大滿喜日本料理 (已結業)

花膠草蟲花湯底,係自助火鍋吧到拎d雞件放落湯煲,就變左花膠草蟲花雞湯底,啖湯即刻變得味道豐富!!!自助火鍋吧選擇不算多,海鮮選擇佔最多!!!最欣賞佢既生蠔同蟹棒,蟹棒係貴價貨個隻,食落一絲絲既口感,仿蟹味真係十足!!!當晚都掛住食火鍋同刺身無點其他放題食物...拎過d放題點菜單睇,好多野食好多選擇,下次再黎食番先,值得再去既!!!服務都唔錯,員工好年輕,好有活力做野快手!!!火鍋中拍的三文魚刺身好新鮮,但朋友唔食魚生,正好有火鍋比佢煮熟黎食,佢一路食一路話好味,我笑佢"緊係好味啦你用刺身級既三文魚黎烚!!!"生蠔新鮮飽滿,任你拎幾多,我依個蠔魔感到好滿足!!!有清酒飲,不過就咁放無野蓋住...依兩個湯好搶手,第一次出去剛剛無曬,再出去就加番,我覺得鮑魚花膠湯好飲d,清得黎,有鮮甜味,飲唔到有味精成份!!!甜品有d細細個cake,啫喱,ice cream, 冰棒等等,都好多選擇!!!

一年幾度生日飯嘅時間，今次揀咗重溫【大滿喜】，因為壽星覺得呢一間係佢近年食過最值得回頭吃的日本放題料理，還下定論說第二次幫襯相信都不失水準，而我覺得位置十分方便，就喺人來人往的觀塘區亞太中心入面。.裝修都幾有放題氣氛，大大的，都幾適合一班朋友幫襯，上一次我係食旺角分店，今次就試吓觀塘分店啦。食到滿足又要喜歡信是【大滿喜】的原意吧！當晚場內非常滿座啊，星期三的晚上為什麼會這麼多人出來豪吃一餐？可能【大滿喜】的價錢不算太貴吧！性價比算是挺高的。日本料理提供自助餐日式放題，食物跟一般日本料理放題大致雷同壽司、刺身、卷物、天婦羅、串燒、煮物、一品料理、燒物、炸物等不會少。🔹刺身是放題最開始的必點嘅項目，等於西餐的Starters。刺身款式有三文魚、北海道帶子、希靈魚、甜蝦、鮑魚片等11款。刺身拼盆到來時刺身樣貌挺新鮮的，擺放得頗美觀，色彩繽紛的令人食欲大開！入面刺身還是厚切到來，點了「三文魚、三文魚、 甜蝦、八爪魚、拖羅、鮑片、吞拿魚、帶子」。肥美的...我認為是三文魚、吞拿魚，兩款都充滿亮澤，感覺新鮮，而且入口爽脆，非常不錯...甜甜的有帶子、甜蝦，甜得嚟又爽口彈牙。拖羅質感軟綿帶鮮味，油脂

適逢假日今日同埋女朋友黎到觀塘食個日式放題，日式放題係香港越來越普遍，基本上緊有一間係左近，尤其是觀塘更是數之不盡。今次我揀既係亞太中心既大滿喜，浦開觀塘既朋友們都知道亞太中心特別多餐廳，大滿喜就位於10樓全層。身為放題大哥之一既大滿喜派頭緊係唔細，座位多都數唔晒，大多都係4人卡位，都未到週未已經坐滿一枱枱食客。2小時任食每位都係$258，都唔算大貴，壽司、刺身、燒物、炸物、天婦羅等等...選擇多到望都已經流晒口水。首先黎既緊係刺身，大部份黎得食放題既都一定會黎返個刺身盛宴，我都唔執輸，當中包括有最愛既油甘魚、三文魚、赤貝、劍魚腩，除此之外仲有希靈魚、帶子、甜蝦、榮螺、北寄貝、赤蝦等等。種類多固然重要，質素好更加是必須，刺身既切面厚身，食起黎既口感一流，特別係油甘魚同劍魚腩都推薦，魚肉爽口鮮甜，食完仲殘留一點點既餘韻，赤貝食得多係新鮮既味道，唔會好似雪藏赤貝咁，食之無味。好多人食放題都認為壽司一定唔可以叫，會食濟個胃，但我就認為壽司都係主角之一，只係唔好叫得太過量。大滿喜既壽司係我心目中都算幾好食。簡單推介幾款，No.1既係岩鹽火炙左口魚邊壽司，左口魚屬於白肉比目魚科，因為肉質柔軟易散

