大滿喜日本料理 (已結業)

同朋友行行下apm就餓，所以就同朋友揀左一間都出名既，一入到去就已經見到環境好寬敞。唔使同人迫埋一齊食有超級多唔同類型嘅選擇呢一個係因為叫咗佢個火鍋送嘅肥牛，就咁睇到肉質唔錯然後一路打邊爐一路都有嗌刺身，可以兩邊咁樣食，而刺身方面非常爽口同埋好鮮甜，所以又再不停追加佢嘅炸雞翼，真係非常好食，因為係好脆口但又唔會覺得食咗好多炸粉串燒亦都係我好鍾意嘅，因為以前我哋去買包嘅時候就都會有呢條串燒，但而家已經會買少見少，竟然可以喺呢度食返當時嘅感覺同味道，讚童年嘅感覺即刻出返晒嚟甜品方面最鍾意就係佢嘅提拉米蘇，完全係東海堂嘅提拉米蘇，係可以做到最底層好濕潤而最頂層嘅可可粉放得啱啱好佢呢一部仲有好多唔同嘅雪糕，仲有好多唔同嘅嘢飲，而我通常飲得最多嘅就係佢嘅支裝茶，飲完可以再食

大滿喜，久不久會來，每次來到都有驚喜。食物花款多樣化，除咗日式之外，而家仲加多咗一個火鍋放題。刺身拼盤多樣化，有赤貝、希靈魚、鮑片、大赤蝦、三文魚、帶子、馬刀貝、油金魚、劍魚腩和甜蝦，我推介大赤蝦、帶子和劍魚腩，因為我覺得好好味。最厲害就係有呢個烤魚火鍋，條魚非常新鮮，肉質鮮嫩，食完烤魚仲可以打邊爐。壽司🍣中，我極力推薦油金魚和左口裙邊，因為兩程魚肉，脂肪非常豐富，吃落很滋味。燉湯方面有魚翅花膠雞湯和人參雞湯，想不到在放題內，可以吃到酒樓級數的燉湯。清酒同梅酒放題，任飲真是有點，不醉無歸。甜品有多款雪糕雪條，我最愛就是薄荷朱古力雪糕批，真係心滿意足。以呢個價錢嚟講，真係十分抵食。

年前在它剛開張時，曾經來過光顧，今晚想起吃放題，便來到這裏。和之前的變動不大，地方寛敞，座位很多。食物種類繁多,有12張點菜紙。另外新增了幾款火鍋，而火鍋配料部分是自取的。飲品有10幾款，汽水、啤酒都是任飲。還新增了清酒、梅酒任飲。刺身有三文魚、帶子、油金魚、劍魚、希靈魚、鮑片、大赤蝦、甜蝦、赤貝和馬刀貝。其中以大赤蝦和帶子，最為鮮甜。壽司點了黑松露三文魚魚腩、油金魚腩和左口裙邊。其中以油金魚和左口裙邊，最為鮮甜美味。熱葷方面，點了鮑汁冬菇、花膠、鵝掌，想不到有中式酒樓的水準。最後當然是吃雪糕，有十款式可以選擇，其中以薄荷雪糕脆皮批，最為好味。👍👍👍

見佢又日式放題又火鍋咁盞鬼不妨去試下又唔係太貴 200蚊有找算係甘各種刺身基本上都齊曬一款式算多 足夠排滿曬張枱都算齊全meun都係靚既 唔會太hea刺身上齊 而且係冰底上一路食一路都保持到新鮮 食下其他野 再食下刺身都幾好叫埋d壽司來試下細細塊唔太飽肚 夠留肚食其他野打邊爐少不了既係牛肉佢既牛肉咁紅就知係靚牛 肉質實在牛油蜜糖粟米係我最愛佢混得又香又甜 好惹味我同朋友都幾中意呢個牛柳唔硬唔乾 而且夠火候 口感軟糯唔洗點汁都好夠味上來既牛柏葉份量都幾多我就屬於狂熱份子佢唔會好咸 係普通家常菜既味道蝦係新鮮既而佢既串燒方面都無咩缺點炸物方面中意雞翼因爲好香 特別係雞皮炸完出來既香口感覺最喜愛雞翼其他炸物都無凍上 幾好竟然有帶子 仲有菠蘿唔錯幾新鮮D汁一咬就爆汁最後食翻我最中意既糯米池做結尾

