如果食外賣出面有其他選擇啦。。。疫症期間度度有優惠，好架～侍應帶位帶得聰明唔計較，下次再光顧架機會大好多。相反，家下疫症仲要人坐到咁逼，真係要諗諗係咪要搵另一間好過。。。

限聚令底下少咗人出街食飯，就連食放題唔使book都可以即刻有位😄。同老婆行完街，忽然好想食放題，其實係我好想食三文魚🤣🤣。餐廳光線明亮，劃分左小食區，飲品區同甜品區，絕大部份都係卡位，冇擠迫感，仲坐得好舒服😌。事關我哋得兩個人所以都唔食得多野，當然刺身係唔少得啦，三文魚，雖然唔係啲肥腩位，但係都肥瘦適中唔會太油膩，可以encore幾轉。甜蝦刺身，有頭，又爽又彈牙，好食過冇頭嗰一款蝦刺身。榮螺，好大粒肉，有咬口👍🏻。好本人推介大家食鰻魚😍，一啖一件又無骨，燒得香脆，口感軟熟味，道香濃👍🏻

疫情底下喺觀塘搵嘢食，易既就係唔使等位，難既就係佢冇開門😅。都明嘅，喺疫情底下冇人想咁😞。既然諗唔到食咩，就去食放題啦🤣。果然去到真係唔駛等之餘仲要有位可以即刻入🤣，不過得兩個人就真係食得唔多。以前寫紙仔，依家變咗手機落單👍🏻，都幾方便嘅。先來個刺身拼盤☺️，刺身夠凍👍🏻，三文魚有魚味👍🏻(因為我之前食過係凍到冇味😰)，八爪魚剛剛好，唔會熟到咬唔開👍🏻，蝦刺身好鮮甜，真係好耐冇食過咁嘅質素嘅放題啦😍湯品，我推介👍🏻，因為我自己都飲咗兩碗😅，花膠蟲草煲雞，好足料，而且係個煲入邊真係見到有花膠架。一品料理，鰻魚真係好好食，一口一件，熱辣辣，燒到脆脆地，好香口，而且冇骨之餘又好入味👍🏻真係唔知疫情關係，定係真係進步咗，依餐食得真係好滿意。

朋友生日8個人黎食。樓下搭lift排左一陣先上到黎，不過無影響我食放題嘅心情😂依度用自己電話online去點菜，我自己覺得幾好，我自己成日覺得放題D點菜簿好污糟😂😂所以今次點得好暢快，仲可以好容易知道自己叫左咩同邊D未黎，正。首先就當然叫左刺身先，幾多選擇，黎得幾快添。之後出左去自助區睇下有咩食。竟然有個中湯，好唔錯添。依度有我最鍾意嘅炸榴槤，好好味呀。土匪雞翼都係我嘅至愛，依度都有😍仲有好香口嘅燒魚添，好開心。依度好多我鍾意食嘅嘢，下次想再黎👍🏻