今日試新野，本身諗住食韓國野，但只係得韓和，因為有D貴，所以就去左大滿喜，E間同之前果間差唔多，都係比一個setlunch的價錢，可以任食沙律吧同任飲野飲，E間的選擇就比上次多，有差唔多20幾款壽司盛一堆壽司，有好多件，但size就比較細再加個細的烏冬，烏冬就係普通的烏冬，唔係煙韌的烏冬前菜都係同之前果間差唔多，中華沙律，螺片，薯條，但E間就會多左薯格果D可以兩間牌係食放題，所以款式上面會差唔多，但選擇就大滿喜會多D

本身約咗朋友食飯，但係佢要OT到8點半先放工。知道一亞太中心出名多餐廳，所以就行咗嚟睇下有乜好食。樓下好多人派傳單，見到呢間有宵夜時段，九點後入座$178/位。價錢抵食，時間又啱晒我地✌🏻等到朋友放工後一齊行左陣街就過嚟食晚餐☺呢度環境都幾大，餐廳安排咗我哋坐卡位，坐得好舒服。刺身:每樣都幾新鮮，赤貝好鮮甜。蝦同帶子我地都encore左✌🏻忌廉芝士鰻魚卷 :呢個不得了，入口即溶勁好食。即刻要encore👍🏻👍🏻壽司: 鍾意佢細細嚿飯，可以食多幾件都唔怕。炸物:全部熱辣辣，鍾意食榴槤嘅記得必食榴槤炸彈👍🏻蒜蓉辣味煮蜆: 啲蜆好大隻，味道有啲似辛辣麵湯底牛肉壽喜鍋: 牛肉好大片，仲有少少菜同豆腐飲品同甜品仲有雪糕可以喺出面自己拎。最好食嘅鰻魚因為真係太好食，叫左2次都卦住食唔記得影相😂😂呢度仲有得打邊爐，但我地淨係食完日本嘢都已經飽到食唔落，所以無試到😂

今日係小女子既生日，不過非常唔好彩地旅行之後病左但仍然無減我同老公去食放題慶祝既心我朋友之前來過，話食物質量吾錯，所以老公就話黎呢到食了！我地食早場,但上到去一睇有半場人已經開始食梗啦！為左食，大家可以去到幾盡呢！入去睇落地方都幾大幾光猛，MK有間黑黑的，坐都吾舒服。仲有好多長檯，岩哂多人既聚會！雪櫃就放滿晒d飲品選擇都OK多。仲有解茶飲多多都唔怕肥！因為病左最欣賞有熱柑桔，飲完喉嚨好舒服！好貼心呀！重點！刺身拼盤，咩都寫d，睇下相就知我地點左D咩啦，基本上都係全餐咁。最欣賞既係象拔蚌，真心又爽又甜，食唔停！刺身好新鮮，無雪藏太耐既感覺！佢地上菜速度都快，點左一陣就上晒，個廚房都好快手，咁快就可以執好的食物。我地點左其他野食,包括天婦羅,鍋物！蕃薯仔係必點，超市賣都幾貴，好甜啊！仲有我最愛既饅魚，叫多幾件可以回本！重點係無骨！燒物有燒玉子唔係到到放題都有呀！仲有牛舌，翠肉瓜等等等！最勁仲打埋邊爐，HAHA超勁，我地叫左花膠雞湯底！真材實料咁！火鍋材料可以出去自己拎，選擇都ok多，基本上食放題都唔會食得太多火鍋食物，不過叫黎過下癮！鍋物可以暖下胃，因為食左吾少刺身，女仔都係養下身！燒物方

一向喜歡食日本放題嘅好友生日，要同佢慶祝。佢提議去番之前佢食過嘅觀塘亞太中心大滿喜日本料理放題，趁生日再食過番尋味。四週環境乾淨，座位寛闊，牆壁上掛著金屬物料製造成多條錦鯉魚,生動的體態正在游來游去；令餐廳充滿生氣。放題必食嘅魚生有三文魚、油甘魚、北寄貝、北海道鮮帶子、赤蝦、希靈魚、赤貝同劍魚腩等等，入口豐腴鮮美。奶白色嘅海鮮牛乳鍋，湯料豐富，令牛乳同海鮮味突出。湯類都有幾種，其中一款養生人參雞湯係我最喜歡。芝士焗開邊大蝦，香氣四溢，肉質鮮嫩。好友喜愛燒鰻魚同燒波蘿話波蘿酸甜可平衡膩滯感；係敢encore。仲有多款甜品、雪糕同雪條，食物包羅萬有。難怪好友對呢間大滿喜情有獨鍾。