今日同朋友放工後黎觀塘食呢間日式放題。好彩預先book好位，如果唔係就有排等了。食物選擇非常多，特別的是除左一般嘅日式料理外，竟然有得打埋邊爐。不過實在太多野想食了，所以今次無試到邊爐。介紹一下我比較喜歡嘅食物先！必食嘅當然係刺身，款式好多，我地每樣都點咗少少，都幾新鮮，特別是帆立貝同赤蝦刺身，味道鮮甜。壽司就點咗岩鹽火炙左口魚邊，牛油果醬煙三文魚腩。兩款都好正，前者油脂香溢，後者creamy 帶煙熏香味熱食黎講，羊架都好正，肉夠大件又有羊味，有少少筋又唔會太韌。特別一提，呢度有平時放題比較少見嘅蒲燒鰻魚。鰻魚燒得好香，食落juicy 肥美甜品唔算多款式，當中比較喜歡朱古力慕絲杯同芝士蛋糕。

好耐冇食放題！今晚同朋友放工要食個夠！決定來個宵夜時段～喺觀塘地鐵站附近既亞太中心有好多食肆，今日就揀左呢間。宵夜時段21:00-23:00，$178加一好抵食！我地勁開心！朋友超鍾意雲石，話呢間店用雲石枱加分😂😂😂特別一提佢而家仲可以食埋火鍋，好正！但見係食放題，我地就揀個配合主題既壽喜燒，仲有個火鍋區可以再加配料，主攻海鮮，攞左花甲加餸，好大隻好甜美！刺身都冇渣流灘，又有油甘魚、希靈魚等等。全部都好新鮮😋😋其他野我地就咩都叫啲試下，全部都好有水準。羊架黎到已經話好香😆😆；牛舌加七味粉好惹味；芝士開邊蝦好多芝士🤤🤤；仲要連泰式生蝦都好好食，朋友本來唔食生既蝦，怕腥都食左隻。飲品方面有好多野飲揀，我仲記得之前有fd話如果嗰啲任食既店舖係有得拎可樂呀道地嗰啲係正既，話來貨貴啲，呢度真係有齊可樂同道地既茶😂👍🏻仲有清酒梅酒任飲，拎左梅酒飲，大家都覺得幾好飲，唔會太啃。最後仲食埋甜品，都好多款揀，拎左咖啡味食，唔會太甜，幾好！同埋細細件，唔會塞到你好飽食到一件試唔到其他款。另外要一讚係佢地一早有個兜係俾人裝骨！方便得來衛生👍🏻👍🏻欣賞呢個做法。總括而言，呢個放題好抵食😆😆正價時段都係二百幾，

那夜為了慶祝好友生日，來到了這幢容易令人混淆的食廈。好友約了這間大滿喜，卻很多人先到了大瀛喜取位，等經理找遍了都未見訂座電話號碼，就知道，又是一個走錯樓層的客人，相信不少客人都嘗過吧，哈！走到10樓，來到真正的大滿喜，二百幾蚊價錢，可以火鍋刺身壽司炸物天婦羅甜品飲品樣樣齊。最先從菜單見到這蟲草花杞子雞鍋，看似很飽肚，原來分量不多，客人繼續可點菜點到飽。雞鍋湯底味道沒想像中般好飲，味道只是一般，很油膩。主打的日式放題，有三文魚、北寄貝、油甘魚、甜蝦、帶子等等，大多厚切，沾少許醬油就已經很鮮美。壽司卻一般，不提也罷。我反而想推介芝士焗開邊蝦及蒲燒鰻魚，看似普通貨色，卻好味非常。朋友生日的關係，餐廳贈送兩支「仙氣飄飄生日香檳」，雖然不太有酒味，但味道甜甜的，加上夢幻仙氣，讓這一頓晚餐都過得開心。