偶爾想來個放縱，我就會約埋朋友去食個高質放題，既然豁出去，緊係要俾自己肥得值😌呢間我大大話話幫襯左5-6次，又近我屋企夠哂方便！首當其衝當然必點刺身拼盤，附在冰上保持刺身新鮮度，有三文魚、吞拿魚、帶子、蝦、希靈魚、螺等等，而且拍得住日式料理餐廳單點的質素！絕對encore之選！壽司方面，特別啲嘅款式點左呢三款。芝士鰻魚卷、花之戀同海膽三文魚蝦壽司，芝士鰻魚果款最得我心，幾乎每次幫襯都會點🤤鰻魚汁濃度恰到好處，鰻魚配上芝士令人垂涎欲滴，好好味呢～另外仲點左呢啲壽司，火灸左口魚又係我每次黎必點！仲會狂encore嘅一款壽司😋火灸微焦，令左口魚嘅油脂必哂出黎，滿腔都係果種左口魚脂香真心正👍🏻其他壽司對比其他放題店絕對達中上級水平！食咁多冷物，緊係叫返個鍋暖下胃🥰呢個牛奶海鮮鍋係店員推介嘅～估唔到個湯底出乎地比想像中更濃奶香，海鮮有帶子、蟹等等，幾足料而且令湯底帶鮮味，同朋友兩個都飲哂成個鍋嘅湯🙈串燒叫左雞肉串，肉質幾嫩唔鞋，仲有芝士煙肉焗青口，牛舌，呢兩款略微乾身左少少。炸物點左芝麻雞翼，芝士年糕同炸蠔，雞翼略嫌遜色，但芝士年糕爆正超邪惡，拉到芝，外脆內軟，好濃芝士味同棉密年糕口感，正🤤超級

今日老婆大人生日！觀塘近我得黎又多野食！最後選擇左係亞太中心個間大滿喜放題。因為老婆鐘意食日本野，又鐘意打邊爐，聽講呢到加左火鍋，咁就實岩老婆心意啦！重點係價錢十分優惠，點都好過食自助餐！排隊上去已經有吾少人等,上到去已經有吾少人食梗。穩陣起見記得bk定位呀！行入去已經睇到有幾個大雪櫃,放滿晒d飲品,望落都吾少選擇,之前食過間得一個雪櫃就太少啦。飲品都幾特別，有好耐無飲既沙士坐低第一時間識點一定係點刺身！吾駛講刺身大大盤,咩都劃少少！三文魚,鮑魚,劍魚,帶子等等。。。。選擇非常多！基本上放題入面想食既都會見到！刺身拼盤好有仙氣，好吸睛魚生刺身睇落都幾厚,食落有口感,仲有本人感覺最重要的,就係夠凍但又唔會雪到有冰粒！吾夠凍d魚生刺生真係唔好食！呢到就無呢個問題！之後仲點左吾少野食,燒物,炸天婦羅,壽司等等。。。全部都十分高質！熱食夠熱，味道適中，炸物中最愛日本蕃薯仔同埋天婦蘿蟹棒！壽司中必點海膽壽司！真心正，唔苦，好厚，好難得係放題食到好味既海膽！仲要細細件，飯唔多！推薦！一定要讚係佢地上野都快手，點左吾係好久已經上左幾樣食！仲有佢都算上得幾齊，有d放題店一係吾上菜，一係就上爆你。推薦大

同honey 係官塘apm睇完早場戲後,去附近一座亞太中心10/F大滿喜食午市放題，之前係旺角創興廣場分店食過，食物款式多，質素唔錯，價錢合理，今次嚟觀塘呢間試吓係咪同樣有水準。觀塘呢間大滿喜分店有兩幅大玻璃窗，使天然光透入餐廳令光缐更充足，感覺開揚，地方寛敞。同樣有凍櫃,擺放多種唔同品牌飲品、梅酒、清酒、雪糕、雪條、甜品，另有熱飲金桔蜜等。Encore兩次有兩款至愛，其中一款係蟹粥，綿滑鮮甜、稀稠適中。而另一款係燒羊架，唔覺有羶味，肉質嫩腍入味。食日本放題必食刺生，入口鮮甜無比。仲有其他款式食物同樣味道唔錯。可見大滿喜日式放題兩間餐廳都同樣咁有水準，不相伯仲。

呢幾日天氣開始回暖, 有哂春天氣色, 又到返食日本嘢嘅時間.而食日本嘢當然要食放題最開心.響亞太中心樓下, 聽d傳單姐姐包圍介紹下, 呢間睇落唔錯, 由6點食到8點都係218連加一. 先來一大盤刺身!油甘魚，三文魚，赤貝及北寄貝等等, 乜都叫d先!!上枱效果幾靚, 款式都算多.三文魚好靚, 又新鮮, 又夠肥美!! 正式又由沙律/小食開始過.由12款可以揀! 分量唔會太多, 可以樣樣試下. 手卷好Q版, 減飯唔減餸,可能怕D人唔想食太多飯.燒菠蘿好食, 超多汁, 又甜美! 唔想只食凍嘢, 推介食粥. 食到瑤柱同蟹, 夠哂清甜 !! 嘢飲方面亦好得! 平時出面常見嘅都有, 連唔常見嘅都有! 大人細路鍾意都有: 啤酒清酒, 連維他奶都有!!  放題當然要食埋甜品雪糕啦. 其他仲可以食埋火鍋, 不過今次志在食日本嘢, 下次啦!!食足兩粒鐘, 仲要全程無漏單, 抵讚!! 

諗唔到夜晚食乜好，去食放題勝在隨心所欲，於是走到亞太中心10樓大滿喜開餐。不同時段，不同價格，勝在明碼實價。日式放題之外，餐廳還提供火鍋，多一個選擇。入座後，先走到自助區取用飲品。如果食火鍋的話，火鍋料也可外出自取。當然少不了非常吸引的雪糕和甜品呢。這夜沒有享用火鍋，主力吃刺身！先來奪目的刺身拼盤。各式刺身之中，鮑魚片和北海道鮮帶子零舍甜味，特別難忘；赤蝦和甜蝦也是個人偏好的；北寄貝很爽口。 點餐紙圖文並茂，所以無需侍應介紹，按圖索驥，已經可以在拼盤中找到自己點的刺身。除了刺身拼盤，還點了其他呢。這是天婦羅拼盤，當中有海蝦、冬菇、皇帝蟹棒及有機蕃薯。冬菇清甜，有機蕃薯也很甜，海蝦及皇帝蟹棒是海鮮愛好者不能錯過的。芝麻雞翼肥美，外層香脆，加上芝麻，更加香口。鮮奶捲也用上芝麻，提升香口感覺；甜美鮮奶一試難忘。厚燒玉子是其中一款串燒，可能是放題的關係，略小，未能做到一口滿滿玉子的感覺，可能要多點幾件呀。

小朋友剛考完試，應他要求中午帶他去大滿喜吃放題，環境寬闊，服務不錯，有三個小時任吃，足夠吃到好多款唔同的食物，烤羊架不錯，燉湯很好喝！吃飽休息一下就又可以吃下雪糕！小孩吃完很滿足，要求下次還要再來！

難得全班人去玩，偏偏咁多人就好難諗食咩，大家都可能想食唔同嘅嘢。咁好彩見到一間放題，仲做埋火鍋。啱晒唔同人嘅口味，所以上去啦。首先當然係刺身，三文魚刺身係我最鍾意，因為好大塊，塊塊都有半個手掌咁大，仲要好厚身，一咬落去，魚油分怖係口，令人好滿足。因為同行有4個男仔，個個都好餓，佢地係瘋狂勁叫。值到讚係依間店上菜真係又快又準，完全可以滿足我地既肚仔。串燒方面，牛舌同蝦同雞串全部都好高質，雖然相中既份量好似好多，但由於味道好，比我地輕易甘進攻完畢新鮮炸好既天婦羅外皮好脆，蝦同鮮菇既內面仲有小小肉汁同菇汁，叫人點停口。其中一個講羊架好食，本身都怕羶，一試之下，果然值得一食，無羊肉嘅羶味，但有羊肉既香。經過刺身，串燒，天婦羅同埋羊架，其實我已經好滿足。當然佢地仲打埋邊爐，不停追加，最後食埋甜品。由此可知，其他野應該不錯。下次一班人諗唔到食咩，都可以揀返依間。

因為喺觀塘返工，就約埋同事去觀塘食放題。見宵夜放題咁抵，放工hea一陣就上去食。好彩訂左位，唔係有排等。坐位寬落，坐得舒服。點餐紙選擇多，實有嘢啱食。黎到日式放題當然要必點剌食😋呢到剌食多選擇又新鮮。帶子，赤貝，甜蝦，油甘魚必食！我地叫左幾轉😝有海膽手卷食😍望落新鮮，好彩唔係好大件，唔係就會好飽。芝麻雞翼炸得香脆，必食。天婦羅炸蟹柳，炸粉唔會太厚。黃金蝦好香咸蛋黃，幾特別。串燒方面，牛舌同雞軟骨係必點！壽司就點左火炙左口魚邊同池魚，兩款都燒得好香，同埋又係細細舊，唔會飽肚。燉湯估唔到幾好飲，好夠味。芝士焗開邊蝦略厭多左芝士，但有誠意。羊扒幾入味，唔會好羶。壽喜燒會上成個煲，可以打埋邊爐，真係超值。