一個人放題, 清清靜靜的下午, 在<大滿喜日本料理>享受美好時光<大滿喜日本料理>在觀塘 OPC 10樓, 是最高的一層餐廳, 景觀整個觀塘, 採光一流, 舒適除左剔剔紙, 店內有自助食物, 見到食物好新鮮, 熱騰騰, 仲出緊煙炸多春魚, 超正, 好脆, 魚春飽滿!必食刺身, 種類好多, 有三文魚, 油甘魚,希靈魚,北寄貝, 劍魚腩,帶子, 赤貝, 鮑片, 赤蝦, 甜蝦, 榮螺, 共11款!!  刺身顏色油亮, 冰住上, 慢慢食都唔怕會變壞! 至愛燒鰻魚!! 厚肉, 無骨, 有魚香!!  壽司: 左起)油甘魚腩, 牛油果醬三文魚腩, 白鳥貝, 岩鹽火炙左口魚邊首先我想讚下個賣相好靓, 碟顏色好襯淺色系列的壽司, 第二就係味道, 魚肉新鮮, 有魚油香, 冇雪味!卷物: 海膽軍艦, 忌廉芝士鰻魚卷, 牛肉卷海膽軍艦,: 出去食海膽, 最怕有怪味,唔新鮮. 但佢完全冇, 加上魚子咸咸地, 咬落POKPOK聲, 唔錯~食完凍盤, 好想有D熱野落肚, 原來有燉湯, 叫左人蔘燉雞湯. 呢個有驚喜! 真係有蔘, 有雞, 仲有杞子!!  味道比得上韓國餐館,細細杯份量仲

有一段時間無去食放題，所以口痕痕就即興約左男朋友去食。 市面上有好多「大XX」為名既放題店，但其實質素好參差。懷住嘗試既心情，就去左觀塘呢間食下。由於我地9點先入座，所以可以享用宵夜時段個個價錢，每人$170幾左右。臨上黎前，樓下仲派左coupon，用埋就大概減左加一，相當抵食，係宵夜既好去處。入座後，環境都幾舒服，兩個人一張大台，坐得闊落。 野食方面，平時放題有既食物呢間都有齊。先講下刺身：食落新鮮，推介👍🏼叫左個土匪雞翼，雖然同譚仔既相比較為乾身，但味道方面都相似，過下口癮都唔錯！手卷：右邊既海膽手卷雖然細細個，但海膽好新鮮！壽司卷物：我基本上都叫晒紙上面既款，因為睇相賣相好吸引。實物同相無好大出入！羊架：雖然唔算大舊，但容易d就甘拎住咬，都易咬開，而且醃得入味，唔算好羶其他推介食物：👉🏻花青魚👉🏻芝士焗大蝦👉🏻火鍋：先落order 叫左個湯底，之後火鍋料就可以自己出去拎。👉🏻梅酒一jar jar 比你拎，好正！甜品：👉🏻有細細舊既cakes 👉🏻同雪糕整體黎講，呢間放題店宵夜時段黎食價錢真心抵，食物質素唔錯，上餐速度快，坐得舒服，食得開心，會再黎食！

辛苦忙完一輪後，約埋同事去附近擦餐勁，放題當然係最化算！ 我哋揀左大滿喜7:15前離坐嘅時段，每人都係只係一百七十八蚊！超抵🥰店內有大量卡位 坐位好 寬敞舒服 點餐紙有十多張 選擇非常多☺ 刺身拼盤非常精美 擺盤仲有乾冰做嘅煙霧作裝飾，朋友讚不絕口，話魚生新鮮又大件！放題黎講cp值真係超高👍🏻壽司有好多唔同嘅款式， 每一款都係非常足料！而且最重要嘅係啲飯唔會太大舊，啱曬我呢啲想試多啲款但又驚食飯食飽咗嘅 貪心人🙈 我尤其鍾意黃金醬燒蟹棒壽司， 醬料酸酸甜甜有少少似千島醬， 同蟹棒壽司一齊食簡直係perfect match！特別推薦佢嘅松葉蟹腳牛乳海鮮鍋。松葉蟹腳大隻 入厚肉， 煲裏面仲有青口粟米， 令到湯底除咗有香濃嘅牛乳味仲係又清又甜! 我哋最後忍唔住張成碗湯都清埋 ！😋熟食嘅質素都唔錯尤其係炸物， 全部都係新鮮炸起， 唔會有千年油嘅油益味 ，芝士年糕一咬開就係流心熱騰騰嘅芝士，超好食❤大戰完一輪後仲可以出去拎甜品食，估佢唔到嘅係都有唔少韓國嘅雪糕選擇 ，簡直值回票價！😎

午市時段，不論是食放題和定食，這店都多人的。我會推介這店的午市定食，因為款式非常多，不乏飯類或湯麵類，也有壽司刺身等套餐。每人一個餐，已包自助沙律吧及飲品，這是任食和任飲的。沙律吧不要期望太高，有一般的生菜及車厘茄。還有小食，如日本迷你蕃薯、炸薯格、麻辣的小食（是日是魷魚片）、蒜蓉墨丸、中華沙律等。食了一轉沙律吧，便來定食，剛剛好。我叫了圖中的三色，有一件羊架及三件牛仔骨，還有凍豆腐。牛仔骨質味不太好，落了鬆肉粉似的，味道只是鹹。羊架反而不錯，肉質幾好，但欠羊味，肥瘦適中，但如果多煎一點表面，會更香啊！飯軟硬適中，整個餐份量是算多的。朋友叫了牛肉壽喜鍋，話牛肉幾好，份量不少，不鞋不靭，下次可以一試。在樓下有人派傳單，拿了優惠券，每人可減$10，真抵啊！

2019來臨了﹐當然要跟朋友們吃頓大餐來迎接一下朋友都在觀塘上班﹐便順理成章試試這家大滿喜一進門口服務員招待很友善﹐座位很寬敞﹐不會像其他小型放題店跟旁邊肩貼肩 大滿喜的款式也足夠﹐基本上放題該有的都有了放題一定要先點個刺身啦 待應把整盤端上後被霸氣震攝﹐刺氣後插上了一塊大冰塊﹐再後面是乾冰冒煙感覺很棒 刺身都很新鮮鮮甜﹐特別鐘愛帶子和蝦的肥美再來是三文魚親子手卷﹐三文魚籽和三文魚片比例很好﹐味道不會互搶壽司拼盤 — 這次點了忌廉芝士鰻魚卷﹐花之戀和青森辣三文魚軍艦 花之戀的三文魚片太厚身而且飯不多﹐不會太易吃飽 青森辣三文魚軍艦是用青瓜片環著飯的壽司﹐挺有創意而且青瓜的爽脆能為壽司增加口感﹐也有解膩作用 忌廉芝士鰻魚卷給我很大驚喜﹐沒想到鰻魚和芝士能這麼搭 鰻魚香和奶油感覺很好！我Encore了兩次呢另一盤是柚子胡椒油甘魚壽司﹐三文魚腩壽司﹐京蔥燻三文魚腩壽司和岩鹽火灸左口魚邊壽司三文魚腩的油脂很平均很肥美 岩鹽火灸左口魚邊壽司很鮮甜﹐岩鹽加上火灸感覺很惹味吃完生的﹐是時候來點熟食了先來松葉蟹腳牛乳海鮮鍋本來害怕這類牛乳類食物﹐因為一般都會很淡即使湯夠味食物也不會入味不過這個湯真的很

放工了，開完OT 當然要找一間放題好好大吃一餐吧。於是，我跟同事一起去了公司附近一間日式放題來吃。一坐下，第一時間就是取出所有的點菜紙，然後再有策略地點菜，刺身是必須的。下單不久，一大盤的刺身終於到了。乾冰不斷從盤中噴出，很有霸氣的登場呢!看到盤上的刺身很多很豐盛呀，剛才點選的一個都不漏，十分好! 刺身每一件都是很新鮮，每一口都是種享受，吃放題就是要這些。如果你在點菜紙看到海膽手卷，告訴我有什麼理由可以不叫呢？答案是除非你本身不吃生野，否則是必須點的。我個人覺得海膽手卷很棒，而且不是每間放題都會有這項選擇的，所以這間是值得推薦的。這些小食雖然只有一小碟，但它的風味已經十分超出我的預期，相當不錯。這個焗帆立貝很好吃，但不要吃太多，因為都挺膩的，少食多滋味嘛。壽司也是相當有特色，可以一試。羊扒以及其他炸物都做得相當出色。以放題的標準來說，這間可說是做得超過100分了，無論是刺身，或是熟食，都做得相當不錯。而且飲料，雪糕冰棒也是任飲任吃的。下次一定會再黎食過。

平時和大班同事吃午飯，七嘴八舌向左走向右走的話，我就會想起大滿喜，貪佢選擇夠多岩曬一眾三心二意的華麗上班族。我喜歡點和風三色，十多款菜式中揀其中三款，可選土匪雞翼、燒羊架、牛仔骨、牛肩肉、雞扒、吉烈豬扒、蝦天婦羅，天天換款，樣樣都岩口味，唔會怕悶，而且份量岩岩好，可以淺嘗每樣菜式，最岩我呢種熱愛美食又貪靚的O.L.想吃貴一點也有好選擇，「滿·刺身」有松葉蟹腳、三文魚、油甘魚、吞拿魚、帶子、甜蝦刺身，都只係$128。大滿喜一次過滿足曬唔同人的要求，絕對岩同一大班同事食飯，唔驚順得哥情失嫂意。

打工係一件好辛苦既事💰💰辛苦了一星期，終於可以同男朋友放假飲飲食食relax 下。睇完戲之後，我地揀左觀塘依間放題，上網睇食評唔錯，而且性價同質素都頗高，而且滿足了男友想打邊爐，我想食刺身壽司的願望。-食物種類好多選擇🌟火鍋方面🌟湯底有三款：養顏花膠雞鍋、牛肉壽喜鍋及川味烤魚鍋（辣）最後我地選擇左花膠雞。畢竟冬日乾燥，比較適合較潤軟滋陰的。湯底都清甜，而且大大片花膠好吸引。火鍋配料自助形式的。打邊爐有海鮮係加分的👍🏻 而且海鮮賣相味道夠鮮甜。連生蠔都有呢！味鮮蠔味濃！抵讚！-日式放題方面，食物都有一定質素1️⃣刺身賣相相當吸睛，每款刺身都整齊地排列著配合精美的器皿及乾冰效果，視覺及味覺都大滿足。 刺身款色選擇到多，例如三文魚、吞拿魚、鮮帶子、赤貝、甜蝦等等刺身真的百吃不厭🤤 賣相色澤鮮美赤貝又大片又爽甜！😍😍😍😍😍甜蝦肉身有光澤透亮味甜-2️⃣壽司🍣平時放題唔會吃太多壽司，因為驚太快飽肚唔回本😆😆😆不過有我最愛既岩鹽火炙左口魚邊、柚子胡椒油甘魚腩左口魚經火炙後，魚油香在口腔回盪著令人再三回味；油甘魚腩加了惹味的柚子胡椒，味道有種新鮮感。-3️⃣燒物♥️即叫即燒熱辣辣皮脆味香的土匪雞翼♥️有機蕃薯細細粒